PHULOU VANGNGAI

By ~ Song Sing Son

*Real Life Story

Mihing piching a piang khia leh pangngai kua peuh in ineih theih uh itna kichi kua man hong hilh le hilou a kinei sa khat om mawk hi.

Hiai bang a mi itna nei thei lou leh ngai theilou te hih ahai a koih theih ding khop a i theihtel uh ahi.

Mi piching leh a pang ngai a piang leh taksa bukim tak a piang ka hih man in mi itna,ngaihna leh hehpihna ana kinei sam hi. Hoihsak ban ah Star bang leng kinei lotham hi. Himahleh mi bang a dangnal leh thil gen zungzung thei ka hih louh man in haksatna lianpi ka nei hi. Hun hong paitou zel in Ka khua /Veng uah ana om masa leh tual tel mahmah kahih man in hong teng thak te ki thei thei mah mah hi. 

Hun bang tan hiam hong pai in Veng/Khodang apan hong pem inkuan khat Kiginni nitak in Biakna Kikhop ah ka va kikhop leh Huai nitak a hong kipia inkuan 2 ahi ua huai te lak ah nungak ki maiphiat sim leh et theih sim khat om hi. Amin leh a om na bial uh kan ngal hi.

Mi kua hiam in Va ngai inla va deih in chia hong hilh ahi het kei lamdang leh maktak chu ahi. Ka muh tung akipan in ka lungsim a luah dim mawk amah lah zahtak sim ban ah mithak ahih man in a thuzak theih ding leh ki close sem na din chin zum le zum zo lo in a hunlem omlo ahih man in milak pi a nos. Ka ngen tep mai hi.

Hun hong pai tou zel in ki pawl tam deuhdeuh in ken leng ngai kahih dan leh ka muh tuung apan hoih sa leh ka lungsim teng luah ahih dan kam a gen ngam lou ka hih man in SMS tung tawn in ka gen zel hi. Hun hong pai zel a ken lah mangngilh theilo leh thakhat thu a tawpsan theilo ka hih man ka ngaihdan thu ka masage zom zel hi. Nikhat chu Vacancy om nawnlo ahih dan hon gen hi. Zum lo mahmah gen masak di pen le ka thei kei. Huai hon gen in ka lungsim ah sukbuai chu ka ut louh pen ahi. Hilele subuai lo di ka chih tata chia akhel pan mah bang in ka ngaihna puang himai. Kei haiman le zaw hikha inte hilele ka feeling ahih man in ka im zou kei a kagen kha nak kamsiam in hon hemkhia khia a himah leh.ka khol zok thei kei hi. Ka ngaihtuah thak vengveng leh kei bang nimnem hon deih mawk di hia chih ka phawk khia aziak chu mizawng leh khosak haksa ban ah mi in mun a om ka hih ziak hi in ka mu.

Hun hong paizel a nikhat chu a tangval pa toh fuh nonlo uh ahih dan hon gen a ken le advantage la in gen theih dandan in ka hon gen a himahleh kei chu 'Phulou Vangngai' kana hi mai mah ka gen mun luat ziak le himai thei hon ning gop ahi dia hou le hon houpih nuam ngel nawn kei hi. Hiai bang a mi ngaih khak leh mi vei khak ahaksat dan agen didan le ka thei zo kei hitop mai. A ngai zen pi a ngailou dan a om Upa paunak ah"Sihpul Dou Sang in hingpul dou ahaksa zaw" chih chu dik din ka ging ta hi.Asun azan a kingaihtuah den imu theilo i lungsim khong ah aman le hon ngaihtuah thou de chih khong ngaihtuah a zan kho vak phialphial himai. Ka ngaih luat ziak leh ka itluat ziak in aguk in ka kah ni le atam khop mai mi kap mengmeng lou mi ka hi a. Himahleh, Laisiangthou in Itna tuh sihna bang in ahat ana chih chu adik lotel Ki pasal sak sim himahleng nungak ngai in "Ka lungdeih anbang ka itvang in luankhi ka nuul hi" Aman bel hon phok pha khol kente nuihzat huai bang sim mah leh a dinmun taktak zaw haksa thou ei ngal ve nui het ken aw.

Ka mit le ana sang kha deuh hia. Ahih keh kamel hoihlou lua khat ade aw chih ka ki ngaih tuah zel a himahleh amah apan huai ziak chet ahi chih kazak louh man in. Ka lungsim khat ah hon lawm polh a hon kikhol pih maimai khong ade aw chih ka ngaihtuah den hi. A khonung a ka theih thak thak leh ana luck lua ana hi mai mah. Kei toh kizui zui himah leng kei a dia ka lawmhoih mahmah khat toh Relationship ana nei uh ana himai mah. Hiai thu ka theih ni apan chu ka etdan a tuam zou hial. Nidang a tangval nei peihlou hon chih lai khong bang ka ngaihtuah a ka kah tha asuak tuntun hi. Tangval nei peihlou nun keisa hausa zaw leh Back ground hoih zaw nei khat toh itna simthu ana lel uh ana hi dan

eivoi. 

Bangteng gen leng le kei chu amah a ding a tualniam lua leh Kei a ding a amah paammaih, huai chu kei phulou Vangngai ka hi hia? Tanglung mawl in theisiam kei veng chih la ka lungsim ah hong ki lang hi. 

Hiai bang thil leh haksatna ana tuak tu adin ahaksa mahmah a hiai thei hi.Aman phalna leh gelh ding a hiai bang a atanchin hon gen ziak in kipak hang. Phuahtawm leh suangtuah na mai hilou in ataktak a thil tuah ahih man in simtu kua peuh Nungak/Tangval hita leh hiai bang haksatna nei leh tuak i om leh hon ngaitu hiam ihih theihlouh dan leh i haksatna hoihtak a theihsiam sak ding ahi. Mi khat hinkhua suse tu le hithei na hi.A bawlhoih tu leh akepbittu hithei na hi Chih kiphawk in. 

Kipak

©Siamsinna leh Vakiangbu