TUAILAI KHAWMPI
By ~ Vz Vualnam
Tuailai khawmpi kumchin ning bang i zou
Khochin lia leh tang kaihmin luang bang e.
Kaihmin luang bang simthu-zaila'n luang e,
Kholhna vangkhua khuai bang ulsak hi e.
Khochin lia leh tang kaihmin luang bang e.
Kaihmin luang bang simthu-zaila'n luang e,
Kholhna vangkhua khuai bang ulsak hi e.
Tuailai khawmpi ning bang i zou ni'n aw
Zata'n Sian' simthu tuu bang chiing chi e.
Tuu bang chiing zatamte' bualna gamzaang
Nuaiziin' siahtaang kaihna gamzaang bang e.
Zata'n Sian' simthu tuu bang chiing chi e.
Tuu bang chiing zatamte' bualna gamzaang
Nuaiziin' siahtaang kaihna gamzaang bang e.
Kumchin tuailai khawmpi tuang hong tun a
Sianmang' ngalliam chi a hanlung i chiam;
Heina chiat simsing bang i gillah hiam
Khawmpi then nua'n ngalliam vai bang kam e.
Sianmang' ngalliam chi a hanlung i chiam;
Heina chiat simsing bang i gillah hiam
Khawmpi then nua'n ngalliam vai bang kam e.
Ngalliam zata' bualna gamzang nuam ah
Tatna peuh sesum lou kipau moh e.
Laizom suan ding bei singta biakmoh e,
Sianmang' simthu toh ton lou tamta e.
Tatna peuh sesum lou kipau moh e.
Laizom suan ding bei singta biakmoh e,
Sianmang' simthu toh ton lou tamta e.
Simsing bang gil le'ng lia leh tangte aw,
Sinlai kulthuk ah hanlung chiam le'ng e.
Heina chiat Sianmang' di'n khuam bang kip le'ng,
Tatna peuh Sian' simthu'n kisung chiat le'ng.
Sinlai kulthuk ah hanlung chiam le'ng e.
Heina chiat Sianmang' di'n khuam bang kip le'ng,
Tatna peuh Sian' simthu'n kisung chiat le'ng.
Bualna gamlei Sian' simthu toh ton hen;
Heisuk-heitouh tui bang luang dialdial hen;
Simgam-maalgam mim bang bualna Zolei
Sianmang' sakmel in ni bang taan hen aw
Heisuk-heitouh tui bang luang dialdial hen;
Simgam-maalgam mim bang bualna Zolei
Sianmang' sakmel in ni bang taan hen aw
© Siamsinna leh Vakiangbu
Comments
Post a Comment