KA 18th BIRTHDAY

By: Minncy Sektak

Hiai leitung ah kua ziak a piang ka hiam kua sung apan ana piang khia ka hiam?kei deihna tel hi leh zaw hiai leitung ah anapiang khiak sang in ana piang louh mai ka teel zaw ding hi, hiai leitung ah genthei haksa thuak di lel abang ziak a ana piang khia ka hi maimai dia aw ci in kei le kei Question ka kileh dot vungvung ni atam mahmah hi,,,,Hiai khovel ka piankhiak akipan tuni ka 18th birthday Ching tan dong in ka pianna Nuu(mother) kua hi hiam chih ka theikhe Zou naikei hi ,,ka pianna paa(father)bel ka thei a kei Bel ka khua theih akipan ka nii(aunty) te kepna nuai ah ana Khosa tou kahi a amau innkuan sung akipan ana khanglian kahi kum 18 sung ving veng ka nii(aunty)te innsung ah ana Khosa kahihman in keimah innsung dan in ka koih a ka nii(aunty)pe'n Nuu(mother)ciin Kasam a ka gang(uncle)pe'n paa(father)ciin Kasam hi,,aziak bel ka khua theih akipan amau honna kemtou ka Nuu Leh paa mel a kamuh ahihman in,,Tulai dan in gen leng zawl taa achih te uh ka na hi a ka pianna Nuu Leh pa'n honna deihlouh ziak ua ka aunty te kepna nuai ah ana omkha kahi hiam cih bel kathei kei,ka aunty te leng taa neitheilou achiing achih te uh ahi ua ataa ding ua kei honna lak mah uh ahi,kum te hong paitou zel in ka aunty te nupa inleng Pathian vualzawlna te hong dong tou ua gil a gah goutan tapa hoihtak khat hong nei khia uhi,,,mahni sisan apan tapa piangkhia leh mahni sisan apan piang hilou ah etdan hon kibang nawn kei a ah iitdan leng hon kibang nawn kei hi,, nii dang a tapa aneih ma ua ka aunty in hon etdan leh honna kepdan te tua tapa ahon neih zoh ua kipan a ahon etdan leh ahon kepdan te van Leh lei in aki khia ta hi,,,Hiai leitung haksatna afoundation kong paltou panta hi nidang a ka uut kadah a ka na omna innsung ka duhduh ka deihdeih ka sokna innsung tuh tu'n kei adi'n sahang baknei buuk sung ah omtoh ka kibang ta hi,,nidang a ka deihkhop teek a buh ka neekna innsung ah tu'n gilvah inleng buh Kane Ngam nawn kei a,,ka om anoplouh nii inleng bangmah gen ngamlou in ka hihtheih tawp in ka nuihmai te ka suaksak hi.

Ka om anoplouh nii inleng bangmah kagen ngamkei a ka hihtheih tawp in ka nuihmai siusiau te ka suaksak zel hi,,,ka aunty tapa midang et in ka en tuan kei a ka pianpih sanggam bang in iittak leh hawmthoh tak in ka kithuahpih a nek ding hamphatna ding ah omhun inleng amah ka manghilh ngeikei a kei nek diing kei tan diing lai amah ka iitna ziak liauliau in amah ka Pia zel hi,,ei mihing te iki iitluat iki hawmthoh luat ciang in itung ah siatna ahon tung nak chih ipaunak in ana gen bang in,ni khat ka naupa ka aunty tapa ka deihsak luat ziak in kei nektheih Nek diing teng kei tan diing teng amah ka nesak vek a nektam na ut leh netawm inla neek tawm na ut leh ne tam in chih ibible in ana gen khinta hi,himahleh hiai thil in zaw kei Leh kei leng kaki mohsa ,,kei hihkhialh ahi ciin kaki mohsa naak mahmah hi,ka aunty tapa asung hong hoihkei a hong damlou ta hi keitoh ki thuah gige kahihman un thil teng kei tung hon tu vekta hi,ka aunty in hon hehsan petmah a na naupa bangteng Pia na hi hiam?kei omlouh kal a bangteng ana nesak gige nahi hiam?? ka tapa thah tum nahi hiam hong genchiang mai in ciin in akhut in hon Kok in hon hang khum ta motmot mai hi,,eilah naupanglai ihih Chiang a hiai tan tan athil hon tung di'n ka koih kei hi,aunty hong ngaidam in kei hihkhialh ahi ka naupa ka iitluat man a kei tan diing kei neek di laiteng ka naupa ka piak ziak ahi ciin ki suanglah pipi in ngaihdam ka ngen a,, himahleh ka Aunty in ka thugente hon ngeingaih kei a genlouh di tantan hon genkhia motmot maita hi,,ni dang a Kazak ngeilouh thute ka neu akipan zaak dia le ka koih ngei hetlouh thute hong genkhia maita hi nang ka sung apiang ka tapa leng hilou ka sisan apiang leng hilou zawl taa lel na pianna Nuu leh pa'n hong deihlouh uh kou na uncle toh na neu akipan konna kep touh uh hiai na pianna innsung leng hilou nang ut dandan a ka sisan apiang ka tapa nang bawl diing in ka phal kei tuni mahmah in hiai innsung akipan na van teng toh pawt khia in ciin hong noh khiat sawm tamai hi,,gen di pe'n leng ka thei kei a ka aunty ka en a ka mit apan khitui dan vuallouh di hial khop in hon Luang khia zungzung mai hi ,,aw ahaksa tel mai bang ziak a hiai leitung ah genthei haksa thuak di lel a ana piang khia ka hi di aw ,hiai leitung ah kei hon iittu diing khat lel leng omlou ahi dia aw,bang ziak a ka pianna Nuu Leh pa'n honna iit lou uh ahi dia aw mi tampi te'n iittu diing nuu leh paa anei lai ua kei sese in bang ziak a iittu diing ana neilou kahi hiam??ka lawm leh vual te ka et Chiang in ki iittak leh kituak tak in innkuan Kim in ah om khawm dialdial ua biakinn te ah alut khawm dialdial uhi,,kei nuu leh paa neilou hileng lah hiai khovel ah ana piang diing in ka ki gingta kei nuu aww kei na tapa hong iitlou nahi hiam? pa aww kei na tapa hong deihlou na hihiam?

