ITNA GILOU

~Palemtheilou Papektawl

Bang ziak a call pickup lou ei dia aw, Bang buaipih a ka Message hon reply pahpah lou ei dia aw, Ka Ulal buai lam theipha lou in kei ngaih luat man in hon thu zak pahpah louh chiang in heh na di om het lou hina pi'n kana heh kha man sek hi. Ahi tak in zo ka Ulal ngei inleng hun nei hih leh hon thuzak utlo sam di hia, Ken lah sun chia nasem a buai a Tex leng le hon reply man lou ding ahi chih thei zenpi bang ziak a tex ing a hon reply louh chia heh san ka hi dia aw,iit lua.Ngai lua ka hih chia hun awl ka neih nak leh ka kam mahmah toh houpih bat hikei mah leh a man hunhun a hon reply dia tex zel ka hi lel hi. Tangval tampi ana nei kha ta mah leng ka Ulal kan a ka ngaih a omlam ka thei kha naikei. Bang pan ziak a hia..!! Ka tangval te zo mi hausa pipi ngen hi ua Ken hun ka neih nak leh ki hou thei gige hi ung a Ka Ulal in bang itna hon muam a mai zen a, ka tangval neih khak te toh teh dia lah amah ka na sem tu lel uh hia, Pilna Siamna lah tua ken ka simzah seh thum suah seh khat tan kan ana sin kha lou hitel a, Ka zawllui te ngai mah leng hici tel a ka vei lam ka thei kei. Ka Ulal zawl ka 1st love ahi zenzen kei himah leh ka 1st love te sang inle ka ngai zo. Mi'n chu 1st love ki mang hilh theilou a chi ua ken chu ka 1st pa bang chu phok nawn teuh lou hi mai.

Kei chu Nautum leh Tanu neih sun ka hih ziak in ka Nu leh Pa leh ka Ute'n hon duat pet mah ua Neih leh lam alah Pathian vual zawl na toh nei thou ka hih man un deihdeih nei a, Duhduh ne mi ka hi a ka hinkhua zang nuam mahmah mileng ka hi hi. Mi Rs. 100 a buai ua Kou bel A sing a buai te himah le ung ka leitung goute ua ka lung akim thei nawn kei, Ka Ulal ka muh louh chiang in ka diip a hom a Ka hinna in taksap nei hileh ki lawm in ka omdan a lem thei kei, Kei lah Ka Ulal ngai a lungmuang thei mahmah lou ing a, Ka Ulal inlah Nau nou zaw mihau sa na hi ua kei na sikha lel uh hon ngai taktak kei nite, Na kamsiam maimai ahi kha dia Den chia ka gentheih na beplap tu lel ahi ding. Ban a na Nu leh Pa'n leng ahon deih sak kei hial ding ua I ki ngaih lam theih le uh den chia na naa uh sem thei nawn lou in omkha leng ken bang a nek mu ding, Tulai bang sepna di a vangvang toh A hi theih leh na Nu leh Pa te'n n'ang adia a hoi guk uh Kei sang a Mel hoih zaw Tangval hausa om ding ahi. Tun ki iit in ki ngai mah le hang Damsung tulpih di'n zaw hon tel kei nite, Ang dang pom mai ve. Khong hon chi zaw mah. Hi mah e Ka Ulal gen zaw dik mah e hile adik kim kei Ken zaw amah lou midang toh ki teng sang in Sih na pasal a neih ka tel zaw ding. Ka ki ngaih lam uh ka Nu leh Pa'n hon thei le uh zaw hon deih sak khol kei mah unte, Ahi alah ka pa'n Ka Ulal deih a deih sak a bang, Ka chih na chu Ann ka nek chiang khong un nasep fel leh ki zen asak dan khong ka nu kiang a gen mun mahmah hi. Ka Ulal chu itna mittoh ka et ma pek a leng Fel kasak mah ahi. Kamtei lai Chiamnuih thanghuai lou te gen lah siam lai Sep lit lah neilou, Inn sung nalah numei pasal sep di leng khentuam lou a pawi moh leh ann huan, Puansop, Inn zut leng pawi salou A taima dan tuam diak na khat leng ahi hi.

Kei lah chu Ka Ulal toh ki teng di sa aki koih in ki teng le ung inn sung naa teng ka khut a hong ki nga di ahi chia hih thei kei mawk leng zumhuai lo di chi'n ni dang a ka hih ngeilouh Ann huan, Ann sep/hoi, Tui bel khuk dan khong ka nu kaki hilh sak dek chia lah ka Nu'n lah n'ang hih ngailou na om maimai in ken kon hih di hon chi a ka sep di hon phal mahmah lou. Ka lungsim guk in "Nu aw Na tanu lungsim thei hile chi'n zaw mo" ka chi vungvung sek hi. Ka Nu'n lah kana sep d hon phallou ahi chia kei bang chik chia Numei nasep siam ding ka hia, Singpi omdan,Inn sung hah siang leh puan sop dan kia a inn sung nu hih na leng zaw ding, Ka sungkuan ten sep ding ahon phallouh hang un Ka Ulal ka iitna ziak in sep thei ngai ahi chi'n Hun awl ka neih chiang in ka lawmnu kiang kava hoh zel a a Nu kava ki hilh sak zel hi.

Ka lawmnu Nu'n zaw numei khong inn sung naa sep theih vek ngai ahi, maban ding thei kua mah omlou Mi hausa inleng Mi nei zoulou bang va kitenpih theih, Mi nei zoulou inleng Mi hausa bang leng va kitenpih theih ahi chi'n siam nel tak in ahon hilh sek hi. Tuibel lel louh a khuk kaki zil nalam in a bel uh leng bang zah hiamtak kasu kia a akem dekdok zozen hi. A dang tele zo haksa ka sak luat omkei ann hoi/sep mahmah haksa kasa Ki hoi thei mahmah khut lah kham pet mah a kham khen chia hou khe dek hileh kilawm, Ban khong Golh a Golh mai. Ka Ulal ka itna ziak in mite a di'n bang tham hikei mah leh ken chu haksat na tawp khok tuah leng pawi salou in ka hon sintou zel a sawt loh chik sung in Siamlua hikei mah leng ka hon hih thei vek sam hi. Zingkal school kai ka kuan dek chiang inleng Ka Ulal mel ka muh masak kei leh kuan dok zoulou ka hi man in ka Ulal ka ngak zel a A mah lah zing dak 9:00 ma hong tung ngei khollou kei lah School dak 9:10 a ka tun teitei ngai, Lungsim chu aki noh thei ei, Ka Ulal lah ki suanlah hatlua En I houpih masak kei leh le hon houpih ngei mahmah lou, Schoolkai I kuan khiak dek chiang bang in "Kai nuam in aw Nau" khong hon chi di Isak leh a zumman hia Ahi ke kapa a zahtak man, Naa sep kipat sawm a buai abuai thei Etle hon Enman lou, Hile ken chu amel mu mai leh zuan nuam tuam ahi chia pah akipak mai, Nidang a ka Tangval te toh School kai khawm ka hih chia School kai hun sung tom kisa theilua, Tua chu Tawp khal chou ngak lah kihi ta, Teaching lai khong bang ale bang ngaih tuah kha kadiam a Lungsim guk nuinui mai, Home work teng lah lawmte dawt gige ngai, Keile zaw va kai thou hing a ken bang va ngai a bang vasin ka tuam diam a. Ka Ulal inle zaw akam a hon houpih tamlou na a School kai inn tun chia zaw kipah mel tak a hon en a "Nau hong tawpta mo" Hon chi hi leh kilawm, A mit etlawm tak a hon Chaih Bang chu Babare Kipah na a ki dim himai, Ana sepna a mai ngal tak a va et dilah Ka Pa lau kei chia Inn tunglam Apan kava en Gu zel hi. Ei lah School kai kipai hak theilua ei chia inn I tun nung Sawt hon ompih man lou Naa sem tawp hun ei chia inn lam a hon paisan zel. Ken chu Lamkawi ale tum nai kei mah leh Message kipan ngal, Hile Ka Ulal in nasep na a A phone hon tawi ngeilou ahi chia inn a tun ma hon reply ngeilou, A hon reply ma a en 3/4 bang ki khak man, Mi I hon ngai taktak chu napet mah, A Entu I hi lai a zaw noptuak sak a kasak hia Tua mi'n kei hon ettak ua lah nuam mahmah lou Lunggimna a ki dim.

