CHRISTMASS LUNGLEN

By ~ Palemtheilou Papektawl

Huihpi Vuahpi I thuak nung in A zawng leh ahau khenna ding in Phalbi khovot tak mai tuang a hing tung nawn ta hi. Hiai phalbi kho vot tak mai chu Kei bangbang a mi zawng te adin bel a ngaklah lah huai het kei ding hi. Zogam gentheih na lah lianglua Silh leh ten ki n'ing ching lah ki nei zou lou, Kum khotawn a nek leh tak buai a ki buai den, Phalbi khovot tak mai thuak pih di Silh leh ten ki n'ing ching lah ki nei zoulou, Khovot dal na ding a mi'n koppih a neih souhsouh hang un ken bel Khoppih ding na tawm kana mu zou kei lai hi.

December kha bang a hong hih hial chiang in Khua leng hong vot mahmah a, Christmass gim lah nam deuhdeuh mai, Mi lungleng ten Mass laa khong ngai in Hun mualliam sa te ngai vungvung leng tam mahmah ding ua, Christmass hong tung kal ngak lah mahmah leng tam ding hi. Mi Upa lam ten bel a tangpi in Mass khong a hong nai ching in Tuailai lai ngai vungvung ding uh a, A Tuailai lam ten bel Chih simsim te toh hun nuam ding ahih ziak in ngaklah ua, Naupang lam ten lah vanthak silh kal ngaklah na zal in Mass tunkal ngaklah mahmah sam uhi. A neu alian in Hiai HONDAMPA hong pianni theih Gige na a Christmass ki zang zel pen ngaklah dan tuam chiat in na ki ngak lah a Himahleh ken bel Tukum Christmass Hong tun ding bel ka ngaingam het kei hi. Hun leh nite'n lah ngak neilou in mual a hon liam san zel ding ua Decembar ni 25 (Christmass) ni lah a hong tung ngei dia, Ka lawm leh vual ten a ngaih mahmah te uh toh kipak tak in Hiai kumkhat a khat vei chou Hunnuam om a hon zang ding ua ken Lunglen na lel toh ka zat ding bel ka ngaingam mahmah kei hi.

Ngaihngam louh thu a pha theih hileh kei tel in Hiai Hondampa hong pianni bel lungleng tak a zang a om kei ding hi. Pilna Siamna leh Hauh sakna ziak a leng bawl thei hilou Ei deihtel na bang a leng a hun tun sak theih ahi mawk louh ziak in Hun pamaih mahmah te lak a khat ana hi a, Kua peuh mah in kipak tak a zat Ding in hoih mahmah hi. Khenkhat te'n phamsa ngai vungvung kom in mitui toh a zang ding ua Khen khat ten lah Khiatlah ngaihnou puldou na in a zang ding uhi. Hiai kumkhat a Christian te a ding a hun manpha leh hun ki pah huai mahmah kei leng Christian khat hisam ing a bangziak a Lunglen natoh zang beimai ding ka hia le…??

I khovel neih leh lam Hauhsak na in bel vangam a hon tun kei ding chih i thei a Himahleh Khovel a Hauhsak utlou kua ahia..?? Tu lai houh khovel changkang ta A tai theih velvel louh a Nungak hel dia kuan bangleng zum huai ta, Khosak na inlah hon zillou Khovot nuaipi a Khe a pai khongkong maimah Ei ki suanlah nak lai a I hoh na tenlah Khe zang a kholak pawt hon chih bawl uh hileh ki lawm hon na ngaisang teuh lou un lengla dang ana om kei leh bel A Naknuai kamsiam ua chu honna pawl sam un kua hia a tai thei zang a hong pawt a omleh ei khe a pawt te khong Theih ngeilouh te mah ki bang.. Bang teng hileh.........…

©Siamsinna leh Vakiangbu