KIPAHTAWI DAN KISIN THAKNI...
By - Paumuanlal Guite BaBs
Pahtawina kichi thumal hi thumal hoih, kuapeuh in a zak ut leh a lunggulh gige khat ahi. Kipahtawi ziak a heh a lungkimlou mihing kuamah a om i gingta kei, a gilou pen apan a hoihpen tan in hiai thumal kideihvek ahi chileng i genkhial di’n ka um kei. Himahleh zat hak i sak mahmah khat uh leng ahi. Kuamah hehna ding lah hilou, kua toh kilemlouhna ding leng hi hetlou napi in a zat lam i chiil bawl mahmah uhi.
I laisiangthou i etleh “Pahtawi lam ah kideihsak tuah un” ana chi a, kipahtawi un kia leng hilou kideihsak ding chih a hi zomah hi. Huai ahihman in Pathian ahisa chile’ng mihingte mahmah leng khat leh khat i kipahtawi siam a i kideihsak poimoh mahmah hi. Mi pahtawi ut mahmah napi a en kuamah pahtawi sawmloute i hi uhi. Huaiziak in kipahtawi tuahna lam ah naktak a pan i lakthak sem uh poimoh hi.
Eilawi hi adik lel in gen le’ng pahtawi sang a gensiat, dem khawng siamzaw i bat hun uh a tam mahmah hi. I unau khat in thilhoih ahih hun a pahtawi sang in a hoihlouhna gen i hat zaw uhi. Huai a thilhih zaw a hoihlawm na a hileleng chih in i zuisak nak ua, huai in i pahtawina ding pen bangmah lou suahzel hi. Hoih i sak a i pahtawina tan a hunsak in a “hilele” chihte omsak nawnkei ni. Pahtawi i hihleh pahtawi ding, a helpih dang ngai sawnsawn lou ahi chih bang leng theihsiam ngai ahi. Thilhoih lam ahihnakleh pahtawi dan siam le’ng kuamah a khase kei dia, tha i guan semsem zaw ding hi. Naupang neuchik lelleng i pahtawi siam leh a hih zoh louh ding tan ua leng pang ngap ahihbang un piching bang leng naktak a kipahtawi dan siam leng tusang in i kalsang zaw tham ding uhi.
Saptuam hi’n pawlpi khatpeuh hitaleh tanmun nei khat bang in banghiam thilhoih hong hihkhiat, sepkhiat ni in pahtawi nak sang in a mohpuakna, a hih ding mah a lel vele chih lam i gen tam sek ua, huai in i kuamah tha guan hetlou ahi chih bang i theih ngai hi. Mohpuakna nangawn semsuah zoulou tampi omlai a asemsuah zou sunte bang leng nengniam sawm i bat chang uh aom zel hi. Heutu himhim demna, gensiatna tuak ding a i koih bang uh leng i hihkhelh uh hizaw ahi. A sephoihte ah naktak in pahtawi in kithuahpih leng hon makaihna ua kipsem, hatsem leh hoihsem a honpi ding uh ahi chih phawk ni. Huaiziakin khat leh khat kipahtawi dan siam leng a ngeingei sang a sangzaw a ki-omvek ding ahi.
Huai ahihman in midangte pahtawi i chih thil haksa lua leng a hikei a, kua adia zakdah huai leng hi hetlou banah eilam a leng manna ding himhim omlou ahihna ah kuapeuh in poimoh ngaih in kisin ni. Pahtawi dan siamtu, mi kipaksak leh thaguantu hi ding in panla ni. Koi hiam ah nahoih, thilhoih semtu a i pan zoh keileh leng nasemtute pahtawi a tha petu hidi’n kisathak ni.
(C) Siamsinna leh Vakiangbu
Pahtawina kichi thumal hi thumal hoih, kuapeuh in a zak ut leh a lunggulh gige khat ahi. Kipahtawi ziak a heh a lungkimlou mihing kuamah a om i gingta kei, a gilou pen apan a hoihpen tan in hiai thumal kideihvek ahi chileng i genkhial di’n ka um kei. Himahleh zat hak i sak mahmah khat uh leng ahi. Kuamah hehna ding lah hilou, kua toh kilemlouhna ding leng hi hetlou napi in a zat lam i chiil bawl mahmah uhi.
I laisiangthou i etleh “Pahtawi lam ah kideihsak tuah un” ana chi a, kipahtawi un kia leng hilou kideihsak ding chih a hi zomah hi. Huai ahihman in Pathian ahisa chile’ng mihingte mahmah leng khat leh khat i kipahtawi siam a i kideihsak poimoh mahmah hi. Mi pahtawi ut mahmah napi a en kuamah pahtawi sawmloute i hi uhi. Huaiziak in kipahtawi tuahna lam ah naktak a pan i lakthak sem uh poimoh hi.
Eilawi hi adik lel in gen le’ng pahtawi sang a gensiat, dem khawng siamzaw i bat hun uh a tam mahmah hi. I unau khat in thilhoih ahih hun a pahtawi sang in a hoihlouhna gen i hat zaw uhi. Huai a thilhih zaw a hoihlawm na a hileleng chih in i zuisak nak ua, huai in i pahtawina ding pen bangmah lou suahzel hi. Hoih i sak a i pahtawina tan a hunsak in a “hilele” chihte omsak nawnkei ni. Pahtawi i hihleh pahtawi ding, a helpih dang ngai sawnsawn lou ahi chih bang leng theihsiam ngai ahi. Thilhoih lam ahihnakleh pahtawi dan siam le’ng kuamah a khase kei dia, tha i guan semsem zaw ding hi. Naupang neuchik lelleng i pahtawi siam leh a hih zoh louh ding tan ua leng pang ngap ahihbang un piching bang leng naktak a kipahtawi dan siam leng tusang in i kalsang zaw tham ding uhi.
Saptuam hi’n pawlpi khatpeuh hitaleh tanmun nei khat bang in banghiam thilhoih hong hihkhiat, sepkhiat ni in pahtawi nak sang in a mohpuakna, a hih ding mah a lel vele chih lam i gen tam sek ua, huai in i kuamah tha guan hetlou ahi chih bang i theih ngai hi. Mohpuakna nangawn semsuah zoulou tampi omlai a asemsuah zou sunte bang leng nengniam sawm i bat chang uh aom zel hi. Heutu himhim demna, gensiatna tuak ding a i koih bang uh leng i hihkhelh uh hizaw ahi. A sephoihte ah naktak in pahtawi in kithuahpih leng hon makaihna ua kipsem, hatsem leh hoihsem a honpi ding uh ahi chih phawk ni. Huaiziakin khat leh khat kipahtawi dan siam leng a ngeingei sang a sangzaw a ki-omvek ding ahi.
Huai ahihman in midangte pahtawi i chih thil haksa lua leng a hikei a, kua adia zakdah huai leng hi hetlou banah eilam a leng manna ding himhim omlou ahihna ah kuapeuh in poimoh ngaih in kisin ni. Pahtawi dan siamtu, mi kipaksak leh thaguantu hi ding in panla ni. Koi hiam ah nahoih, thilhoih semtu a i pan zoh keileh leng nasemtute pahtawi a tha petu hidi’n kisathak ni.
(C) Siamsinna leh Vakiangbu
Comments
Post a Comment