Nitak khua a hong mial a Laisim ding in ka Room ah ka lut a Lai zo va simmah ing e Hile kalung sim a ka phon chou om, Ka phon tawi hileng ka Ulal tex di ing a Ka ngaih dan leh a omlou a bang mah kahi louh dan khong gen di ing a, A man le hon gen sam di hia chih khong ka ngaih tua chiang in ka laisim na lam himhim ka ngaih sak pha nawn kei hi. Nu leh Pa te lauh na zal a Dak 8:00 tan khong chu Laisim dan a va omsam. Tv mai a phone toh tu pah, Ka Ulal I tex pah chia lah Laitom nasim thei lua Chia hon sal zel. N'ang Hon ngailua ing a mo U laile sawt simthei lou kei voi I chih chia lah, Kei nawn ngaih ziak a Sawtpi pi na sim di ahi. N'ang bek lai na hong siam ken a Den chia ki tengle I tate kuan lai hilh di hon chih chia lah dik mahmah zel. Khovel a I kipahna pen in hon sawl ahi chia Laisim dia I ki sak chia Laibu a Laimal ki gelh dendon te bang Hon Message na di dan khong a ki ngaih tuah, Texbook en le hang lah lim kigelh peuh bang a mel dan aki mu mai mah ei chia ki sim thei mahmah lou Ei chia Phone mek kipan nawn mai lou adi dan dang omtuan lou.

U ka sim zouta, Kon ngailua Mmuuaahh, Chia ka tex leh hon reply ngei mah mah lou, U bang chi e.?? Heh mo..?? Ngakngak mah leng Dawnna hong lut ding muh ahi nawn kei, Bang chi a dia aw, Hon heh san hia leh A hi ke Nungak dang toh honkop a Tua Nu kiang a aom ziak a hon reply ut lou hi di bang in ka khoih a, Bang lou teng ngaihtuah a Ka heh tha lah suak Ka lunglah gim.UU Hon tex ut nawnlou na hileh Mangpha mai in aw ka na imu ta mai ding

Chih teng ka khak nawn a Ka lup ta mai hi, Imut pah sawm mah leng Ka lungsim ngaihtuah na a saupai luat ziak in imu theih lou in ka ngat nalam bang ka khen thithe zozen hi. Hi chia ka omom sung in ka phone a hong ging a ka etleh message hong lut ahi a, Tu zan sawt nungnung a kua hi peuh mah ahia chih lungsim nei kom a ka etleh Ginta louh pi'n "Nau imu ta mo..?? Chih teng ka Ulal in hon khak hi, A kin thei lam in ka reply a Imu nailou, Denlam a bang dia hon reply lou e, ka chih leh Ka SMS 100 sen khinta kei chia hon reply theilou kei voi, Hon call na di lah neilou kei chia, Heh ken aw Nau Hon chi hi.

Ken zangbei lou ing a n'ang kua teng tex a zangbei neita..? Kei sang a pawimoh zaw tex di om ahih in chu a pawi di Chi'n ka reply nawn hi. Lawmte toh kaki tex ua hi, Imu phot ni aw kei zingkal ka thoh baih ngai di Mangpha aw Nau Chi'n Mangpha hon khak in ken leng Mangpha ka khak mai hi. Ka Ulal ka Ngaihluat ziak in ka lungsim agilou pet mah, Mi'n Nungak Tangval ki ngaih lai a ki muan moh na a tam lai teng ki ngailua chih na ahi achih uh chu dik mahmah eive, Ken leng ka Ulal ngailo lou hileng Nitak khat SMS hon zat bei san ka heh het kei ding, Ngailua ka hih chia midang peuh toh honkop a tua Nu toh aki tex na ua zangbei hi dia ka koih ziak a heh ka hi zaw hi. Awi.. Zinglam dak 3:00 ging dek hilou mo imut hunlo ta chi'n ka imu ta hi.

Ka theih natan ah zaw ka Ulal inleng hon ngai mah e, Ken le ngailua ka hih chia ka kam ua Itna thu ka gen kia uh deih khoplou hile ung kilawm bang in ka omdan unleng ahong ki lang panpan ta hi. Tua ka omdan ua ka omtouh zel uh leh ka Nu-leh-Pa te'n a hon theih suah khong uh ka gingta hi. Hon theih suah uh henla kou Utthu hilou in hon ki khen sak mawk le uh ka hingzou dia aw, Hiai khovel a tom chih ka hin sung ka Ulal tel louh in zaw ka hing zou mahmah kei ding, Hon theih khiat ua hon deih sak louh ua hon kaih khen sawm uh leh mun dang a kitai pih di hi mai chih ka tum tinten ta mai hi. Kei lungtup bang a ka Ulal in hon ompih ngam kei leh chu sihna lou ngal alam pi di dang ka thei kei, Ni khat ka nu toh Bazar kava hoh uh leh ka Ulal nungak khat toh hong ki zuih uh uh ka muh a, Tua numei nu kua ahia,

A ma adia kua ahia chih leng theilou himah leng Ka ngaihluat ziak in ka muangmoh ngal a ka tha bang a zoi vungvung zou hial hi. Nidang a zo Bazar vak hun sung leng bangmah lou kal ka sak leh tuni chu Mood fuhlou ei chia sawt kasa pet mah hi, Nu kana pai mai aw ka chih leh ka Nu'n hon phallou zomah, Mai mial mengmung in ka nu ka zui nalhnalh a Ka lei di teng uh ka lei zoh un innlam pai sawm in Auto ka ngak ua Auto lah tam atam hile kou venglam tai di om ngei mahmah lou Nidang a zo tam thou bang hia tuni bang ziak a ka gamtat dan lem theilou ahi ta mai a, Ngaklah tak bang tan hiam ka ngak nung in khat ahong pai a mitam sim mah leh ka Nu ka tuanpih teitei a innlam zuan in ka taipah uh hi. Kei chu inn tung phet lupna ki den na hi ngal mai, Ka Ulal a dia ka gin omna a thon mai di mo, Tua nungak nu kua ahia muh dah vilvel ke, Tangval hiai zah lai a bang dia ka Ulal khelkhel hon zui ahia, Chi'n thu hoih lou lamlam ngaihtuah aka omlai tak in ka pi'n ann ne di hon sam mah leh kei chu ka ann nek uttha le suak nawn lou hi mai. Ann ngolh sang in ka Ulal ka chan khak ding ka lau zo. Lungkham leh mangbang tak a ka omlai in hi kei bang teng hileh ka Ulal ka kimuh pih dia midang hon neih san hia Chih ka kam mahmah in ka dong ding chih lungsim ka hon nei zenzen a, Ulal nidang a Iki muh sek na mun a honpai in aw honna ngakngak di ka hi chih teng ka Message a, Khual ahong mail tak in ka Nu kiang ka lawmnu kiang a hoh di dan in ka gen a ka Ulal mu di'n ka pawt hi. Nidang a ka kimuh sek na mun uh tungpan chih leh ka Ulal leng a hong tung a, A mel ka muh mai inleng ka heh na teng bei mah leh ka tuni a aki zuih pih nu thei nuam ka hih man in kana ki heh sak khemkhem lai hi. Kongkai hia, Sawt n'on ngak ta hia Duat, Ahoh chi pah a kei chu ki hehsak ka hi.

