KA TUAILAI TE ....
By ~ John M. Dousel
(2 Timothi 4:7)
Tukum tuailai khawmpi kinei na ding ah tuailai te bang chi ikisa khol uale.? Toupa deih dan hih chiat din iki ngen uhi.
Tuailai ihi ching in mite suan pen, mite pah taak pen leh deih pen akihi hi. Huai hun bel miteng et lah hun ahi (teenage). Naupang ten le "ka tangval di kaal kangak lah/ nungak ka hih di kaal ka ngak lah" chi di'n iging ta hi. Nupi, papi, piteek leh puutek lam ten " ka tangvaal lai, ka nungak lai" achi vungvung mei uhi. Huai hun bel sisan hatlai. Tulai te adia bang kimeel hoih sak hun laitak ahi hi. Pathian in le adeih a huai bang mah in Setan in leng hong deih hun laitak ahi. Nang koilam na teel dia le?
Hiai ah et ton ding a ideih chuh Timothy ahi. Naupang chik himahleh Paula in Saptuam khat keem ding, enkai ding a adeih mawk pen thil lamdang bang mah leh Pathian lam ading abel nahoih sep na gah ahi zaw hi. I Bible un leng ana gen hi "Naupang in leng hotdam na thu gen thei". Hiai ah naupang kichi hun pen bel tuailai hun leng agen uap hi. "Noute' tawh kisai thu ka zak chianga hanthawna ka om theihna dingin, noute kianga Timothi kon sawl theih ding, Jesu ah ka sawm hi............. Amah ahih leh, ta in a pa tawh a semkhawm bangin, tangthupha nasep ah kei tawh a semkhawm hi......."(Timothi 2:19-22). Hiai ah châng 19na i et leh "Jesu ah ka sawm hi" ana chichiit chiat hi. Na hoih isep leh, tuailai te hang a khrist asaptuam te haat ding ahi. Bang chi dan hiam i chih leh tuailai te Jesu khrist toh ahong pang khawm chiang in Mite etton tâk ahi hi. Baan ah saptuam upate tha ki thou sak zou mahmah hi.
Tulai sah khua ah, saptuam kem/makaai ding in Elder/Deacon/ Pastor te ahi uhi. Tuailai te nang leng saptuam keem, maakai thei kei ding chi ahi hial kei hi. Bang in le vapang kei mah niteh, himahleh na belaam pute toh na ki kup hiam ahih kei leh thu na va kup(Share) pen leng Toupa deih dan ana hih ahih leh patuam mahmah leh nahoih sep na ahi.
Pathian in leng ahong deih a huai bang in Setan in leng. Tulai a tuailai te lak aki gen mun chuh numei leh pasal kaal ah thaangtat na bang, zu leh saa leh kamthei ahi. Huai izak ning khak ding lauh huai ahi. Zak ninglouh a, zuih sawm ding ahi.
Hun tawp lam en ta le Toupan "Na tuailai te kiang ah kilaak na ka musak ding hi" chi hi.
Tuailai hun bel kum 40 tan bang tuailai aki sim ahi. Lungsim hat lai ahi a huaiziak in deih teel na hoih teel din iki ngen chiat uhi. Setan in hiai hun ahong zang ut mahmah hi. Siat na bang ah kibual abaih lam mahmah. Ei mah lungtang ah om pen ki zoh sak det louh a, Philipi ah kigen bang in haksak in gen theih huai mah leh "Maalam nawt chiat ni" hang. Lawmleh vual polh ut aki hau mahmah ding. Lawmleh vual ah mihoih leh hoih lou tuak kha ding. Tua ziak in i tuailai hun lai in "BIBLE" ki meek mat gige ding ahi. Asim vuak kia seen lou in azuih toh thuah leng kuan ahong khem khe zou dia, setan leh akaih zatam te'n ahong zou lai ding maw? Hilo e... Toupa bang a lungsim siangtho leh vaak ki nei ta ding hiven.
Tuailai hun a isep nop, ihih nop leh i deih tintente leh abaih sam thil himhim te Pa Pathian deih louh til te ahi chih thei chiat leng i deih mahmah hi.
Mitam pi in kihaan thawn na te gen mah leh uh, ei a lunglut na i neih keh singbul suang bul ah thu geng bang mei ding ahi. Huaiziak in i lungsim ki zousak kei ni. Kha siangtho in ahong luah ut hi, nalungtang. Huai din Ginna apoihmawh hi. Tulai khangthak ten iginna te bang mah lou mei ahi. Etsakna in, nungak leh tangval thu ah, ki ngaih taktak na ding in lungtang ah iitna iki suah khiak apoimawh hi. Huai zaw ahi di mah hi. Kum hong paitou zel ding te ah ingaih zawngte ginna dik lou pipi khong ah ki gintak a baih lam mahmah hi. Tuaziak in atapa Jesu khrist kross ah hong si ah atatna te gingta tuailai kaan a hampha om nawn ta dia.
Saptuam maa pi na ah tuailai om kei leh abang chi khang ta dia.... Ei tuailai te a cheimawi tu ihi uh hi. 2 Timothy 4:7,8
Tulai in laa pawl(choir) bang ah Album bawl i tam ta mahmah hi.
Tua hang a saptuam piching suak ahi. Hiai lak ah amin a mawk na mei atel khak ding alauh huai tel mei. Na siat a, pathian mitmuh a na siat leh mi dangte a sekei ding ua, nang mah hi ding nahi.
Tuailai te'n pan hong lain, Toupa deih dan in sem, Pathian saptuam sung nuam ding hina tel e huai kia leng hilo in kosung leh gam sung le'ng a nop ding ka mukhol hi.
Huaiziak in ah, Tukum khawmpi ah thupi "Jesu iit Tuailai" hi ding in theih tawp suah in pang ni hang.
Tuailai hun ahi chi hahpan ciat ni..
©Siamsinna Leh Vakiangbu
Comments
Post a Comment