HUAIKUM KHRISTMAS KHA...!!

By ~ ChinZa Vualnam


X-mass gim hongnam a, ahunbi te hon kimin chiang in hiaikum xmas ka lungsim ah hon kilang sek hi. Akum diktak thei nawnkei mahleng ka neulai chu ahi peuhmah hi.



Sum leh pai haksat nate thutuam hitaleh Kakhua uh singtang dia zong ataang diak pawl ahih jiak in Khualzin chih te omngei vaklou a huaiziak mah in, vanthak himhim zong kinei tawm deuh hi. Xmass chiang a Puannak,khedap,khekor thak ineih zoh leh huai ahi mai.



Ken zong huaikum x-mass kumkhat ka ngaak vengveng nung in Vanthak nei zoulou ding kabang mai hi.
Vanthak neilou a x-mass zat ding bel aphuur huaikei khopmai.



Xmass tung petmah ding hita..! Lawmte khenkhat in vanthak tuamtuam honnei sauh2 ta ua keizong taptung a kipan tuanglai a kikhuk phei vitvit in, suutpi kawi kawm a vanthak deih a ka kah ngekngek lai khawng tunitan ka lungsim ah amang thei naikei hi.



Kumkhat sung vingveng Phulalen puannak amailam vaimiimchiim banna gep nimnem leh a baan tuak te nap siaksiak na gaw gipgep jawjen ihon silhsuak hial chiang in bel athak ngaklah louh vual hilou hi.
Khristmass Puanthak ding neilou a lungke tak a om himahleng vangphat huai tak in mi hondeihsak te' honpiak khawm jiak in x-mass ma in vanthak kanei zousam a, Puannak,khekor leh khedap thak toh xmass chibai buk ding kahih jiak in kei zong ka phuur mahmah mai hi. Khawvel ah kei hon deihsak tute akipan ITNA THILPIAK bang zahhiam dong ta mah leng, Huaikum thilpiak hon kipia tunitan ka mangngilh thei naikei a "Khristmass Gift" ka don masak na ahih jiak in mangngilh theivual kahi kei hi.



Athu a gen leh alaa kia a saksak mai hinawn lou in, ahun in hon pawsuah petmah ta a December 25 ni tuang hontung petmah ta hi.



X-mass ni jingkal Nu ten hon pumsil khia ua, khut leh khe haang bimbem tekhawng hon nawt tak2 chiang un san in sanphephu jawjen hi. Phalbi jingkal votsim mahleh vanthak in hon na ngak ahih jiak in poi akisa kei.



Keizong hih theihtawp a kihah siang zoh in Vanthak te a ki jem in khawlai lam kon manoh taktak bang jaw "Mihai silsiang" achih te uh kabang lou tuankei.



Lawmte zong ana tam mahmah mai ua, vanthak ngen a kijem in ana om seuhsauh ua Nang ahoih Nang a hoihlou chihte omlou in aTHAK ahih nakleh hoih kisa in ei achiat toh lungkim tak in ki om renran thei hi.
Anei zou zaw deuh te pistol lem leh football khawng toh kimawl mah le uh ei aneilou deuh te'n zong sa goh na a sazunbu te kila in huaite peek in nuam kisa mahmah a, kuaneih kua neihlouh zong akiphawk tuankei hi.



Nitak lam hon hita a biakinn ah anne dia kisap khawm na daak hon ging veng2 ta hi. Nupi te zong seng a buhbel leh kuang akim ding uh pawkawm in hon paikhawm sauh2 ta ua, Khawsung a aneizou leh anei zoulou in zong meh kibang meh khawm ding aki hi phot hi.



Mi zong hon tungkimta ua kalak ua "Khami deuh" khat in annkuangte latna nei di'n honkisa ta hi. Ken zong mipi lak ka et velvel chiang in Kei inkuante melmuh phak a om takei ua ka beidong panta hi.
"Dakgin zalou uh hinte" chih lungsim a neikawm in innlam ka juan veng2 ta hi. Inn katun in Nou dakgin zalou uh maw? Kachih pah leh kanun "Kon hilh khakei a, En huai a anne lou ding ihi himahleh i ak uh kana gou ua lim mahmah in te" hon chihsan lel hi. Kalawm ten zong ne ua enbang jiak a nelou di maw..! Kapkawm in kachipah a, huaitak in "En thohlawm ithoh zohlouh" chihteng ban dawn na didang hon theinawn kei uhi.



Kenbel theisiam theilou kahih jiak in kaheh mah2 mai a Anne ding in hon kunkun mahle uh ne utlou in Ann kangolh kholoh hi. Milak a hon kihel pih utlou him2 dan khawng a ka ngaihtuah chiang in kakap ekek a, Xmass tunglou hi zawleh kalungsim in ka chi vung2 mai hi. Kakhawnung ngaihtuah thak chiang in, Huaikum xmass jaw Ken ann kaneklouh jiak in kasung ten zong nuamtak in ne ding un ka gingta kei..!



Awle, simtu deihtak te aw, tukum Khristmass jaw etdan tuamdeuh in i en ding uh aw..!
Xmass chiang in, nang leh na tate van mantam leh hoih pipi akijem in jesu Birthday lawm ding a nakuan chiang un, naveng napam ah, Vanthak nei zoulou a omkha hiam ana ngaihtuah in.
Thil mantam taktak te na ngaihzawng te kiang a "xmass gift" chia na piak a, Biakinn a thohlawm thoh a gilvah tak a ann kuang na umlai in, Daikilkaal a kuamah phawk khaklouh hon kihel ngamlou a omkha diam..?



