KHANGSAWN TA'N LAM BANG PAK DING
By ~ Vz Vualnam
Zolei singta' henkol bulh suut dia
Lungtuak laizom ma bang pat chiil in
Lungtup khuamual suahma chiam hang e
Sulhei simthu lellouh chiam hang e
Lungtuak laizom ma bang pat chiil in
Lungtup khuamual suahma chiam hang e
Sulhei simthu lellouh chiam hang e
Vaimang' sesum in a khim hiam aw
Teitui doh-ai in a khim hiam aw
Khangsawng phung vai hawm nihthumte'n aw
Samtui bang pialta ning chi hi e
Teitui doh-ai in a khim hiam aw
Khangsawng phung vai hawm nihthumte'n aw
Samtui bang pialta ning chi hi e
Simthu luanlai mawng bang phat kuan a
Bang di'n samtui bang i pial ding hiam
Mazap khohma bang taam lai buang a
Bang di'n samgi bang i khen ding hiam
Bang di'n samtui bang i pial ding hiam
Mazap khohma bang taam lai buang a
Bang di'n samgi bang i khen ding hiam
Tuahlouhna peuh an bang kumkhawm le'ng
A lai ah simthu lam bang saat le'ng
Lumsun zolei miza galdon le'ng
A lai ah simthu khat in luang le'ng
A lai ah simthu lam bang saat le'ng
Lumsun zolei miza galdon le'ng
A lai ah simthu khat in luang le'ng
Chiim bang chiim ni e laizomte aw
Lehluan simthu leel kei ve ni e
Ni bang elte' nau bang nuihna di'n
Laizom dougal kisiah kei ni e
Lehluan simthu leel kei ve ni e
Ni bang elte' nau bang nuihna di'n
Laizom dougal kisiah kei ni e
Laizom dougal kisiahta le'ng
Dou tuunnu al bang dah lou ding a
Ei i tuun in khamkha'n vei ding a
Tawisawnte'n lou bang lel ding hi e
Dou tuunnu al bang dah lou ding a
Ei i tuun in khamkha'n vei ding a
Tawisawnte'n lou bang lel ding hi e
Tawisawn momnou lou bang khual vang in
Tuahlouh simthu heem ah khia ni e
Tui sukluan bang khawl lou machiang suan
Momnou khankhua khuam bang geel ni e
Tuahlouh simthu heem ah khia ni e
Tui sukluan bang khawl lou machiang suan
Momnou khankhua khuam bang geel ni e
Zaitha tawl hun hong tung zel zong a
Lungliap, lungzuang tapeuh kei ni e
Zaitha neem hun hong tung zel zong a
Tutkhawl maimit siing kei ve ni e
Lungliap, lungzuang tapeuh kei ni e
Zaitha neem hun hong tung zel zong a
Tutkhawl maimit siing kei ve ni e
Baanzal kilen mualkhat kallai le'ng
I ngak sunni hong suak ding hi e
Ngalliam tun-le-zua' zaitha hi chi'n
Tawisawnte'n lam bang pak ding hi e
I ngak sunni hong suak ding hi e
Ngalliam tun-le-zua' zaitha hi chi'n
Tawisawnte'n lam bang pak ding hi e
© Siamsinna leh Vakiangbu
Comments
Post a Comment