MEMORIAL GIFT HIAM AW

Written by-Rinso suan sektak

a neulai in high skul ka kai a.Tun ka kum a tam dung jui in leh kha siam lua hi kei mah leng pawl bang ki suan suan thei sam a hi dia college kai thei din mun in ka ding ta hi.College kai thei chiang chu college ah leng hong ki piching kol ta hi ven.Lungsim pichin na khat jaw ki nei ta sam mah.Himahleh a kua a kua in Educational life ah ka college kai lai mah nuam pen ci lou in ka high skul kai lai mah nuam pen ki ci thou2 hi.Ken le ka hih skul kai lai mah nuam sa pen hi in ka ki thei.A hih hang ka lung sim a mang thei non lo ka high skul kai lai a pan ka tuah touh,tuni tan kei a ding a haksatna hon guan tu.Kei tuah dia le ka ki lam et ngei louh,Himahleh ei tung a thunei sianmang lem gel a hi ngei ding a....

K

khat(august kha vel) skul kai top inn lam zuan pah ding ci a ka pai dek leh,Ka gate kong uah ka veng te uh a naute pi dia hong kuan in hong in kon pua suk di hon ci hi.ka skul ua pan ka inn uh gam la hun tawk thou ahih man in ken le ka kin sim toh ki pah huai na e leh cih toh a activa uah ka bom tou ngal hi.ka bom joh in a man le a gari start in hon tai suk pih pah vang vang hi.Kei leng ka kin sim ngei a a guk in bel ka ki pak mah2 hi.Bang tan hiam ka tai nung un a mah(gari hektu) hong pau in,Nou unau bang jah pha e?Nang a bang jah na la hon ci hi.ken leng kou unau 5 ka hi ua kei a neu pen tung a ka hi ka ci hi.Aman leng kou naute le pawl vii(7) sim om vei tuni a dam kei a hong kai thei kei a hon ci hi.A jom ah nang la pawl bang jah sim ta a? ci in hong dong jom non ngl hi.Ken le pawl x(10) jo ka hi ta sam a ka.Nou nau pawl Vii sim pn la a min bang e ci in ka kan jom ngal hi.Aman le muani ahi hon ci a,ken le eh...muani maw?muani nou nau maw ka ci ngal hi.A man le ki thei kha u maw? ka tanu upa pen ahi hon ci hi.Ken le nui kom in ken cu thei aman hon thei diam ah ka ci hi.ka ki hou na uh lim sim ahi ngei dia kei pet na di, ka inn lampi uh bang tung suk baih ka ki sa hial hi.Amah leng hong khol in kei le ka kum toh ki pah huai lua,pai suk uah leh,neklim aw ciin ka ki khen ta uhi.Hiai ni a pan a ka theih khiat khat tuh nidang a ka veng ua naupang sunday skul ka kai chiang ua ka lomte uh toh ka na et gau2 sek uh nungk nou melhoih mah mah Muani nu a hih lam ka thei khia hi.Inn ka tun tak in bang ka ki moh sa sim thak jo jen a jiak tuh ken a ma min thei lou ka hih ciang a.Kan kha lo ka hih manin ka kho nung pil pan chu ka hi maw ka ki chi phet hi.Aman le ka min thei a mah de aw bang ci in kei leh kei bang ka ki leh dot nilouh hi.

N

iZinkhua hong vak,Ni hong suak in tum jel bang lel a mihing hinkhua tom a hi.Tua toh ki ton a theih louh kal a hun a na pai liam jung a hi ngei dia nikhat skul kai ka top non uh.ka gate kong uah,tu ma a hon pua pen ka veng te pen uh a om na sek ka et leh muani ka mu pet mah hi.Ken le ka en thak2 a,Zon nei hileh kilom bang a dak vel2 ka muh tak in ka va naih a muani nang kua ngak la?pai ut nai lou ma? ka cih leh a man le ka nu ngak ka hi a ci hi.Ken leng na nu hong pi man lou dek a diam maw?Tu tan a hong tung lou chu...ahih keh a na pai khin khong hinte tuni nidang sah ki top hak jaw ahi chapel klas neih jiak a,hong pai ve awl in khe in ki ton suk le hi lou maw ka ci hi.Aman leng ana khol aw ka nau hong pot nai lo huai hon ngak pih in aw leh hon ci hi.ken leng hi tham e ka ci hi.Huciin a nau pricila hong pot tak in kou le ka thum un ka ki ton suk dalh2 uhi.Gil bang kial sim ta hi mah leh huai hun in jaw gil kial leng ki phok man non vet lou hi.Lampi ah ka pai lai un ken leng muani kiah jan lam a na nun hon pua suk incin ki hou2 na ung ua le a min kan kha het lo ing a,thei ut thak sim ka hi,bang ci sap di a?ci a ka dot leh....Nui kom in a sim mai2 bang hon ci nenalh hi.Ken le a cih leh thei ut ta tak ka hi ka ci non a.Huai tak in ka nu min maw nuniang a hi hon ci hi.ken leng a nalh tel hi leh le nang a nalh jaw ka ci chit chiat hi.Huai ka cih tak in muani inle hon en in nui sesa jo jen hi.A nuih chiang a bang a mel hoih zia ki lang sal diak hi leh ki lom a bang hi.A biang lang nih a biang sum om mah2 in a mel su etlawm hi leh ki lom hong nuih ciang in ki thei hi.Kou le ka ki hou suk jel ua muani inle ei veng a mi thak ki hi a lom di le ki nei lo nuam ka sak louh dan, mi lak a ki hel di le huai jiak a nuam kisa lou hi e hon ci hi.Ken leng huai khem2 khong...sunday non ciah kon ton na di aw sunday skul kai din ka ci pah hi.Aman eng awle hon ci pah hi.Hucia ka ki hou lim lai un a nau pricila hong pau in "hiai tegel ki ngai sim uh hi lai eivoi hon ci hi".Ka ki en tuah ua ka nui vak2 uhi.hucia ka pai lai un muani in a na khol jual ua ci in dawr ah va lut jat h.Kou leng kana ngak ua hong pot tak in nek theih sang(bread) hon toi hi.ki suan lah huai sim bang ka sa a hi mah leh en a lei na di ki nei tuan a ki hih man in nuam sa mang het lou in jaw ka ne luai2 aka.Pai pan bang kisak in om mah leh ka pet na di ka tung suk dek mok uhi.Ni dang sang a lam pai met jo mah bang hial in tung suk baih ki sa sim mah leng minute 30 bang a kai zaw ka hih lam uh ka sana ka et lh a na chiang mah2 hi.Ken leng ka pet na di ka tun tak in ann nek lim ci kom in ka pet san ta hi.