Paa aw kei na tapa hong deihlou na hi hiam?Nuu aww hiai leitung ka piankhiak akipan in na mel khatvei lel leng kana muu kha kei a bang ci mel pu na hi hiam cih leng ka theikei hi,,himahleh ka damsung in na mel khatvei bek muh ka ki lamen hi ciin kei leh kei ka damsung a khtvei bek ka pianna nu mel muh ngeingei ki lamen in kaki hehnem hi,,Hunte hong Pai zel in theihlouh kal in ka pianni champha kum 18 ka chinni birthday te bang zang thei di dinmun in kon ding ta a mite bang a thupitak a innkiim innkiang lawm le vual te sam khom a thupitak a lawm Zou di ka hikei hi,,kei hon ngaina tu ka lawm le vual te akipan gift tamlou ka ngah teisam a hiai ka birthday gift tengteng lak a manpha leh thupi mahmah Kasak khat ana om hi letter neucik khat ka gift te lak ah ana telkha a bang thu ahi dia aw ciin theihut zokna lungsim nei in kon sim panta hi,,

Bawii aw amasa pe'n in Pathian ompihna toh nadam ngei ka lamen,,tuni hiai leitung a na pian khiak akipan akum18 na chinni birthday te zangthei di dinmun a na om ziak in kakipak petmah a nang hon kemtu van a Pathian kiang ah kipahthu kagen hi,,bawii aww tuni na birthday ni in ka taksa in hon telthei kei mahleng ka lungsim na kiang ah om gige kahi cih ana thei gige in aw hon manghilh ngeilou hial Kahi,,kei na pianna Nuu Leh na paa ziak in hiai leitung haksatna te nana paltou a kei utthu tel hileh zaw hial khovel haksatna te ana paldia hong phal lou lua zaw hiveng maw bawi hong ngaidam in kei leh na paa mohna ahi,nang ka gil ah ka honna paii lai in na paa hiai leitung noptaal na te zuu leh sa khamtheih te in ana kibual a innsung khosakna te azii atate ading khual lou in amah ut dandan in hinkhua ana zang a,nang kon iitna ziak liauliau in na paa khutnung tamveipi tak leng kana thuak hi hucih nung inleng iittak in na paa kana kemtou a himahleh na pa' n ka iitdan te theisiamlou in athil ciin khamtheih zuu leh saa te tawp sanlou ahih chiang in kei pianna nuu leh pa'n honna kaikhen ua nang kagil apan na piankhiak cikcik in na pa'n na aunty te kiang ah honna koih ahi,,bawi aww hiai na hinkhua akipan in zillai tampi lakhia inla ki ngaisia mailou in thathak la inla hiai na paa hinkhua zatdan in na hinkhuate hon zang mahmah kei in aw ,,,,,,

Nang hon iittu na nunu......

Beita Beita…

©Siamsinna leh Vakiangbu