LIAMSA LUCK LAI NITE

By ~ Diamond Sang Guite

Pawl 9 result hon pot leh ei le pawl suan thei di dinmun ah ana ki ding kha in ki pah huai mahmah

mai hi. Admission te bawl in High School ah a sang pen pawl 10 kon zil pan ta hi.

School ah a sang pen hih ziak mah le a diam ah ki proud sak na om pah hi. Sun hun te school ah zang zou inn lam pai dia lawmte toh lampi a ka paisuk lai un nungak khat in a gal apat MS..!!MS...!! chi in hon sam kengkeng hi. Kei le ka ki hei tou leh class 8 te numei khat ana hi hi. A lawmte mi 2 toh hon pai suk in kenle ka na ding khawl jojen hi. Cih leh ka kiang hon tung tak in HON KHA IN, KA LAWMTE POT NGAL DEK UH hon chi hi. Ei le a ut lou khem ko neih masa jojen in a tawp ah ciamnuih kom ah NON TREAT DI LEH...HAHA chi kom in ka ki ton suk uhi. A inn uh Elim Veng ahih lam hon gen komkom in ka phone no. hon ngen hi, kenle pia in Unity kong tan ka va kha hi. Huai ni chu nui sim in inn ka tung hi.

Inn tung phet ball pek dia ki sa ngal in field a kuan in ball ka va pek hi. Pek jou in innlum mah juan ngal

in ki hah siang khit in ka phone ka et leh message 6 tak ana om hi. 2 te bel company lam apat Offer hon bawl uh ahi a, 4 te bel class 8 nu vungboi a ahi hi. Nitak pot dia hon jot na message kenle YES chi

in ka rply hi.

Nitak ka hon pot khom na uah hon PROPOSED jaih dan eive. Hiai pen cu kei a dia numei apat ka jak

masak na pen ahi. Kei le awng lai mah ka hih ciang in ka YES pah hi. Hicia Vungboi toh ki ngai ka hon

hi ta maimah hi.

Hun te hon liam jel in August kha bang a hon hi ta hi, School lam a ngei bok, Nungak lam a ngei bok ah

ka om lai un class 9 te Kimboi in hon try non ta hi. Ken le kimboi kiang ah vungboi toh ki ngai ka hih

dan ka hilh leh HON KOP IN hon chi mitmet mai dan ahi. Kei le a ki thumang sak chih hi tuan lou in ka

kop suk jial ta mai hi.

Chih le Vungboi in ka kop lam ana thei pah in hon khen pah ngal mai, kei bel lungkham vet lou khat

om lai na cih dan ah. Cih leh class 9 te mah Chingboi in hon try nawn leuleu maimah chu... Nungak KOP ka hi nawn mai. A ki ngai tuah taktak le om lou a hi cia ki play tuah ana ki h lim dan ahi. 

Independence day ciang a di parade ka jil lai un ka lawmpa'n Correcting Pen hon lei hi. Kou le huai school a kon hip ua leh sir pan hon man khia in 2weeks hon suspend hi. Huai hip ah ka ki mat lam ka nungak ten a theih tak un hon khen tuak uhi. Kei bel poisa vak lou ka hi.

August kha te hon bei in kei le school kai thei non ta ka hih man in school ka vai kai jel sam hi. A BER kha lam hon tung ta ahih man in numei te le phalbi amau chouh ah dou ut lou hih tuak sim uh nungak khat Fefel ki chi in hon try non hi. Ken le YES nawn pah in hicia tui bang ah ka luang khop lai tak un tui lak a suang om di a louthei lou ahi chih na hi tuan lou in Hohoih ki chi a min toh ki tuak sa lua ka hih ciang in ka try leh ka jou hi. Hicia a ngei bok dan ah nungak 2 ka kop laitak in tuilak ah suang mihing in ki denglut chih na hi tuan lou in chingboi ki chi mah khat in hon try non leuleu hi. Shaktiman in bel Tyre spare khat chou nei mah leh ken bel Spare 2 ka nei thuah leulou hi. 

Hicia nungak 3 toh ki ngai a ka om lai un Hohoih pen toh kon ki khen ta uhi. Aman bel poi a sak tuak mahmah mai... Ken bel bang mah in ka vei kei a, NORMAL dan in ka koih top mai hi. Hoihoih bel a phat hi lou a mihoih mah le hi. Siang le a siangthou, PARAS ka nek dek ciang in bang hon paih sak in a centre fruit hon hai sak jel hi. 