Sunday ni hong tu in ken leng ka ki houna bang un ka lompa jon in muani tuh sunday skul kai din kava ton ta uhi.Aman leng ka lut tak un ann kuang a na hem lai ahih man in, a nu kiah nu ka lomten hong ton ta uh eive kai sim ta ka hi. ka kuang sil khit louh te ana sil mai in aw ciin hong ding khia a,ulian a na tu un aw kong ki sa di ci in kin deuh in bang khang lam zuan ta hi.Anun len aw va ki sa in ci hi.kou leng kana ngak char2 ua,sot na vial e ci a kana ki et tuah gau2 u leh hong pot chet jaw mah hi.A dik tak a gen a numei ki sak sung tom khol lou ahih cia maw le....he3.Ki sa jou ta di ka sak ua leh ka sam kon hiat lai di aw hon ci jaw mah hi.Anu le a bang khanglam ua inkaa a tu hong lut in,na pau het kei ua kua te na hi duh aw i cih sim leh,lian nou nou lah na na hi ua.Bang non meh ua le?hon ci hi.ken leng bang pi le meh tuan khol khang ae dol hou pok khong hi ei ka ci hi.Aman bang ken jo huai khong mah le lim sa jaw hi veng aw sa sang mah a le, i neu a pan i khan khiat na dol hou pok,ankam pok,sihjou pok cih khong hon ci jo mah hi.Huci in hun bang tan hiam ka ngak nung un muani leng hong kisa jou in ka kuan khe ta uhi.Ulian kua e na lompa ci in muani in hon kan a.ken leng biakmuan(umuan) ci in sam le teh ka ci hi.Lompan le hong chiam nui ngal in hucia non sap ngam kei leh alistawkap hon ci le teh le poi lou hon ci ta get hi.Muani inle sam ngam thou e non non vuak kei di nak leh ci in hong ki kap tuah zauh uhi.Kou le ka nui ra raih ua kho-ul bang hong pot hial hi.

di.Ngai tawk leng le exam su buai thei thil,kum khat na sep na lah hi ngal eih cia ci in pan ka lak som ta hi.Himahleh a ma a lom te apan ki houlimna thu kho tang ka jak jel na ah i ngaih te i gen pah louh chiang a ki tang kha lou nuam mah2 a cih bang uh bilkha ah hong lang hi.A bang a bang hi leh hun dang ah ci in ka thupuk ta hi.A tawp incu exam te pan in a top ni hon tung ta.Muani te lah exam jou leu uh suti di uh.Kou cu kai jom ngal di ka hih man un ka eng mah2 mai hi.Hucia exam su buai sak lou di ci a pang2 ka ki sak lai in class x board na exam theih na dia sum na sun ngai di.Selection test a fail na hi hon uhi.Exam su buai sak lo di ci a pang pa tuh sum sung ngai,Exam dah mai di cih dan lah hi thei lou,sum nget di lit huai bang ka sa pet mah hi.A lampi om sun tuh lit huai leh le sung te kianga nget mai ngai ta hi. Tui luang te le khol lo,bang a sanapi(clock) leng a na khol ngei sam lou a hi ding a christmass hun te hong nai ta ahih man in kou leng skul kai di tha it huai hinapi in hon khol pih khong ta uhi.Nitaak khat mi christmass la khah veng vung uh himahleh kei tuh ka inn kong uah khapi en in ka tu ni louh hi.ka lungsim ah hiai la"kumsot a dia ci bang kong tel ngaih nou aw,na vang mu bang ken kong ngaih luat man in,na siang laitual va bang in kong leng a,lung sit lou tongdam naubang na sang aw...itna lou masuan ding dang ka nei lou nau bang hon sang in maw ngaih,nang lou in guabang hing jou kei ning nun nuam ngaih nang toh hei khom din".. bang ka sa hiau2 jo jen hi. kua mah theih louh kal a lung leng mah2.Sung ten hon mu leu le hon jah pih mah2 dun ka gingta hi.Ken leng ka ki ngaih tuah a, a bang teng hi leh a mau jou phot hi ve un ka gen theih na di hun lem chang om ciah ka gen mai di ci in huai jan in thupukna ka la ta hi.Tua a man lah thei lou,A sia a pha di le thei lo a ka hi cih mok,a sia lam a hih leh lah thuak di a pha a hih leh lah kipah na di ci in ka ki sa ta hi.Zing khua te hong vak non in ni sa suak tung te bang en in ka ki pahna nisuak a hi diam ka dahna nisuak ci in dotna bang kei leh kei ka ki bol ta mai jen hi.An ne jou lompa biakmuan kiang pha din ka pot ta hi.Mi dang kiang ah gen khe ngam kei mah leng ka lompa kiang a ka gen na jo sot pi hi ta hi ven.Ken le a man hon pan pih theih na dan lampi om leh ki kup di ci in ka va naih ta hi.Biakmuan toh kon ki mu

