ANANDA HOSPITAL
By ~ Hoyh Guite
Lawmte toh Sunday Concert na a asiam leh a minthang mahmah David
Kakap Guitar Live Show neihdi thu khuaksa zenin kon genkhom uh zo
angaihna omkei alanglang ah chiltui akikhoh khe ziahziah mai. Hucia ka
chiak vengvung kal un zan dak 1:30 bang gingta ahihmanin kon kikhen
thei khongkhong uhi.
Keile zanteng a kahih gige sa mahbangin Message tungtawn in lawmte
mangpha kaban khak a, lupna tung ka kidenna ngal, sawtlou nungin mang ka
neipah a. Kamang in kawl sangtak apan dip homvang dek zen in kana kesuk
a, huai akawl nuai a linglom lak a kalu katahkhak toh kiton in thakhat
in kong khanglou cuh, Ehee...kalu nat chihtak in ana na mok hi. Anatdan
kha thupi lua in houchik a gen ale Babare himaii.. Kalu bang ahong gik
deuhdeuh cuh Akbom sung a siktum kikoih pawkha mah kabang kehkuh hi.
Anatdan huaise petmah ahihmanin Lawmte hong patau gawp, Ananda Hospital
ah kinlehbuang in puaktungin ka om maimah. Bangteng hileh ka plan
tengchuh Fail hit-het ahi tamai ve. Kichai,,,Kichai
Zingkhua hongvak toh kiton a keileng innlam zuanthei ta di kakisak
leh Kalaisai kua innlam kisawl malak Nurse naksau deuhmai, amel a etmai a
le chihum thouzou, nel huai lovak lou khat in ka BP hon check kom in a
syringe dimlet zenin ka sisan hon hipkhe tel veh. Huaiteng bek in
hunsakleh phave ka taw ah damdoi khat hon kap zomah bangcuh kamel ah
kipahna om lomlom in kathei kei.
Huai kei hon enkoltu Nurse nu kha kamuh masakni akipat in Ka
lungtang ah Huatna chi akituh a, kamuhdah dan a gam a teh thoh ding bang
hileh Ei gam chile NorthEast pumpi cia mahmah phading in kangaihtuah
mok hi. Ka lupna kianga tawlet om hiven huntengin huai tawlet apanin
kamittang neih sunsun toh etlup sawm in aguk in apaisuk apaitouh kana en
gemgom sek alah a hinna kei khut a om ahihlouh manin a sithei tuankei.
Huihaaa...
Amanlah ka huatlam thei mahmah lou, a vangkim a hongveh zel in ka Bp a
check toh, check theih check moh teng check in abuai churchur sek hi.
Ahitak a kenbel hon khoihkhak maimai leleng ka taksa kaumak dia gingta
zozen zel kave. Hon houpih ciang bang a zo eu lup geihgeih dia mumai.
Ka mi theihte bang damlou ki ensak ut a omkhak ciah huai Nurse nu kahuat
nalam in a Hospital hoihlou, adu-da, huchi khachi chin kagensiat
theihtop in kagense sek a, mundang naihzodin ka sawlzel hi.
Ka huat luatman in khatvei amawhna omlou pi in Doctor tekiah ka
hekse ekh a, tai chihtak a tai uh hileh kilom, amahle pautamlou na a
abiang ah zo khitui cihdandeuh takkhe suk keuhkeuh in kamu, keile hihfuh
kisakna toh puankom in naksam dek zen in kana nui kuhkuh tei sam.
Sawtlou nungin ka kianglam ah Doctor patoh ahong kizui nanalh ua,
ngaihdam ngendia kisawl uh zo hinteh Nurse nu’n ngaihdam hon ngen hi.
Keileng Doctor pa mai nanana incuh ka kel vun suahkhia in BELAM vun
nemtak toh ngaihdam anget ma tham a ngaidam kahihdan kamuk zoltak mai
zangin kagentei sam aka.
