IT LOUH JIAK JAW HILOU EIVE

By ~ Hazz Tejay

Episode 1 - Monday jingkal ahi a, jing ann ne khin in sikul kai ding in ka kisa hi. Ka kisak joh in sikul lam manoh in ka kuan khia a, ka tungphet in ka room uah ka lut ngal hi. Room sunga amah kia a om, Muani ka muh leh kipak tak in leh nuih mai kawm in 'gud morning', how r u? chi'n ka houpih pah a, aman leng, gud morning, i'm fine thank u ci'n a hon dawng thuk pah hi. Eldee, sir pa'n homework a hon piak na hih hia? ci'n a hon dong pah a, hih chu ka hih a, hilehle a dik ka gingta khol kei cia dawng in thudang bang ka houlim sung un dak a hong gong kengkeng hi. Huci'n morning assembly nei ding ka kijuipawt uh hi.

Muani minthak a hihleh Muankim ahi a, a ngek lai apat a noutawina dia Muani chia ana sap uh ahi hi.

Episode 2 - Muani toh ka kiclass tou den ka hi man un, kakinel ban uah ka kngaina hun tawk mahmah uh. Hun le nite hongpai jel in, half yearly exam bang nei khin, summer vacation ka hon zangta. Hiai sung in Muani toh ka kithuah jel ua, himahleh nitak ciangin bel a inn uah ka pawt ngeikei. Hun bangtan hiam ahongpai nung in nikhat ka khua uah kitenna a oma, nitak in nungak leh tangval pawl in loppihna hun ka zang ua, Muani leng a u tetel in a lawmte toh a hong tel ua, kei leng ka lawmte toh singpi lum hawm in ka pang uhi. Hiai nitak in khua a niim in khua bng aphe zualzual hi. Programme beima in Muani amah kia innkong lamah a hongpawt khia a, Eldee, in ah ka pai nuam a, hongkha ve maw plis cin ahon zawn tawm se a, ken leng, eikhak na ut in cu, hi e ka chih zoh in ka kizuikhe ta uhi. Khua lah mial lua ahih man in saulou kapai nung un Muani in ka khut ahonlen a, huai nung sawtlou in kawlphia in khua ahon eng zotzot zel a, vanpi bang ahong ging dumdum zel hi. Huchih lai in, Muani in Ka lau cih leh kawi ahon thuah a, a hon manbelh tenten hi. Ken leng a kip thei ding bang pen in ka kawi thuk pah mai ve.

Hucia ka kawi takin, votsa hileh kilawm in ahong lingsim a, Muani votsa maw? cia ka dot leh, salou e cin ahon dawng a. Na lau lai hia leh ci'n ka dong zawm nawn pah a, nang kianga i om in bang ilau dia, ciin a hon dawng hi. Apau nawn jawsam omlou in, kikawi helhel kawm a hun bangtan hiam kapai nung un, a innkong uh ka tungta ua, ki kawina apan ka khut lakhia in, Muani mangpha le ci in kik nawn pah din ka kisa hi. Aman leng bangmah gense lou in a gate sung uah a lut ngala, kei leng ka kihei a, paikhe dia ka kisak leh Eldee ci in a honsam kik a, hehpihtak in gate sungah na hong lut thei zual lai diam? ci'n a hon ngen a, kenle hitham e cih toh lut ka thuah ngal hi. Ka mai a dingin, a khut langnih ka liankou tunga nga in ka tal a hon tawpsak a, Eldee mangpha hoihtak aw,. honcih leh ken leng a omdan lamdang sa in gen ding bang theilou in ka ding dendun mai a, mangpha khak nawn ding ahih lam leng ka ngaitawhna ah a om nawn kei ahidng a, ka ding kip den a, aman leng bangmah gen nawn tawnlou in a innsung uah a tailut hi. Huci'n keileng ihmu thouphet mah bang in ka halhkhia a, moulopna lam a hoh nawn tawnlou in ka innlam ah ka paisuak hi.

