KIMBAWI AW KIMBAWI!

Written by ~ Minncy Sektak

Ngeina da'n deuh in ka daily routine chih theih phial di khop in nitaklam ann nezou phet Kimbawi te innlam ka zuan ngal hi kou inn toh kimbawi te inn bel kinaih law lawm lawm lou ahih jiak in dakkal kim khat bang khe in ka pai keuh keuh jel hi,,,sawtlou nung in kimbawi te innkong ka tung khong khong a zun khong tha phot di ci in sawt lou ka tawlnga a hucia kimbawi te innkong ah ka omlai tak in innsung apan thawmging hang ging loi loi leh kapging kong zata hi.

Hiai thawmging kong zak chiang in lamdang kasa petmh a nidang a kimbawi te inn ah ka hoh chiang in hici bang thawm ging za ngei lou kahihman in bang buaina nei uh adia w chih thei nuam in kon guk ngaih ta hi,,nupi aww huham deuh khat in kimbawi tuban leengla khawm nn ken na lekha hoihtak in kisim hiithiat in kong cici hi lou mww tuban ka thu namang kei leh hiai inn akipan na pawtkhiak ding hiai innsung him+ ah na omthei non kei di ci in kimbawi thuhilh ek toh taii ek athuah hi.

Kimbawi bel khasia kisa in ah aww liing del del kawm in nu aww nu aww nang naneu lai a lawm ngaii lou na hiam kei ding in lawm hoih neih ichih hiai leitung adia ka goumanpha pe'n ahi ci in kimbawi hong kap khia keuh keuh hi,,ka iitpen ka ngaihpen hici bang a khasia akap ka muh chiang in kei adi'n kidek joh ahak tel mai theih louh kal in ka mit apan khitui dan vual louh in hong tak khe keuh keuh mai mah hi hiai ka khitui luang pen mawk mai a luang hi jaw lou in kimbawi ka iitluat jiak a ka iitna mittui hong pawt ahi jaw.

Hiai nitak in kimbawi te inn a hoh dia pawt himahleng ah inn uah hoh lou in ka thon kik hi inn tung phet ka lum ngal mai a denlam a ka thil tuah ka ngaihtuah nilouh a bang dang jiak hi jaw lou in zanlam zek a kimbawi in ka kiang ah hong thugen pe'n hijaw ding in ka um hi,,,Kimbawi toh ka kingaih na uh bel sawt nai lou kha guk 6 months lel khong pai pan hi I iit ingaih tak tak te kiang ah thuguk him him ki iim theilou ahi ngei dia kal paisa in kimbawi in ka kiang ah ah ainnsung uh haksa asak dan khong hong gen in kum 3 paisa ah anu'n ana omlouh san in tua anu anu thak kepna nuai ah hinkhua haksa pi pi a ana zang tou ahidan te hong hilh a apaa bel sepaih ahihman in ah inn sang un gamtuam ah aom khiak ni atam jaw.

Apa bel sepaih ahihman in ah inn sang un gamtuam ah aom khiak ni atam jaw hi.

Kimbawi anu thak in abawl dante ka ngaihtuah chiang in ka puana petmah a ka thuak jou kei,Kimbawi pii diing ka chih chiang in lah hithei chiah nailou kasa jel school kai lai kahihman in banah khaloh neilou leh sum muhna nei nai lou ka hihman in bang ci vaak diing ci in ka lunggel abuai mahmah hi ka lawm khen khat te kiang ah kimbawi pii ngam nailou ka hih thu ka gen chiang in lah hong thulim sim kei ua pii suk lel ve anntang nou khat behlap suk leu cin himai eivoi ci peuh in hon dawng uhi anntang nou khat behlap mai a hithei vual hilou ahi ,,Hun le nite hong bei jel in nitak khat khavak sing seng nuai ah ka iitpen kimbawi toh ka pawt khia ua singkung liim nuai khat ah sindang paaldang kuamah englou in nih gel naubang kipom in ka lunggel te uh kon suut khom uhi.

