CHIAH MASA TUUN LEH ZUA

By: Vz Vualnam
Solkha taang ve'n khattang a liam ding sa'ng
Khattang liamlou ka zua sum bang tuah e
Hong suak nawn e tuun toh ka don ding sa'ng
Ginlouh nuhtuun sum bang tuah zel e
Zua a pham in ka laidiip naa chi'ng e
Nuachiang tuun toh bangchi'n ka hei diam chi'ng
Kei ka laidiip nat a chinglah hiam aw
Tuun lungdeih in suul ah zuita zel e
Zua a pham in sanggah kei aw chi'ng e
Tuai toh sanggah khankhua ding geel ngam la'ng
Lia kei aw sanggah ka tanglah hiam aw
Tuun lungdeih in suul ah zuita zel e
Lenkum luang khat hal a tuun leh zua taante'n
Kungtung vaang zu bang sia chi ding hi e
Solkha taan nih tomkaal in tuun leh zua
Kei in kop in kulsin ah sial ing e
Phamna'n gi bang khenlah tah e tuun leh zua
Kop in simlei kulsin ah zal tah e
Tuun leh zua aw laukha na zuanglou aw
Nihgel kulsin buanlei puan bang zawn hi e
Lengvan tulliim nuam ah simlei ngailou
Lungtuak nihgel um bang na khawl un aw
Nuachiang sanggah von nih haam bang huai ding
Tung sianmang in ngaihkhua tuah zou hi e
Sian in huai dia von geel kil bang khang in
Kholhpih senvual toh tan bang kim ding aw
Tan bang kim nahluun suanmawng bang kai dia
A liim ah tuun' min zua' min loulou ding aw
Khatkhat a nuaisimlei tuangnung siahte
Lengvan tulliim a vuitaang bang chin chia'n
Nunkhua nopna lii bang ching ding a
Gi bang khenlou lungchim heikhawm ding aw

©Siamsinna leh Vakiangbu

Comments

Post a Comment

Popular posts from this blog

PATHAWI HIMAHLENG!!

~Kattie Mawite Ka ngaihnou ka ngaisang top. Ka dinmun uh kikheng hileh ama lungsim bang ka put zoh ka gingta kei. Iitna tak toh hon iit hi in kathei a, kenleng ka it petmah. Keilam apan ngiat a hon neikei a, apasal ka hihtheihna din CONDITION bangmah hon bawlsak kei. Tulai in hihna kibang(homosexual) kingai tampi om mahleh, kei ngaihnou bel NUMEI ahi. A hon itna thupi kasa. Ka phulouh iitna tang hi in ka kithei a, ka kipak petmah. Himahleh alangkhat ah ka kisuanglah zel. Ka kingaihsiat theihna di leh ka lungsim hon kam gegu di kampau chikmah in hon zatkhum ngeikei a, milak ah leng a hon zahpih kei. Kei ziaka nuam asaklouhni leng atam din ka gingta. Himahleh kei kianga a om chiangin maitai tak in hon houpih a, huai in a ngaihhuaina nakpi in a behlap hi. Ka ngaihnoute bel innkuan nuamsa ahi uh. Apa Evangelist teacher pension ahi a, a upa'n leng apa sulnung zui in Evangelist teacher mah a sem hi. Amah tuh college kailai ahi a, anau pasal nihte bel high school kailai ahi
Read more

PALLAI NITE

~Lian Khuptong Alamdang Pathian Itna' 'khovel nopsakna leh gentheihna tepanin Tuun sungkhatpan mimbang ka hong khangkhia hi. Deihthoh takmai leh iitakmai'n keple huihmut dingnah tomphallou in ka omhi. Kep leh etkolna nuaia kasenchiil panin kapiching dong in, duattak leh deihthoh takin kep kana hi. Sianhuaina toh hucihin ka hongkhang lianzela khovel tak palding in kongkisa ta hi. Mite kitaiteh nalak ah ka taisam hi. Hinkhua gintaksa anaa nuamchiam kei alai hawlpawl in lakloh takin ka omhi. Pallai amm'n nuamleen tuh ka hinkhua aka nopsak ahih hi. Maban etna'n kalsuan touzelin ahak-anuam phutkhak dandan in kahong phuh hi. Huaihang in hinkhua zatdan ka etchiang in lungkhamna leh mangbatna ten nisim'n hongtuam tawntung hi. Ahakdan pengen siamvual ahih keihial hi.  Huchitazong in taikhua tuh hongvak zelsam a lametna thak honguan zel hi. Naa khatpeuh zoh kuhkalna leh thuakhaatna lou toh pangtakpi mah ngai hi. Khovel zoh omvengvung kitaiteh nalah
Read more

NATNA LAUHUAI COVID APAN PIANTHAKNA

 By  ~ Paumuanlal Guite BaBs Chikmah a zak ngeilouh, lungsim tawng a leng gelphak ngeilouh COVID 19 in khovel pumpi hong sawiliing ta hi. It leh ngaihte toh tui leh nga bang bualkhawmna, a sakminthang Lamka khopi leng natna in hong hawi tuankei. Niteng in a vei a pung hulhul chih kuapeuh in thei, himahleh gamsung vaihawm solkalte’n hiai natna apan i suahtak theihna ding ua hon thupiak uh Policete mat utlouhna ziak lel in i zui hamham chiat uhi. Huai bangle Policete galmuh chiang khawng a zui hamhamte i hilai uhi. A tamzawte bang in a omna mun uh i pel chetchet zomah uh, lamka chihmah a ka tuamtuam tam i theitel ua. Siamsinna innte, nasepna buuk tuamtuamte kikhak zungzung a, i biakna munte tan leng kikhak hial in inn a kuapeuh kikhum chiat ding i chih lai un kholai a hih ding poimoh nei a pungdiak a bang maimah hi. I natna minthang ziak ua mual honna liamsan niteng in zak ahigige mai. It tak in a luangbul ah kap zoizoi ut mahlehang mangmat phak ahinawnkei, silhpuan piandang toh kithua
Read more