Episode 3: Ka thiltuah ka ngaih tuah a, lamdang bang ka sa deuhdeuh a, ahi alah ka kipak gu sima, imut ka sawm chiangin leng ka imu thei mahmah kei. Itna i chih uh bang hiding ahia cih bang nidng a ka ngaituah ngei hetlouh tunitak in ka ngaituah na ah ahong lian mahmah hi. Kei leh Muani in lah huci lam thu himhim genkhawm ngei ngailo ung a. Bangmah ka genlou hang ua kou gel kal a itna ana piang khinta ahi diam? Nidang aka ngaituah ngei hetlouh, Muani midangte ngaihzawng di leh zi di'n ka phal mahmah kei hi. Huci bnga kou gel kala kingaih natna ompen, mite'n ITNA a chih sek uh hidingin ka gingta ta hi. Ka ngaituah zel a, Muani ka ngaihna ahong lian deuhdeuh a, it hi dingin ka kikoih ta a, it leng kana it lua hi.

Ka imut hoihma in zingkhua a hongvak a, a ngeina mah bang in sikul kai dingin ka kuankhe nawnta a. Hiai ni in Muani ahong kai kei a, bangziak a hong kailou ahi de aw cih khawng in ka ngaituahna aluahdim hi. Lunch break a thutak zak ding lametna lianpi a awm ziakin nidang banglou in kithalawp takin Kimno kiang lam ka zuan phei hi. Muani tuni a dam ciah kei a, Skul hong kai peihlou ahi hia hon na piaksak in aci a, cih leh ka khut ah lehkha them koi a thuah ngal mai hi. Kuama'n hon mulo chi'n kenleng lehkha ka phel a, ka sim pah hi. 'Eldee, hehpih takin sikul tawp ciangin ka inn ua hongpha jual ve maw, from Muani chih ana hi a, nidang teng sang in tuni sikul tawp hak kasa diak hi. Sikul tawp phet in, kou inn lampi leng mangghilh hileng kilawm takin Muani te innlam in ahon hip mwk a, ka kalsuan bang kin tawm hial in ka thei. A inn uah, Muani amah kia a room sunga lupna tung a lum in ana awm a, bangmah le gen masa tawnlo in a room sunglam ka naih suak ngal hi. Awl in lupna tungah kava tusuk khian a, a hon muh phet in Eldee, na hong pha ut a kaki pak lua, ahon ci pah a, ken leng damlou meuh cu bangjiak in i hongveh lou phal dia, ka chih leh lamdang sak chitak in ahon en a, Kimno in damlou hon ci hia? ci'n a hong dong a, ka dawn ma in, damlo cu hilou kei ve, zan nitak ka awmdan ka zakta lua a, nang hon muh di ka litluat ziak a sikul hongkai lou mawk ka hi. Hilehle nang hon mulo a awmdi lah ka ngaingm kei zel a, ka inn ua hong hoh dia hon ngen mai ka hi. Ka hih khelh khak a awm leh hon ngaidam inla chi'n amah mah in a hon gen zom a..

Saulou ahong khawl nung in, zan nitak a ka hon mangpha khak tu'n no'n dawng thei ta diam? chi'n a hon dong phut mai a, kei leng lungvai sim in ka gen ding bang thei zoklou in, Muani, bangmah hihkhelh na neikei a, ngaidamna ding le a awm kei. Kei theisiamlouh ziak ahi zo, hon ngaidam in aw chi'n ka dawng a, bang a ka theisiam louh cih leng ka thei tawn kei, ngaidam ngetna ding om hia cih leng theilo in ka gensuk tei mai a, sawtlou ka khawl nungin, na hon mangpha khak ka hon dawng thei tham ding,cih tawh atal ah ka tawpa, aman le, Eldee, hiai tan lel maw? ci'n lamet ding neilai hileh kilawm takin aw ngailou cik in ahon cikhia a, a gen theisiam in bangmah gen nawn selou in, a muk san nou ngiingei ah ka muk ka sutuah a, kuamah tawp ngei nailouh a muk lum deuh deihthoh takin ka tawp ngoihngoih a, ahan tawp thuk pah a, ka tawp ta nilouh hi. Kei lah Muani kal a itna kisel gu ahang pakkhe ta. Sawt kuamtak ak kitawp nung un, Muani in Eldee na zi di'n na hon deih taktak in, na hon it taktak hia? ci'n ahan dong a, Muani ka nupi dingin ka hon deih taktak a, ka dmsung teng in ka hon it gige ding, nang kei adia na gin awm phot leh zo bangmah dang haksatna a awmkei ding ci inka dawng pah hi. Hucia bangbang hiam ka gen ua ka houlim sung un khua ahong kai simta a, kei leng ka inn lam uh manoh in ka paikhe ta hi.