Ziak in ka na hi phenphan leh Nau heh mo..? Tuni na omdan tuam na e, Bang chi e..? Chi'n a hong dong a, Heh mah kei di Chi'n khauh deuh a ka dawn leh Bang ziak a heh e..? Ka hih khel om hia A hon chi nawn a Ken leng N'ang kei sang a thuah ut zawk nei hi ve chin, Ken gin omlo di kon sak leh honna kop dan nei voi mo, Kei a lungkim zou lou na hi leh hon khen mai ve ka chih leh Nau ken nang sang a pawimoh zok leh ki thuah pih ut zawk kua mah ka neih louh pi Hon chih leh ka heh tha hong suah luat ziak in Na nei a hilou di Bazar khong a pawt khom zaihzaih Ka chih gemgam leh kua toh ka pawt khom ua eita hon chih lailai zokmah ziak in ka heh a Kon muh louh di kisa mo..!! Bus parking kiang ah non pai ua kon sam leh Etle n'on en utkei zomah voi Chia heh kisa a ka dawn leh A mh chu nuih mai tak in Aw tuni a ka pawt pih nu toh hon muangmoh chih dan nei voi mo, Amah mo....... Ka pute ta eivoi, Zan a hon zin in chi kei chou Bazar ka hoh utkei ka vanlei di tam toh hong zui mai in hon chih ziak a kava zuih maimai hi. N'ang le mi thei tel phot inla huai zoh chia na kampau pan kei di. Na gingta hia ka gen na ginta kei leh ka call dia naki hou di uam hon chi khe khong hi. Gen di bei thou Hilehle ka chih patpat leh ka phon call ahong pai a ka Nu ana hi lai zang hi, U kana pai di aw ka Nu'n hon call man Ki tex thoh mai ni chi'n ka pai san hi.

Ken Itna ziak in ka lungsim ka gilou sak pahpah a hi ven ka Ulal le zaw mi kop di chi hilou hi veh aw!! Den khong hon khen aw bang ka chi vatvat na a hon khen taktak hilehle a thuak zoulou di kei mah hing a, Itna khong kipah na di Isak leh lungkham na lel ana hi ta. Lampi ah ka paikom in ka nu'n bang honna sal dia aw, Koi a hoh hon chi thak leh bang ka gen dia aw, Paulam ki lawm ding ngaihtuah komkom a ka paipai leh inn ka tung a ka lauh thoug banglou tak in bang mah honna chi kei vang lak ua Room lam ah lut zuak ngal in laisim din kaki sa pah ngal hi. Ka Ulal toh ka kal ua itna guizam pen sau gop ahi man in Itna thu kikup a ki ngaihna thu kam kia a gengen leng hun sa nawn lou ka hih man un ka omdan un leng kon ngailua n'ang lou in zo kha hi thei nawn mahmah chih a chiang mahmah ta hi.

Tua dan a hin khua ka zat touh zel uh leh zo ka Ulal toh ka ki ngaih lam uh ka Nu leh Pa leng a hon theih suah ngei uh ka gingta, Hon thei suah le uh lah ahon deih sak uh ka gingta kei, Hon deih sak louh ziak ua ka Ulal khen zou ding ka hih nawn louh ziak in ka omdan aki latsak luat louh sawm mah leng ka Itna a let luat ziak in ahi thei kei zel a Ka hinkhua ah ki pahna sang in lunggim na a hong tam zo ta hi. Tulai a I ngaih thupi mahmah uh ka Pianchampha (Birthday) ni in ka Pa'n thupi tak a lawpih hon sawm a, Na semte khol phot dia thu apiak ziak in kua mah a hong kuan kei ua, Kei chu ka iit mahmah ka Ulal mu kha lou ding ka hih ziak in ka zoigu mahmah hi. Ka Birthday lopna ding in ka Nu-le-pa toh zing ann nek zoh in Bazar lam ah Cake older din ka kuan ua Bazar phak lailai chi'n Nitak lam meh ding leng sa ka lei ngal uhi.

Inn ka tun un Birthday lopna hon uap dia ka chial ka lawm te'n leng Sa 5kg tak nitak lammeh dia hon lei ziak un kou lei pen toh 10Kg bang pha ei chia Ka Pa'n lem gelsiam na ziak in ka Ulal leng Ka Birthday lopna Ann kuang hong sokpih dia a chial ziak in kana kipak gu mahmah hi. Sun in ka lawmte toh hun nuam zang in ka om ua Nitak lam dak 2:30 in Programme ka pan ua Birthday thilpiak pe nuam te adin hun ahon hong ua Zumpi pi in thilpiak sang di'n a lai lam a hon ding sak ua Ki pahpih na thil piak hoih pipi ahon piak ua Mite hon piak bangbang leng honpe zoulou Ka Ulal in leng Card khat hon pia a inn sung a ka ompih ten hou salua uh hileh ki lawm in ki hilh gu sauhsauh mah le uh kei adi'n zo Man tampi pi a hon piak te uh sang in thupi kasa zo hi. Mi omdan leh ka Ulal omdan ka en a A mel ah kisuan lah na in adim chih ka theih ziak in ka hehpih mahmah mai hi. Ulal na hon thilpiak mo miten bang mah in simkei mah le uh ken mo ka kipah pih pen ahi ka chi gu vungvung mai hi. Ka Programme uh ka zoh tak un ann ne khom din kon kisa ua Ken leng Ann kuang khat tawi in ka Ulal piak sawm in a tutna lam ah ka pai leh Ka Ulal...

Ana om kei mawk a zuntha hiam a pawt hi dia ka ginta ziak in kana din ngak leh hon pai ngeilouh ziak in ka ann kuan tawi lei lak ah ka koih suk zok a inn kim teng ka va zong a hile ka muh tuan louh ziak in ka Call leh inn ah kapai ahon chi ta mai bang chu aw ka ki pahna teng a bei, Bang ziak ana pai eita ka chih leh ki suanlah huai lua ei chia ana pai mai kei voi, Heh ken aw hon chi a Ken leng engbawl in Ei inn khong ah na ne ut mah di hia, En I hon ngaina a i hon chial chih man thu chia ka dawn leh ka Ulal zaknop lam ahi louh ziak in Neklim un aw Chi'n hon koih khum hi. Ka Ulal zo kisuan lah hat ahi ziak in ka theisiam a Hile mi'n a theih siam louh ding uh ka lau zo hi. Ka lawmte'n ann nekom ann kila ding chi uh ahi man in inn sung ka lut leh ka pa'n na Ulal la honna chi zomah a ken le ka theilouh den khong a omom hilou mo chi'n ka dawng lel hi. Ka pianchampha chu nuam tak in ka hong zang zou ua, Nitak ka Ulal ka mu nuam a inn a hon ho aw chileng lah ka Pa Zahtak lua eichia hon ho lou di sa ei chia ka Nu kiang ka lawmte kha di'n ka ki ngen a ka Ulal mu di'n ka kuan hi. Tangval in Nungak hel nawn lou a Nungak in Tangval hel ta Chichi uh hi ven Eile Tangval hel a kuan dek ivoi. Ahi tak in zo Tangval va hel zo keile Utlua hi hetlou kei ve, Hile ka Tangval pa'n kei hon helnuam lou ei chia ken lah Ngailua kei chia ka kuan mai ngai eivoi mole.