Jesun "Migenthei te panpih tuh kei honpanpih ahi" achi..
Huai jiak in Birthday neitupa a dia "Birthday gift" napiak utleh aneilou mite zongkhia inla hawm ve..!
Silhleh ten hoihleh mantam pentoh Birthday lawm a, apiang tupa vuaktang a piang saksak lai ding maw.. Ki ngaihtuah thak ni..



Ilawmte kiang, ngaihzawng te kiang a Khristmass gift i present sek te uh ahoihkei chihna ahi kei a, i innkuan a van hoihleh mantam pipi ilei toih2 te, ahoih kei chi kahi kei , Ilei zoh, ipiak zoh a ithoh zoh leh hoih lua huai kawmkawm in, ikiim ikiang a mizawng daikilkal a mi te, mimal hi in saptuam in zong enkawm in, Tukum Xmass jaw, Birthday neipa jesu adi'n Aw.. Chi ut kahi jaw hi..



Kenzong etdan tuam deuh a ka etchiang in ka mangngilh theikei..
"Huaikum Khristmass kha...!!"


~kipak~

©Siamsinna leh Vakiangbu

Comments

Post a Comment

Popular posts from this blog

PATHAWI HIMAHLENG!!

~Kattie Mawite Ka ngaihnou ka ngaisang top. Ka dinmun uh kikheng hileh ama lungsim bang ka put zoh ka gingta kei. Iitna tak toh hon iit hi in kathei a, kenleng ka it petmah. Keilam apan ngiat a hon neikei a, apasal ka hihtheihna din CONDITION bangmah hon bawlsak kei. Tulai in hihna kibang(homosexual) kingai tampi om mahleh, kei ngaihnou bel NUMEI ahi. A hon itna thupi kasa. Ka phulouh iitna tang hi in ka kithei a, ka kipak petmah. Himahleh alangkhat ah ka kisuanglah zel. Ka kingaihsiat theihna di leh ka lungsim hon kam gegu di kampau chikmah in hon zatkhum ngeikei a, milak ah leng a hon zahpih kei. Kei ziaka nuam asaklouhni leng atam din ka gingta. Himahleh kei kianga a om chiangin maitai tak in hon houpih a, huai in a ngaihhuaina nakpi in a behlap hi. Ka ngaihnoute bel innkuan nuamsa ahi uh. Apa Evangelist teacher pension ahi a, a upa'n leng apa sulnung zui in Evangelist teacher mah a sem hi. Amah tuh college kailai ahi a, anau pasal nihte bel high school kailai ahi
Read more

PALLAI NITE

~Lian Khuptong Alamdang Pathian Itna' 'khovel nopsakna leh gentheihna tepanin Tuun sungkhatpan mimbang ka hong khangkhia hi. Deihthoh takmai leh iitakmai'n keple huihmut dingnah tomphallou in ka omhi. Kep leh etkolna nuaia kasenchiil panin kapiching dong in, duattak leh deihthoh takin kep kana hi. Sianhuaina toh hucihin ka hongkhang lianzela khovel tak palding in kongkisa ta hi. Mite kitaiteh nalak ah ka taisam hi. Hinkhua gintaksa anaa nuamchiam kei alai hawlpawl in lakloh takin ka omhi. Pallai amm'n nuamleen tuh ka hinkhua aka nopsak ahih hi. Maban etna'n kalsuan touzelin ahak-anuam phutkhak dandan in kahong phuh hi. Huaihang in hinkhua zatdan ka etchiang in lungkhamna leh mangbatna ten nisim'n hongtuam tawntung hi. Ahakdan pengen siamvual ahih keihial hi.  Huchitazong in taikhua tuh hongvak zelsam a lametna thak honguan zel hi. Naa khatpeuh zoh kuhkalna leh thuakhaatna lou toh pangtakpi mah ngai hi. Khovel zoh omvengvung kitaiteh nalah
Read more

NATNA LAUHUAI COVID APAN PIANTHAKNA

 By  ~ Paumuanlal Guite BaBs Chikmah a zak ngeilouh, lungsim tawng a leng gelphak ngeilouh COVID 19 in khovel pumpi hong sawiliing ta hi. It leh ngaihte toh tui leh nga bang bualkhawmna, a sakminthang Lamka khopi leng natna in hong hawi tuankei. Niteng in a vei a pung hulhul chih kuapeuh in thei, himahleh gamsung vaihawm solkalte’n hiai natna apan i suahtak theihna ding ua hon thupiak uh Policete mat utlouhna ziak lel in i zui hamham chiat uhi. Huai bangle Policete galmuh chiang khawng a zui hamhamte i hilai uhi. A tamzawte bang in a omna mun uh i pel chetchet zomah uh, lamka chihmah a ka tuamtuam tam i theitel ua. Siamsinna innte, nasepna buuk tuamtuamte kikhak zungzung a, i biakna munte tan leng kikhak hial in inn a kuapeuh kikhum chiat ding i chih lai un kholai a hih ding poimoh nei a pungdiak a bang maimah hi. I natna minthang ziak ua mual honna liamsan niteng in zak ahigige mai. It tak in a luangbul ah kap zoizoi ut mahlehang mangmat phak ahinawnkei, silhpuan piandang toh kithua
Read more