GUTA CHEBUAI: MAK TEI NGOT MAI: AHI TLATS MAI
By Rex Peapy Tangpua Racer
28 Jan 2013
GUTA CHEBUAI:
Koi hia a phuahtawm lamte siamlou i hihchiah a tak2 mah kon gelh tei awle
*BRAZIL: Guta 2 in mi inn luh in jewellery tuam2 gu in taimang ua, a khonung in huai minih tegel pulisten muanmoh thu a man in thudot di'n pi ua, custody a a omlai un 1 pen a gilna sa in kipeek ek2 a, x-ray a lak uleh a gilsung ah a vanguk uh zungbuh 2 leh khi a valhte mukhia uh.
*U.S: Kum 40 a upa pasal 1 in bank luhsawm in laithem
ah, "Be quick, be quiet, give cash or I'll shoot" chih gelh in bank
teller vapia. Bank teller in le $400 pe pah. Himahleh huaipa'n a laithem
zat a payslip ana hikha venchin, a nunglam a a min leh omna tuang
keuhkauh aihchia pulisten nuamtak a va man hiau uh.
*U.K: Pasal kum 44 mikhat taget lah mi inn a luhna a a
fon va nuse kha. Pulisten a mat ua, "Ka fon ka sukmangna sawtpi hita"
chi na inchin a vangukte a innsung a mukhe ve2 uh.
*GERMANY: Kum 27 a upa tangval 1 taget lah TV a te
hihdan chia a bank card zang a mi inn kongkhak hong a sawmleh a
inntekte'n phawk ve unchin, a kinoh luatna lam a a card kuaitan zok in
taimang. Himahleh a card langkhat a nutsiat lampang a a min khawng ana
tuang keuhkauh. Puliste a inn a a vahoh ua a card langkhat pen a dohkan
tunga a koih vamu uh.
*AUSTRALIA: Guta 1 in car sung a bag om gu in kihemmang
hiau. A bag neitu gul mantu minthang Brad McDonald ana hikha chitchiat
inchin, a bag sung ah gul guhat mah2 hinglai chihlouh bangmah dang omlou
zomah. Gutapa'n chu chaak kei ven aw!
*S. AFRICA: Pulis officer 1 in innluh thu report a zak
kansui dia vahoh, inntekte toh thil omdan gen a a omlai ua a tutna nuai a
thilging za in a et uleh gutapa ana kibu kekkuk taget. Che fuh kei
thou.
*U.S: Burglar minthang Jonathan Parker le 1vei W.
Virginia a mi inn a luhna a lungmuang kisalua in a paisan ma ua a
computer ua va Fb zual2 mawk, a kihepkhiak dek a logout khalou, olsam
tak a matkhiak a om hiau.
*HUNGARY: Numei 1 in dawr luh dek in dawr ngaktu kianga,
"Sum non piak keileh gas a hon kap di kahi" chia vau. Dawr ngaktupa'n
nuihsan ek2, a thilbawm tawi gas hilou a perfume ahi chih dawr ngaktu'n
ana theilua ana hi.
*INDIA: Hadapsar, Pune a scooter mechanic 1 in Bajaj
Platina gu inchin, a khonung a mikhat in Bajaj Platina lei ut ahihthu
newspaper a a suah mukha inchin, kidawp pih in a vazuak leh a gari guk
neitu ana hidaih.
*CANADA: Guta 1 in puliste fon inchin, pulisten a vanguk
toh kisai media te kianga a gen uh khengval lua ahihdan genkha mawk.
Mat a om hiau.
BONUS.......*LAMKA: Ahun leh ni ka thei nawnkei, mikhat
in numei 1 purse suh inchin, Redcross Road a taitou veng2, a nung a mi'n
delh uh. A taikawm a a purse a hong leh a sunga I-card chauh ana om.
Aman le lampi a paih in taimang san. Fuh kei thou.
MAK TEI NGOT MAI
29 Jan 2013
* Kumzabi 19na lak vel in Edwin Booth kichi America a actor
minthang tak ahi a, a statue leng tunitan in Gramercy Park, New York ah
kitung velvual hi. Mithupi leh mite ngaihsan ahihna behlapna di'n nna
thupitak sepkhiak khat nei hi.Huai bel, American Civil War lai in Jersey
City Railway Station ah rel lampi a kia pasal naupang 1 hunkhia hi.Mipi
tampiten huai naupang pen platform apan phukhe kha in rel lampi kidenna
a, rel hongtai in a phutkhak madeuh in Booth in va hunkhia hi.Kaal 2
nung in Booth in US President Abraham Lincoln apan ankuang umpih dia
chialna mu a, lamdangsa kawm pipi a a vahoh leh rel lampi a a naupang
hutkhiak pen kuadang hilou in Abraham Lincoln' tapa Robert Todd Lincoln
ana hi maimah.A mak mai2 chu........ Edwin Booth in US President' tapa
sihna apan hunkhe mahleh Edwin' sanggampa John Wilkes Booth in US
President Abraham Lincoln hon kaplum daih. Unau chiat2 le kibatlouh
theih hitaven maw....
* July 1975 a kum 17 a upa Erskine Lawrence Ebbin, a cycle a
tailai Bermuda a taxi in a phutlup thu leng gen-le-sak tampi om get. A
ziak???????????A lamdanna mah2 hiai ahi--- Hiai accident tunma kum July
kha mah in hiai lampi mah ah Erskine' sanggampa, kum 17 mah taxi in ana
phulum hi.A lamdang diak chu maw.......... Hiai unaute'n a cycle zat uh
kibang hi a, a taxi leng kibang, a driver leng kibang, a lamdang sawn2
chu, a passenger leng mi kibang ana hi sawn2 lai.