Halh luat ziak le hituan loupi I ngaih luat ziak eilel voi Hu chilou adang ki muh na di lampi omlou pi, Huchi'n ka Ulal toh ka vaki mu nawn ua Tuni ka buailuat ziak a Maizum tak a aom lai tak a ka hehnep theilouh ziak in ngaihdam ka ngen a, Ka Ulal in chu ngai khemkhem kei Hi chi thei mah hi. Ahi alah Eikhog milak a ngaih sak tak le kihi kei Chi'n hon enghou khemkhem hi. Kou chu ki ngai lua hina pi ka om khop chiang ua Itna thu lam gentam lou ung a ka Ulal chiamnuih hat eichia Chiamnuih khong gen ung a ka hun Neih sunsun teng uh Nuam tak a zang himai, Ka ki muh tam louh ziak uh ahi diam a kaki muh chiang ua ki heh san sa aki khen chi te omlou himhim himai. Ka lawm ten chu Zannitak ki su heh ung a ka paisan khong chi zel uh kou chu Kikhen di le haksa sak asa mai Kei lah sawt pawt theilou kei chia ka paipah zel ngai eichia ka Ulal toh ki khelah tak in Mangpha ki khak ka kikhen nawn ta uhi. Denlam aka gen sa mah bang in ka Ulal toh ka kal ua Itna thuguk sel a omom pen ka omdan un mukhia in Vengsung ah ka ki ngaih thu uh a hong thang petmah a ka Nu leh Pa theih ding ka lau gu mahmah mai hi. Thei le uh hon deih sak kei mawk le uh kei bang chi di Lungkham huai ei, Eilawi chu thu dik hi'n Thu zuau hita leh I theih lamlam uh mi kiang a gen somsom chih khong I siam lam pang tak uh ei chia ka Ulal toh ka ki ngaih lam uh leng ka Nu-le-pa kiang a kua hiam in ki lawptak a ana gen chu hi peuh mah inte Ni khat ka Pa'n a room ah hon sam a Nou Na septe Lal toh ki ngai taktak uh mo..? Hon chi ta mai bang chu aw Hi chi di mo, Hi chi leng bang hoh loh dia aw, I chi di mo, I chi leng ka Ulal in thei leh bang ngaih dan nei ding lungbuai huai petmah hi mai. Dawn di dan theilou kei chia dong lou in ka ding belbul mai mah hi. Ka Pa hon paizom zel a Tangval neih le hun nailou Naupang chik hilai na hi Hun a hon kisak chia n'ang adi kou theilua ka hi uh na thei mo hon chi a ken leng "Hi, Chih teng in ka dawng lel hi. Melma di lah tam deuhdeuh Itna lah lian deuhdeuh kipah na di lah tom deuhdeuh A haksa tel mai Mihing dai kaizou omlah hilou a ka Ulal inleng hon ngaih thou na a lampi pi hon om na inte chi'n ka ki lung nuam sak zel hi. Bang hi ding hi di nei eidia aw, Hiai tan ki ngai ta ung a Khat vei mah le pawt dia hon zon ngeilou hia Tuni Pawt dia hon zot zenzen, ka Ulal in khatvei pawt dia hon zon zenzen eichia selna vual theilou in lem kasa a Kava pawt khom uhi. Bazar hon hopih a khi etlawm tak mai khat leh zungbuh khat hon lai sak a, Hiai zungbuh in mong a neihlouh bang in ka itna in mong neilou ahi chih ana thei inla  Hiai khi na awhlai teng na kiang a om kahi chih ana thei gige in aw Chi'n Chiamteh na leh Etsakna hoih tak ka Ulal in hon piak bang a thupi tunni tan in Deihsakna thilpiak ngah zel mah leh A omlam ka thei kha nai kei a om nawn din leng ka ginta nawn kei, ka Ulal in leiding pawimoh a neih teng ka lei zoh un innlam ah ka kik ua Ka inn uah hong kha in chi utmah leng Ka Sungkuan ten pawt khom ka hi lam uh hon theih ding uh ka lauh ziak in hong kha in aw chi sese lou in Ann neklim aw" chi'n inn lam tuak zuan in kaki khen ua inn sung ka lut pat leh ka Pa'n koi a hoh honna chi a ken leng Ka lawmnu toh Bazar vak ka hi uh ka chih leh Na lawmnu le numei di kasak leh Pasal ana hi mo, ken ki lawm thuah a, ki maingal mai dan maimai a kon koih leh ahi lou lam daih a om neive uale mo, A himhim huai te khong toh ki teng le chin bang hon chi khosak pih di sa e, Hai le n'ang a di khol. Tua ban phone le na tawi nawn kei dia, A mah leng Nasem in a hong kuan nawn kei ding chih toh ka phon laksak hon thuah a kei leng vang tah leh khasiat kisak in Naupang hai bang in kakap hial hi. Nu leh Pa thu mang anah loh pek achi ua ken zo ka Nu leh Pa thu mang leng ka Ulal ka khen ngai di hia, ka Nu leh Pa thu ka mangkei dia Ka Ulal ka khen tuan kei ding.

Khen leng leng ka kipah nadi a om tuan kei Thuman louh a Khitui tampi toh khatvei ki pahna ka muh lam en in Tawl ngak na ding a ka Pa'n inn thupi tak mai a abawl nuam leh Etlawm mahmah sung a Lunggim na leh mangbat na hinkhua ka hon zang tou panta hi. Ka Ulal toh ka kal ua thuguk ka sel zoh nawn louh man un hatsak na tampi tuah ngai ahi chih ka thei a, Hiai haksat na pumpelh na ding a lampi leng ka thei Huai chu ka Ulal khen a Nu leh Pa thuman ahi.

A hih ziak in ken ka lungsim teng leh ka hinkhua ding ka Ulal a ka koih ziak in ka Nu leh Pa thuman inleng ka haksat na a khiam tuan kei ding chih ka theih ziak in Ka Ulal mah ka chi tinten a Daltu tam mah leh Nikhat tei kei adia kipah ni ahong om ngei ka lam En lailai hi. Ka Ulal lah houpih thei nawn lou ing a, Kholak pawt di leng hon kiphal nawn lou ahih man in ka hinkhua ahong ki kheng a, Ka Sungkuan te ahi kei leh ken ka lungsim ka khek kei leh Mihai sih a si khong di bang hial in ka hong hi. ka Ulal toh kaki hou louh ziak un midang peuh honna neih san khak ding ka lau a, Haksat na tawpkhok hong om mah leh sih tanpha a ginom dia Iki chiamna te manghilh ken aw Chih teng bek ka Ulal kiang a gen thei hileng ka utpet mah, Mi hing in Itup leh alampi om I chi sek na ua ken zo ka Ulal houpih ding ka nitng nasep ahi na a alampi ding a om kei.

Sunkhat Ka Ulal toh ka hunlui te uh ngaihtuah a lungleng tak a ka om lai in ka lawmnu a hong hoh zenzen a Lawm Bang chi e, Phone tawi nawn lou mo kon call thei nawn kei a A hong chi zenzen a ken leng thu omdan hoih tak a ka hilh leh Zannitak Ulal in FACEBOOK a hon chat in chin Kou lah ki hou theih louh kia leng hilou muh leng ki mu thei nawn lou kei chiang ua Hun na neih hunhun in va pha inla n'ang phone tung tawn bek in hon ki housak ve hon chi a hong hoh kei voi, I miss call dia kihou un aw hon chi a Ut mah ing e, Hile ka Pa'n ka lawmte hong hoh chiang ua le hon ven bawl luat ziak in Aw ka ki hou di uh ka chi ngam kei, Hile Ka sih ma ginom di ka hi dan leh ka ngaihluat ziak a damlou mah bang a om a ann leng nezou lou kahi dan khong honna gen sawn sak din ka ngen a ka lawmnu'n leng hon gensak ding ahi dan hon hilh ban a Hehpih huai honsa a Hehnep theih dandan in hon hehnem a sep ding hau ahih man in sawt omlo in hon paisan pah hi.