Episode 4 - Muani tawh ka kingaih nung bangmah haksatna awmlo a hon zangtou in ka kipak mahmah ua. Hucia kipak taka ki it leh kingai a ka awmlai un, nitak khat a inn uah ka pawt thei a, nidang bangmah in Muani leh a unu hel tangval ana tam mahmah ua, apa'n Eldee, nou khong na hong pawtpawt ding uh hilou ahi. Student na hi ua, na inn uah pai inla, na lehkha khong na sim zawk ding ahi, ahon cihta phut a, ka lungtang khetbuk a khet mah bangin ana mahmah mai hi. Deisakna kampau kia hilou, chih leng ngaitawh lou in zak haksa kasa mahmah hi. Himah e ka na pai phot ding leh, chih leh innkong a pawt ka thuah ngal hi. Muani in a gate tan uh ahong zui pot a, heh mahmah kawm in, napa gen chih dan himhim ka hong pawt nawn kei ding, mangpha ci'n Muani dawnna bang leng ngak man nawnlou in ka paisan hi. Hiai ni a kipan in Muani te inn ah ka pawt ngei nawn kei a himahleh Muaini toh ka kal uh bel a se tawnkei. Sikul khonga ka kithuah thei ziak un a inn ua hoh lou in lung kimuhna hun ka hau ua, apoi luatna omlou hi in ka thei.

A inn ua pawt ngeilou aka awm nung sawtlou in, nikhat Muani in ka kiangah, Eldee, hong hoh nawn ta ve, ka pa'n a honcih nawn a leh kei leng kapau ta ding, ci'n a hon zawn ngutngut a, ken leng hiai bang chialna nial ka ud tawnkei a, Kiginni nitak leh Pathian nitak in ka hing hoh zel ta ding, ka chi a. Huchi bangin kei ka hoh ciangin Muani ahong tukhe zel a, ka hohlouh nitakin bel amah leng a room sungah kikhum lel hi. Kei tellou in midang in a hel thei tuankei uh ahimai.

Hucia bangtan hiam haksatna tuaklou aka pai lai un. Ka khua uah govt. nasem tangval khat in Muani dei mahmah hi. Kignni nitak in ka pawtkhawm kha ua, nuamtak a ka houlim khawm lai un, Eldee, nou khong student in nungak na hel ding uh hinai lou ahi. Solkar na khong na sepnung ciang ua na hel pat ding uh ahi, ahon ci a, ken bel bangci mah in ka dawngkei. Muani in ana dawng pah a, Eldee, student ahihlai ziaka kei a hon hel thei kei ding leh kei le student ka hilai a, kuamh in na hon helthei tuan kei ding uh, ci'n a dawng a, Eldee leng pai henla, kei leng ka room ah ka lut ding, cih tawh a room lam ah tailut ngal hi. Kei leng bangmah gen nawn tuanse lou in leh ki champ sak sim kawm thou in innkong lam ah ka pawtkhe tei hi. Hicibang in haksatna khenkhat tuak sek mahle ung, bangci dandan hiam in ka hihveng thei zel hi.

