LUNGGEL- II

~Gl Samte
Khawvela ipian tungin kap vek dia lamet ihi. A kaplouten nu le pa a mangbangsaka, lauhthawnna tuili ah a diah suk. Bul patna KAH ahi chih theilou i om dun a ginhuai kei. I thei ua, theihsiamna i nei nawn ta kei uh. I khanglian a, khawvela om ihih ziakle ahi di pichin nung inle KAH na in hon khah keia, hon taisan ngeikei. I bul patna bangin a tawpna le KAH na in i zang kha nak. It te sihna hanmual zuan dia a mitsit lai ua nui thei i om dun a ginhuai kei.

Hinkhua zaw thupi tak leh bangmahlou maia ki kaikhawm limliam mai ahi. Khamuang taka om utten sinphu depdep in hinkhua i zang naak ua. Hiamgamtaka hinkhaw zangte khamuangtakin a om hithiat thei thou uh.

Damsunga mizahtat hih utlou i om kei ua, zahtathuaia omdan zon suah tum in i phe nawinawi uh. Zahtathuaina zonsuah di ahi keia, ginomna,diktatna,taihmakna leh kipiakzohna a lawhsuah di ahi chih thei utlou leh thei zenpia peih chuanglou tamtak khawvelah i kipel suau suau uh.

Mi lungsim zoh utlou le i om sam kei uh. Mihingte zaw mahni tawka chapou gu, mizia kisela hihna sel hamhamte ihi ua. Mohsak dile i om kei ua. Dikpen di leh muh a haksa. Thagum leh hatna in mi zoh/hneh i sawm ua, huai inlah zahtatna telloua LAUHNA kia a pesuah ngala. Pe suah phal silou a tampi neih utna khawvelah ngaihsanna in mun a nei keia, zahtathuaina lah a kibu mang zawsop.

Chawimawi/pahtawi utlou kua i om di ua. A ut teng neih theih din pahtawina kuaman a pe phal kei uh. Pahtawina zaw mohpuakna toh a ki kop ua, mahni mohpuakna mualsuahte pahtawi in a om zel uh. Mohpuakna ah gim le tawlna a ki phumgu a, huai mukhia a nei thei din taihmak leh hangsan, thuakzohnate ana ngaia, a peihte chauhin a musuah thei uh.

Lawhchin ut in i buai ua, a lampi zong in i phetet tet vek uh. Zulhzauna in lampi diklouah honpi naaka, damsunga mi lawhsam hon hisak mai mah. Lawhchinna zaw vangphatna a neih seng ahi keia, khawvelah mihing itam luat ziak un Vangphatna iki daih kei uh. Huai khen ah lawhchinna kichi semgimte a din ana om lai a, huaisan kia ah lawhchinna deihte a din vangphatna ana om. Vannei din Sepgim a ngai chihna hi awm tak ahi.

Sum deihlou kua i om di ua? Sum in thil ahihthei lawngala, neih ut in i buai uh. Deihgohna in sum hon poimoh saka, enna in neihna di lampi hon zui khial sak zawmah. Poimoh hihtawm siam leh kichil/kiren siamna kilawhna hoihpen ahi. Awlsamtaka sum muh sawmna in lungsim a piangsual saka, huai in sum zon suah di sakna chii lungtang ah a tuh. Sum kichi zon suah/zonkhiat di hi zaw lou in sep suah di ahi.

Damsung sawtlou chika mi eng ngoihngoiha om kuamah i utkei uh. Huaiziak ahi di Hauhsak ut in a lampi i zawng nak uh. Hauhsakna kichi sum a i teh leh ki hausa ngeilou di hi awmtak ahi. Damtheihna kichi hauhsakna simseng louh ahi a, hlim leh kipahsiam hauhsakna genvual louh ana hi zaw veh aw. LUNGGEL IN:

NA MAWL ZIAKA RETHEI/GENTHEI NA HI HIA? NA RETHEIH ZIAKA MAWL.

©Siamsinna leh Vakiangbu

Comments

Post a Comment

Popular posts from this blog

PATHAWI HIMAHLENG!!