Hunte bang tan a pai kin hiam cih le phok lo a hun ka zat lai in ana pai hat mah2 a hi ngei dia kum top exam bang hun thei non di hita leh kha sim hah pan hun di lai tak a hong suak hi.Hi mah leh ken bel ka leh kha sim ka ki sak chiang a leng ka book a amel lim2 di bang hong ki lang hial hi leh ki lom khat hong suak gige omta hi.ka ngaih sut na ah ka kam in a gen khiat louh hang ka lung tang tawng a na luah dim jou h ta nei ve maw muani....ka ci ngut2 ta mai mah h.Lom bang a ki thuah2 ka ki sak lai in ka lungtang ah itna gui a na jam lua ta.Paan bang ana kai hial ta a bang hi.Lah ka gen khe ngam kei a.Lim lang ah ka ki en a ka gen di dan khong chiing kom in kei mah chauh2 in leng ka nui2 mok hi.Ka ngaih sut ciah lah kumtop exam hun di hita,kei lah nungk ngai a buai.Amah (muani) bel thu tuam hi ta leh kei diak2 kum non a board exam ding ka hi ta jo mah hi.Ani ani in ka ngaih na pung hul2 hin ka thei hi.Hiai hun ciah cu la ka ngaih te bang a ka sut a kei dia ka ki piak la bang tam tak a om hi.Zawl la kici ana om na mah a hi ci khong jiak mah a ana phuak dan uh a hih lam ka phawk suah sem2 hi.Paunou in ana sak "vangngaih nou toh khol khom lou a,Simlei gua bang hin ding jaw lai ana ken hong sial den mai veng.Hi bang lia a juan na ding bang ding a mel kong muh se hiam?Tongdam kisang lou ngaih nou na lua e nalua e" hiai la khong bang piak in ka ki piak bol ta mai mah hi.Kum khat bang hong cing thei di ahih tak man in ken le exam tuh haksa sim leh le ka exam ma uh tuh ka pan
gh tak un biakmuan inle na zizi in newbazar ah dawr ngak eive. kou jan a ki mu ung ua hon na houpih hi ei hon na ci pah som2 hi.Ken le nuih mai tak a a thu thei ut lou mah bang jo jen in bang mah ka gen kei de da jo jen hi.A thei ut lou bel ka hi kei himahleh a nu om jiak in ka kum ngam kei hi.A nun(biakmuan nu) bang nou tegel le nungak khong ngai pan2 ta na duh e hon ci jo mah hi.Nuih mai louh tuh gen di om lou hi mai hiai hun ciah a chu.Biakmuan inle gen nop sim nei a hi ngei dia lian hong pai dih thil khat kon lak ci in a room lam ah hon sam lut hi.kei leng va pai ngal in bang a hiam ci in ka dong ngal hi. Aman le ka bilbuk ah muani maw i klas te uh malsawm inle try eive a ki ngai di uam ah cu thei lou hon ci hi.Hiai ka jak in tuh ka lung tang tawng hon deng ta hi.ka gen pah louh jiak a ka tan di lai tang lou ka ta diam ci in ka ki ngaih tuah pah h.Biakmuan inle hon en kom in,eh lian huci lungjin pah kei ni a lampi di om mah2 in teh hon ci hi. Cileh common room a anu siam gan in noute gel inle bg ki guk kup di nei uh oi kei le hong hilh duh ua hon ci jo mah lai..ka nui tuk2 ni louh uhi. Huci in kong ah nilum nuai a tu din lompa toh ka pot ua huai ah,Bazar lam a muani dawr ngak na va phak di kon som ta uhi.ka ki zui dok ua van lei di nei le hi lou pi in bazar phak kon som ta uhi.Christmass te nai ta cih et sakna chu ahi ngei mai a mi a na tam mah2 mai hi.Kou leng mi kom ah va ki hen in ka va pai tei sam ua,lompan hiai jon hi veh aw ci ni louh in amun hon haih pih jaw mah in hon pai kualh pih ni louh na lai ven aw.A tawp in ah ka va mu khong ua a dawr ngak na sung uah ka va lut ua,muani le nui sel sal in bang jong uh e?....Bang lei som ula nou hon na ci hi.LOmpan chiamnuih thutak a dong pah in nang hong lei som bang jah na man dia?ci jo mah hi.Ken leng jum sel na cih di hia paulap dan in khekol khong hong en dia hong pot jaw hing ua ka ci nam2 hi.Ken leng huai ci kom in a jean khekol juak te uh ka vel kom hi.A dik tak a bel a mah vel ut jaw hi veng maw....Ama thu thei chian ut.A van te uh ka vel2 lai in lompan lian pai ou oldbazar lam va en suk lai ni na deih na muh keh hon ci jomah hi. ken leng ka zui ngal a ka pot dk u leh muani in hon sam in ka ki nung hei leh, ulian hiai ka inn uah hon na koih sak ve ua tunitak lam ka meh di uh hincin ci in siingjual toh allu hon khai phei hi.ka nun lah hong la man lou din cin mi dang lah a khak di mu lou ing a hon ci jom a.ken le nang thu cu i nial ngam di hia ci a chiamnuih kom in ka sang ta hi.Keu kou eive noute gel mi engbol hat hon ci jo mh hi.Nong pai kha ua ki zen lua ka ki pak lua aw hon na piak sak mai un aw hon cih leh lompan kou ki pak jaw mai thei chi beh lap sese jo mah.A man le nui kom in pai nuam ua leh hon ci in kou le ka pai ta uhi.Lampi ah ka ki hou suk tat2 ua cih leh lompan thil teng kei van et kar a ana gen jaw hi di.Phone no. khat gelh dih hon ci guih mok hi.ken leng ka phone ka lakhia a ka gelh ngal hi.Hiai kua a la ka cih leh "ka zii" ci khong a save mai di na diam maw hon ci hei hai mai mah hi.ken le eh, ka cih pat leh eh cih gen le gen sak ngai lai d maw? zi nei le cin le hilh na ngai di e ci in hon chiam nuih non jel get hi. ken leng kei leh kei cu ka ki gen mai ta ke maw leh ka hih theih khom2 a gen di hi lou di hia leh ci in ka nui heuhau ta hi.muani in phone a toi lam ka thei kha kei ngei e ka cih leh lompan exam joh a pan toi ahi hon ci hi.Na na thei sau tel ka cih leh ek teh jen a na ngaih hi sam ven i hon buai pih sak ngai eivoi hon cih khum jo mah hi.Gen di cu vang ei....ha3 cih mai ngai...

