KA TATE 3 IN NIKHAT THU IN SIHNA MULKIMHUAI TUAK

By ~ LalKhuptong LalK

Kou ka hih uleh sungkuan nuamsa leh duh leh deih kiningching taka khosa kahi uhi. Himahleh, omna kichian neilou, omna detdou neilou a vial diandian kahihman un, Ka pa heu in Imphal, Lamphel vangkhua ah bukta lianlou chik khat ka khoh ua, huai apan in ka pa khang apan ka hong khosathei deuh uhi. Ka nekzonna lam uh lohching lua hikei mah-le-ung, nikhat khamkhop ding ka mu gige uhi. Nikhat ka pa nek-leh-tak ding buaipih a a kuanlai in, a zingchiang zingkal tan inleng amel muh ding a om nawnkei a, Police kiangah complain ding ka chih chiang un, pau-leh-ham lam ah taksapna lianpi tak ka neihziak un case file inleng ka pawtkhese kei ua, bangmah/thusia tunglou dan in niteng hunzat leh nektawm zong in ka lampi ngeimah uh ka sunzom maimah uhi. Hunte hongpai zel in, koppih bang ka hon neitei sam a, ta 5 ka neihzoh un tuh keileng ka kipak mahmah hi. Ka tate ka etchiang in a iplah huai thei mahmah ua, fel in kizen petmah uhi. 

Ka omna uh galmuan chih om ngeilou, nek-leh-tak zonna lah sihna liimguam tot toh kibang gige ahihman in, ka tate hong letkal uh bang ka ngaklah thei mahmah uhi. Nikhat Manipur ah bandh om ni (19th July, 2018) in ka innluah te uh leng suty ahihman un, inn ah a omkim thraps ua, theihkhawllouh suty chu anuam thei bangpen in a zang uhi. Kouleng Bandh ahihziak in nektak zonna lam buaigeih ahihman in inn luahna te inn ah nektheih bangbang hiam zong ding in katate ka sawl a, himahleh a gal apan ka etleh ka inn neipa'n ka ta 3 te mulkimhuaitak in honna thatsak lieuleu mawk hi. Naa kasa petmah a, van dak a kun ngeungeu kawm in ka zi ka kawi a, khitui nap tui luang zoihzoih in kihatsak sawm teitei in a biang ka tawp maimah hi. Ka zi'n le thu omdan a hon theih in, pona lua in ann ngawl loh hial hi. Huai ni nana in chu ka inkuan un ann ka ngawl ua, ann duh leng ka omkei uh. 

Lungkhamna, haksatna hichitel a ka tuah uh lamdang bang kasa zozen a, hihtheih bangmah lah ka neituan kei uhi. Ka ta 3 te luang bek mu a, velchian ka utut maizen toh, chik-e-chak-e le chi-ngamlou in ka om a, ithuai leh heh vilvel in ka lungsim teng hon luahsuak hi. Chillum a valh mang vengveng a haksa ngei mai, tate hial hichibang a honna vaihawm khum hial zaw asanga sim kou bangbang te'n leng tuaksam lou du hia maw?... Tuak hitale uh lehleng kei puaknat tuk in pona sam di'uam chih vel ka kidong nilouh louh hi. Hiai hun in Pathian thilhihtheihna ka ngai emem mai, va pau in heh in va gamtang lenglah ei Inn luah man pelou, sazu leltak in bangmah hihtheih neilou, van keihsiat leh hai(mango) min leh anntang bag luh chihlouh ngal hihtheih dang kineilou ahihman in, huai nitak chu inn luahna pa Lalkhuptong nak ging durdur kaza chim petmah uhi. Hehehe... A ni nawn in, ka tate awkna (trap) thaang kava pal tei a, himahleh kei adi'n a thamkei, a gom(glue) teng beiphial ahiman in. Nitak khat a-engbawl kineih in (23rd July, 2018) kei, ka zi leh ka tate si nailou 2 toh ann tang bag kava buluh sawm ua, himahleh inn neipa'n hon theikhe man in, ka tate sihna galvan sek (hammer) toh hon delh gengen maimah hi. Hiaitan kon gelh phot dia, maban ah ka sihtak uh lehleng honna itpih himhim un aw hahahhaaa

Beita 😂😂😂

Chimluat man a gelh hilehleng, True story ahi. Happening petmah.. 😂😂😂😂

©Siamsinna leh Vakiangbu