Kimbawi in U nang bang a ka iit ka ngaih omlou ahi nang toh om khawm gige ka teel hi a ni khat lel na mel ka muh louh chiang abang ka om nuam thei lou ahi Uu ka innsung uh haksa kasa lua ka pianna nuu tutan damlai hi leh jaw hici tel a genthei leh haksa thuak lou di hinga ka nuu thak in hong bol genthei lua ahi ,,,hun mualliamsa te sap kik theih hi leh jaw mww U ut hina maijen ing ae kei ding in hiai leitung ah ka hinman om non kei ka kinepna pen nang couh couh nahi chik chiang in kipak tak leh nuamtak in nupa hinkhua izang khawm thei diam mo???ci in kimbawi mit apan khitui hong luang khia hi nau bang jiak a kap mok nahia tawp in ei mihing te bel ni khat tei sii ding a pathian in hong na siam ahi hiai leitung ah haksa leh genthei thuak diing mah a hong siam pa'n hon na siam ahi nopsak iut vek ua ahihhang in haksa leh genthei ituah diing ihuphulh jel uhi nopsak iut leh ahaksa phut masak ngai ahi ni khat ni chiang in eile isi ding a lungkhamna leh dahnate om nonlouh na vangam ah kipak tak a liit ingaihte leh linnkuan sung mite toh omkhawm na di ihi lungkham ken ci in hehnep theih tawp in ka hehnem a ahihhang in aphatuam kei kimbawi hong khasia deuh deuh a hi ci lel a phatuam di kasak lai in kei apasal pen le kidek jou nn ta lou in aki khem thei jaw sam om lou in kap chih tak in ka kap uhi.

Aki khem thei jaw sam omlou in kap chih tak in ka kap ua hicia mok kap kap a phatuam lou di ahi ci in kei apasal jaw deuh pen kong kidek bol a kimbawi khem theih tawp in kong khem ta hi,,huciin innlam manoh in kong pai ua dak tam ana ging lua man ahih chiang in kimbawi in ah inn uah pai di pen a huphulh ta hi ainn uah pai leh anu thak in bang teng ana gen khum a bang ana loh peuhmah ding hiam chih theih ahaksa peuhmah ka inn uah tuzan giak sak di ci in pii mok leng lah nupa leng hinai lou pi a inn ah pii ding chih pen hi thei kasa kei jel alehlam ah kei ading a minsiatna hong tuntu ahih khak ding kalau hi,,nupa hinai lou lupna khat ah lupkhawm chih pen pathian deihlou dan ahih jomah a khelhna lianpen leng ahi ,,pathian deihlouh dan ahi chih thei na jen pi in alou thei lou dan angaii in hiai nitak kimbawii toh lupna khat ah ka lum khawm ua thilsia bel ka hih kei uh.

Ziing khua te hong vaak in nidang a kanu thoh maa a zing thou gige pa tuzing thou khia ngei mawng mawng lou ka hihman in ka nun lamdang bang honna sa a hong phong hial hi,, kin deuh mai in kei le ka thou khia pah a mai khng phiat in kaki hahsiang hi hucih laitak in ka nun bawii nidang inlah na lupna ah nang couh na lum gige a tuzing inlah minih na lum ua bang cidan ae ci in hon dong a kenle chiamnuih in nuu ka zii eivoi zannitak a kon pii eivoi ci a ka dawng leh ka nun cimok in ah naupang lai neive uai koppih neih hun nai lou ahi bawii ngak lah het ken koppih na neih hun uh hong om mah mah na di ahi lekha hoih tak tak in sim phot inla govt jobs kht hiam bek na neih chiang in na nei lua na di hong ci a ka nu'n bel chiamnuih a ka thil gen ana serious lak luaman hih tuak.