Itna ki chi Pathian in bang ana chi bawl tuamse ahi dia aw, Ka Ulal ka itziak in ka Sungkuan te ka muh dah kia gen tak louh ka Ulal gensia peuh mah ka mu dah mawk hi. Ka Sungkuan te Kei a Tanu neih sun uh hon Itlua ziak un haksatak a ka khosak ding a hon phal kei ua Ka hinkhua a haksat na lian pi ahon tun hial hi. Hi chia Haksa tak a hun bangtan hiam ka hon zah tou nung in Ka Pu (Kanu pa) damlou in ahong si a Sungkuan te sigal din a hoh vek ua Kei chu Sun chia naa semte Singpi piak ngai ahi man in inn ah hon nusia ua Adang teng sigal in a ho vek uhi. Sun ahong hi tak nasem te Singpi kava piak leh Ka Ulal lawmpa mun tuam deuh ah ana om a ken leng UChin Hiai ah ka koih aw na singpi di ka chih leh hongpia aw ka omna mun a kon pai peih kei Chi'n hon chiamnuih a ken leng a omna mun ah kava pia a ki nung hei a Inn sunglut ka sawm leh Ana khol dih, Na Ulal toh bang ki loh uh e, Ki khen na hi uh mo..!! Tulai ann lah nelou chi uh Damlou hinte chia ki etsak a sawm chiang ua lah utlou, Naa srem alah hon kuan ngeilou A bang ki chih himhim uh e hon chi a ken leng Thu omdan hoih tak a ka hilh leh Nitak chia nang chou omdi dan nei ve mole,Ana pawt ken aw hong pawt di ka hi uh hon chi a ken leng kei chou ka omdi leh omlouh ding thei lou ka hih man in Inn kong a light ana vak leh kei chou om kahi chih na ahi a ana vak kei ka sungkuan te toh om chih na hi mai ding ahi a, Ana vak kei leh hon lut sedah mai un aw Uchin Chi'n ka dawng a. A singpi dawn uh beita ahi man in nou teng kala khom a inn sung ah ka lut san hi. Nitak chia kei chou hon omsak di uah aw, Ahi kei leh kei leng kapu te innlam ah hoh a ngai mai mah dia aw, Kei chou hon omsak uh henla Ka Ulal hon ho thei leh hoih di hia, A mel mahmah leng mu nuam gop hing a Kei chou hon om sak mahmah le uh hoih di hia aw Chi a ka ki ngaihtuah tuah lai tak in ka Nu ahong pai a Kei chou hon omsak lou dek uh eita ve mo chia a ka lungkham mahmah laitak in ka Nu'n Tu nitak n'ang chou na om ngai di, Kou na Pute innlam a ka gaih uh ngai di ahi, Lau kei na nite mo hon chi a, Utlua leh kipak lua hina pi'n a utlou dandan in ka om zozen hi. Phalbi kopan ta ahi man in ka Nu leng a lum thei pen di a ki van in a hon pawt khiat san nawn hi. Ka kipah na thuguk gen zoh di vual ahi kei ka Nu a pawt khit phet in ka Room ah ka lut a ka Ulal hon ho thei ding ahih man in a nalh thei pen di'n kana ki chei a tua zoh in comment Room ah Mriphu awikom in tv kana en a, Ka Ulal mel muh ka ngak lah man in Sana bang ka en thithe hial hi.

Kinep tak a bangtan hiam ka ngak nung in kong khak hong gingpetmah a Ka Ulal te hi dia gingta ka himan in Honglut ualeng chi sese lou in kong kava hon leh ka lamet bang in ka Ulal ana hi a, Sawt simtak mel ki mu lou a ka om nung ua tuni a ki mu ka hihman un Amel leng hoih tuan hin ka thei, Dem na di himhim ka thei kei Mualsangpi tung a ngeisok Etlawm tak a paak leng bang ahi tuan kei. Gen di zok theilou in kongkhak bul ah kaki entuah kha nilouh ua A lawmpa leng chiamnuih hat chih mah ta Den chia ki en nani uh ut lut photni Chi kom a ka Ulal nung hon son leh ka Ulal in hon bohkha zozen a ka tal uh bang aki tattuah ka hial hi. Hu chi'n inn sung ah ka lut ua Tv en kom a Sawtlou ka kihou lim zoh un ka Ulal lawmpa'n leng hon theisiam mahmah ahih man in paulam ki lawm zang in honna pawt khiat san a, A lawmpa pawt nung in ka Ulal inlah hon naih somlou ahih man in zumpi pi'n ken kava naih a Akiang ah tu in akhut ah ka len pah tinten hi. Ka Tv etuh zolak loh samah le ung light mit ahi man in ka enzom thei kei ua Mial bekbuk a lah ki omnuam salou ka hih chia Invertar Va on sawm a ka din dek leh ka Ulal in hon man gaih a Kintak in a Kiang mah ah ka tusuk lha dop zozen hi. Khomail nuai a itna thu gen khom in nuamka sa mahmah ua Daltu tam mah leh sihtan pha a gin om ding ka hi dan ka Ulal ka hilh lai tak in a hon kawi phei a Ken leng ka itlua ka Ulal ka kawi khak patna ding ahi man in kana kawi thuk sam hi. Ngaihzawng Bangzah hiam ana neita mah leng Pasal anglum a ka belh patna ahih man in ka lungsim ahong ki khek a, Chih mah a ka ngaihtuah khak leng hilou himahleh itna ziak in ka Ulal ka pum kawi a Ittak leh deih thoh tak in ka tawp kha hial hi. Ka Ulal ngei inleng it tak leh deih thoh tak in ahonna tawp thuk sam ,

Huchi'n Ka iit mahmah ka Ulal angsung ah ka sianthou na ka mangsak ta hi, Siangthou tak a koppih neih sawm mah leng itna ziak a mangsak khata zo ka hi ta ve, Hun bangtan hiam kimu lou ki hou kha lou ka hih man un gennop ka hau tuak mahmah ua, Kholh khop chim manlou in lungmawl deuh mai in zing-ak ahong khuang a kou ki khiat lah thu hilou in kihen ngai phot ahi man in "Gin om ni aw" Chi'n khovak nung in Mangpha ka ki khak ua ka Ulal in a hon pai san a kei leng inn sung a lut in Lum dia ka kisak leh ka Nu'n Zing ann ka Pu te innlam a neding ka hi dan uh hon hial a ken leng ole kon pai di ka chi a lum nawn tuan lou in ka Pu te innlam ah ka pai hi, Kum tawp di kuan lah hita khua lah votpan pan ta Nitak khong chia khavak nuai a Nungak tangval ki kawi helhel a pawt te khong inn apan kana gal etzel a kei leng ka iit mahmah ka Ulal toh hun nuamtak a zangkhom thei hileng ka mahmah a Mite bang ka eng thei mahmah hi.

Kare... Tulai pau hileh CID le tam na mahmah uh e, kua mah hon thei omlou hina chia I lungmuan leh honna en zuigu gu om dan ana hi eive le, Nitak khat lel ka Ulal toh ka hun zatkhop uh kuan honna thei a kuan honna mu Gu ahi peuh mah a, Ka Sungkuan te kiang ah honna gen man tel uh eivoi, Hon deih sak lam khong uh toh ki ngaikha hile ung zo Hon deihsak tu di tam di dan ahi ve, Hon deihsak louh uh toh I ki ngaih khak leh hon Daltu di alang alang a ana om, Hon thei siam mai un hen la Ka lungdam na di'n kei lungtup bang hon pompih theih himai le uh hoih di hia.