Episode 5 - Hunnuam beita. Sikul kai mahmah le ahi a ninhuai, ning mahmah le le ahun a hongtung nawn mai si a. ka sungte'n khodang a kai dingin a honsawl ta ua, kei leng khopi lam naih a ka kisak a hong poimh ta hi. Ka paima nitak in ka lawmte tawh program ka zang khom zek ua, apai khit vek nung un Muani toh kholai ah ka vak khawm helhel ta uhi. Huai nitak in kha a vakpha mah2 a, aksite'n leng amau kilawmna chiat suahkhia in a tang singseng geuh uhi. Khavk singseng nuai ah kou leng apau thei zosam omlo in, kikhelah takin ka kipom un kakitawp tonton zel uhi. Muanite innlam manah in ka kizui phei ua, a inn kong uh ka tun un, Muani paita maive, kikhelah mahle le hun in hon ngaklou ahihmanin zan leng sawt lota ahi. I om na mun peuh ah ginom takin om lehang, Pathian in ei adingin hun hoih ahon bawlsak nawn ngei ding mangpha hoitak aw ... chi a khakkhiak ka tup leh a biang ah mittui a hongluang ngiaingiai a, haksa satak kawm in hici'n ahon chi khia hi, Eldee hehpihtakin hon paisan dah mai ve, k'on ngailua ci'n a hon pom a, khelah takin ka kitawp tonton uhi. Paisan ka tup ciangin leng ka ngailua a, ka paisan thei mahmah kei, Muanite huanlam manoh in ka kizui lut leuleu uhi.

Sing buk lihliah nuai ah ka tu ua, Muani in, Eldee kingai in ki it in kikhelah mahle, siamsin laituak ihihman in a sangjo sem delhna in mun tuam gam tuam a kikhen ahong ngai hi poi ka sa mahmah a, himahleh a sangjo sem delhna ahihmanin kipahhuai kasa zel hi. Khopi zo sem a na awm hun chiangin leng na awmna chhan manghilh lou a, Pathian muang kawma kuhkal taka pan honla dingin k'on ngen hi. I lenna tangte dang mahleh lunglai ah hon ngilh ken la, ken leng hiai lam ah ka hih theitawp ka hon suah dinga, gin awm takin nang a dingin ka na awm gige ding. Nang ka hon itna in ka damsung tengteng in beini a neikei ding a, nang adingin Pathian kiangah a hon thumsak gige ding, a chih zoh in khasiat tha ahongsuak a, bangmah ka gen zom thei nawnkei hi. A pau zosam ka om kei ua, hun nuamtakin ka kikhelah takin ka zangkhawm uhi. Hiai nitakin itna khopi ah ka nih un ka tengkhawm ua, tunung hun ding khawng ka genkhawm uhi. Tunung a ka ngaituah kik ciangin ka khasiat tha bang a suak thei zel hi. Hun tomchik sung hiam ka sak kal un zing khua a hongvak a, ka inn lam uh manoh in ka kizuikhe nawn ta uh hi.  

Episode 6: Ka pa'n kei adinga thumsakna ahon neihsak zoh in bus station lam zuan in ka lawmte leh ka sungte toh ka kizuikhia uhi. Bus pai ahong hun takin chibai kibuk in ka kikhen ta ua, ka maban lampi gal et in ka tuanna bus sungah ka ihmu zuingal hi.

Sikul kaina ah buaina ka tuak kei a, hoitakin ka kai theizel a, lunglenhuai mahleh a nuam cih ding himai inteh. Nikhat Muani apan in lehkhathon ka mu a, ka sim pah a, hichi'n ana kigelh hi.

Oct.10

Ka itpen leh ngaihpen Eldee,

Amasa in itna chibai ka honbuk hi. Na sikul kaina lam ahoih zezel ka lam en. Nang adia thu kipahhuai lou tak ka hon hilhlouh khat ka hon hilh dek manin poi ka sa hi. Dt.18 Oct. ciangin ka sungte'n pasal hon neihluih sak a sawm ua, na hon it a, na hon ngaih taktak leh hehpihtaka hiai a kipan a hong hunkhe dingin k'on ngen hi. Thu tam leng ka gelh thei kei a, na hon theisiam ka hon lam en. Ka sih tanpha in ka hon it gige ding.

