EI LAM KI-EN MASA ZEL LENG MAW
By ~ Paumuanlal Guite BaBs
I laisiangthou a i etleh mahni mit a singtum om mulou a midang mit a ninneng neuchik om mu chih i muh bang un tulai khovel i etchiang in eilam ki-et naksang in midangte i en a, midangte omdan, hoihlouhdan i mu theizaw uhi. Ei a sia hih ngei hetlou bang a khosa, a hihkhial ngei hetlou bang a hinkhua zangte i hi uhi. Bukimlou i hihdan natan leng phawkpha lou mihing i tamluat ziak ua i gam uh hoih a paitang ngeilou hizaw hi. Huaiziakin hiai bang paidan i khekkhiat hun mahmah ta hi.
Koi hiam a thugentu siam mahmah leh lungsim khoihkha mahmah thugen i zak chiang in ka hinkhua naktak a ka soisak thak ngai hive aw chih sang in huai in za leh hoih ding hia chi’n midang bang i piak bawl zel uhi. Thugentu pen in ei hon genkhalou a midangte gen bang a ngai in a dik i kitangsak thouthou sek uhi. Himahleh sum leh pai, thilhoih banghiam muh ding omleh bel midang en manlou hial in ei a ding buai in i buai ding hi. Banah, laibu hoih pipi ei sim sang in midang sim dia i deihsak zawk bang leng tampi om hi.
Eimah mimal hinkhua bawllou a midangte hinkhua i bawl sawm nak chiang un lohchinna bangmah i mu theikei hi. Hihna lianpipi nei in siamna sangtak nei mah lehang eilam enlou a midang i hah etluat chiang in a tawptan a daih tuankei hi. Midang hinkhua i khek utleh eilam bang leng a etton leh a muan tham ding ua kikhek a kibawl lem masak ngai ahi chih phawk ni. Thuhoih pipi gensiam mahlehang eilam a hoihna, kikhekna aom tuankei leh a phatuam ding om tuanlou hi. Huaiziak in ei lam bawllem masa in ei apan in thil pan leng a lampi i zuikha ding hi.
Thil hoih i muhte, thu hoih i zakte pen midang a ding a zalou a ei a ding a i muh a i zak poimoh mahmah hi. Mi hoihlouhna tampi i va muh lai in midangte’n leng ei hoihlouhna tampi honna mu gige hithei ahihna ah ei lam pen i et masak a i bawl masak poimoh mahmah ahi chih phawk thak chiat leng a hoih mahmah ding hi. Mihing kuapeuh in hoihlouhna kineichiat ahihna ah ei hoihna pentak a midang a hoihkei khak leh leng i nuihsan a i dem ding hituanlou ahi. Mi hinkhua khawng nakpitak a i va genma in ei mimal hinkhua bang a chi a chih i et a i vel masak poimoh ahi chih theithak ni. Mi hoihna gen ding, etton ding i theihkei leh a hoihlouhna uh leng genlang sese dah leng hoihpen ding hi.
Mahni innsung hoihlua leng hilou napi midang innsung bang va buaipih zou leng tampi ki-omlai hi, a va buaipih phet leng hilou innkuan sung va hihsia thei bang leng ki-om zomah hi. Innsung nasan leng hoihtak a bawllem zoulou in midang innsung, khotang khong i bawlhoih sawm mawk chiang in kilohsam khanak hi. Huai ahihna ah bangkim innsung apan kipan ahihna ah midang innsung hilou in ei innsung bawlhoih a siampha thak ding in kisata ni. Ei innsung chiat buaipih leng chidamhuai pen ding hi.
(C) Siamsinna leh Vakiangbu
I laisiangthou a i etleh mahni mit a singtum om mulou a midang mit a ninneng neuchik om mu chih i muh bang un tulai khovel i etchiang in eilam ki-et naksang in midangte i en a, midangte omdan, hoihlouhdan i mu theizaw uhi. Ei a sia hih ngei hetlou bang a khosa, a hihkhial ngei hetlou bang a hinkhua zangte i hi uhi. Bukimlou i hihdan natan leng phawkpha lou mihing i tamluat ziak ua i gam uh hoih a paitang ngeilou hizaw hi. Huaiziakin hiai bang paidan i khekkhiat hun mahmah ta hi.
Koi hiam a thugentu siam mahmah leh lungsim khoihkha mahmah thugen i zak chiang in ka hinkhua naktak a ka soisak thak ngai hive aw chih sang in huai in za leh hoih ding hia chi’n midang bang i piak bawl zel uhi. Thugentu pen in ei hon genkhalou a midangte gen bang a ngai in a dik i kitangsak thouthou sek uhi. Himahleh sum leh pai, thilhoih banghiam muh ding omleh bel midang en manlou hial in ei a ding buai in i buai ding hi. Banah, laibu hoih pipi ei sim sang in midang sim dia i deihsak zawk bang leng tampi om hi.
Eimah mimal hinkhua bawllou a midangte hinkhua i bawl sawm nak chiang un lohchinna bangmah i mu theikei hi. Hihna lianpipi nei in siamna sangtak nei mah lehang eilam enlou a midang i hah etluat chiang in a tawptan a daih tuankei hi. Midang hinkhua i khek utleh eilam bang leng a etton leh a muan tham ding ua kikhek a kibawl lem masak ngai ahi chih phawk ni. Thuhoih pipi gensiam mahlehang eilam a hoihna, kikhekna aom tuankei leh a phatuam ding om tuanlou hi. Huaiziak in ei lam bawllem masa in ei apan in thil pan leng a lampi i zuikha ding hi.
Thil hoih i muhte, thu hoih i zakte pen midang a ding a zalou a ei a ding a i muh a i zak poimoh mahmah hi. Mi hoihlouhna tampi i va muh lai in midangte’n leng ei hoihlouhna tampi honna mu gige hithei ahihna ah ei lam pen i et masak a i bawl masak poimoh mahmah ahi chih phawk thak chiat leng a hoih mahmah ding hi. Mihing kuapeuh in hoihlouhna kineichiat ahihna ah ei hoihna pentak a midang a hoihkei khak leh leng i nuihsan a i dem ding hituanlou ahi. Mi hinkhua khawng nakpitak a i va genma in ei mimal hinkhua bang a chi a chih i et a i vel masak poimoh ahi chih theithak ni. Mi hoihna gen ding, etton ding i theihkei leh a hoihlouhna uh leng genlang sese dah leng hoihpen ding hi.
Mahni innsung hoihlua leng hilou napi midang innsung bang va buaipih zou leng tampi ki-omlai hi, a va buaipih phet leng hilou innkuan sung va hihsia thei bang leng ki-om zomah hi. Innsung nasan leng hoihtak a bawllem zoulou in midang innsung, khotang khong i bawlhoih sawm mawk chiang in kilohsam khanak hi. Huai ahihna ah bangkim innsung apan kipan ahihna ah midang innsung hilou in ei innsung bawlhoih a siampha thak ding in kisata ni. Ei innsung chiat buaipih leng chidamhuai pen ding hi.
(C) Siamsinna leh Vakiangbu
Comments
Post a Comment