An Ode To Rupees 500 And 1000 Bill
By: Vz Vualnam
Tulleel a sil bang paal laitak a
Vaimang’ simthu a tualke mai aw
Paalna sangsing leel na ngai na’m aw
Zata’ lungtup zaang sesum aw e
Vaimang’ simthu a tualke mai aw
Paalna sangsing leel na ngai na’m aw
Zata’ lungtup zaang sesum aw e
Tual na kiatna simthu kuulthuk e
Vaimang’ suihlung khau bang suut ngam la’ng
Heem simthu hiam tak simthu hiam aw
Va bang pilte’n zong gi bang khen moh
Vaimang’ suihlung khau bang suut ngam la’ng
Heem simthu hiam tak simthu hiam aw
Va bang pilte’n zong gi bang khen moh
Kha na pham ni’n India huangzawl ah
Zata suihlung mei bang ziing hi e
Ni khat zoupa bang na mualh ni in
Zata’n sa bang tat na’ng maimoh e
Zata suihlung mei bang ziing hi e
Ni khat zoupa bang na mualh ni in
Zata’n sa bang tat na’ng maimoh e
Sakmel etlawmnou nang tellou in
Nichin nunna gam bang dai hi e
Tem bang deihluat nichin nang tohlou
Gamkuam sunkim ka tumlah hi e
Nichin nunna gam bang dai hi e
Tem bang deihluat nichin nang tohlou
Gamkuam sunkim ka tumlah hi e
Nang lah phamta ve chin meldeih aw
Sakmel zoupa bang mualta ding aw
Tulleel saang a singleel a kaisa
Tual a nuhsawl bang vulta ding aw
Sakmel zoupa bang mualta ding aw
Tulleel saang a singleel a kaisa
Tual a nuhsawl bang vulta ding aw
Kum kihei in singdang hong suak dia
Zata’n lung a hon ngilhta ding aw
Heisa bang paallai tomkaal hi e
Paallai gia bang zuunsiam chiat ni e
Zata’n lung a hon ngilhta ding aw
Heisa bang paallai tomkaal hi e
Paallai gia bang zuunsiam chiat ni e
©Siamsinna leh Vakiangbu
Comments
Post a Comment