Hun phot hen, mangpha.

Nanga gige

Muani

Ka sim zoh in ka lungsim a buai mahmah a bangchih ding ka dia aw... ci in ka kingaihtawh vung vung hi. Hiai ka lehkhathon ka mu niahihleh 14 oct. ahi a, a zing a pai dingin ka lungsim ka hihpuk ta hi.

A zingkhua a hongvak a, keileng ka kholam uh manoh in ka paita hi. Lam lakah buaina tuamtuam ka hon tuak a, ka khua uh ka tun in 19 oct ana hita, ka hinna bei dek mah abang, laplou ka hita maw ci'n ka lubang hai hi, ka lawmpa Sangpu kiangah kava pha pah a, lehkhathon khat ahon piak kawm in, a poi mahmah chih bak gen ding thei tuanlou in, adai dide a, laithon ka la a, ka sim pah hi.

Episode 7

Oct.18

Ka itpen Eldee,

Hiai lehkha na sim chiangin kei ka hihleh mi nupi ka hita dinga, hon mawhsa loudingin kon ngen. Kei ginom louh ziak hilou ahi. Kibuk nang ka zong a, hon panpih ding ka zon chiangin leng ka mukei a, ka itpen nanglah hon hunkhe ding a na omlouh ziakin utloupipi in ka maituah mai a ngaita hi. Tu in pasal nei in mi nupi himhleng ka itpen leh deihpen zo nang na hi gige chih thei in aw. Pathian in bangziaka hici dinga hon bawl ahia?

Nangtoh kiteng hileng zo khovel ah mi nuamsa pen leh kipakpen hiding hi ing a. Himahleh tun zo kei a dingin khovel ah kipahna ni himhim a awmta kei ding. Nang toh kiteng dinga ka na kingaituah na teng lah bangmahlou a suakta ngala Aw ka it gelhgelh2 in gengen ding ci mahleng bangmah phattuamna om nawn tuanlou ding ahih manin hiai tan in hunsak mai ni. A tawppen adi'n na damsung teng a nang hon ittu hon mangngilh lou dingin k'on ngen hi. Damtakin mangpha mai le...

Nang adia cinglou

Muani

Ka lubang a hai muaimuai in ka thei a, kei lam leng kingaituah pha nawnlou in Muani ka ngaituah ciangin ka hehpih luat ziakin ka mittui bang a hongpwt ta mai hi. Sangpu'n ahi ding teng hita ahia, a thuak dan siam zomai in ci in a hon hehnem a, ka liang ah hongkawi a, ke'n leng, hiai tan a hunta. Zingciangin Muani iva mudia, huchi'n kei leng ka lehkha simna lam ah ka kik nawnta ding, ci'n ka gen hi..

Episode 8 - A zingkhua cu ahongvak ta ngei a, pai ngal dingin ka kisa a, ka lawmpa toh car sunga lut in Muani te inn thak lam manoh in ka tai ta uhi. Muani in innkong ah a hon mupah a, a hongpai pawt a, a hon pom tum a, himahleh ka na utkei a, a kiangah kihemkhe khawm in, mizi na hita a, a hithei nawn ta kei, chi in a limlak a honpiak pen pekik in chibai buk kawm in, Nupa nuamsatak hi dingin Thianmang in lumbang honsung hen, Mangpha chi a paisan mai ka sawm leh, Eldee chih leh kawi ahonthuah a, ka muk a hon tawp a, heh pihtakin nang adin hon pikhe mai ve aw, ci'n a mittui bang a hong luangkhia a. Muani, hon theisiam mai in, ka hon itlouh ziak hilou ahi. Pathian ma a kiteng ta na hihman un hithei nawnlou ahi, hehpihakin hon theisiam mai in, ci kawm in a khut ka liangkou apan awl a lakhia in, airport lam zuan in ka taikhe ta h. Huchi in.....

THE END 

©Siamsinna leh Vakiangbu