A thu a gen a Kamdam a thuhilh na zui zoulou ka hih man in ka Pa'n lawm thuah ding leng hon phal nawn lou in inn sung ah hon khum bit ta mai hi. Haksa chih louh gen ding a vang tel mai. Ka Ulal ka it ziak in hak satna tawp khok ka tuak dia Sih tanpha a dia ka thu chiam ka pel kei ding chih ka lungtang a belh ahiman in Daltu ziak maimai a ka itna bei ding ahi kei hi. Ni dang a zo kei mahmah toh ki hou thei kei leng ungle ka lawmnu tung tawn a ki hou thei hi ung a, tua lah Lawm thuah dile hon kiphal nawn lou hita a Ka Ulal toh lah kithu zak lou A mel lah mulou in ka hing zou mahmah dia hia, Ka hinkhua di ka Sungkuan ten hon khual lou uh kasa a A langkhat ah lah ka hinkhua ding hon khual luat ziak a ka Ulal toh hon deih sak louh uh ahi, Hunte liam zel mah leh Hinglai pul douna in ka hinkhua ka zangtou zel a Ani-Ani in ka tha a chau deuhdeuh a ka ann duh tha leng a suak nawn mahmah kei, Itna zo muh theih louh ahi a, Thilpiak leh Omdan a aki lat kei leh Itna bang chi gen chiang ding ahia, Ka omdan peuh lah ki bawl ahon hisak ua duat nak sang in ki salh zialzial khong ka tan ahi ta mai hi. Ulal aw Na vang kon ngaihman tuun zua laizom melma tangta ing a, Lianu'n na vang kon ngaih sianlai tan louh ding hita hiam, Hi bang lawm a Gentheih na tang din banghang mel hon muse ka hia, Tuun leh zua ten pal bang hon nang zong un LiaNu selung gel piandang lou e, Nang toh dawn bang tuah a tuum bang vai khom a Pham na zalkhun ah sambang ka zal dong in ginom di hing e, Tongkisang lou sak mel kimu lou zong lungdang na gel ken aw" Chi a lunsim ka suantuah louh kan ka hih thih dang a om nawn kei, Ka omdan leh ka gamta in lah ka Ulal Ngailua ka hi chih a chian luat ziak in ka Pa ka heh sak a Chik mah aleng ka meltheih hilou A lawmpa tapa toh kiten sak hon sawm ta hi "Ken lah ka Ulal lou ngal midang himhim kipah na na nei kei ngal a" Sih na mo ka Pasal di, Singdang anglai" Ka deih tel ding chu a haksa mahmah ta, Mi dang va nei hi ta zenzen leng ka Damsung kipahna ka nei tuan kei dia, Sihna Pasal in nei leng ka Ulal in bang ngaihdan a nei dia, Sun nitum in zankhua mial mah leh Khitui nulna toh ka hinkhua ka hong zang touta hi. Ann nelou Imu a ka omom ziak in ka chau mahmah a pau leng pau zou manglou Bawltheih louh Damdawi pawimoh in luna tung ah ka lumden ta mai hi. Ka pa lem sakna ziak in ka Pasal neih hun ding gen fel in a om a.

Huchi'n Ka iit mahmah ka Ulal angsung ah ka sianthou na ka mangsak ta hi, Siangthou tak a koppih neih sawm mah leng itna ziak a mangsak khata zo ka hi ta ve, Hun bangtan hiam kimu lou ki hou kha lou ka hih man un gennop ka hau tuak mahmah ua, Kholh khop chim manlou in lungmawl deuh mai in zing-ak ahong khuang a kou ki khiat lah thu hilou in kihen ngai phot ahi man in "Gin om ni aw" Chi'n khovak nung in Mangpha ka ki khak ua ka Ulal in a hon pai san a kei leng inn sung a lut in Lum dia ka kisak leh ka Nu'n Zing ann ka Pu te innlam a neding ka hi dan uh hon hial a ken leng ole kon pai di ka chi a lum nawn tuan lou in ka Pu te innlam ah ka pai hi.

Kum tawp di kuan lah hita khua lah votpan pan ta Nitak khong chia khavak nuai a Nungak tangval ki kawi helhel a pawt te khong inn apan kana gal etzel a kei leng ka iit mahmah ka Ulal toh hun nuamtak a zangkhom thei hileng ka mahmah a Mite bang ka eng thei mahmah hi. Kare... Tulai pau hileh CID le tam na mahmah uh e, kua mah hon thei omlou hina chia I lungmuan leh honna en zuigu gu om dan ana hi eive le, Nitak khat lel ka Ulal toh ka hun zatkhop uh kuan honna thei a kuan honna mu Gu ahi peuh mah a, Ka Sungkuan te kiang ah honna gen man tel uh eivoi, Hon deih sak lam khong uh toh ki ngaikha hile ung zo Hon deihsak tu di tam di dan ahi ve, Hon deihsak louh uh toh I ki ngaih khak leh hon Daltu di alang alang a ana om, Hon thei siam mai un hen la Ka lungdam na di'n kei lungtup bang hon pompih theih himai le uh hoih di hia, A thu a gen a Kamdam a thuhilh na zui zoulou ka hih man in ka Pa'n lawm thuah ding leng hon phal nawn lou in inn sung ah hon khum bit ta mai hi. Haksa chih louh gen ding a vang tel mai. Ka Ulal ka it ziak in hak satna tawp khok ka tuak dia Sih tanpha a dia ka thu chiam ka pel kei ding chih ka lungtang a belh ahiman in Daltu ziak maimai a ka itna bei ding ahi kei hi.

Ni dang a zo kei mahmah toh ki hou thei kei leng ungle ka lawmnu tung tawn a ki hou thei hi ung a, tua lah Lawm thuah dile hon kiphal nawn lou hita a Ka Ulal toh lah kithu zak lou A mel lah mulou in ka hing zou mahmah dia hia, Ka hinkhua di ka Sungkuan ten hon khual lou uh kasa a A langkhat ah lah ka hinkhua ding hon khual luat ziak a ka Ulal toh hon deih sak louh uh ahi, Hunte liam zel mah leh Hinglai pul douna in ka hinkhua ka zangtou zel a Ani-Ani in ka tha a chau deuhdeuh a ka ann duh tha leng a suak nawn mahmah kei, Itna zo muh theih louh ahi a, Thilpiak leh Omdan a aki lat kei leh Itna bang chi gen chiang ding ahia?

Ka omdan peuh lah ki bawl ahon hisak ua duat nak sang in ki salh zialzial khong ka tan ahi ta mai hi. Ulal aw Na vang kon ngaihman tuun zua laizom melma tangta ing a, Lianu'n na vang kon ngaih sianlai tan louh ding hita hiam, Hi bang lawm a Gentheih na tang din banghang mel hon muse ka hia, Tuun leh zua ten pal bang hon nang zong un LiaNu selung gel piandang lou e, Nang toh dawn bang tuah a tuum bang vai khom a Pham na zalkhun ah sambang ka zal dong in ginom di hing e, Tongkisang lou sak mel kimu lou zong lungdang na gel ken aw" Chi a lunsim ka suantuah louh kan ka hih thih dang a om nawn kei, Ka omdan leh ka gamta in lah ka Ulal Ngailua ka hi chih a chian luat ziak in ka Pa ka heh sak a Chik mah aleng ka meltheih hilou A lawmpa tapa toh kiten sak hon sawm ta hi "Ken lah ka Ulal lou ngal midang himhim kipah na na nei kei ngal a" Sih na mo ka Pasal di, Singdang anglai" Ka deih tel ding chu a haksa mahmah ta, Mi dang va nei hi ta zenzen leng ka Damsung kipahna ka nei tuan kei dia, Sihna Pasal in nei leng ka Ulal in bang ngaihdan a nei dia, Sun nitum in zankhua mial mah leh Khitui nulna toh ka hinkhua ka hong zang touta hi. Ann nelou Imu a ka omom ziak in ka chau mahmah a pau leng pau zou manglou Bawltheih louh Damdawi pawimoh in luna tung ah ka lumden ta mai hi.

Ka pa lem sakna ziak in ka Pasal neih hun ding gen fel in a om a.Ka ginta louh leh ka kinep hetlou hinna pi'n Ka Pasal ding a chih pen uh alawm ngaihnu toh Mundang a ki taipih ahi dan thu uh aPan ka inn uah hong gen a, A guktak kei chu kana kipak gu mahmah a Hile ka Pa chu heh kisa in Na Thulim kei lua lawm Ta tele thuzoh zoulou Mi lak a hon suzahlak mahmah na hi Chi'n a lawmpa bang a hankhum zialzial mai hi. 

Ka Pasal neih ding lemgel a omsa pen Lemtheilou ding ahih tak ziak in ka Ulal toh ki teng ngei di'n ka ki nem a Himahleh Mel kimulou Tong kisang lou ka hih man un Kei chu Ka thuak anuam tuan kei a Nidang sang mah in bahzo hi'n ka ki thei hi "Laa in Tomkal melmuh zong kei A ding in Lungzuan nuamtuam e" A na chi hial a Tomkal Ka It melmu hileng ka Lungzuan bangzah ta in a nuamtuam dia, Ka laa ngaih peuh kei a ding hikhol dia in ka koih a, Ka mel muh theih Sing leh louhing te na ngon in ka thuanna hon thuakpih uh hileh ki lawm khop kipah mel himhim in ka mu kei hi. Christmass kuan ahong hi a Milung leng thei te a ding in lunglun louh na ding himhim a om kei ding ka chi ngam, Mun tuamtuam akipan lenkhop la ngaih noptak tak te a hon khakhe zel ua Solkha in lah a vak theina teng suah in leitung a tanvak singseng hi. Mite Lenkhop la ngai a lungleng tak a aom lai un ken zo Zanlai solkha na vaak lungzuan sial n'an a lawmlou ka chi vungvung mai hi. Inn hoih tak sung a teng himah leng kei a di'n ka Inn hoih tak uh Bel Suangkulh toh ki bang mai hi'n ka thei, Ka muh ud teng mu theilou ing a ka Houpih nopteng houpih theilou ka hih man in Suangkulh a om toh ka ki teh hial hi.

