KEI A HILE CHIN ZAW MAW !!
By : Zo Khanthang
Kei a hile chin zaw maw... bang chi ngutngut hial a na om hun in na hehpih huai ding danteng ka thei vek ve. Na itpen it thukna na kinem nuam a, a hi inlah nemthawn na hi lel aka, na kam a huai thumal na gen khiak ma in bang chi zahta in huai minu/mipa na vei dia, na kam a genkhe maita dia na lungtang tawng a poisak beina in hon phutluih ma in kha bangzah, ni bangzah leh kum bangzah huai minu/mipa na lungsim ah dimlet zen in na ngaihtuah a, kei a hile chin maw chi chenchen a, mitsiik a fuh sakte guuk etet mah nuam hizaw eive ana chih sek uh dik eive maw..
A mel enve, a fuh louhna himhim na mukei ding, a hongnui a, maizen, maizen...a etlawm dan ka khuak pilna in a genkhe siamkei, a mit phiat kal sung in ka diip tamvei tak akisai man a, a mit a siing sung natawm in ka lungsim ah "kei a hileteh zaw maw"chih tamvei pi ka gensuak man, a tal apan a khabe tan ka en a, oi...lawm lawm...hampha hina maizen e maw hichi tel a mel etlawm a neih ka chi khe khanak. A gawl ka en a, a chilvah ziak a a gawllak tang liapliap te bang slow motion a edit mah bang zen in kamu a, a chil valh natawm leng lim sese ding in ka gingta.
Sawt kuamtak dingta a hih man in akhe a sawisawi a, a kawng te a sawn a, panpih thei ding hileng ka khe va khelsak nuam zezen bang in ka om hehaw ta hi. Huchih laitak in thakhat in hong kihei a, ka et lam hon muta, a hong nui heuhau a, kei ding kisalou in ka nunglam ka etleh kuamah ka mukei, kenleng amah ka enthak a, ka tuike nuih teisam leh aman akam hon ka a,dak bangzah a ging, ka phone battry bei a hon chi hi. Kei leng ki lamen lou lua ka hih na tawh zana pi in bang e ka chikha hi, aman leng akam leh a khut a signal hon pekawm in hon dongthak hi, kenleng dang awk sim luapluap in dak 3 leh minute 20 ka chi a huaizawh in alu a sing aw, kipak chikawm a nui in apam lam a lampi a enphei gawkgawk nawn hi.
Kuatu kuata ahi maizen diam maw lialua tel, hichi bang a hoih kei a hi lechin zaw maw, ka khovel nuihna leh maitai na a dim di hiven maw, thanop na leh thumanna hon pethuk gige di ing a, na sila bang a om leng poisa lou di hing a ka chih laitak in ama ah car mam hithet khat hong khawl a, tua gari apan in naupang khat in, Nunu...sawt nana ngak hia hon chikhe kuaukuau tazen hi. Tua nu car sung a a lut khit in kong akhak a, keilam hon en a nui heuhau in apasal leh ata tawh a taitum vengveng ta uhi.
Ka mi et nu lah a taimang ta, muh phak a hinawn takei, lamdang sakna in ka dim a, ka nuih a leh zak a, nupi melhoih... lamdang thou e, ka manglam le a zezen maw ka chi a, kalu ka khuat vulvul a, poiteuh lou chikawm a ka omlai in ka phone hong ging a, Bangchi e tu tantan, hong bokvak maw hon tungphei hak na chia pempom, bus i lapkei ngeingei leh zingcia ka bahara di non siksak di hon chih lailai laitak in kenleng a thugen toh kizom loutak in, kei a hileteh zaw maw ka chikhe kha laizang hi. Ka lawmpa'n leng bang e, bang e hon chi a, kenleng bang hikei, nemthawn.. kong paiphei a hong tungding ka hita chi in ka phone ka cut a ka sakhau a guang in lawmpa kianglam kin leh buang in khuzen in ka delhphei tettet ta hi.
