WHEN ONE DOOR CLOSES ANOTHER ONE OPENS

By ~ Tanukhel Dungdung Ngaihte

Hiai thu ka za ngun mahmah a, ka sim ngun em em bok. Mitampi te kiha'n thawn na le ahi ngei bok hi. Awle kei mah struggle mah a pat ahi a ka thugelh.

Tua laimal te ka sim teng in Ken zo Kongkhak dang ka poimoh non kei. Tua ka om na mah ahi ka utna, ka deih leh kipahna hon pia tu ahi ka chi sek hi.

Kei naupang chik ngaih tuah dan in bel tua ka it leh ka ngaih mahmah, kei a a hih sung tengleh ka innkuante toh chidam tak a ka om nak uleh eng di dang le ka nei non kei. Ka Khovel din amah ka na tel top mai hi. Ka kipahna amah ah kana bukim sak a, kenle ka hih theih top ka suah bok. Kipak thei tak zo ka hi. Ka hinna taan na mun di bang amah a dia om hitaleh huai le ngam khop in ka na it maimah mok hi. Zingkal a a msg ka muh hak chiang bang in ka phe leplep zou tel hi. Miten 'HAICHILH' a chih dan te uh ka hi in ka kithei pen.

Ka kal uh bang bang hiam te ziak in ka buai mun mah mah mai uh, ka kina ua, huaichiang in ka tong a, ka hehna te ka a tung ah ka bun kha romrom sek hi. A man bel hon daihsan hiu hiau sek hi. Ka homthoh gige maimokhi. Ka omna uh kibang lou ka hihna uah ka miss luat chiang khong in ka heh ek ek thei sek hi.

Hun hon pai tou tou a, ka kal uh sia sia pan mok hi. Ka gen ut pentak chu ka hih theih top suah in ka kal uh ka bol bol mai sam hi. Ka efforts teng bang mah lou suak suak ta mok a. Amanle huchi bang mah in ana hih kisa sam ahidia.

Lehlam tak ah Pathian inle pan ana la sam a. Kei hon reach ut ana hi ngei dia. Ken amah ana naih ngeilou. Kum nih dilam bang ana hi hial ta ahi chih le ka phok hetkei. Thum le Thum ngei lou ka hi. Ka haksatna te kihatsak tak in kana ki puak veuveu sek hi. Ka lungtang le a khauh mahmah mai.

Ka kal uh hon siat tak in Sih chauh kei a dia lampi om hin ka thei mok hi. Thu hou chik a kinak na om chiang bang in ni nih nih khong Ann nelou in ka omsek hi. Zan lah ka emu thei kei a, ka kap kap sek. Emu zual in ka khang loh chiang in dip kua sa in ka thou a ka ki heh pih mahmah hi. Taisan ka som deuh deuh chiang in ka itlam hon ki langsemsem zel hi. Zing thou tung bang ki dik hut hut in ka om gige ta mok hi….

Ka hatna toh hiai Sih utna lungsim paih khia zou di hial ka hi non kei. Thum ka hon som a hi mahleh ka hi thei tuan kei. Hi mahleh koi koi hiam a pat lom hon dawk mok uh hi. Kimu pih khak le hi lou, mituam tuam ten hon inbox ua, Pathian naih din hon hanthawn gige ta mok uh hi. Hon na thum pih ua, kenbel bang mah improvement muh di ka nei naituankei. 

Ka life chu liveless tak in ka zang zang tou phot ta mai a. A changchiangin ka window ka en a, ki tom khia maileng bang ka chi dia? Tua ka hindan toh sih a ki khia kei di chih khong hon ging ging sek hi. Ka sih louh top inle ka lungsim khong mangsak maithei ka hi chi khong in ka ngaihtuah nilouh sek hi..

A top top in kenle thumna ka hon neithei khong khong a. Sunnitum a room ah ki khum in ka kap nileng sek hi. Encouragement from every nooks and corners pour in. Mak tak ahi. Ken door dang ki Hong ding chih chiang in bang pasal dang hon Kodak dia, hi mahleh huchi lam ana hi lou in Pathian inle ka hinkhua leh lungsim ah mun honna deihgoh lua ana hi a. Huai mun a neih theih na ding in ka lungsim a kana koih gige tuh a man hon lakkhiat sak ana hi mok hi. Anasep dante ka theisiam kei bok hi, hi mahleh ni bang zah hiam hon pai zoh a hiai bang a Pathian in nasem a hi chi ka muh pat ahi.

Awle ka thil zil khiat khat tuh Pathian in amah naih di honna deih lua ahi. Amah naih na di ahih phot nakleh a lampi a man le ana zong ana hi. Khenkhatten I it te uh I chan ua, Khenkhatten sumleh pai ah, Khenkhatten dam louhna bang ana hi dia, betrayal bang, a tuamtuam te. . . Hiai te PATHIAN IN HON SAP NA , AMAH NAIH DIA HON CHIALNA ANA AHI CHIH KA THEI PAN HI

©Siamsinna leh Vakiangbu