Hun sawt tak Lawm leh vual te kia gen taklouh Damsung a dia Chibang ka tel ka Ulal mel mulou a ka om nung in Nikhat dawi havang kal ah ka Lawmnu ka inn uah hon hoh thei zenzen a ken leng ka Ulal tanchin thei nuamlua ka hih man in Lawm Ulal bang achi a Adam zelna mo Chi'n ka na dong pah a ka lawmnu ngei inleng Lawm Ulal mo Hehpih huai petmah a hinkhua n'ang a nga ahi chia Nang lah houpih nawnlou Ban ah Pasal nei ding na hi dan khong thei zomah ahi chia lunggim leh beidong kisa in Ka kiang ah hon pai zel a kei lah n'ang mu dia kon pai chia omlou hon ki chih san gige zomah Ulal mo nidang bang nawn lou lungmuan na zong khial kha in chin tulai ka kimuh chiang uale agim hong tuam mahmah ta eive, kenle chu hehnep thei na tan a ana hehnem zel ing a hile A lungsim tengteng n'ang a om ahi chia N'ang Pasal neiding na hi dan athei a kipan kei Khovel a ka hinman om nawn lou ahi. 

Ittu ding leh hehpih tu ding neilou Genthei tak a ka khovel hinkhua zangbei ding hita ing ei... Ka nek louh ding vonggah keikha hita mai ing, Sian laitan louh hiam ziindoi ai vang, ka hin khua ka thei zou kei. Haksa kasa lua, Khong hon chi in chin, N'ang kiang ah ana gen teitei in aw chia hiai thu hon nutsiat a" Tu in Alungkim na leh akipah na tan tungzou lou mah ana hi ing, tua ziak mah in Pasal hon neih san dek ahi chih leng ka thei ken Moupuan sih a ka Itpen mel mu ngamlou ka hi. A deih anglai a zal zong in ka itna beilou ding ahi man in A sakmel mu ngam nawn ding vual ka hikei a, Nu loh ching Nu manpha hong hi teitei hen aw' Kei zo ka pianphuang a niamluat vang a Deih anglai zal zoulou hi ta mai ing" A mah Kal beisa Monday a Singtang lam a paita ahi, Chi'n ka Lawmnu hon gen hi. Aw ka itpen bang ziak a na lungsim neu sak na hia..!! Bang ngaihtuah a bang chi hin ding ka hita mai ale Lampi khat a van chia Lampi dang bing zel Ka hinkhua vangtah hina mai zen ing e, Ka sen lai hun ah Senkik thei hileng Lunggel toldam ding hi ven mo, Senlai ni te lah Sulkik hong heilou dia N'unlui ngai a luankhi nul lel mo ka tan tawk. 

Kipaik hoih sang in ki ngaih siat na lam in ka hun tamzo zang ka hih ma'n Ka taksa akiam hulhul a ka Etlawmna teng leh ka Paak hoih lai vul ding ahi ta mai hi. Itna hinkhua hi chi ding ahih lam ana thei himai zen leng Itna huang suang a ana ki buallou di hi ing a, Sial lut nung a Sialdai kaih lah a phattuam na a om kei zel a. Damlou ka zalna lai khun tung pan 

Nikhat ka lawmnu a hong hoh thei zezen a ken leng ka Ulal tanchin theinuam lua ka hih man in Lawm Ulal bang a chi, A dam zelna hia Chi'n ka na dong pah ngal hi. ka Lawmnu ngei inleng lawm Ulal mo Khovel a ka Itpen midang toh aki ten di uh zo ka phal thei himhim kei, Kei phallouh a hi thei lah ahi ngal kei a Singdang anglai zal ding a Moupuan sih a ka Itpen mel mu ngamlou ka hi, Hiai mun a om leng lah ka muh Ud dia tuasang in kua mah phawk phaklouh na Zodawn ah ka pai mai ding Christmass leng a naitak toh Mass zangkom leng kahi mai ding, Na ki muh khak na uh a om leh Hiai honna piaksak in aw Chi'n ka Zungbuh hon pia hi. Ka Ulal ka itna beilou ding ahi dan chiamteh na a zungbuh mong neilou ka piak Kei kiangmah a hon piak kik mawk Bang lungsim nei ahi tamai a, Pasal dang nei disa a hon koih ziak a itna guitung zoulou Ihi mai ta a chih na hi ding in ka gingta a Ka thuakna behlap sak tu a apan ziak in Ka Itna mittui a aluan kia genlouh sihpih ding ka bang taktak ta hi. Phalbi zan sawt khatang sambang kazalna laikhun tungpan Ann bang ka it Ka Ulal toh Nuam a ka lenlai nite uh sial in Lung a zuang ngei mai, Nemtu ding omlou Selung guk in ngaih aw chi'n malbang kou zong leng dong hon dawng ding Vangngaih hei na tangdang ta e, N'un nuam sambang zalte din lunggel tawldam n'an chia, Vang sel kei bang zuang te din Tawldam na zal khun zong Gim genthei luankhi nulna Zalkhun lel hi. Hun leh nite liam zelmah leh ka lunggel liampih theilou uh ahi man in Ka thuak na in ka taksa zou lua ahi man in Simai ding ka bang ta, Sungkuan te'n lah Hon itziak un ka damna ding damdawi honpe lou in ka natns behlap tu din Khovel mipil te muang mahmah in Damdawi inn ah ahon koih ua, Damdawi tampi ne in dawn mah leng ka taksa hatsak tu ding khat mah leng a om kei, Ahi alah tua Damdawi te zang kei leng ka sita ding. kei ah leng damdia ki muanna om zou nawnlou ahi man in nikhat chu Ka Nu kiang "Nu kei lah Tua dan a ka omtouh zel leh sawt leng hon dampih zonawn lou ding ka bat tak ziak in ka Sih ma in Ka Ulal toh khatvei hon ki mu sak mai ve ua, Tua khit chiang in lungmuang tak in ka dawtdam ta ding Chi'n ka ngen ta mai hi. 

ka ngetna na Nu'n hon thei siampih ding ka sak lai in Bawi tua te gen nawn ken na Pa'n thei leh heh lodi ahi, Damdawi na hon nedia hong danpah ding na hita hon chi zomah lai hi. Ka Damna ding Damdawi nai chik a om a, Bangziak a Sum tampi seng a Gamla pi zong na hi ua, Na Ta uh kei hon Ittel lou uh mo Nu Chi'n ka nu ka kah khum hial leh Bawi Na Pa thuthu a kipai ahi Na Pa ka Pasal ahi a ken leng a thu selngam lou ka hi, Hiai thute gen nawn kei ni na gim behlap maimai ahi na Ulal manghilh inla na maban ding Saupi ngaih tuah in Chi'n ka Nu hon dawn nawn hi. Nu ahi na zal a ka pa kiang a theisiam sukmai ve Chi a kei ata nu adia kam khat tel leng pau ngamlou ding Nu ka neih khak pawi hina pai zen e, Nu na tawm in Tate haksatns kamkhat lel leng gen ngamlouh na ding Pa Zahtak huai ka neih khak pawi hina mai zen e, Bang teng ngaihtuah in bangteng gengen mah leng kei adi in ka kinepna thon mai ding a bang ta, Ken hichi tuak a haksa ka zat lai in ka Ulal in a omna lam ah bang chi'n hinkhua avang dia aw, Kei lah Pasal nei khinta di'n ahon gingta dia, Lungzuan ban na di'n Lengdang ava sai mai dia aw" Kei ka gin om mahmah hang ka Ulal kei a ki nem nawn lou di hia Hiai ah kei Sih lengpawi salou zen in na pang leng zong a man ka tanchin leh ka thuakna theipha nawn lou di hia, Ken Gin omtak a kana ngak mawk leng thil hithei a bat louh hun bang ka om sak zel hi. I taksa tung a Niin bang bel ki hah siang theih a I sisan a Itna belh zo hah siang ding chile hinna I tan loh ngai ding hi. Sisan omlou a mihing te lah ki om theilou a, Ka Ulal ka itna Ka taksa leh ka Sisan a belh ahi man in Manghilh ding chileng ka hinna ka tan masiah mang hilh lou ding ka hih ziak in kei a di'n ka Ulal mang hilh thil namai ahi kei, 

