ELEKSON TUNGTANG AH

By: Vz Vualnam
Migenthei a ding in
Gamgi bang ahia?
Bills in bang poina a nei a?
Mi-inn-migam a teng thouthou!
Antang sai-ip khat pe lechin
Gin-om tak in a pang ding!
A inntung khuhsak lechin
Sihngam in a hon gum ding!
Mihausa a ding in
Gamgi bang ahia?
Bills in bang poina a nei a?
A innmun-loumun a khut ah a kip ngal a!
Hauhsakna gotbeh lechin
Gin-om tak in a pang ding!
Hamphatna chiam lechin
Sihngam in a hon gum ding!
Nam makai a ding in
Namvai bang ahia?
Gamvai bang ahia?
Sum mah lah a pakta zaw ngal ua!
Sum tah zek lechin
Namvai sang in a hon gumzaw ding ua
Hamphatna tah zek lechin
Gamvai sang in a hon buaipih zaw ding uh!
Upa leh pastorte a ding in
Pathian bang ding ahia?
Van a zat phaaklouh gou bang ding ahia?
Leitung thupinate tah lechin
A Pathian' sang un a hon gumzaw ding uh!
Leitung thilte in vuk lechin
A Pathian uh a kitheihmohbawl ding uh.
Zawnna'n mizawngte kol a bulh a
Thudik gum theilou ding in a henchip.
Hauhna'n mihaute kol a bulh a
Thudik gum theilou ding in a henchip.
Angmasialna'n makaite kol a bulh a
Thudik gum theilou ding in a henchip.
Leitung thilte'n Pathian' nasemte kol a bulh a
Pathian gum theilou ding in a henchip.
Hiai lah na thei ngal a, kidaam ke'n!
Tasam kiang ah huhna;
Sumduh kiang ah sum-le-pai;
Hamphatna delhmi' kiang ah hamphatna;
Zu-le-sa duhmi' kiang ah zu-le-sa;
Numei lawpmi' kiang ah numei;
Kum nga lalna ding ahih naakleh;
Amaute kol bulh vek in!
Dik-le-tang khual ke'n!
Pathian' mitmei veng ke'n!
Kihtaak nei ke'n!
Kiteelna lah leitung thil ahi ngal a
Leitung thil bang a sai ding ahi ngei mah ve!
A kuul ngialleh
Kha khat leh nih leng van ah sawltou in!
Khate zaw Pathian a ahi a
Ama' dan bang in vai na hawm na'n teh!
Eite ngei leng i tuntouh chiang in!

©Siamsinna leh Vakiangbu

Comments

Post a Comment

Popular posts from this blog

PATHAWI HIMAHLENG!!

~Kattie Mawite Ka ngaihnou ka ngaisang top. Ka dinmun uh kikheng hileh ama lungsim bang ka put zoh ka gingta kei. Iitna tak toh hon iit hi in kathei a, kenleng ka it petmah. Keilam apan ngiat a hon neikei a, apasal ka hihtheihna din CONDITION bangmah hon bawlsak kei. Tulai in hihna kibang(homosexual) kingai tampi om mahleh, kei ngaihnou bel NUMEI ahi. A hon itna thupi kasa. Ka phulouh iitna tang hi in ka kithei a, ka kipak petmah. Himahleh alangkhat ah ka kisuanglah zel. Ka kingaihsiat theihna di leh ka lungsim hon kam gegu di kampau chikmah in hon zatkhum ngeikei a, milak ah leng a hon zahpih kei. Kei ziaka nuam asaklouhni leng atam din ka gingta. Himahleh kei kianga a om chiangin maitai tak in hon houpih a, huai in a ngaihhuaina nakpi in a behlap hi. Ka ngaihnoute bel innkuan nuamsa ahi uh. Apa Evangelist teacher pension ahi a, a upa'n leng apa sulnung zui in Evangelist teacher mah a sem hi. Amah tuh college kailai ahi a, anau pasal nihte bel high school kailai ahi
Read more

PALLAI NITE

~Lian Khuptong Alamdang Pathian Itna' 'khovel nopsakna leh gentheihna tepanin Tuun sungkhatpan mimbang ka hong khangkhia hi. Deihthoh takmai leh iitakmai'n keple huihmut dingnah tomphallou in ka omhi. Kep leh etkolna nuaia kasenchiil panin kapiching dong in, duattak leh deihthoh takin kep kana hi. Sianhuaina toh hucihin ka hongkhang lianzela khovel tak palding in kongkisa ta hi. Mite kitaiteh nalak ah ka taisam hi. Hinkhua gintaksa anaa nuamchiam kei alai hawlpawl in lakloh takin ka omhi. Pallai amm'n nuamleen tuh ka hinkhua aka nopsak ahih hi. Maban etna'n kalsuan touzelin ahak-anuam phutkhak dandan in kahong phuh hi. Huaihang in hinkhua zatdan ka etchiang in lungkhamna leh mangbatna ten nisim'n hongtuam tawntung hi. Ahakdan pengen siamvual ahih keihial hi.  Huchitazong in taikhua tuh hongvak zelsam a lametna thak honguan zel hi. Naa khatpeuh zoh kuhkalna leh thuakhaatna lou toh pangtakpi mah ngai hi. Khovel zoh omvengvung kitaiteh nalah
Read more

NATNA LAUHUAI COVID APAN PIANTHAKNA

 By  ~ Paumuanlal Guite BaBs Chikmah a zak ngeilouh, lungsim tawng a leng gelphak ngeilouh COVID 19 in khovel pumpi hong sawiliing ta hi. It leh ngaihte toh tui leh nga bang bualkhawmna, a sakminthang Lamka khopi leng natna in hong hawi tuankei. Niteng in a vei a pung hulhul chih kuapeuh in thei, himahleh gamsung vaihawm solkalte’n hiai natna apan i suahtak theihna ding ua hon thupiak uh Policete mat utlouhna ziak lel in i zui hamham chiat uhi. Huai bangle Policete galmuh chiang khawng a zui hamhamte i hilai uhi. A tamzawte bang in a omna mun uh i pel chetchet zomah uh, lamka chihmah a ka tuamtuam tam i theitel ua. Siamsinna innte, nasepna buuk tuamtuamte kikhak zungzung a, i biakna munte tan leng kikhak hial in inn a kuapeuh kikhum chiat ding i chih lai un kholai a hih ding poimoh nei a pungdiak a bang maimah hi. I natna minthang ziak ua mual honna liamsan niteng in zak ahigige mai. It tak in a luangbul ah kap zoizoi ut mahlehang mangmat phak ahinawnkei, silhpuan piandang toh kithua
Read more