NU KAKI PAK

Written by: N. Biaklian(Biak naulak zomi)

NU , tuisik kahih in nasung ah non om sak a. Naduh na ngaihle nane ngam kei. Keiziak in haksa chiteng nathuak a himahleh khatvei mah leng. Nangziak eive nachi kei. Nu KAKIPAK,, khakua sung vingveng lunggimtak mai in non kem a khatvei mah leng kabah lua nang ziak eive nachikei. NU KAKIPAK,, sisantampi seng in leh. Sihleh hin kal in non nei khia a Nawitui sisan in non vak lai NUKAKIPAK,, Huaikia le hilou in Na anglum ah non lumsak a. Zankim zankhang chih omlou in konphong a khatvei mahle naphun kei. Nawn chimtak ngei kei a na ittna in non enkimvel vek a NU KAKIPAK,, Kazun leh ek te nonsiak sak a siang thouleh kilawm tak in non omsak a NU KAKIPAK., damlouhna haksat na katuah lai in non ompih gige a na itna anglum ah nonpom lai. NU KAKIPAK,, Paudan nonsinsak a. Nanek sik(nektang)non puak gige a keiziak a naduh nelou a nonnek sak lai inleng nakipah mel kamulai NU KAKIPAK,,Keiziak in trop nemnum in na om a. Keiziak in khutdoh angaihna mun ah leng nonzumpih kei. Keiziak in gimleh tawl vung vung in na om a. Keiziak in minsiat mindai leng poi nasakei NU KAKIPAK,,Lampi dik nonsinsak a omdan kilawm nonsinsak a. Thu mandi dan nonsinsak a. Thumdan nonsnsak a.kipah dan nonsinsak a Gamtat khohei kilom nonsinsak a. Sepleh bawl nonsinsak a. Pathian thu nonsinsak a NU KAKIPAK,,Puan hoihpen te non silhsak a. Khanvual kaphak louh ding nalauh ziak in skul nonkai sak a. Keiziak in gimleh tawl poisalou in jing nisuah apat nitum dong sem gim in na om a himah leh katawl gop kabah gawp chi'n non topsan kei NU KAKIPAK.

Keiziak in nagim mahmah a natawl mah mah a himah leh khatvei mah leng nanuih mai nasel ngei kei NU KAKIPAK,, Gimleh tawltak a nalohsuahsa na ngawnleng nonhuansak a non bawl sak a nonnesaklai.NU KAKIPAK.

Nathu mang lou a ka omlai in non itluat ziak leh nadeih sak na tang in chiang in non zep a NU KAKIPAK.

Hunteng in khitui naptui toh thu non ngetsak a NU KAKIPAK,,Khawvel ah itna tampi a om himah leh nang hon itnasang a thupizaw a hon it ding dang a om kei Thupi hinatel chia maw. NU KAKIPAK,,Insung ah khamuang tak in non omsak a mite simmohleh nuaisiah ding non phal kei NU KAKIPAK,,itna a nonkep na nathuak na te kasuut seng zoukei NU NATHUPI LUA.

Pi ching kahita a keimah leng kitoudelh zou in non koih ta. Himah leh kon poi moh semsem kavai ding nonhawmsak a NU KAKIPAK,, Tuni chiang dong non dampih lai man in NU KAKIPAK.

Mite ngaih in mawltak nahi maithei. Simmoh huaitak leng nahimaithei. Muhsit huaipileng nahimaithei. Etlawmloupi leng nahi thei. Himahleh kei adinzaw kahinna kadamna kanopsakna kamapi tu lamhilhtu nahi gige a kaleitung pathian nahi. NU,, Theihna mawlchik toh non itna thu ka suut a kasuut sengkei. Non it nonkep na nagim natawl na thaman hon din in chi hilechin leng kon din seng zoukei ding na hatlai hunte kei adin gin omtak mai in nazang tou ngitnget a himah leh khatvei mah leng nagim natawl. Nathuak nate nakisial pih ngei kei. Kei adin vualzawl na nu nahi. Pathian vualzawl na tang in Nadamkum khua sawt in navon makhua lam hong hilh lai ve maw nu . NU KAKIPAK.

©Siamsinna leh Vakiangbu