A zing inzo amah mel muhphak in om nonta kei himahleh Nurse dang khat
kei hon enkol ding hileh kilomtak in keilam manoh in hong mengpai
(Catwalk) suk ngeih-ngaih zozen hi. Amahzo mel hemna bei ahi chilenglah
atal a tangsiat neuchik khat abelh a huai ahipen mai amel hem na. Laa
phuak siam a kana piankhak louh bang poi kasa tuntun hi. Amel lacuh
maitai den, mood fuhlouh laitak hiam aihkeh mitoh kisual in kibalsial
nuai ek-ek dek laitak khong in hiai Melhoihnu muleng ka kisualpihte’n
hon gawl at di hileule thuk kik selou a nui hiuhheuh kom a sih kitel
mai didan te kha hin..
Hiai minu bel pakta lua keiciah amin bang ka dongpah lolop a, amahle
biang sansim chichiai kom in amin Rose ahihdan honhilh pah vanglak hi.
Huai apat inchuh kintak a damkhiat meng a Tattoo gelhsekte kiang a pai
vengveng a, liandeuh mai a Awm (chest) lak khoh ROSE cihvuak kha gelhdim
metmot din, huaiciah Rose in muleh kipak lodia Try ngai sese lou a kei
a himai di chihkhong ka lungsim in kangaihtuahtuah maita hi.
Huaiziak mahle ahidia niteng in damlam manoh hiaihiai in atawp inzo
kalkhat sung ka damleh damlouh etkhiatna di chi’n hon Discharge uhi.
Keileng aguk a kana tup gige pen tangtung tadi chin kithalop tak in
Ananda Hospital akipan kanuipot salsal hi. A zing in ka innleh loute
hahsiangin leh ka vante khong sawpsiang pah vivit in ka Gari chabi dok
khezok in Tattoo Parlour lam ah kong kikhohsuk miuhmeuh zo anuam
khopmai, ka ngaihtuahna in Rose toh ANNKAM pak huan ah ka kidelhtuah
saisai ua, huai vaila ”Tu Mera Hero” chihla toh zeideuh in ka laam
khawm halhhalh uh zo Traffic om lamlam le phoklou in ka taisuak zungzung
a ka pelsuk vungvung mai. Huchia lungsim kipahna ngen a kadim lai in
thakhat in Traffic police ten hon kham ua, Hey nang kua e?? Nang bang
ziak a Traffic rule zuilou a taisuak chin a khut gol hinhen in ka biang
ngek hon Kiss puak zotzot bangtuh ka na ngong hialdin kagingta top.
Huaiteng ban ah ka Purse hon etsak ua ka Tattoo man dia ka sit teng aham
gaivek zomah uh. Ka heh alah Police te ahih ziak in bangmah kahih
theikei. Ka tattoo man diteng hon suh gaivek uh hinapi kik utlou
kahihman in kataisuak non thouthou hi. Salah..
Atawp inzo Tattoo parlour kava tung khongkhong a himahleh gintaklouh
pi’n ana kikhak derh mai, akiang ate kakan velvel leh Assam thubuai ziak
a NorthEast mite lau zak in a sepna mun uh taisan a innlam (Manipur) a
kik gaivek uh, huai ziak a Staff om nonlou, khak mai ahihdan honhilh
uhi. Ka mood down a, kamel lah chuh thangpaihna toh kidim humpi nelkai
mah ka bangta a, ka BP lah chuh hongniam guih zot mai, lei hetkha
phialphial ahita. Leilak ah ka puksuk nulh a abanzo Ananda Hospital mah
ahimai..
Hospital a omdi linlua hinapi Rose ziak in kaphur veve hi. Himahleh
ninih ka om nung inle Rose melmuh phak ahikei a, huai in hon patausak
mahmah ahihmanin Nurse khat kasam a Rose thu kakan leh amanle Rose a
Pasal toh Honeymoon zangdin Switzerland ah azinkhia uh chih honhilh
khitma in ka meltuh meikuang abangta, thusia hoihlou teng kazakna kabil
satkhiat bang ka ut tuntun alah huaite hih lengle ka lungtang tawng a om
lungkham napen mangthei tuanlou ding ahi cih katheih mahmah manin
apuakdan siam kaki zil pen kei adia leiba lianpen suakta hi. Huai Nurse
nu mah in hon genzom non a Jack (kei min) Lydia omkeileh nangle sikhin
di nahi. Muslimte khut a siding a na omlai amah ahi hon hunkhia chi’n
apaikhiat kawm in honhilh hi. Kenchuh kua a Lydia chihleng kathei
tuankei himahleh si ding dinmun a ka omlaitak a ka hinna hon humbit
saktu ahihmanin ka ngaisang petmah a, ka zahtak bok hi.