~Kattie Mawite Ka ngaihnou ka ngaisang top. Ka dinmun uh kikheng hileh ama lungsim bang ka put zoh ka gingta kei. Iitna tak toh hon iit hi in kathei a, kenleng ka it petmah. Keilam apan ngiat a hon neikei a, apasal ka hihtheihna din CONDITION bangmah hon bawlsak kei. Tulai in hihna kibang(homosexual) kingai tampi om mahleh, kei ngaihnou bel NUMEI ahi. A hon itna thupi kasa. Ka phulouh iitna tang hi in ka kithei a, ka kipak petmah. Himahleh alangkhat ah ka kisuanglah zel. Ka kingaihsiat theihna di leh ka lungsim hon kam gegu di kampau chikmah in hon zatkhum ngeikei a, milak ah leng a hon zahpih kei. Kei ziaka nuam asaklouhni leng atam din ka gingta. Himahleh kei kianga a om chiangin maitai tak in hon houpih a, huai in a ngaihhuaina nakpi in a behlap hi. Ka ngaihnoute bel innkuan nuamsa ahi uh. Apa Evangelist teacher pension ahi a, a upa'n leng apa sulnung zui in Evangelist teacher mah a sem hi. Amah tuh college kailai ahi a, anau pasal nihte bel high school kailai ahi
Read more

PALLAI NITE

~Lian Khuptong Alamdang Pathian Itna' 'khovel nopsakna leh gentheihna tepanin Tuun sungkhatpan mimbang ka hong khangkhia hi. Deihthoh takmai leh iitakmai'n keple huihmut dingnah tomphallou in ka omhi. Kep leh etkolna nuaia kasenchiil panin kapiching dong in, duattak leh deihthoh takin kep kana hi. Sianhuaina toh hucihin ka hongkhang lianzela khovel tak palding in kongkisa ta hi. Mite kitaiteh nalak ah ka taisam hi. Hinkhua gintaksa anaa nuamchiam kei alai hawlpawl in lakloh takin ka omhi. Pallai amm'n nuamleen tuh ka hinkhua aka nopsak ahih hi. Maban etna'n kalsuan touzelin ahak-anuam phutkhak dandan in kahong phuh hi. Huaihang in hinkhua zatdan ka etchiang in lungkhamna leh mangbatna ten nisim'n hongtuam tawntung hi. Ahakdan pengen siamvual ahih keihial hi.  Huchitazong in taikhua tuh hongvak zelsam a lametna thak honguan zel hi. Naa khatpeuh zoh kuhkalna leh thuakhaatna lou toh pangtakpi mah ngai hi. Khovel zoh omvengvung kitaiteh nalah
Read more

NATNA LAUHUAI COVID APAN PIANTHAKNA

 By  ~ Paumuanlal Guite BaBs Chikmah a zak ngeilouh, lungsim tawng a leng gelphak ngeilouh COVID 19 in khovel pumpi hong sawiliing ta hi. It leh ngaihte toh tui leh nga bang bualkhawmna, a sakminthang Lamka khopi leng natna in hong hawi tuankei. Niteng in a vei a pung hulhul chih kuapeuh in thei, himahleh gamsung vaihawm solkalte’n hiai natna apan i suahtak theihna ding ua hon thupiak uh Policete mat utlouhna ziak lel in i zui hamham chiat uhi. Huai bangle Policete galmuh chiang khawng a zui hamhamte i hilai uhi. A tamzawte bang in a omna mun uh i pel chetchet zomah uh, lamka chihmah a ka tuamtuam tam i theitel ua. Siamsinna innte, nasepna buuk tuamtuamte kikhak zungzung a, i biakna munte tan leng kikhak hial in inn a kuapeuh kikhum chiat ding i chih lai un kholai a hih ding poimoh nei a pungdiak a bang maimah hi. I natna minthang ziak ua mual honna liamsan niteng in zak ahigige mai. It tak in a luangbul ah kap zoizoi ut mahlehang mangmat phak ahinawnkei, silhpuan piandang toh kithua
Read more