BANG MAH NA THEI KEI!!

Written by ~ Randy Mang DaKinq TbGz
Na nu' laigil pan na hong piang a,haksatak a na nu'n hon neih na hih lai in BANG MAH NA THEI KEI.Na nu'n ittak leh hawmthoh tak in hon kem a,a nawitui a honvak in,na kah chiang lunghimawh in,a ang ah hon pom huai kia deih khop lou a na omlai in,a nung ah hon pua a,kawng kham pipi a hon puak lai in BANG MAH NA THEI Na nu'n ittak leh hawmthoh tak in hon kem a,a nawitui a honvak in,na kah chiang lunghimawh in,a ang ah hon pom huai kia deih khop lou a na omlai in,a nung ah hon pua a,kawng kham pipi a hon puak lai in BANG MAH NA THEI KEI.
Na hong khanglian a,thu hilh theih in na omta,na nu'n hon tai hilh a,na om dan hoih loute hon tai chiang in: nu hiai te zaw gengen koh,na chih lai in BANG MAH NA THEI KEI.
Na hong lian hiai a sia leh pha thei na hi ta,khamtheih neuhneuh te na hon chiing panta,na nu'n bel hon itlua lai ahihman in: bawi hiaite zaw hon hih dah mahmah in hon chi a,nang: pautam lua na hi nu,thilteng ban gen ken la ana tu khinkhian oh,dai maimai o,na chih lai in BANG MAH NA THEI Na hong lian hiai a sia leh pha thei na hi ta,khamtheih neuhneuh te na hon chiing panta,na nu'n bel hon itlua lai ahihman in: bawi hiaite zaw hon hih dah mahmah in hon chi a,nang: pautam lua na hi nu,thilteng ban gen ken la ana tu khinkhian oh,dai maimai o,na chih lai in BANG MAH NA THEI KEI.
Na hong piching hiaìhiai a,zinei thei di din mun na hon luah tou ta,na nu'n: bawi zi hoihtak hon zong inla,na nu,na pa kem tu di zi gin om hon nei in hon chi a,nang: ka zi di hon buai pih sak ngai kei,ka theina ve nu,nang sang in ken ka thei zaw,na chi a,na pawt san vauh lai in BANG MAH NA THEI KEI.
Hunte hong pai zel in,na nu-le-pa leng hong hatnawn kei ua,na nu'n: bawi na nu leh pa'n hon itlua ka hi uh,na neu a pan tuni chiang dong hon kem tu ka hi ua,hon mangngilh ken o,hon cih ua,nu: thilteng gengen kei dih,hon kem kei le u chin le,ka hing thou vele,na chih lai in BANG MAH NA THEI KEI.
Zi' nei thei na hih tak man in zi na hon nei ta,nna teng nang khut ah a ki nga ta,na zi'n innsung ahon neh soh mahmah a,nang lah khamtheih chiteng in na ki bual a,innsung pa na hih toh kiton in,bang kim a ki khek vek ta hi.
Na nu lah tek ta,pau zou nawn lou in a dai zikzek ta,nang thilteng na hon theisiam vek ta a,lah akikhel ta,bangmah na loh thei non kei.
Tu in a kikhel nai kei leh 'NU KAKIPAK' khatvei bek chi lou ding na hiam?
©Siamsinna leh Vakiangbu

Comments

Post a Comment

Popular posts from this blog

PATHAWI HIMAHLENG!!

~Kattie Mawite Ka ngaihnou ka ngaisang top. Ka dinmun uh kikheng hileh ama lungsim bang ka put zoh ka gingta kei. Iitna tak toh hon iit hi in kathei a, kenleng ka it petmah. Keilam apan ngiat a hon neikei a, apasal ka hihtheihna din CONDITION bangmah hon bawlsak kei. Tulai in hihna kibang(homosexual) kingai tampi om mahleh, kei ngaihnou bel NUMEI ahi. A hon itna thupi kasa. Ka phulouh iitna tang hi in ka kithei a, ka kipak petmah. Himahleh alangkhat ah ka kisuanglah zel. Ka kingaihsiat theihna di leh ka lungsim hon kam gegu di kampau chikmah in hon zatkhum ngeikei a, milak ah leng a hon zahpih kei. Kei ziaka nuam asaklouhni leng atam din ka gingta. Himahleh kei kianga a om chiangin maitai tak in hon houpih a, huai in a ngaihhuaina nakpi in a behlap hi. Ka ngaihnoute bel innkuan nuamsa ahi uh. Apa Evangelist teacher pension ahi a, a upa'n leng apa sulnung zui in Evangelist teacher mah a sem hi. Amah tuh college kailai ahi a, anau pasal nihte bel high school kailai ahi
Read more

PALLAI NITE

~Lian Khuptong Alamdang Pathian Itna' 'khovel nopsakna leh gentheihna tepanin Tuun sungkhatpan mimbang ka hong khangkhia hi. Deihthoh takmai leh iitakmai'n keple huihmut dingnah tomphallou in ka omhi. Kep leh etkolna nuaia kasenchiil panin kapiching dong in, duattak leh deihthoh takin kep kana hi. Sianhuaina toh hucihin ka hongkhang lianzela khovel tak palding in kongkisa ta hi. Mite kitaiteh nalak ah ka taisam hi. Hinkhua gintaksa anaa nuamchiam kei alai hawlpawl in lakloh takin ka omhi. Pallai amm'n nuamleen tuh ka hinkhua aka nopsak ahih hi. Maban etna'n kalsuan touzelin ahak-anuam phutkhak dandan in kahong phuh hi. Huaihang in hinkhua zatdan ka etchiang in lungkhamna leh mangbatna ten nisim'n hongtuam tawntung hi. Ahakdan pengen siamvual ahih keihial hi.  Huchitazong in taikhua tuh hongvak zelsam a lametna thak honguan zel hi. Naa khatpeuh zoh kuhkalna leh thuakhaatna lou toh pangtakpi mah ngai hi. Khovel zoh omvengvung kitaiteh nalah
Read more

NATNA LAUHUAI COVID APAN PIANTHAKNA

 By  ~ Paumuanlal Guite BaBs Chikmah a zak ngeilouh, lungsim tawng a leng gelphak ngeilouh COVID 19 in khovel pumpi hong sawiliing ta hi. It leh ngaihte toh tui leh nga bang bualkhawmna, a sakminthang Lamka khopi leng natna in hong hawi tuankei. Niteng in a vei a pung hulhul chih kuapeuh in thei, himahleh gamsung vaihawm solkalte’n hiai natna apan i suahtak theihna ding ua hon thupiak uh Policete mat utlouhna ziak lel in i zui hamham chiat uhi. Huai bangle Policete galmuh chiang khawng a zui hamhamte i hilai uhi. A tamzawte bang in a omna mun uh i pel chetchet zomah uh, lamka chihmah a ka tuamtuam tam i theitel ua. Siamsinna innte, nasepna buuk tuamtuamte kikhak zungzung a, i biakna munte tan leng kikhak hial in inn a kuapeuh kikhum chiat ding i chih lai un kholai a hih ding poimoh nei a pungdiak a bang maimah hi. I natna minthang ziak ua mual honna liamsan niteng in zak ahigige mai. It tak in a luangbul ah kap zoizoi ut mahlehang mangmat phak ahinawnkei, silhpuan piandang toh kithua
Read more