A zingin kenle Nurse nukiah Somy (nurse nu min) Lydia pen tua koi ah
om a?? Banghih a?? chihkhongleh thu tampi kadong a, amahle ka lupna
kianga Chair a tuzok in Lydia tanchin teng honhilh sipsip hi. Tulel in
hiai Hospital sungmah ah asem a, Patient te mikhat akipan Complaint a
omkhak ziak in kaisang theilou in Assistant Nurse ahisuak den chihleh a
tanchin khong, a mihoihdan khongleh a nunnem dan khong honhilh tuautuau
nilouh hi. Keibel kizephok na in kadim a, Lydia tung a leibat tampi
nei kahihdan ka phok khe deuhdeuh hi.
Nidang a kana muhdah mahmah leh lampi nasan a ka kituahpih utlouh nu
kha tun keihon huhtu in apang daih, amel bang enpeih ngeilou hinapi
tuncuh chikchiang in keilam manoh in khatvei bek kal honsuan de aw chin
nidanga ahongsuak khiat gige nalam pang kamelh melh tamai hi, huailaitak
khoh ka lungsim “AW KHATVEIBEK KIMUTHEI LENG KHATVEI BEK NAMELMU LENG”
cihla ahi pen mai. Kenle Somy tungtawn a ka it Lydia toh ki Ni nga vel
apailiam nung in keile hoihdeuhta kahihmanin Balcony ah huihsiang diik a
ka tutleh agal langkhat lam ah Lydia kamu a, a hoihsalou a kiphinphin
pa tuh Lydia mel kamuhleh kipaklua in ka kikou kha zozen hi. Hucia
kipaklua hinapi hun paisa a kabawl dante khong kangaihtuah khak chiangin
a itna manphatak mai tangdi vual kahihlouhdan chiangtakin kathei, alah
niteng hunteng in amah ka itna apung deuhdeuh a nan zohvual ahi
nonkei. Huchia lungbuaitaka ka omlai in Lydia in “Hi Jack..!!!” Bang
nachita??chi’n kamsiam tak in hon houpih a ka nervous simtoh pautam
hetlou in hon houpih nateng chouh ka dawngtan gaihgaih kha zozen a, a
khonung in kakisik nakhop apha hi.
Ka theihlouh kal a i mihingnu uh kha it chihtak a it chuh kahi mai
ve.. Somy kiah Lydia ka itdan kagenzel a, amanbel nidanga ka huat lam
thei kisa in, hon eng chihchih taveu zomah. Adiktak a gen a chuh tuale
en ut thei lona inga amel lampang ah zo mit hipthei chihdandeuhte nei
keiveh o. Hoih kasak ziaka it ka hikei a itna ziaka a hoihlou natengle
ahoih a muvek kahi zo. LOVE IS BLIND NAA???? Itna ana mitdel lou himai
zenleh kou tegel kimai khak na di chance siki nengle om lou himhim din
kangaihtuah, a ziakbel lai siamlou tawk in, kihoih kholkei lele a khaitu
khat ihihna ah melhoih leh hoihlou kikhen kak thei losam aihbang. Lydia
bel a mel ahoih vaklouh banah a Ha (teeth) nasanle sel zouloute (Hakuh)
hi zomah lai hi. Naupang hailai khenkhat te bang in ahatu ahong lawk
khepen atolh dek khong sa mawkmawk sek ua, a simmoh bawlsim u toh, a zum
thei mahmah hi.