*UK a om Michael Dick in a tanu kum 10 mawng2 a omna theilou in buai in
buai. A zontheih dan2 a zong in chimoh kisa mahleh lungke tuanlou hi.
2007 in Suffolk Free Press te kiangah panpihna va ngen top. Amau leng a
innkuan tangthu khawng uh gelh a, a innkuan lemlak uh leng newspaper a
tuangsak di'n ana khamuan uh. Huchin lampi kiangah lem kila in a zing in
newspaper ah tuansak in om hi. Phatuam ahi ngei dia, ni 2 nung in Lisa
inn hong tungkik hi.A lamdanna bang????????A sungkuan ua lem a kilak
laitak un a nung uah Lisa va paikha a, kuaman bel mulou uhi. Lisa in
leng mulou in lem kila om ahihlam leng theilou hi. A zing a Lisa in news
ana et leh lemlak nung ah amah leng ana kilang kha chen2 hon mu hi.
Huai a muhtak in innlam a a sungte kianga kik di'n hong kisa pah dan
ai.BONUS+++++++++++++*Zanhal in numei gaivah mah2 khat Lamka damdawi inn
ah admit in om a, gilna sa in kipeek nilouh hi. A ngaihsak di tanau mel
leng muh in om hetlou mawk a, amah lah gilna sa in kap hial hi. Nurse
te siamna zar in dakkal bangzahhiam nung in naungek chidam takin neithei
hi.A lamdanna....................Gilna sa a kipeek himahleh nau hon
neihkhiak takin a gilna dam veng2 mawk hi....hahahaha
AHI TLATS MAI
29 Jan 2013
*Pasalte sang in numeite' lungphu kinzaw(huaiziak hi
di maw a dawilok uh)
*Na khepek veilam sang in taklam lianzo zek eive.
*Lamdangtak in bawngpi in gilpi 4 ngut nei.
*Dokdawn in ha 14175 nei detdot. A talte'n a pi/nu te a polhna uh zahmoh a lu uah po veuvau uh. Amau a kizom in kum 3-4 tan ihmu hit2 mai dan uh ai.
*Pangpalek in mit 12,000 tak nei chitel uh.(spec bulh ngaileh a buaihuai mah di)
*I khoisek uh silk lung ten lah khuak 11 nei tel uh(pillou uh le kasa ve)
*Innlawi a lu tansak lechin lubei a kumkhat hingzou lai di hitel ei.
*Thailand gam a zohngeu piang teng2 a ngou ngen ahi a chi uh aka.
*Khuangbai in a khuk a thilging za inchin, the/lengthe in a gil a za.
*Humpinelkai talte'n a pite nikhat in 50 vei bang kipolhpih zou chitel uh, ta lawmlawm!
*Vot in minute 20 sung khawng mi a tawpkhit chia a gikna a leh 5 a pungzou inchin, kum 1 sung ann dang nek kiphamoh nawnlou uh.
*A lim mah2 Coffee mukhetu kel(goat) hidaih lah aw.
*Khovel a la kisa tampen 'Happy birthday to you' chih la akhu.
*Khovel a President te khaloh tamna pen US ahi. Va ki candidate mai chiam le!
*Tuikep/tuikok in a ut hun2 in a gender khek thei, a ut chia a nu, a utchia a tal hithei dan aive.
*Gilkial loupi a nene, dangtak loupi a dawn2 bang ganhing hiam i chihleh Mihingte hi maimah.
{source:ka laibu lui a lui a kawm om nawnlou}
*Na khepek veilam sang in taklam lianzo zek eive.
*Lamdangtak in bawngpi in gilpi 4 ngut nei.
*Dokdawn in ha 14175 nei detdot. A talte'n a pi/nu te a polhna uh zahmoh a lu uah po veuvau uh. Amau a kizom in kum 3-4 tan ihmu hit2 mai dan uh ai.
*Pangpalek in mit 12,000 tak nei chitel uh.(spec bulh ngaileh a buaihuai mah di)
*I khoisek uh silk lung ten lah khuak 11 nei tel uh(pillou uh le kasa ve)
*Innlawi a lu tansak lechin lubei a kumkhat hingzou lai di hitel ei.
*Thailand gam a zohngeu piang teng2 a ngou ngen ahi a chi uh aka.
*Khuangbai in a khuk a thilging za inchin, the/lengthe in a gil a za.
*Humpinelkai talte'n a pite nikhat in 50 vei bang kipolhpih zou chitel uh, ta lawmlawm!
*Vot in minute 20 sung khawng mi a tawpkhit chia a gikna a leh 5 a pungzou inchin, kum 1 sung ann dang nek kiphamoh nawnlou uh.
*A lim mah2 Coffee mukhetu kel(goat) hidaih lah aw.
*Khovel a la kisa tampen 'Happy birthday to you' chih la akhu.
*Khovel a President te khaloh tamna pen US ahi. Va ki candidate mai chiam le!
*Tuikep/tuikok in a ut hun2 in a gender khek thei, a ut chia a nu, a utchia a tal hithei dan aive.
*Gilkial loupi a nene, dangtak loupi a dawn2 bang ganhing hiam i chihleh Mihingte hi maimah.
{source:ka laibu lui a lui a kawm om nawnlou}
Comments
Post a Comment