CLASS 12 EXAM LAI..

By ~ Lianmuansang Guite

Exam hun ding la khutzung a le sim theih ta lele kei bel laisim lam peihlou ka hih man in ka lawm Mumung te inn ah Fifa a computer a ki mawl in ka om kheuhkheuh mai hi. Ka lunglut lam a hih man a nitak dak 10 lam pek in ka pai jel a, ka deihkhop tuan kei. Hilele lai kon sim dek ciang in minute 20 lel leng ka sim peih kei, ka sim ciang in le a BYHEART dia sim ngeilou mihing khat ka hih man in a chapter teng khatvei sim suak vek in hucia cu ka laisim jou ka hi jiau jel. 

Zingciang a exam di hi leh tujan a Mumung te inn a game ki mol a lungmuang tak in ka om hi, a ziak a hih leh ka exam di lam manghilh ka hih ziak lel ahi. Game ki mawl khin dak 10 lam a inn pai in ka lum ngal hi. Lupna tung a phone ka mek leh jingciang a exam di ahih lam ka thei khe pan phet, kenle JINGKAL CIA SIM MAI NI ci in ka ihmu hi. Ka sungkuan ten bel laisim dia hon sol jou nawn lou ahih kei le hon sol ut nawn lou ahi uh, kei thadah ka hih man in. Ki sol hat thu a sim di hi leh bel mihing teng officer vek ki hi ding in ka gingta.

Zing nisuak ki lawm tak chi mah le uh kei a dia ki lawm khol lou ahi huai zingkal, ka chih ziak bel dak 7:30 pel a thou ka hih man in. Lai sim sese lou,nitak a ka tongciam cu peel ka hi peuh mah. Hicia ki hah siang in ann ne in Exam dia kuan, bang mah sim lou a exam dia kuan kei chou hi ding in ka ki gingta a, a guk in ka ki zum pih mahmah hi. 

School tung leh lawmte khong a sim te uh hon ki dot tuah na te ken le ana ciamteh jial suk, hon pai khak leh gelh chet dd chih dan deuh ah. Hicia school a le sot om man lou in exam di ka hon hi ta mai, room a lut in tutna a ka tutleh nung leh ma a tu te khong bang in NON HILH DI AHI hon chih ua leh bang ki nui himhem mai sam. 

Class 10 Board ah ka exam dek lai a ka sir pa un Exam Trick hon hilh te lak a khat zang dek chu ka hi peuh mah, huai bel Handwriting hoih ding in lian di, Additional Paper tam thei pen lak ding in Question teng attempt tei2 di, chih teng zang a exam kon peta hi. Huai method chu zang petmah ka hi di exam bei a Additional Paper bang 7 ka la jojen hi. Ka gelh teng le ka thei non kei.

Huai hun chet ah ka lungsim a om chu A NAWN CIA HOIH TAK A SIM DI HI chih ahi mai. Hi lele lungsim a ngaihtuah chu zuih haksa tel mai, Zu khamsia in le a lungsim a KA DAWN NON TEUH KEI DI chi in a ni nawn ah a ngei bok. Huai toh ki bang ahi kei le, ka sim peih se kei, subject neih ki kal a Gap om te ah bang Pocket Money dd deih huai chi in naa khong ka va sem thepthup hi. Mi te Exam lai ah a naa pi sep pen uh Laisim ahi, Hilele kei a bel Pawt ahih kei a le Game ki mawl ahi mai. Hicia lai gina tak a sim lou a Class 12 Council Exam chu kon jou petmah ta hi. 

Result ngak a ka om sung a Lingshiphai a Electric fit a kuan ka hih man in Result ngak ka hih lam le ka ki thei kei, Lawmte khong dawilawk tak a om leule kei bel result lam ka ngaihsak se kei.

Hicia ni suak jel in tum jek a hih man in Result suah ni hon tung petmah, huai ni in bel neuchik ka dip hon sai jek sam mah veo, hi lele midang bang a sih di bang khop a lau lou ka hih man in ka om hiuhiau leltak. Ka om hiuhiau theih na thuguk bel a FAIL di sa a ki koih ka hih ziak a hi leltak. 

Result hon suak petmah in ken le ka et leh numei ten OMG a cih te uh hi le ki lawm in ka ki shock mahmah, Ana ki koih khial lua leh ana ki ngaihtuah khial lua ka hih lam ka mukhia hi. Ka result ka et leh ana PASS maimah dan ka hi. Kenle ka percent ka et leh 1st ana hi jomah. Pathian in jaw hon om pih petmah eive maw chi khe top ngam ka hi ka result ka muh ah. 

Ka sungkuan ten le hon gingtak louh uh 1st a pass laizang, Ka lawmten le hon gingtak louh uh amau sang a sang jaw a pass jaih mawk, ka chih na san bel a mau back subject nei uh ahih ciang ua. 

Uang gen le( or a dik diam a) Ka teacher ten le hon gingtak lou uh, Pass ding in jaw hon gingta mah unte, hi lele 1st din jaw hon gngta om ding in ka gngta kei, School a niteng a notebook khat toh textbook pua kim ngei lou pa 1st a pass ding in gngta din ka um kei. 

Schooling lai a School bunk jiak a Toilet hah pa 1st a pass ding in gingta din ka um kei.

Ka cih na ziak bel Kei le Kei le ki gingta lou petmah kei ciang a.

Nisa mu lou jen a laisim te khong in back subject khong hon nei mawk uh chih ka theih a bang kei mimal tak leh a guk tak a ki suanglah na om mawk, mark te hawp theih hi leh jaw ken chu ka mark te it vet lou di hi inga chih bang ka lungsim a hon suak khe jojen.

Thil lamdang pipi om di ahi chih Bible in ana gen te ahi dia aw chih bang lungsim a om jojen aka. 

hehe

©Siamsinna leh Vakiangbu