TUTUNG CHRISTMAS


~Elshy Tunglut



Hunte pai zungzungin tangsamte bang leng aki lawmna uh suah dingin phur mahmah in apaak hon suah pan seuhseuh ua etnop mahmah hi. Tangsam paak bang i muh chiangin christmas gim bang hongnam mahmah ta hi. Huchi ahihlai in lungsim ah kilawpna liantak omlai in,nguina (thadahna) liantak zong lungsim ah om veve mawk hi. A mak lua thil ahikei a tuma zek a i buaina uh lungsim ah lian zaw mawk hi. Aziak ahihleh i unau mihaangte thupi isa, amau sisan leh hinna leng itlou a ana pete ahihziak un zahna (respect) sangpen ka pia ahi.



Bangteng hihleh huailam gensawm ihi kei a, ahongtung pah ding Christmas bang ikichi sak kholh ale? I unaute i suun mahmah lai in nang leh kei tanding a leimun niam pen hongtel i Toupa Jesu Khrist kipahpih louh theih ahi kei hi. Aziak ahihleh eite khelhna adim gawtmun apai dinglai ngaingam lou a hongtankhetu pianni lawm dia kisa i hih ziak un hamphat i kisa pen mah ahi. A hihleh unau nang bang chi'n nakisakhol ale? Ahongpiang ding kipahpih lua a ann nekkhawm a lop teitei i sawm hia? Unau, ann nekkhawm sese ding ahi kei, alemna munte a nekhawm ni ase zenzen kei. Himahleh i gen ut tak bel; ann nekkhawm hiam, vanthak neih hiam ah i Toupa Jesu Khrist i zin tun sawm leh zaw i hihkhial kha di uh. Huai tengteng sang a poimoh zaw i lungtang en pa amah ahi a, i lungsimte amah (Jesu) adingin awn zaw ni; huchi hileh i hih khial kei pen dinga, kisik nang leng a omkei ding. Unau, i lungsim ngaihtuahnate en kikthakin thudang, thildang i lungsim a i sawm kholh om lehleng tuate enchian thak in tutung Christmas ah zaw nidang, kumdang a i zat banglou takin i lungsim kongkhakte hong in, i hondampa Jesu Khrist i lungtang awn in amah mun laizang pen awn himhim mah ni; huchi hileh i lungsimte hongdam dia, i poimoh leh taksap teng theipa ahi manin; akikhel ma in decision hoihtak la ni unau.


I dinmun et in khovel in siatlam nawt hiaihiai ahihmanin damtakin kumnon Christmas ka mu teitei ding chi ngam om din gintak huai kei hi. Huaiziakin i hinna ei khuta omlou ahihlam phok kawm in tutung Christmas ah thildang ngaihtuah ding tuamtuam tammah leh, tuate sangin i Hondampa eimah ading chiat in piangsak sawm teitei in pan la ni unau. Huchi hileh nang mahin na hamphat pih dia, huai kia hilou in; na innkuan pihte'n, innkiim-innkiang te'n, i saptuamin, i gam in nang ziakin vualzawlna tampi donbeh thei ahi chih phokin, hunhoih i neihlai in koih dap maimah keini cih deihsakna lianpi toh hon vaikhak ing! Tutung Christmas ah Toupa Jesu Khrist i lungtangah piangsak thei dingin hiai simkha teng Toupa'n hon ompih hen.

©Siamsinna leh Vakiangbu

Comments

Post a Comment

Popular posts from this blog

PATHAWI HIMAHLENG!!

~Kattie Mawite Ka ngaihnou ka ngaisang top. Ka dinmun uh kikheng hileh ama lungsim bang ka put zoh ka gingta kei. Iitna tak toh hon iit hi in kathei a, kenleng ka it petmah. Keilam apan ngiat a hon neikei a, apasal ka hihtheihna din CONDITION bangmah hon bawlsak kei. Tulai in hihna kibang(homosexual) kingai tampi om mahleh, kei ngaihnou bel NUMEI ahi. A hon itna thupi kasa. Ka phulouh iitna tang hi in ka kithei a, ka kipak petmah. Himahleh alangkhat ah ka kisuanglah zel. Ka kingaihsiat theihna di leh ka lungsim hon kam gegu di kampau chikmah in hon zatkhum ngeikei a, milak ah leng a hon zahpih kei. Kei ziaka nuam asaklouhni leng atam din ka gingta. Himahleh kei kianga a om chiangin maitai tak in hon houpih a, huai in a ngaihhuaina nakpi in a behlap hi. Ka ngaihnoute bel innkuan nuamsa ahi uh. Apa Evangelist teacher pension ahi a, a upa'n leng apa sulnung zui in Evangelist teacher mah a sem hi. Amah tuh college kailai ahi a, anau pasal nihte bel high school kailai ahi
Read more

PALLAI NITE

~Lian Khuptong Alamdang Pathian Itna' 'khovel nopsakna leh gentheihna tepanin Tuun sungkhatpan mimbang ka hong khangkhia hi. Deihthoh takmai leh iitakmai'n keple huihmut dingnah tomphallou in ka omhi. Kep leh etkolna nuaia kasenchiil panin kapiching dong in, duattak leh deihthoh takin kep kana hi. Sianhuaina toh hucihin ka hongkhang lianzela khovel tak palding in kongkisa ta hi. Mite kitaiteh nalak ah ka taisam hi. Hinkhua gintaksa anaa nuamchiam kei alai hawlpawl in lakloh takin ka omhi. Pallai amm'n nuamleen tuh ka hinkhua aka nopsak ahih hi. Maban etna'n kalsuan touzelin ahak-anuam phutkhak dandan in kahong phuh hi. Huaihang in hinkhua zatdan ka etchiang in lungkhamna leh mangbatna ten nisim'n hongtuam tawntung hi. Ahakdan pengen siamvual ahih keihial hi.  Huchitazong in taikhua tuh hongvak zelsam a lametna thak honguan zel hi. Naa khatpeuh zoh kuhkalna leh thuakhaatna lou toh pangtakpi mah ngai hi. Khovel zoh omvengvung kitaiteh nalah
Read more

NATNA LAUHUAI COVID APAN PIANTHAKNA

 By  ~ Paumuanlal Guite BaBs Chikmah a zak ngeilouh, lungsim tawng a leng gelphak ngeilouh COVID 19 in khovel pumpi hong sawiliing ta hi. It leh ngaihte toh tui leh nga bang bualkhawmna, a sakminthang Lamka khopi leng natna in hong hawi tuankei. Niteng in a vei a pung hulhul chih kuapeuh in thei, himahleh gamsung vaihawm solkalte’n hiai natna apan i suahtak theihna ding ua hon thupiak uh Policete mat utlouhna ziak lel in i zui hamham chiat uhi. Huai bangle Policete galmuh chiang khawng a zui hamhamte i hilai uhi. A tamzawte bang in a omna mun uh i pel chetchet zomah uh, lamka chihmah a ka tuamtuam tam i theitel ua. Siamsinna innte, nasepna buuk tuamtuamte kikhak zungzung a, i biakna munte tan leng kikhak hial in inn a kuapeuh kikhum chiat ding i chih lai un kholai a hih ding poimoh nei a pungdiak a bang maimah hi. I natna minthang ziak ua mual honna liamsan niteng in zak ahigige mai. It tak in a luangbul ah kap zoizoi ut mahlehang mangmat phak ahinawnkei, silhpuan piandang toh kithua
Read more