Himahleh kenbel a huchih bimbem natak a hoihsa lehlam kadiam ah,
pakta lua kadiam ah, Zotawi lianu Siing tampite laka amah chitchiat deih
chibang teel katazen zel ve. Hucia thilteng kangaihtuah nalam in, a
khenciah nui sim heuhau lah sawtlou chik nungkhong chiangin ka men sim
nehnuh khasek hi. Hun leh nite’n mual hon liamsan zel ahihna toh kougel
kal leng masawn zel in theihphaklouh in itna tuipi sung ah kana kibual
khata uhi. Lydia bel ka it petmah a, sawt dam nonlou di himahleng
tomchik ka damsung bek amah toh khosak khop ka ut tinten hi. Ahihhangin a
hinkhua sau zaw omlai pen keitellou a zat ngaidi chihte khawng
kangaihtuah chiangin pasal kahihna pawzoulou in hon nehnou sak mahmah
hi. Huchi kawm kal ah Lydia in hon it taktak lou a, dam zoulou di kahih
ziak a ka lungkimna maimai a honsu kipak maimai di khoh kangaihtuah zel
hi. Lungsim guk a thilteng suangtuah a akhenciah a selam kipia, khenciah
lah hoihlam kipia a kabuai lai in “Jack bang nachita??” na hoihdeuhta
hia chi’n ka it Lydia in aw nemtak in hon houpih a, kenleng im sese lou
in Lydia non it taktak hia? I maw Dia (noutawi na) kahihna nathei a,
hon kemtu leng nahi, kei non itleh na maban natheihsa ahi, kon itlouhna
ziak hihetlou inleh nang kon khualna ziak liauliau in ikal a khuam
kiptak ompen phuk maile chi kahi kachihleh, Jack bang gen a kineih e?
Nang hon ngai nonlou mawleh? Na utleh hon khen oh, kenzaw na hihna
tengteng toh hon itkhawmvek kahi a, kon khen ngeikei di chi’n kakianga
chair a tukawm in a kidik ninilh hi. Lydia itna thupidan leh itna dik
ahihdan te khawng leh kei banglel a dia thupukna tawpkhawk a bawl thupi
kasa a, kangaisang petmah hi. Awl in a biang a khitui hong luangsukte ka
nulsak a, a khabe a domtou kawm in a muk san chichiai duattak in ka
tawpsak hi, amanleng ki dawm hetlou in hon tawp thukpah a, mihing khat a
piang, taksa bukim tak a om na nana chuh kidek zoulou in current luang
in a luang thoh a, alem leh lemlou chihte phokpha lou khop in sawtlou
chik kal in Pu Adam leh Pi Eve mahbang in ka taksa tunguah puan mal
ngat neucik le kibat lou in kon kikawi belh thinthen kha zozen uhi.
Pathianin chisuanga leitung luahdim dia hon thupiak hiven chin kou tegel
leng kidam hetlou in kon kipetuah khata uhi.
Hiai “ANANDA HOSPITAL” kei adia ka taksa damlouh etkol namun kia
hilou in ka itpen toh hon ki naihsak tu ahihman in kei adin vualzawlna
nak ahi kachi lou thei kei hi. A hospital siangthouna kia hilou in,
Doctor te bang kizen thei mahmah ua, mihing hinkhua manphatdan theisiam
in a hihtheih tawpsuah in pan naktak in la uhi. Doctor te hichi
zawdeuh leh kachihna di omvak in kathei kei. Hospital ichih damlou ten
dam kilamen taka i zot namun ahihmah bang in a mawhpuak na uh kipezou
tak in sem buching zou mahmah uhi. Hospital khenkhat ah Doctor ten
damloute kepsang mah in amau gilpi di kia buaipih in a duty di manghilh
zen in damloute adia damna hihnaksang in gawtmun chiamlawk saktu hile
uh kilawm khop in haksatna gen vuallouh tuntu in pang uhi.
Hunleh nite khawllou a pai ahihman in ka leitung hinkho zat ding asau
non hetkei di chih kathei a ka lungkham mahmah, himahleh ka it Lydia ka
en a lungsim guktak ah kipahnatak khat kanei, huai zaw bangdang ahikei
ka taksa in siatlam manoh mahleh ka itpen Lydia a kipan gil a gah goutan
muphak bel kaki lamen lailai hi. Huchia maban limchitak ngaihtuah a ka
om lai in khaw phawklou a puk kahi ngei ding a, thakhat in Jack,
Jack??? Bangchi e?? Jack hehpihtak in hon dampih laive aw, ka it Jack
na itpen in hon sapna dawnglou di nahita hiam? Jack hongkik laive aw,
Jack hong thou inla ka gil hon khoihsakve, I nau inle ka lunggimna hon
lunggimpih hileh kilawm in kagil hongtang eive chi’n Lydia kakiangah
ana kapkap a, ka kim kakianga Doctor leh nurse te mel a leng lametna a
tawm mahmah chih a langchiang mahmah hi.
