PA NA THUPI LUA

By ~ S. Kham Thawmte

A hehpih na ziak a ni khatkhit ni khat hong pitung i Pathian kiang a thupi na leh paihtawi na tengteng pia in Pate ni chibai kon buk hi. Pa Naupang neuchik ka hih a kipan in nang sang a hatzaw leh pilzaw, sum leh pai hauzaw leh muan huaizaw mi dang om lou ding khop in kon na muang a ka maban ding saupi khual na in gim leh tawl khok salou in na hon kem a ka zuih leh ka et ton ding Pa kon neih man in ka kipak Pa na thupilua na om dan leh na gamtat dante kei a dia sinsak na ahi man in. 

I Bible sung ka et chiang in na thumang ding a hih dan leh na thupi na tampi ka muthei Saptuam lutang Khris a hi bang in nang kou a ding in lutang na hi. Abraham Pathian namtelte a ding a vualzawl na a hih bang in nang kou a ding in vualzawl na na hi Pa na thupi lua. Genesis bung 15 na ka simchiang in nasuante nang khuta ki nga ka hih dan uh kathei a na thupi na ka muhbehzel Abraham in sa luang a veng lai a ah ihmu kha ziak in a suante kum zali sung sala tang in gentheitak a mi nasem in a om uh. 

Saltanga mi nasem a gentheitak a ka om louh theih na ding uh nang na hi Pa na thupi lua. Gen. Bung 27 na a Isak in Jakob leh Esau a vualzawl na ka ngaihthuah khak chiang in na thupi na ka mu Pa in a tate a vualzawl na bangbang a tung ua tung a hih dan nak pi in hon thei sak. Jakob in a ta 12 te a vualzawl bang in a tung uah a tung. Pa mi a ding in bang mah na hi kei maithei na khang kisim ding hi leh nang a ki panding ahi. Khang tampite suangtu leh maban ding nang a kinga ahi. Pa na thupi lua PATHIAN min ki koppih PATHIAN Min bulteng la a PA Chi a zahtak na liantak tawh honsam ka hi uh PATHIAN Minphuah/Mintam na hi. 

Na thupi lua Pa. Suangtu/Bulpi na hi a na tate leh na suante thupi na ding leh hoih nading tamtak nang a ki nga ahi. Nang a Bulpi na hih man in ka muhtheih leitung Pathian na hi Pa na thupi lua, Toupan hon om pih hen.

©Siamsinna Leh Vakiangbu