mpa a na hi a,morning thou ta maw?bang na ci ta ua cia hon kan na message ana hi a,reply di dan le ka thei jou kei a haksa kasa mah2 mai hi.ken leng bang ci cih le om tuan kei,ka cih leh ka lompan hon thei siam lua a hi ngei dia lungkham ken aw kei hon muang le teh hon ci hi.ken leng awle ka ci hi.Mi lah christmass lawm din lungsim ki pak tak in ki sa khol mah le uh kei bel ka lung sim guk a ki pah haksa ka sa thei mah2 mai hi.December 21 te a hong tung ta a tuailai winter meet khoh ka va ki hel sam hi.Mun dang ah khan leh vual ka kholh chiang in bel a phok lou dan in ka om thei,himahleh kei chauh ka om chiang in ah ka lung ngaih na ka ngaih luat jiak a hi ngei dia hong lang jel hi.Christmass nipi ni te hong tung a ki pak tak a zai la awi a pathian phat tum hi na pi ka lung sim lehlam lehlam ah a koi ta hi.Ka mai tai jou non kei a,ka lompan le lamdang bang hon sa hial a hih dan hon gen hi.Christmass Nipi ni nitak lam ann nek khom na di mun lam zuan a ka lompa toh ka pai lai un.Ka nung lam uah aw ngat cik khat a hong ki sam ging ka za vuat hi.Ken leng ka et leh muani a na hi a,a man leng ka et toh ki ton in hon na ngak uau,ci in hong ki kou phei hi.A sak mel te a et lawm a a sam huih in mut leng sel2 kom in hong tai phei chen2 hi.Kei lah a sakmel muh di ut lua hi na jen pi ka muh ciang in haksatna in hon pum tuam ta hi.Muani le nak hehu kom in ka gim lua ci in hong tai tung phei ta hi.Lompan le non hah tai lua a eivoi a na ci pah hi.Kei bel gen jok di pen le thei lou in ka na pau kei hi. Lompan le muani nang bongsa ne lou hi lou maw a tui na hop ngai lou di a cih leh..Khat le lungsim kin gang lou tuan lou,ne lou kei mah voi,bongsa nelou te buhbel(cooker) toi sak lou di a ci uh non toi khel ngai di cih toh ..hii cin piak a thuah leh.Khat inle huci tel ahih leh cia a toi sak ta hi.Ei lah ui muk hen bang a anana ki dai dide mai.Gen di le thei tuan lou a ka om leh hon en guih incin,aw ulian nang bang cila na mai le amual tel na pau kei na e ka cih sim mah,bang ci la hon ci hi.Ken le bang le ci tuan lou e ka damkei sim a hi,ka ci leh bang na e hon ci hi.Kei pau non ma a ka lompa hong pau in zawlngaih sung lut a diam maw muani...hon ci mok hi.Huai hon cih leh muani le hong pau non het lou in pau lou in ka tung phei ta uhi. Lengkhom te lah lim mah2 lai uh a hih ciang a kou le mi omna gei lak mun khat a ka va tu uhi.Ki hou lou a bang tan hiam ka tut nung un ka lompan muani kiah,muani tulai huih nun dan ki dang lam hi veh aw maw?hon cih leh bang ei ta ci in hon leh dot hi.Aman le ka zak hiau khat om hi veh aw a cih leh,"A ging peuh sazu/zusa hi lou pi" maw ulian? ci in kei hon leh dot ta hi.Ken le en i thei di muani"En niik i teen louh pi"ka cih leh lompan "Meima lou ah thou tu lou"ci uh ahi muani hon ci beh lap hi.Muani inle khem2 ci in ulian tulai non text non kei a na ki sa thei gop hon ci hi.Ken le chiam nuih dawn sim lah thutak sim in a heh thei om kha leh i ci a eivoi ka ci num2 leh.Na gin tak a bang khol diam maw hon

Nitak khua te hong mial in ann nek hun joh lak vel in ken le ka nungk guk ngaih mah2 muani chu "ann ne ta maw muani?" ci in ka text ta hi.Hiai hun lai a bel Aicel simcard ki toi tangpi deuh hi,bang dang jiak hi lou in sms rs.33 a unlimited a hih jiak ahi.sms chiil ngai lou ahih man in ci in lompa leng ka text ta hi.ken leng kua man hon reply lou ahih dan ka gen ta hi.Biakmuan inleng na ki gen ngal keh hon thuk lou di ahi.Non ki gen ngal kei ua leh number theih lou text ut lou ka hi Mi khem ki thang thei lua incin hon ci ahi ci in hon gen hi.Huai tak in ken le khat ka gelh thak non a...siingjual meh a lim hia? ka cih leh ka khak joh nung sot lou ah lim lua hi mai ki pak lua aw non na koih sak ua hon ci in a zom ah nang umuan maw/ulian ci in hon dong hi.ken leng non thuk a ka ki pak lua ci kom in aulian ka hih dan ka gen beh lap hi.A man leng ulian nang lai sim lou maw board exam di