The end
©Siamsinna leh Vakiangbu
Kei a hile chin zaw maw... bang chi ngutngut hial a na om hun in na hehpih huai ding danteng ka thei vek ve. Na itpen it thukna na kinem nuam a, a hi inlah nemthawn na hi lel aka, na kam a huai thumal na gen khiak ma in bang chi zahta in huai minu/mipa na vei dia, na kam a genkhe maita dia na lungtang tawng a poisak beina in hon phutluih ma in kha bangzah, ni bangzah leh kum bangzah huai minu/mipa na lungsim ah dimlet zen in na ngaihtuah a, kei a hile chin maw chi chenchen a, mitsiik a fuh sakte guuk etet mah nuam hizaw eive ana chih sek uh dik eive maw..
A mel enve, a fuh louhna himhim na mukei ding, a hongnui a, maizen, maizen...a etlawm dan ka khuak pilna in a genkhe siamkei, a mit phiat kal sung in ka diip tamvei tak akisai man a, a mit a siing sung natawm in ka lungsim ah "kei a hileteh zaw maw"chih tamvei pi ka gensuak man, a tal apan a khabe tan ka en a, oi...lawm lawm...hampha hina maizen e maw hichi tel a mel etlawm a neih ka chi khe khanak. A gawl ka en a, a chilvah ziak a a gawllak tang liapliap te bang slow motion a edit mah bang zen in kamu a, a chil valh natawm leng lim sese ding in ka gingta.
Sawt kuamtak dingta a hih man in akhe a sawisawi a, a kawng te a sawn a, panpih thei ding hileng ka khe va khelsak nuam zezen bang in ka om hehaw ta hi. Huchih laitak in thakhat in hong kihei a, ka et lam hon muta, a hong nui heuhau a, kei ding kisalou in ka nunglam ka etleh kuamah ka mukei, kenleng amah ka enthak a, ka tuike nuih teisam leh aman akam hon ka a,dak bangzah a ging, ka phone battry bei a hon chi hi. Kei leng ki lamen lou lua ka hih na tawh zana pi in bang e ka chikha hi, aman leng akam leh a khut a signal hon pekawm in hon dongthak hi, kenleng dang awk sim luapluap in dak 3 leh minute 20 ka chi a huaizawh in alu a sing aw, kipak chikawm a nui in apam lam a lampi a enphei gawkgawk nawn hi.
Kuatu kuata ahi maizen diam maw lialua tel, hichi bang a hoih kei a hi lechin zaw maw, ka khovel nuihna leh maitai na a dim di hiven maw, thanop na leh thumanna hon pethuk gige di ing a, na sila bang a om leng poisa lou di hing a ka chih laitak in ama ah car mam hithet khat hong khawl a, tua gari apan in naupang khat in, Nunu...sawt nana ngak hia hon chikhe kuaukuau tazen hi. Tua nu car sung a a lut khit in kong akhak a, keilam hon en a nui heuhau in apasal leh ata tawh a taitum vengveng ta uhi.
Ka mi et nu lah a taimang ta, muh phak a hinawn takei, lamdang sakna in ka dim a, ka nuih a leh zak a, nupi melhoih... lamdang thou e, ka manglam le a zezen maw ka chi a, kalu ka khuat vulvul a, poiteuh lou chikawm a ka omlai in ka phone hong ging a, Bangchi e tu tantan, hong bokvak maw hon tungphei hak na chia pempom, bus i lapkei ngeingei leh zingcia ka bahara di non siksak di hon chih lailai laitak in kenleng a thugen toh kizom loutak in, kei a hileteh zaw maw ka chikhe kha laizang hi. Ka lawmpa'n leng bang e, bang e hon chi a, kenleng bang hikei, nemthawn.. kong paiphei a hong tungding ka hita chi in ka phone ka cut a ka sakhau a guang in lawmpa kianglam kin leh buang in khuzen in ka delhphei tettet ta hi.
The end
©Siamsinna leh Vakiangbu
Comments
Post a Comment