Kei Itna ka ngaihtuah zel a Thupi kasa, Kei Itna bang a ka Ulal inleng hon It dia ka ginta ziak in aguk tak in ka muang a A langkhat ah lah ka Ulal din mun kei adia ka ki piak chiang in Ginom lailai ding haksa kasa zel. A ziak chu kei Pasal neikhin ta dan a hon thei ta ding ahih man in. Lungsim ngaihtuah na kisual tuahtuah mah leh Itna in ngakzo a Itna in Doh zo ahi man in Ka Ulal ka ngakna ah ka lung ake tuan kei, A mah a dia ka hih thei omsun Ka Doh zohna leng a hat mahmah lai, Ka gensa mah bang in Itna zo muh theilouh thil thupi pen ahih ziak in Itna ki chi Thilpiak leh omdan a aki lat kei leh Itna in omziak a nei kei a Ken leng ka Ulal Itlua ka hih lam ka omdan a kilang lo mahmah ahi man in sihpih zen ding kahi ta, Lawm etna om nawnlou Houpih theih nawnlouh a hun bangtan om ka hia, ka Khophok louh sung a ka sungkuan te bang vai ana hom ahi ua, Nitak lam khat Khophok dan in ka hong om thei a ka lupna kiang ah mi tamkhop ana tu a Kua peuh mah Kipah mel uh ah bang a Hoih tak a ka etleh Dah mel thei uh leng kasa hi. Mitampi te lak ah " Aw" tuam deuh mai khat in Nau nang bang ana chi e, N'ang kei hon paisan sawm mo..!! Hon chi a Awl a ki hei aka etleh ka Ulal ana hi mawk a, Lamdang kasa a ka Ulal hi di'n ka ginta kei a ka mit nuai zen a ka et thakthak leh ka Ulal mah ana hi a Kipak lua kahi man in Ka kawiphei a bang mah gen thei zoklou in ka kah khum hial hi. 

Ka Ulal ngei leng a itpen a angsung a khitui luang ahon muh chiang in ki dek zosam lou ahi dia aki khem zo disam omlou in ka ki kah khum ta mai uh hi. Ka Nu-le-Pa ten leng theih siamna khat hon nei uh hileh ki lawm in ka Room ah kei toh ka Ulal chou hon khoih ua ka Ulal mel mu nawn dia ki lamen lou himah leng Gin omna ziak a mukha ka himan in ka kipak petmah a, Kha nih val vingveng ann nelou tui dawnlou himah leng tunzo ka tha leng omtuan hial hi'n ka thei, Ka itpen angsun a omkha nawn lou ding ka kisak lai a omkha ka himan in Tun chu sih ding leng ka kha muangta, Ulal ei Na mel muh kinem nawn hetlou hing a, Bang hang a hiai a hong om kha na mai zen a, Hampha hina mai zen ing e mo, Ulal hon paisan nawn mahmah ken aw" N'ang lou in zo ka hinkhua bang mah lou mai ahi. Hehpih tak in honpai san nawn ken aw, na hon paisan leh zo Sihna in ka hon delh zui ding Chi'n ka Ulal kiang ah ka gen leh Nau ken leng na mel honmu kha nawn lou ding kisa hing a Bang hang a honmu kha ka hia, Chih na thei hia..?? Nang gin omna ziak kia ahi. Ken le zo hon ngai mah ing e, Hunte hong liam zel a ka hon manghilh tuan kei Nang sialna in ka lung gel tengteng leng alem thei kei Himahleh nang thuan tuk in ka thuak kei a, Na hon itna thupi dan kei a dia ka phulou ahi. ka ngaih in Singdang anglai pomta chia ka gel lai in ka Lamet hetlou in Nikhat ka heina Zoudawn ah na tanchin thu ahon puak ua akin theilam a Lamka hong zin ding in thu ka mu a, Kei leng n'ang melmu kha ding chih ka ki ngaih tuah chiang in ka kipak a akin thei lam a honzin ka hi. Itna in dohzou a Itna in ngak zou ahi na chih ana diklua eive mo Chi'n a hon dawng hi. Kei khophok lou a om ing a sih ding ngak mai ka hih tak ziak in bang mah ka thei kei a, Thu omdan bel, Ka Ulal ka ngaihluat ziak a simai ding ka hih lam ka Pa'n thei siam ta ahi man in, Kei Ata Nu neihsun Itna ziak a ka hinkhua bei maiding ahi chih a thei a, Ka sihlouh na di ahi nak leh chia ka Ulal singtang lam a om Laithon tung tawn a sam ahi hi. 

Ka Ulal mel ka muh mai leng kei adia damna ahih man in Lupna aki pan leng Thoutou zou din ka ki gingta a Thou dia ka kisak leh ka Ann neklouh ziak in ka tha aom kei a ka thou zou kei hi. Ni tamtak ann ngol himah leng ka gilkial lam himhim ka thei kei Himahleh tuni ka gilkial in hong kial mawk a ka Nu kiang a ann hon pia in ka chih leh ka Nu'n kipak lua hih man in aw" kon la di chih toh piak hon thuah ngal hi. Ka Itpen in ann hom tulh ahi ziak hia Hichi tul a ann lim ka nek khak lam ka thei naikei. Ka Ulal toh ki thuah thei ta ka hih man un ani ani in ka halh deuhdeuh hi. Ka mihin dan ngeina ka hong bat thih tak in ka ngak lah mahmah leh chik chia hiaithu ka za dia chia ka lungsim ngaihtuah na a ka suangtuah tuah lai tak in Ni khat chu Ka Ulal kiang ah ka damsung anuam ahaksa thuak a Damsung hinkhua zang ding in ka Nu leh Pa thupel in ka kuan kheta mai hi. 

Haksatna chiteng ka maituah ding ahi chih zo ka thei hile ka iitpen toh khosa khom di ka hih man in lunglel na bang mah ka nei kei, Ka Nu leh Pa ten lah ka Ulal toh hon deihsak lo uh ahi man in Ka Ulal toh mun tuam ah ka ki taipih ua Ka Ulal ka en a kipah mel Pu aka theih louh ziak in ka lungsim anuam thei kei, Bangteng hileh ka iitpen toh ki taisan nawn lou a khosa khom den ta di chih ka ngaihtuah chiang in ka kipak mahmah hi. Ahi ziak in ka Nu leh Pa'n bang ngaihdan nanei di uh hiam, ka Ulal Nu leh Pa te toh naki houlim thei di uh hia Ka tan chin bang ana chi gen di uh ahia chih ka ngaihtuah chiang in ka lung a ziing mahmah hi, Hak satna tampi toh Ka iit mah2 ka Ulal toj hinkhua ka zatkhop nung uh kum bangzah hiam nung in Gil ah gah goutan bang ka hon nei ua, ka Nu leh pa Thumang lou ka hi man in Nopsak na leh vual zawlna ka tan a tawm mah2 hi. 

BEITA 

Hiai story mun tuamtuam leh laibu tuamtuam ah na ud leh na koih sawn thei ding a Hile khek lamdang leh agelh tu min khek lou in koih in aw...

©Siamsinna Leh Vakiangbu