khong hon ci hi.ken leng pha je sa in a hi mah hi ven nuih jat huai sim bang leh le ci in ken lai ka sim dek chiang a mikhat lim/mel ka book ah hong ki lang incin lung lut jou lou ka hi ka ci hi.Aman leng he3 kua aitam aw le? hon ci hi.ken le nang ci in ka thuk kik pah tet2 hi.Mi tate jaw kam siam mah uh ei ci in hon thuk ta jen houh hi.ken leng muani iam serious ci teng ka khak kik hi.A man leng nak nuai kamsiam in ut peuh gen thei ei mh ve maw? hon ci kik hi.ka bei a dong sim pah mai a bang jiak a hon ging ta lou a de aw ka ci pah jo jen hi.ken leng muani ka tak2 eive...sot pek a pan ka gen tup hi mah leh ka gen ngam louh exam na a kon suk buai di ka lauh jiak eive ka ci non hi.Aman len ka gin tak louh lampang mah a hon dawng non in"ulian nang bang jiak a hiai a ki subuai di maw?nang kum non a board exam di hi jo mah cin a.ken ngaih jawng nei kei ve"...hiai ka muh tak in cuh ka lung a liap tuan huai a.Ka message a thuk na di le ka thei jou non kei a.Exam di jaw hi mah ing e,ci teng in ka thuk kik hi.Leh kha sim phot jaw in den ciah na fail kha di.Kum khat nasep gah pammaih lua di eive denciah hon ci kik non hi.Himah e.muani kana ihmu phot di aw mangpha ci in ka ki hem khe ta hi.kei lah ih mut malak salak ah.message gelh2 ka ki sak leh ka biang ah mitui bang hong luang suk maimah jaw.Ki dek haksa ngei mai.poi cih louh ngal gen di dang ka thei non kei a ka lupna tung ah jankhua in ka ki ngaih tuah nilouh ta hi.Ka lomte gen tang tung hi ta hiam.Ka gen hak lua a eive maw ci in ka ki mohsa a lah a ki khel ta.ka nunlui noplai ni ka sut a lah luankhin hon tuum ka mailam lam di ka sut a lah hi ci bang a exam ka piak di bang gelh ding ka hiam aw?Hin khua cu a gentheih huai ngei mai maw sian siam louh hi ta hiam?sian aw na lem gel dan a mak ngei theih siam hak lua sang ci in zankhua zong maimit sing lou in lungzuan zatam sial in ka om hi.Tai khua hong val leh jawng ka ngaih mah2 muani mel cik leh ka mu ngam non diam?Na sakmel et lom ka muh non di jawng ka khitui luan nang lel hi ta ding maw muani...?ci in tai khua val dong ka hunte ka zang ta hi. Zing ninou te hong suak non ta,zu leh va te zong in kho vak nuam sak in haam pan ta uh hi.vasa ten lah khoval mel ki pah pih in lasa uh kei lah khattang lung juang ki sa in ka dahna luankhi toh zing sang ka hong thoh chiang ka tun leh zua lai zom ten ka sak mel hon muh di uh jong zeh in zum veng aw.ka ngaihnou muani aw nang vang a ka gentheih na ci kom a Ka gate lam uh ka et leh newspaper ka mu hi.ken le ka va et leh class x board exam na di routine a na ki paste deng dong jo mah hi.Ka et kom2 in ka phone ah message khat hong ging keuh a ka et leh ka l
o ci hi...hucia ka ki houlim lai un ann nek di hon som ta uh a hih man un ka lompan tampi hop dup2 in aw muan ci in ka ki khen ta uhi. Ann ne jou khua hong mial non in nitak ki khom din ka lompa ka ton non hi.Ka gintak leh ka lamet bang lou tak in muani inle ka lompa ana ton in ka lompa te inn ah ana om hi.Lamdang bang kasa a ka muh tak a bang hak lian kuau hi leng ki lom a bang hial hi.Muani inle kei hou ma a hon hou pah in ulian nong smart ngei kon star top hon na ci hi.kei le ka jum toh ka mai bang san hial hi leh ki lom,itna simthu sutkhom thei hi kei mah le ung kua man huai hon ci kha nai lou a hih ciang a ka ki pahna bang in hong pang mok hi.Ken le muani ken nang kon moon ka ci hi.Ka lungsim guk ah bang muani itna simthu khau bang sut khom thei hi leng jaw bang jah ta in a nuam diam maw?Bang jah ta in ka ki pak diam maw?Nang lah kei a dia ka ki nepna pen hi mah le cin sing dang ang ah san mun muang ta na hi a maw?ka ci ni louh hi.Huci kom kar ah ka lom pa le hong kisa jou in ka ki jui pot ta uhi.Biakna ki khop top in leng khom di umaw nou? ci in muani in hon kan hi.ken leng hi kaa cih leh hong ton ve ua kei le ka ut hon ci ngal hi. Awle ci in dak 9 lak khong ah aw ci in ka ki khen non ta uhi. Nitak lenkhopna