KA LUNG AW

~ Vz Vualnam

Ka lung aw koi ah na tu hiam aw
Ka lai aw koi ah na tham hiam aw
Kungtung lenkum hiangtam kaita e
Lung leh lai aw zingvai hawm ve aw

Lung aw na tukna singlel heisa
Chikkum a tualniamlou ding hi e
Lai aw na thaamna buuktual zamzou
Chikkum a ei lohlouh ding hi e

Singlel a kailah silpaakte zong
Tual ah lungtai in paal diimdiam e
Singlel heisa phualva’n veh hen aw
En aw tual a silpaak veh ni e

Mu bang ngaihte’ kaina a saanleh
Tan bang kimpih siang ah leng ni e
Lungzuan luankhi dai bang thenna di’n
Tan bang kimpih chiat vehta ni e

Sakmel paallou in heisa lou leng
‘Nang lah singlel heisa’n paalta chia
Na kiang in lah simzawng dungsun e,’
Chi’n kawi lianu nuihchiam tang ding aw

Vual nuihchiam di’n meldeih phal la’ng e
Kimpih heisa toh hong tul hen aw
Nihgel kal a suan bang meng vonte’n
Phualngou dung hon suun lai chiat hen aw

Lohlah sial a kumsawt I vul sa’n
Ei bang a tualniam toh ton ni e
Lung ei sit lam bang khenglahlou in
Lungtu toh tui bang ton zil ni e

A mi za in tam e simlei ah
Vangsang-vangniam kimluan ding hi e
Vangsang-vangniam kimluan lai ah aw
Tan bang kimpih omsam ding hi e

Vangsang lai ah I leng zong a aw
Ei di’n tuk na’ng mun omlou hi e
Vangniam lai ah va leng dih ni e
Khuai bang tuk na’ng a tam ding hi e

Va bang leng lai lia nang’ kungtung ah
Khuai bang tu leng no’n sangngam na’m maw
Kumsawt lou bang tul khawm ni chi leng
Lia aw tongdam n’on sang ngam na’m maw

Ka lung aw koi ah na tu hiam aw
Ka lai aw koi ah na tham hiam aw
Deihbel loulah in sing dang lou le’ng
Nuachiang khankhua ding geelngam la’ng e

Sakduang kawinem ang a zaalkhem in
Sinlai ah deihbel a gilden diam
I khan a deihbel lung a ngilh in
Kawi toh nunnuam in I hei zaw diam

Sian in nuachiang simthu sa hen aw
Lung leh lai aw zaitha khauhsak aw
Kimpih toh guikhau bang hualkhawm le’ng
Nuachiang simthu zong damzaw ding aw

Nuachiang simthu a damna ding chi’n
Kimpih siang ah va leng ning chi le’ng
Tan bang kimpih nihthum lai ah aw
Ka sinlai in tat na’ng hawmmoh e

Ka lung aw koi ah na tu hiam aw
Ka lai aw koi ah na tham hiam aw
Kungtung lenkum hiangtam kaita e
Lung leh lai aw zingvai hawm ve aw

©Siamsinna leh Vakiangbu

Comments

Post a Comment

Popular posts from this blog

PATHAWI HIMAHLENG!!

~Kattie Mawite Ka ngaihnou ka ngaisang top. Ka dinmun uh kikheng hileh ama lungsim bang ka put zoh ka gingta kei. Iitna tak toh hon iit hi in kathei a, kenleng ka it petmah. Keilam apan ngiat a hon neikei a, apasal ka hihtheihna din CONDITION bangmah hon bawlsak kei. Tulai in hihna kibang(homosexual) kingai tampi om mahleh, kei ngaihnou bel NUMEI ahi. A hon itna thupi kasa. Ka phulouh iitna tang hi in ka kithei a, ka kipak petmah. Himahleh alangkhat ah ka kisuanglah zel. Ka kingaihsiat theihna di leh ka lungsim hon kam gegu di kampau chikmah in hon zatkhum ngeikei a, milak ah leng a hon zahpih kei. Kei ziaka nuam asaklouhni leng atam din ka gingta. Himahleh kei kianga a om chiangin maitai tak in hon houpih a, huai in a ngaihhuaina nakpi in a behlap hi. Ka ngaihnoute bel innkuan nuamsa ahi uh. Apa Evangelist teacher pension ahi a, a upa'n leng apa sulnung zui in Evangelist teacher mah a sem hi. Amah tuh college kailai ahi a, anau pasal nihte bel high school kailai ahi
Read more

PALLAI NITE

~Lian Khuptong Alamdang Pathian Itna' 'khovel nopsakna leh gentheihna tepanin Tuun sungkhatpan mimbang ka hong khangkhia hi. Deihthoh takmai leh iitakmai'n keple huihmut dingnah tomphallou in ka omhi. Kep leh etkolna nuaia kasenchiil panin kapiching dong in, duattak leh deihthoh takin kep kana hi. Sianhuaina toh hucihin ka hongkhang lianzela khovel tak palding in kongkisa ta hi. Mite kitaiteh nalak ah ka taisam hi. Hinkhua gintaksa anaa nuamchiam kei alai hawlpawl in lakloh takin ka omhi. Pallai amm'n nuamleen tuh ka hinkhua aka nopsak ahih hi. Maban etna'n kalsuan touzelin ahak-anuam phutkhak dandan in kahong phuh hi. Huaihang in hinkhua zatdan ka etchiang in lungkhamna leh mangbatna ten nisim'n hongtuam tawntung hi. Ahakdan pengen siamvual ahih keihial hi.  Huchitazong in taikhua tuh hongvak zelsam a lametna thak honguan zel hi. Naa khatpeuh zoh kuhkalna leh thuakhaatna lou toh pangtakpi mah ngai hi. Khovel zoh omvengvung kitaiteh nalah
Read more

NATNA LAUHUAI COVID APAN PIANTHAKNA

 By  ~ Paumuanlal Guite BaBs Chikmah a zak ngeilouh, lungsim tawng a leng gelphak ngeilouh COVID 19 in khovel pumpi hong sawiliing ta hi. It leh ngaihte toh tui leh nga bang bualkhawmna, a sakminthang Lamka khopi leng natna in hong hawi tuankei. Niteng in a vei a pung hulhul chih kuapeuh in thei, himahleh gamsung vaihawm solkalte’n hiai natna apan i suahtak theihna ding ua hon thupiak uh Policete mat utlouhna ziak lel in i zui hamham chiat uhi. Huai bangle Policete galmuh chiang khawng a zui hamhamte i hilai uhi. A tamzawte bang in a omna mun uh i pel chetchet zomah uh, lamka chihmah a ka tuamtuam tam i theitel ua. Siamsinna innte, nasepna buuk tuamtuamte kikhak zungzung a, i biakna munte tan leng kikhak hial in inn a kuapeuh kikhum chiat ding i chih lai un kholai a hih ding poimoh nei a pungdiak a bang maimah hi. I natna minthang ziak ua mual honna liamsan niteng in zak ahigige mai. It tak in a luangbul ah kap zoizoi ut mahlehang mangmat phak ahinawnkei, silhpuan piandang toh kithua
Read more