LIIMLANG

Written by: Biak Naulak Zomi

Tangval hisam sele phaleh. Koppih ding zong ihih chia hoihsak luat bang kinei lungsim guk tak a veiluat kineisam.

Sun khat ka ngaihtuah na ah hiai hong lut mok heveh aw. Mi ihoih sak ideih ten ihoih na amuh uh kisam hiven chi'n LIMLANG mai ah ding in ka ki en nilouh hi. Nidang inle ki en sek mah leng huaini in ka ngentel kholdiak se hi. Lungkim luat na di zaw om kholkei. Hichizodeuh leng chuh fuh mah mah di et lawm lua di kei ve chih nadi ngen in adim a. Hoih chuh kisa hetlou tei chuh kahi maive. Achang in lung kiat huai vungvung abat ton atam mahmah mai hi. Pianken melhoih te hampha hinamai zen uh e. Deih deih tel thei d tulai pau hileh a star tam mahmah d luck mahmah d nuam mah mah inte chih khong ka ngaih tuah nilouh hi. Bang ziak a ana hi fiamfuam tel kade o. Kuamah deih tak etlah taak le hilou mah d kei ve chih te khong ka ngaih tuah nilouh hi. Huchibang a kingaih tuah kipesia tak a ka ki ngaih tuah lai in hiai ka ngaih tuah khe non leu leu hi. Pathian in amah batpih a hon siam hi a. Kei kakimoh sak a kakipiak siat hang a kei kibol theih hilou pi. Pathian in athilsiam te a en a alung kim mahmah. Hih khelh khak. Siam khelh khak anei kei amah bang kim bolpan athawn a val dia asiam a om kei hial d. Chih thu in kaki lung muan non leuleu hi. Ahi mah leng ahi. Eibol theih louh pi lung kham pih a dah pih a ki ngai sia hial leng le aphat tuam natuan d khut chin vom chiah le a om kei. Pathian lung kim na kahi a kei leng kalung kim ding pen ka moh puak ahi lel tak hi. Lim lang in hiai teng kia ngaih tuah na hon pekei a adang leng tam pi omlai veh aw. Tulai a ikhotang siat gop na ki nek siat na leh adang dang te aneupen apat alian pen tan pha inle itheihsa uh ahi. Tu ahunlai ahi chi'n hiai nekguk tak guk na dou ding a ikisak lai un igam inam puah dia iki sak lai un bang ilung sum un ingaih tuah d ua aw. Kuate negu deuh in ithei d ua aw. Kua imoh sa biik uale. Mihing hia idou d uh. Ahih kei leh nasep hoih loute. Igam dinmun pai dan i en suk jual lai uh aw. Adiak in ei singtang mi mikim phial hon sukhatu JOBCARD ahi govtment in igam ilei tang leh ikhosak na hon puah nuam taktak mah zaw ana hiveh aw. Nikhat in hiatan anazou tei tei un hon chi kei ua. Isep na thaman lel hon pia uh hizaw dan in kathei. Ikhosung veng sung a jobcard na kisem te job card a kibol te azang tampen te ei te mah ihi uh himah leh sawt pi daih lua om lou mok hiveh aw. Kuahiam in contact na mu in igam sung mun khat ah na hon sem ua huaite leng azar zoutu leh zang tu d eite mah hina pi in anasep un kum tak daih hetlou mok. Inn lah hoihthei bang pen a bawl pah mai. Gam it a zuun di te eite mah ihi uh. Nekguk tak guk na igen chiang un mla mdc minister leh department tuamtuam te kia genna d bang sa mok hileng kilom maw. Tawm in tam leh ahong pai dandan bek in ahoih atou thei pen in sem ni chih omlou asem tenlah loh val nek tei tei sawm. Asemlou ten tamnek sawm zawlai. Mipi na hiven chia mimal hamphatnadi kia lungput anei te himai mah ive uale. Curvert building tampi omta jobcar tampi omta. Sikulbuilding familly tampi ki omta. Igam ikhosung iveng sung izi ita ipasal ten thuak loh ta ahimai diam maw. Atung a igen ilimlang neuchik uapan ipan lak na d kichiang ta mai lou d adiam TAKKHEH gam it chitak nahoih sep chimtak lou a abul ipat thak petmah kei uale zaw igam segop man d ahi. Khawtang khantouh na kepbit na le lamtuamtuam a ma hon kaih a panla pi pen ding in YPA muan huai hun tawk hin kathei. Kaneulai in YPA te panlak na leh azah huai dan uh tampi mah mah kasin khia hi. Tua te. Skul nau pang kahig lai in siamsinna lam awlmoh in YPA ten pan hon la ua skul nau pang himhim nitak dak 6 nung curfew chin hon puang a duty in tang val khen khat kholak ah avak ua kilau in kizah tak mahmah hi. Huai hunlai ate atam zaw tham skulnaupang ten sepna kaam hoih tak amu ta ua khattouh na chikhat ahi in kathei hi. Lusuun nalam leh han kuan nalam ah leng phattuam ngaih na athupi mah mah mai a hankuanta phot lut manlouh ding khak lau hileh kilawm in aki tuh thoh hial ua ettontak pet mah uhi.

©Siamsinna leh Vakiangbu