jou in ka pai nung a ka phone inn a ka charge ka switch on leh message thum hon lut zom om ngal hi.Ken le kua a de aw ci a ka et leh.Ka ki nepna leh ka ki lamet gige hi na pi a ka tan joh louh ka nungak vei mah2 muani a na hi hi.Bang thu bang message a ta diam maw?bang hon genna message a diam maw? ci kom2 a ka et leh"message 1.ulian ki khom di na kuan ciang in hon ton in aw. 2.Ulian ng kei hon thuk ut non lou maw? 3.ulian nang bang cila na omdan,hoih tak in hon gen dih a sia a pha a hih jong in ki kum khom ni,kon panpih theihna om am. Ken leng hiai message ka muh tak in ka phone inn a nusia leh message tua mupan ka hih dan te ka hilh hi.Ban ah ka gen tak sa mah bang a kei nang ngai a nuihmai pu jou lou leh nang jiak a genthei haksa thuak ka hi.Nang midang ang a na tang ta hi mah le cin ken nang i ki theih tung a pan a hon na ngai ka hi.Ahi in lah ken nang kiah kon gen khiak pah ngam louh vang in kon tang jou non kei.kei mohna mah ahi.kei zahkai na kei thuak di mah ahi.Hi mah leh ken nang kon itna in zung thukpi a na kaita a hih man a hon ngilh thei ding vual hi lou ka hi.Nang le kei ah ki su lung buai lou in na belh na ah nong kip d aw, ciin ka gen beh lap lai hi.Hiai message khak khin lum dia kisa ka lupna tung ah message hon reply na hi ngei din ka koih a,ka phone beep sound hong ging in hong ki vibrate det2 hi.Ken leng tua message pen et di chuh ki tha lop luat inle ka koih non kei hi.Hi mah leh kei lam et leh kei ki nepna bang lou tak in cih di hi.Ka hinkhua a lamet na leh ki nepna bang mah leng nei non lou,ka mang lam inle man non kei ning,ka hinkhua a tuak non din le ka ki koih louh hina pi."ulian umuan in bang mah hon gen lou hia ki message kha lou u maw?Umuan in thil omdan hn gen lou aa maw a mah toh ki khop top a a inn lam uh tawn ing a ka gen hia.ken jaw sing dang ang a na tang ta mah ing,hi mah leh ken leng nang ngaih tuk a ka na ngaih.ka hei suk ka hei touh na a hon ki thuah pih tu.Lom ngai leh kholpih ding nei lou a ka om lai a hon huai den kiang a ka lungtang teng2 ka piakna sot pek ahita.Ama ang tang ta hi a ki ngaih tuah khin ka hi ta.Ama asa dan a ki koih khin ta ka hi.Huai ziak a ngaih jawng nei khin ci mah ka hi.Ken le a mah ngai lua kei ve,Amah tu maw {NANG} nei voi.Ulian hon ngai dam in o.ken le sot pi a nang hon na ngai ta hi mah leng nang board exam di hi cin a na lai sim na a na bah loh khak di lau ing a hon gen ngam lou ka hi.Kei nang a sa dan a ana ki koih den ka hi.Tua pat in na lung sim khek in la ka mai ah na nuih mai te hon suah thak non in aw pliz..." Aw ho...hiai message kon mu bang jaw vanlaijawl a leng diai2 bang jo jen hin ka ki thei.ka lungsim teng ki pahna in a dimta.Bang mah le gen di jok pen thei lou in message bang ka reply kha jok non kei hi.Kei chauh in bang ka nui threm thram ta mok hi.Zing khua hong vak di kar ka ngak lah ta a ka ngainou sakmel muh di jong ka ki tha lop mah2 ta hi.Lompa kiang ah message hon reply na ka thon(forward) masa jojen hi.ki pah luat jiak chu a hi ngei mai a a hon thon tu ka ngaih nou thuk na di message gelh di thei jok lou a ka buai lai in ka lompa message hong lut man non hi.Lompan hon reply na ah ken Ki khop top a hon gen incin huai a thei.bang tan hiam khong hong om nenauh lai le teh ci a kon hilh ut louh hia.lenkhopna a bang le la le sa gina peih lou a om nenauh lai cin a m?ha3....hiai ka muh non a cu ka heh tha lah suak lah ka ki pah na in hon jou jaw ahi ding ka nui leh lam ta hi.Ken leng muani message thuk non in..muani ka ki pak lua kei ki lamet louh bang tak in dawn na ka mu a.Pathian in jaw a hun thei hi maw en i ngak lah lua kha pah2 a ka ci hi.Huci in kou leng zan sot ta ahih man in ah mangpha ki khak in ka message uh ka khol san ta uhi.Ken bel hon don na pen en thak2 in ah ka mit bang ka nuai jojen a,ka mang lam di bang sa hial in ka ki pahna gen vual louh in zankhua te nuihmai tak in ka ih mut san thei ta hi.

