ZOLEI LUUNMANG

By: Vz Vualman

Zolei lunmang na lal lawi bang thang ve'n
Zotui miza'n liim sawl bang beel hi e
Zotui miza na liim sawl bang beelte
Siallum sung giit bang na hong ngam na'm maw
Tuan a pupa'n zolei giit bang a hon na'n
Namtem zuun in laltang sang bang noh e
Luun kisa phai a teitui mangpa zong
Vangkhua luunlai ah ziin bang liingsak e
Tu a khangsawn zolei giit bang hongte
Sesum in sinlai mui bang pei hi e
Zolei khankhua khuam bang geel chi khem in
Hei na'ng saupha khuam bang geel zouta e
Khangsawn sesum a neem zatam lai ah
Zolei luunmang gia bang na tang na'm maw
Chiamna zingdai bang peel zatam lai ah
Zolei luunmang sing bang na gil na'm maw
Simthu-zaila tam e zou i kuam ah
Tang lungmawl in saan ding teel ngam la'ng e
Sukluan-touluan zoudam siktui kawiluan
Taang lelliang in dawn ding thaal ngam la'ng e
Tak ahiam aw hemlam tongdam hiam aw
Simthu ka saan hui bang mau na'n lawm sa'ng
Zata'n chiamna dai bang peel hon chi e
Nang na peelta hiam zolei luunmang aw
Theisen a lohlouh sakmin ngaih Zomi
Zotui zata'n pai bang pom chiat kuan a
Khing-an bang niing lulvok sungneek tang aw
An bang paam sa'ng e gia bang zuun in pha
Zolei luunmang zingvai hawm siam ve aw
Zata luitui bang na gawmta zaw maw
Gawmsa zata gi bang na khenta zaw maw
Sakmin ngaih Zomi na baanzaal ah luai
Zata' naang bang heekna ka saang zaw maw
Tual a khia'n nangmah k'on muangta zaw maw
Sih leh hin kaal ah nang hon muangta leng
Pupa gamlei siallum na sung ngam na'm
Vual' nial zolei luunmang lah muang la'ng e
Ni bang el zatamte lah muang la'ng e
Zolei aw al bang na mangta ding hiam
Na vonte'n um bang hon khuaita ding hiam
Zolei aw sunnau bang hon awi nuam ve'ng
Lelliang law ve chia sanggah law ve chia
Nang toh tuah ding chiam masa chiam nanung
Chiampeel a sesum' ang a zaal hi e
Zatam lai a liim bang belh ding baansam
Hawmsiam tung luunmang mah beelta ni e
Nuai simlei ah zingvai hawmlai buang ve'n
Al bang manlouh lawkta tau zil ni e



©Siamsinna leh Vakiangbu

Comments

Post a Comment

Popular posts from this blog

PATHAWI HIMAHLENG!!

~Kattie Mawite Ka ngaihnou ka ngaisang top. Ka dinmun uh kikheng hileh ama lungsim bang ka put zoh ka gingta kei. Iitna tak toh hon iit hi in kathei a, kenleng ka it petmah. Keilam apan ngiat a hon neikei a, apasal ka hihtheihna din CONDITION bangmah hon bawlsak kei. Tulai in hihna kibang(homosexual) kingai tampi om mahleh, kei ngaihnou bel NUMEI ahi. A hon itna thupi kasa. Ka phulouh iitna tang hi in ka kithei a, ka kipak petmah. Himahleh alangkhat ah ka kisuanglah zel. Ka kingaihsiat theihna di leh ka lungsim hon kam gegu di kampau chikmah in hon zatkhum ngeikei a, milak ah leng a hon zahpih kei. Kei ziaka nuam asaklouhni leng atam din ka gingta. Himahleh kei kianga a om chiangin maitai tak in hon houpih a, huai in a ngaihhuaina nakpi in a behlap hi. Ka ngaihnoute bel innkuan nuamsa ahi uh. Apa Evangelist teacher pension ahi a, a upa'n leng apa sulnung zui in Evangelist teacher mah a sem hi. Amah tuh college kailai ahi a, anau pasal nihte bel high school kailai ahi
Read more

PALLAI NITE

~Lian Khuptong Alamdang Pathian Itna' 'khovel nopsakna leh gentheihna tepanin Tuun sungkhatpan mimbang ka hong khangkhia hi. Deihthoh takmai leh iitakmai'n keple huihmut dingnah tomphallou in ka omhi. Kep leh etkolna nuaia kasenchiil panin kapiching dong in, duattak leh deihthoh takin kep kana hi. Sianhuaina toh hucihin ka hongkhang lianzela khovel tak palding in kongkisa ta hi. Mite kitaiteh nalak ah ka taisam hi. Hinkhua gintaksa anaa nuamchiam kei alai hawlpawl in lakloh takin ka omhi. Pallai amm'n nuamleen tuh ka hinkhua aka nopsak ahih hi. Maban etna'n kalsuan touzelin ahak-anuam phutkhak dandan in kahong phuh hi. Huaihang in hinkhua zatdan ka etchiang in lungkhamna leh mangbatna ten nisim'n hongtuam tawntung hi. Ahakdan pengen siamvual ahih keihial hi.  Huchitazong in taikhua tuh hongvak zelsam a lametna thak honguan zel hi. Naa khatpeuh zoh kuhkalna leh thuakhaatna lou toh pangtakpi mah ngai hi. Khovel zoh omvengvung kitaiteh nalah
Read more

NATNA LAUHUAI COVID APAN PIANTHAKNA

 By  ~ Paumuanlal Guite BaBs Chikmah a zak ngeilouh, lungsim tawng a leng gelphak ngeilouh COVID 19 in khovel pumpi hong sawiliing ta hi. It leh ngaihte toh tui leh nga bang bualkhawmna, a sakminthang Lamka khopi leng natna in hong hawi tuankei. Niteng in a vei a pung hulhul chih kuapeuh in thei, himahleh gamsung vaihawm solkalte’n hiai natna apan i suahtak theihna ding ua hon thupiak uh Policete mat utlouhna ziak lel in i zui hamham chiat uhi. Huai bangle Policete galmuh chiang khawng a zui hamhamte i hilai uhi. A tamzawte bang in a omna mun uh i pel chetchet zomah uh, lamka chihmah a ka tuamtuam tam i theitel ua. Siamsinna innte, nasepna buuk tuamtuamte kikhak zungzung a, i biakna munte tan leng kikhak hial in inn a kuapeuh kikhum chiat ding i chih lai un kholai a hih ding poimoh nei a pungdiak a bang maimah hi. I natna minthang ziak ua mual honna liamsan niteng in zak ahigige mai. It tak in a luangbul ah kap zoizoi ut mahlehang mangmat phak ahinawnkei, silhpuan piandang toh kithua
Read more