Lydia leng a nauneih hun naita mahleh Jack taisan lou a kemden
ahihmanin a taksa in lel gawp in bahsia in puksuk a, khua a honphawk leh
Doctor ten Nauneih hunta chi’n Maternity ward ah ana koih uhi. Pathian
panpihna toh Tapa melhoihtak hon neikhia a, kipahna mittui abiangah
khamvual ahikei. Huchi'n, Lydia inleng akinthei bangpen in Sister te
khat Jack hilhdin sawlpah a himahleh, Sister nu’n Jack om nalam
naihsawm lou in, “Lydia na gim mahmah a, na chau mahmah chihleng
kathei, himahleh hiai thu konhilh louh theihlouh ahi JACK A SI TA”
chikawm in Sister nu’n laithon a angkawm apat lakhia in apia hi.
Ka itpen leh deih chibang a ka teel Dia....!!
Hiai ka laithon nasim chiangin na it Jack taksa hiai leitungah a om
nonkei chih nathei himahleh Nau ka taksa omkei mahleh ka kha in hon
taisan ngeilou ahi chin ana ki khamuan in aw....???
Boihte taksa damlou a ka om lai a ittak leh duattak a hon kemtu nahi
a, huai kia leng hilou in kakinep phak hetlou itna manpha takmai nonpia
a, kei adia naki pumpiak nate thupi kasa a, hihtheih nei nonlou
himahleng natungah ka lungkimlua chih ana thei in aw.
Dia nidanga non thildot pen tu’n kon dawngta di aw.. Khovel a ka mi
ngaihsang pen NANG nahi a, melhoih kasak penleh ka zahtak pen leng nang
mah nahi Lydia.. Bawi namin ka lou chimthei kei. Numei a piang sapsap
din thupi konsa. A khenchiangin namai ah maigumtak in ka om a, tampivei
khending simthu kon leel. Himahleh huai te tengteng itlouh ziak hilou
in itluat ziak leh kei khovel a leng dam ki lametna himhim neilou kahih
ziak a huchi kamsia te ana zangkha mah kahi. Kon it kon ngai kana
chihkhak keileh tun akhatvei nadin kon chi “Kon it lua, Kon itden ding” ,
na melhoihlua chih konhilh khak keileh” Lydia namel hoihlua, nangkan a
khovel a melhoih a omkei, na nuihmai hiuhiau te ka mitkha ah thamden e
ka it Lydia aw..Na theilai hia nikum a kon engbol laikha, huailai a
zaw kon huatziak kana sa a, tunzaw aziak katheita, kon itluat ziaka hon
thoh ana hidan kahizaw.. Nau kon paisan ngamkei, na maban hinkhua di
kangaihtuahna in ka gimna hon behlap a, nang adia khitui kasengte toh
tulvuah tehkak ding chilengzong tulvuah sah tawm tuan din kagingkei..
Nang ngai a ka khitui sengte a tummang theiding hileng sawtpek a tummang
khin ding kahi.
Dia non it chih chiangtak in kathei himahleh na ki lungmuan nadingin
na U Jack in bangmah kon nutsiat kei. Hehpihtak in Pasal ana nei teitei
inla kei ziak in ana kisu lungkham ken aw ngaih. Ka gim lota hiaitan in
hunsak phot ni Thangvan saang ah dawnbang konna tuak di. Itluat
mangpha.
Hiaiteng Lydia in a simkhit in Jack lungkham ken nang loungal pasal
dang kanei kei himhim di aw......???? Jack en dih i tapa in nang hon
suun na e chin a tapa pom thinthen kom in luankhi anul nilouh ta hi.
BEITA
©Siamsinna leh Vakiangbu
Comments
Post a Comment