ang in skul room sung bang ah lungzuan vung2 ni bang tam thei mah2 hi.Kumlui kha a lengkhom a ka zan hah laini te bang uh ka mitkha ah hong lang in ka ngaikik thei mah2 hi.Skul i kai kik non chiang a bel ki muh tuah hong haksa ta ahih man in muhlouh a tong ki sanna(mobile phone) kia ki hou khak na a hong bang ta hi.Nitak tung ciah bang tan hiam khong ka ki text khit nung chiang un laisim louh a pass cih omlou a hih man in ciin kon sim phot di aw ka ci a, ka laisim ka pan jel hi.Aman leng ka lai sim na ah hon backup mah2 hin ka thei hi.Lai hoih tak in non sim dia lohching tak a mel ki muh tuah thei jel din aw cidan khawng hon ci jel hi.Ka lungsim ah ni dang a muani ka gukngaih lai a lehkha a a lim2 mu bang a ka omlai ni te bang phok dun2 sek hi.Himahleh tua kei a hi ta hi ven ka laisim na a tha a hon guan tu hong hita ding ahi maw ci kom in ka laisim sung sot lua sim jou kei mah leng lunglut tak in ka sim jel hi.A chang in nitak tung dak 8 tan khong ka va pot jel a huai khit chiang in laisim ka ki pan2 jel hi.Hucia hunte ka zat touh2 lai un exam te hong hun in ka kum khat nasep et khiat na nei ding in ka kisa ta hi.Ka gintak sang in hih hoih tuh ka hi dia 1st in ka hon zou khia hi.Kei ki pah kia gen louh ka inkuan pih te ka lomte leh ka ngaih nou muani mah2 in leng hon ki pah pih mah2 a hih dan hon gen hi.Pawl x zou ta na hih ngal ua leh na lompa toh na pass uh kon lopsak na hi din,Ka inn uah khat vei ann nong ne di aw ci a hon cibai kom in muani nun nikhat lampi ah ka ki muh na uah hon chial hi.Ken leng aw sunday lam khoh aw ka ci ta hi.A ni ding a ka gen uh tung ta ahih man in ann ne ding in ka va kuan ua ann kon neta uh chu.Nungak te in a ann nek,a khat vei na hi jo mah a jum huai lou khol kei.Himahleh vah tak in ann ka ne ua ka tai mah2 uhi.Bawng sa hi jaw mah kei duh dan tak ahi na huan dan uh,vah lua ing ei,ka ki pak lua uh nuniang ka cih leh a nawn ciah a lim jaw sem ngaih tuah ni uh aw tulai jaw ka buai lua ua tup bang inle a hon ki hih sak jou kei a hon ci hi. Bang teng hi leh Manipur kumpi theih pihna nuai a pawl x zou te lak a khat a ki pang ta sam ahih man in maban di chu bang hita ci a maban hun di te ngaih tuah touh hong ngai nawn ta ahih man in niteng hunteng in admisson na dia poimoh te sai in ka lompa toh ka diang tuah thithe sek uhi.Kou tulel tak in skul khol mah le ung muani te kai den uh ahih man in nitak a va pot gige bang le hong hithei sam lou ahih man in achang in kigini zan khong kava pot jel uhi.Ka ki ngaih na uh ni te a hong pung bang in kou kal ah leng nigel ki itna leng hong khang beh lap jel hi.Nidang lai a ka ki muh louh chiang ua leng phone tung tawn a ki hou thei himahle ung tua bel kou deih telna thu hi lou in muani te skul kai ta a hih man un,Skul a kai chiang ua phone toi di phal non lou ahih man un koih khiat sak ta uhi.Kiginni a hong tun chiang a nitak a va pot louh ngal ki hou na ding hun om non lou hi.Hucia ki muh na di hun nei lou pi2 a nitak khat lel khong kar khat a kong ki muh tuah chiang un nidang a sun leh zan a ki thuah a ka nuih khom lai nite uh ka lungsim ah ki theih mawh bawl theih vual hong hi ta lou hi.Ngaih aw na s

Nite ahong pai jel a ka ki pah na di ngen niteng a mu hileng ki lom a hong bang ta hi.Ka lungsim ah bang hiai ka ci nilouh jojen hi"Tu tung christmas jaw kei a din thupi diaak a bang"Muani toh bang leng itna simthu khaubang sutkhom thei di hial a kong om chiang un a ka kal uah nidang a ki maingal himahle ung tun tuh ki zahtak tuah na hong piang hin ka thei hi.Nitak hun te ah ka ki text jel ua,kei leng lehkha lam tuh ka lung sim ah ka koih nai kei phot ahi.Christmas hun te ah bel lungsim thoveng sak in lehkha lam ah ka ki awng sut phot ahi.Nitak khat(Christmas leh kumthak kal) ka ki text na uah nidang lai hunte ka sut ua ka ki thei tung lai khong ua ka zahtak dan,sunday skul kai chiang a ka melh2 lai khong uh ka hilh chiang in ah aman bang oii nou kei hon na melh2 maw,ka nak jum thak e khai,en le huai lai a nang hon ki zah taak peuh mah hi ei hon ci jo mah hi.Tua dan khong in ka houlim tou jel ua himahleh kou ki ngaih na,kou nopsakna pen sana in hon a ngak tuan ahih louh man in ah zankhua te hong sot ta,Vok ek bang le khiing ta ahih man in ah ihmu phot dia ki hou in mangpha ka ki khak tuah ta uhi.Lenkawlni mualdawn ah hong suak non,Miksi ten jawng neek leh taak ding jawng in zankhua sunkhua ci lou a na sem uh ahih man in,en leng na sep di ki nei hi ven ci in Kou leng ka lompa toh ann nek kham hun in zan a ka ki hou na bang ua, ka paneu(uncle) in Dailenbuk kuak di hong toh sak un chi ahih man in,Dailenbuk kuak di tou din ka kuan khe ta uhi.Na sem ki hi mah leh na sep bang leng lungsim ah om lou mah bang jojen hi.Ka tupi tawi in lei tou2 hi mah leh ka lungsim bel kua kiang hiam khat ah om nilouh hi.Ka lompa leng kei ka kipah chiang a amah leng kipak lua sam ahi dia hong chiam nui in tua chuh nang a misson complete hi phot.kei a di kua diam lian, nang tung a ki nga hita ahi aw hon ci nilouh hi.Ken leng tham2 ci in ka dong thuk jel hi.Na sem pai nitak khua hong mial non tak in kou leng ka lompa toh ki mu tuah in khat vei muani te in ah va pot him2 ni aw ci in