1st SEPTEMBER 2015 MAHMAH

By ~ Diamond Sang Guite

Sun hunte Siamsinna lam ah zangzou lawmpa Reuben(Karbi te) toh Bus stop lam manoh a kon paisuk uh hi. Koule lampai kom ah ki houlim in Bus stop kon tung uhi. Ka lawmpa Reuben in(english ah)DANGTAK LUA,JUICE DAWN NI hon chi in Bus stop kiang ah Hotel a tu kom ah Whatsapp message te ka sim leh Lailam lei kiang ah poster ki hal cih khong ka mu hi. Ken le thupi ngaih lou ka hih man in ka Mobile Data ka off hi. Juice dawn khin bus ah tuang in innlam kon juan ta uhi. Ka lawmpa inn nai jaw ahih man in amah kei sang ah kum baih jaw in ka ki BYE tuah uhi. Kei le sawt lou nung in inn tung in Phone mah ka mek ngal hi.

Kei le inbox ah ki text pih jel te khong reply in star te profile khong ka check hi. A khonung in Lamka lam buai na om ahih dan Whatsapp message ah ka muh in Facebook ah a detail muh khak leh chi in ka lut nawn a, Facebook group te ka ban check leh Phungzathang inn ana ki hal a hih dan ka mu hi. Ka muh tung bang in ka gingta pah kei jojen hi. A ki hal na ziak bel ka theih sa ahi, Ken le hon veng pah inte cia ka thupi ngaih luat kei leh buai na in venglam a nawt het kei, Hon sousang deuhdeuh a hih dan khong mi post tungtawn ah ka mu hi. Ka lungsim ah LAMKA AH KUM 18 BANG KI OM A, TUA I POTKHIAK TAK A 

HIAI BANG TUNG chih ngaihtuah in ka thang bang a pai mahmah mai.

Hicia buaina om komkom ah Unau Thadou(Kuki) lamte khong toh i pangkhom dan mi thil post te apat ka muh in ka ki pak gu sim mahmah mai, Hi lele ka ki pah na in sot a daih kei, Buaina ziak ah misi luang khat ki kham cih ka muh in a min ka et ma ka ngai ngei mai, ka lawm it tak le ka ngaihnat mahmah Paulianmang ana hi maimah. Huai zoh Ennkhankhup le liam ahi cih ka theih in ka sisan cu Boiling Point ah sou ahi ta mai. Ka thangpai lua ahih man in group te ah bang MLA te mohsak na thu ka hah post mahmah mai, a dang hih theih om lou ahih man in.

Huci komkal ah luphun leh kim ana ging man a hih man in zal khuntung ah lum mahleng ka Ihmu thei se kei, Ka lawmte khong ka ngaihtuah jel a, ka innkuan te khong ka ngaihtuah jel a, ka tribal pih te khong ka ngaihtuah jel a, kei a dia hih theih lampi om sun chi in Thumna ka nei hi. 

Hucia ka om komkom in Facebook group ah thil ki post te khong ka et2 leh MAKAI HOIHTAK KHAT KI POIMOH AHI chih ka phok khia a, Group ah ka post leh hon Approve sak kei thepthup uh abang. 

Hicia zankhua zangtou in ka theih louh kal in Zing ni nou hon suak mawk hi. Lamdang ka sa sim jojen. Huai ni tuh 1st September 2015 ana hi hi. Kei le Breakfast ne in college ka va kai hi. Class ah va tu leng le ka lungsim PIANNA ZOGAM a om ahih man in bang mah ka thei kei.

Ka mood off petmah ahih man in ka sir te khong in BANG CHI AE.?? chi khong in hon kan in hon awlmoh petmah uhi. Ka major class ten le hon cheer up sawm in college canteen ah nektheih khong hon treat jojen uhi. Kei lah ka taksa Guwahati ah om lele ka lungsim LAMKA ah om ahih man in bang mah in hon cheer up jou kei. Ka nungak nu Naga nun bang hon awlmoh petmah ahi ngei dia Conference hall ah hon tut pih den hi. 

Innlam pai ah ihmut di hi cia kei le ka nungak nu toh Bus stop lam zuan ah pai suk in innlum ah ka ihmu hi.

©Siamsinna leh Vakiangbu