Nuu na thugen jaw adiklua ken leng koppih neih hun kasa nai kei ahihzong in nuu ka lawmnu kimbawii ka iit petmah a haksa leh genthei tak a ah om di ka ngai ngam kei zannitak in kimbawii toh ka pawt khia ua inn pai hak lua kha ka hihman un tuzan linn uah giak sak kha mah kahi nupa bel kahi nai kei uh ka ci in ka dawng a,,,Ka nun bawii ahihleh kimbawii nu le pan bang ngaih dan nei duh a banah innkiim innkiang te'n hiai thu thei le uh bang ngaih dan nei duh a hong ci a.

Ka nun ahihleh bawii kimbawi nu le pan bang ngaih dan nei duh a banah innkiiim innkiang ten thei le uh bang ngaihdan nei duh a hong cii a miteng thoh maa a kimbawi ah inn uah kha ding in hong ngen hi kenle ka nuu thu nial sese lou in thumang tak in kimbawi ah inn uah kava kha kik a kimbawi nun kam khat lel in leng hon na houpih kei a nuam ka sak chiah louh jiak in sawt omlou in ka paisan pah hi,,,Peihlou leh lin kom pipi in ka ngeina dan in school te kong kai tou nimnem nawn a exam na di bang hong nai hiai hiai ahihman in phone khoih lam kidek bol a laisim lam pang hah bawl phot angai ta,,kha khat sung ving veng phone himhim khoih khalou lh ka iitpen kimbawi toh leng kihou kha lou him him kahihman un ka ngaii petmah a tukhong in bang aci om dia o bang khong ahih peuhmah dia w ci in ka lungsim ah ka ngaihtuah nilouh hi.

Hucia kimbawi ngaihtuah a ka hunte ka zat bei nilouh laitak in nikhat ka phone call hong pai a ka et leh number ka theih ngei louh khat ana hi a kin deuh mai in kenle ka pickup a helo kaci pah hi kimbawi lawmpa na hi mww?? tunin kimbawii gari ah accident aserious sim jiak in hospital ah ka kipua uh na man liai leh hong delh mai in kei kahih leh kimbawi nii(Aunty) kahi kimbawi in ka lawm iit mahmah hong sapsak mai un ci in namin hong gen a huai jiak a hong sam kahi nang hong pai le cin kimbawi le hong halh deuh di in ka lamen chih teng hong gen in hong koih khum hi,,,hiai thu ka zak chiang in ka manglam abang hial hi ka lungtang bang asou vutvut a puaktam leh kilawm khop phial in ka lutang teng sat in hong sa mai hi.

Kindeuh mai in hospital lam ka delh ngal a ka gintak sang in kimbawi te omna room bang ka mu baih thep thup hi,,room sung a ka lutpah ngal a lupna tung ah kimbawi khua phok lou a lum dildel ka muh chiang in naa kasa petmah alupna gei ah tu in akhut te kalen a kimbawi aww kimbawi bang ana tuak na maizen a kimbawi kimbawi ci in ka aww neih teng teng in kasam a ahihhang in hong dawng himhim kei thuakhak hina maizen ae mww kei hong tungta keive kim hong thou ta ve nidang inlah U hong ngaii lua kei ve non ci tautau gige a tun lah kam khat lel in leng non na houpih nawn kei a,,khenlou ding a iki chiam na te manghilh ta na hiam kam khat bek in non iitna simthu te hong genlai ve mww kamkhat lel leng genlou a hicia non paisan mai di jaw kei adin thuak ahaksa tel mai hiai leitung ah don bang ituah louh zong thangvan pialgal gam nuam ah dawn bang kituak ni mww ci in ka kah khum ngoih ngoih hi,,ka iitpen kimbawi in hiai leitung haksat na mangbat na te nusia in haksat nate lungkham nate om nonlouh na vangam ah hong na paisanta kimbawi in hon na omlouh san ni apat in ka thawmhau thei petmah a ka hunlui te khong ngaihtuah in kimbawii toh ki iittak leh kipaktak a hinkhua kazat khawm lai nite khong uh ngaih tuah in hiai nite khong sapkik theih lai hileh ut hina maizen ing ae ahinlah sapkik theih vual ahi nawn kei.

©Siamsinna leh Vakiangbu