muani te in lam ka zuan ta uhi.Muani te in kong ka tung tak un a lut masa di jum tuak ka hi ding ua gate bul ah alut masa di ka ki nolh2 ni louh uhi.Ka lompan nang a nei jaw deuh ci in kei tuh hon nolh lut thoh hial ta mai mah hi.Ka lut ua leh amau le meiphu awi in a na tu dim diam uhi.Muani in leng,AW nou hong pot uh maw?hong tu uau hon ci guih jojen hi.Kou leng ka hoh di uh le gen khol lou ka hih man ua lamdang sa hi ngei din ka koih hi.Ken leng hong pot mok ka kei u..ci in ka dong ta hi.Lian bang meh non meh ua le ci in nuniang(muani nu) in hon kan a.Ken leng annkam pok khong hi noula ci in ka dong jom non hi.Aman leng kou allu toh annkam meh ci in hon dong hi.Meh tele ki ui ek bat theih na ae kou le ankam mah hi ei ci in lom pa hong pau hi.Nuniang tuni koi ah bang sem e? ci in ka dong a,aman le kou tuibuang lam a ka nau te zi nei om incin huai lam a va hoh,nou la ci in hong dong a.Ken leng kou ka paneu te dailenbuk kuak di tou a kuan ci in ka dong hi.Hucia bang2 hiam thu kho tang khong gen a ka om lai un dak 9 lam hong ging tou a hih man in ka ding khia ua,muani in kel kong tan hong kha in mangpha ka ki khak uhi. December 31 zan te hong tung non in kou leng biakinn a kum lui khak na a tel ding in muani ka zon uhi.Muani in ka nu kiah genni ci a ka gen u leh,a pa kiang ah gen un hon ci hi.Ken le jum sim mah leng a pa kiang ah pading tunitak midnight service ah tel di ka hi uh aw ka cih leh,aw mun dang ah vak khe kei leu cin aw ci in hon dawng hi.Kum lui khak khit lenkhop na om di suak di ci ahih man un huai a tel dia kisa in ka zan hak ta uhi.Zingkhua te hong vak ta,kumthak lop nang a nek bawl di te(tuanvai te) hong kuan tak un kou leng ka lak ua a na upa deuh khat kiang ah lenkhopna nang hon khak in ci in ka sol ua,thuumna hon nei in hon khak ta hi.Kou leng lompa toh muani va kha in ka ki khen ta uhi.Muani toh ki ngai tung ka hi ua ka ki it un ka ki deih thoh mah2 uhi.Nang tuk a ka ngaih di mu kha nai lou ka hi ka un paisa ah.Tua dan a kon ngaih touh jel leng ka lamen.Ka hinkhua ah nang ka ki pah na hon tun tu na hi.Nidang chiang a tua i hun jat bang a ki jang khom thei gige lou di ahih man in tua i om khop theih lai in lungtuak tak in omni maw?Pallai ni te theih louh kal aa hong vul pah ding ahih man in paal laini te ki amm ni aw ci in muani kiang ah thu ka hih theih sun in ka mop jel hi.Hiai dan khong ka gen2 chiang ka lungsim ah la khat hong suak guih om a hih man in ken le type jok in muani hiai la,.'Ngaih aw nang leh kei leh jesu machiang suan khom peuh le lung deih teng lii bang ki ching ta"ka khak ta hi. Kumte hong thak non ta phalbi lah bei nai ta dih lou a hih man in zan chiang a meihol cih di om non lou ci a meihol lei dia ka va kuan leh Lampi ah ka ngaihnou tawh ka ki tuak kha guih ua ki nuih san tuah in koh hoh dek e? bang ka ci ton dat kha jojen uhi.Aman dawr ngak a kuan non ta di a hih dan hon gen in ken leng meihol lei dia kuan ka hih dan ka gen,sau lou ka ki ton nung un hoh na di tuam tuak ahih man in lamka thuam khat ah kuan nuam in aw ci in ka pet san ta hi.January kar nihna bang hong hih non chiang in kou leng skul ka lut non ta ua.A c
hiang ah laitual kong len louh jawng,ka tongsuah vang ngaih simthu ka hon lel te na lungsim ah puan bang na thak sak jel in aw.Heina mun(skul ki bang non lou) ki dang in kal ah melma khuai bang hong hang zong leh nihgel kal a tong chiam khuam bang na kip sak in aw.Kei sang a piljaw haujaw leh neijaw tang dang tampi om hang Nang hon it kei tangpa a din lung sit lou in na pang in aw ciin nikhat a nu phone a hon message lai in ka khak ta hi.Himahleh a ni non lam sunday nikhat ka ki muh tuah na uah jan lam a i ki message nate delete mangngilh ing a ka nun ana mu hi ei hon ci jaw mah hi.Hon tai lou hia ka cih leh tai jaw hon tai kei hon ci hi. Ki it tak leh ki ngai tak a hunte jang khom tou jel in nuam kasa thei mah2 uhi.Tua dan a hun te jang khom tou den dia ki lam en mah2 ka ki cih lai un ni khat (satuday sun) tuh ka phone hong ging ka jak toh lak thuah a Hello...ka cih leh ka lompa(biakmuan) ana hi a,ken le bang a ci a ka kan leh.Ka gintak leh ka lamet louh na lam tak ah thu hong ging in"Muani damlou hospital ah khophok lou a om"hon ci mok hi.Apau jaw sam ka om kei ua,Ka gen di pen le ngaih tuah dok thei pah lou in ka oom dedu a,a khonung sot lou in thu ka dong sau ta hi.Aman leng thei sau lou ka hi a khe guh ki tan chu ci uhia hon ci hi.Ken leng tun na man hia i va pha diam ci in ka jawn hi.Lompan leng bang hih luat nei lou ahih man in ka va tawn a hospital lam ka delh suk ta uhi. Kin leh buang a delh ka hih man un koi ah bang room ah om ahia cih leng ka thei kei ua ka gam jon ta uhi.Dak kar kim lang bang ka jong nung un leng ka mu jou kei ua.Ka bei dong mah2 ta uhi.Hucia jon na di lam le thei non tuan lou a ki en tuah mai a step a ka tut u leh.Nurse khat gim mel tak a ka kiang lam uh hon juan a hong pai khat ka mu uhi.Ken le ka va naih a,den lam a patient numei hong ki pua lut om lou hia,khe guh tan pen ci a ka kan leh..Doctor pan a serious luat man in Imphal lam a din a refer a huai lam ah a pai jou ta uh hon ci hi...... %%%%%sut zop ding%%%%

©Siamsinna leh Vakiangbu