Hicia nungak 2 toh November kha ka hon tung ta ua, hucia exam nang bang naita a hih ziak ah ka nungak te gel a thu leh laa ginna tak om lou in ka khen chet lel hi. Hicia cu single a ka om laitak in Sonching ki chi ka hinkhua ah hon lutta hi, amah le Hohoih toh ki bang sim ahih man un ka kop ngam kei, Hohoih in ka mai ah khitui a seng dandan seng sak ut lou ka hih man in. Hucia Sonching toh tui bang a luang khom leuleu a ka om komkom un tuition bang ka la hi. Amau lak na a khang lam pang ahih man in ka va pi suk chenchen jel a, a inn uh sak lam a hih man in ka va kha jel hi. Kei inn bel a khang lam pang ana hi thepthup jel hi. 

Chih le Niangboi ki chi khat in hon try non leuleu hi, ka nungak neih lam bel ka hilh kei a, nei lou dan in ka awm hi. A hon try na bel ka YES ut kei a EXAM NANG NAI GOP TA chi peuh in paulap ka bawl lele nial khiat joh vual ahih louh man in ka kop non leuleu hi. Hicia nungak kop cih ka ut non louh man in a lui jo deuh pen thu ginna lou chik in ka khen hi. 

Laisim lam ah LUCK het lou ka hih man in kumtawp exam na ah book 2 ah ka pass leh ka Vice Principal pa un IMPROVING..IMPROVING..chi in ka nung bang hon beng thrauhthrauh jojen hi. Subject ka fail na jah2 sum ka deposit kheuh uhi.

Hicia Niangboi toh ka ki ngaih lai un khatvei ka lawmte toh a inn ah ka va hoh ua leh midang le hon lut uhi. Ka ki tot2 na lam un ka ki suheh kha laizang ua ka ki sual ek ta mai uhi.

Amau bel mi 4 chou ahi ua, kou bel mi 7 ka hih man un ka hah joh lua jojen ua Niangboi pa in hon tai jialjial hi. Huai apat Niangboi toh ka ki contact kha non kei uhi.

Cih leh kumthakmel khong mu in Board ah exam kon appear komkom un Chingboi ki chi khat toh kon ki maikha non hi.

Amah bel a mel a hoih a, a hoih ziak mah a le ki ngaih pih mh ka hi. 

Huai apat in nungak kop lam ka PENSION ta hi.

Amah toh hoih tak a ki ngai tou ka chih lai in amah sang ah hoih jaw sim( kei mimal muh dan a) ka muh ziak in ka khen hi. Ahih hang in tua nu pen kiang ah ka itna thu bel ka gen kei hi.

Hicia ngaihguk nei komkom ah class 11 bang kon jou thepthup hi. Class 12 ka hon hih touh non in nungak lam ka sai non kei a ahihhang ah Facebook apat ka ki theih khak uh Kimboi toh kon ki ngai non leuleu uhi. Kimboi bel innocent petmah ahih man in ken le hoih tak a ki ngaih pih ka tum tinten hi. Hi lele English ah paunak OLD HABITS DIE HARD a cih uh dik petmah ahih man in 5months hiam ka ki ngaih nung un ka ki khen uhi. Ka kop jiak le hi lou in kei chitlouh ziak leh kei hai ziak in ka ki khen uhi.

Huai apat in NUNGAK lam ka sai kha nawn het kei a Sai le ka sai ut non kei. 

Huci komkal ah Class 12 bang kua mah gingtak louh pi in 1st in ka pass hi. 

Hucia suty te zang zou in maban sunzom in tu lellel in Guwahati ah B.A ka hih kom in Naga numei khat toh ka ki ngai lellel uhi.... hehe

Hiai a tung ah ki gelh te phuahtom leh ki phat na ahi jenjen kei.

Kei mimal tak ah ka na tuah khak bukim lou tak(numei teng a ki gen kim lou hilai) ah kon gen hi.

Numei min a ki zang te amau min taktak hi lou ahi.

p.s Ka ki thuah pih ka lawmten bel hiai a ki gelh a NEP or a MAIMAI ahih lam thei hoih mahmah unte

©Siamsinna leh Vakiangbu