LAI SIM TAWM LAW DEUH HIVE HANG AW....
By - Paumuanlal Guite BaBs
Laibu simtam i chih mihing kuapeuh a hoihsa lou i om a gintak huaikei hi. Himahleh huai hoih i sak hang in a simtam kitawm mahmah ahi chi leng i khial ding in ka gingta kei hi. Khovel a mipil, lohching i chihte laisim tamte ana hitangpi uhi. Siamsin naupang hih lai hun inleng lai simtamte siam ua, a simtawm a thadahte lohsam gige hi. Huai ahihna ah lohchin i ut leh lai ana sim tam mah poimoh ahi chih kilang hi.
Gingtu kristiante a ding a i kingakna leh i kibulphuhna Laisiangthou ahi chih i theivek ua himahleh i kingakna, i kibulphuhna laibu phen a simsim kitawm hiaihiai ding bang hi. Hun teng a sim chih zaw thil hithei a hikei himahleh nikhat a khatvei bek sim teitei sawm chiat ding dan ahi. Tu in niteng a Bible chang khatbek sim gige mi bangzah i pha chi leng kitam hetlou ding hi. Huaiziak in i kibulphuhna i et a i sim ngeilouh in bangchi’n i kip dia, Bangchi’n a hiangte, a lek lamte paak hoih in gah a suang mah dia chih ngaihtuah tham ching ahi.
Huan ah, Laisiangthou kia hilou laibu hoih tampi leng aom a, huaite i sim detdet ding hizen napi in innsung ah i chiang dim keihkoih ua, khenkhat ngial bang zusa, innlawi khong in ana petsiat bang leng tampi om ding hi. Tulai khovel in i buaipih mahmah kingaihsiatna, ahihkeileh mahni leh mahni kithah utna chih khawng i laisiangthou leh laibu hoih tampite i sim ngeilouh ziak a thu hoih himhim ei a omlou, a selam kia ngaihtuahna nei in huai in thilse teng a hon kailut hizaw ahi chih thei ni.
Leitung a mipil i chihte a tamzaw pianken a pil pah hi khollou in laisiangthou leh laibu hoih simtamte hi tangpi uhi. I laisiangthou in Na lak ua kuapeuh in pilna a taksap leh mi tengteng kiang a tai lou leh itlou a pepa Pathian tuh ngen hen, huchi’n a kiang ah piak ahi ding (Jakob 1:5) ah ana chi hi. Huaiziak in pilna deihlou omlou i hihna ah Solomon pilna petu Pathian eite Pathian mah ahihman in amah kiang ah tai in Amah kha hatkhum a gelh thute simtam leng en leng pilna ngah ding ihi.
Huai banah, khateng a suak laibu hoih pipi bang i pau ua simtheih ding i nei ua, gentaklouh saptuam chih bang in leng khateng in thukizakna i neichiat uhi. Huaite bang leng a sim sang a simlou kitamzaw maithei lai ahi. I sim peihlouh a, theihna i behlap utkei leh leng midangte kiang ah itlou in pesawn thei zaw leng tusang in hoihzaw lai ding hi. Huai ahihman in laibu hoih tuamtuamte, saptuam laibute leh laisiangthoute simtam peuhmah phot leng i buai i lungkhamna tampi hon hih vaiveng zohsak ding ahi. A lehlam ah a man nei a kibawl laibu lei ding bang lin mawkte ihi uhi. Pilna i lei theihsun laibu himai ahihna ah laibu lei khawng chilbawl hetkei ni, mi a khelh chih khong chiin tuak hi hetlou hi.
Huaiziak in kuapeuh in thuhoih peuhmah simtam ding in kisathak ni. Thilhoih deihte’n i phone tungtawn khong a thusia i simtam zawk nak ziak ua buaina ding tam hilel ahi a, thilhoih i deihna zahzah in thu hoih simtam leng huai in hon suakta sak zaw ding ahi. A hoih i deih leh a hoih mah ah i lungsim lut tamsak zaw leng a hoih ding hi. I phone khong i etmun bangbang in i laisiangthou leh thu hoihte en a simtam hidi’n panla thak chiat ni. Lai simtam in i hinkhua nakpitak a hon hei thei ahi chih leng phawk gige ni. Laibu ka simtam lua a ka kisik chi mihing om nai samlou hiven maw. Panthak la chiat ni.
(C) Siamsinna leh Vakiangbu
Laibu simtam i chih mihing kuapeuh a hoihsa lou i om a gintak huaikei hi. Himahleh huai hoih i sak hang in a simtam kitawm mahmah ahi chi leng i khial ding in ka gingta kei hi. Khovel a mipil, lohching i chihte laisim tamte ana hitangpi uhi. Siamsin naupang hih lai hun inleng lai simtamte siam ua, a simtawm a thadahte lohsam gige hi. Huai ahihna ah lohchin i ut leh lai ana sim tam mah poimoh ahi chih kilang hi.
Gingtu kristiante a ding a i kingakna leh i kibulphuhna Laisiangthou ahi chih i theivek ua himahleh i kingakna, i kibulphuhna laibu phen a simsim kitawm hiaihiai ding bang hi. Hun teng a sim chih zaw thil hithei a hikei himahleh nikhat a khatvei bek sim teitei sawm chiat ding dan ahi. Tu in niteng a Bible chang khatbek sim gige mi bangzah i pha chi leng kitam hetlou ding hi. Huaiziak in i kibulphuhna i et a i sim ngeilouh in bangchi’n i kip dia, Bangchi’n a hiangte, a lek lamte paak hoih in gah a suang mah dia chih ngaihtuah tham ching ahi.
Huan ah, Laisiangthou kia hilou laibu hoih tampi leng aom a, huaite i sim detdet ding hizen napi in innsung ah i chiang dim keihkoih ua, khenkhat ngial bang zusa, innlawi khong in ana petsiat bang leng tampi om ding hi. Tulai khovel in i buaipih mahmah kingaihsiatna, ahihkeileh mahni leh mahni kithah utna chih khawng i laisiangthou leh laibu hoih tampite i sim ngeilouh ziak a thu hoih himhim ei a omlou, a selam kia ngaihtuahna nei in huai in thilse teng a hon kailut hizaw ahi chih thei ni.
Leitung a mipil i chihte a tamzaw pianken a pil pah hi khollou in laisiangthou leh laibu hoih simtamte hi tangpi uhi. I laisiangthou in Na lak ua kuapeuh in pilna a taksap leh mi tengteng kiang a tai lou leh itlou a pepa Pathian tuh ngen hen, huchi’n a kiang ah piak ahi ding (Jakob 1:5) ah ana chi hi. Huaiziak in pilna deihlou omlou i hihna ah Solomon pilna petu Pathian eite Pathian mah ahihman in amah kiang ah tai in Amah kha hatkhum a gelh thute simtam leng en leng pilna ngah ding ihi.
Huai banah, khateng a suak laibu hoih pipi bang i pau ua simtheih ding i nei ua, gentaklouh saptuam chih bang in leng khateng in thukizakna i neichiat uhi. Huaite bang leng a sim sang a simlou kitamzaw maithei lai ahi. I sim peihlouh a, theihna i behlap utkei leh leng midangte kiang ah itlou in pesawn thei zaw leng tusang in hoihzaw lai ding hi. Huai ahihman in laibu hoih tuamtuamte, saptuam laibute leh laisiangthoute simtam peuhmah phot leng i buai i lungkhamna tampi hon hih vaiveng zohsak ding ahi. A lehlam ah a man nei a kibawl laibu lei ding bang lin mawkte ihi uhi. Pilna i lei theihsun laibu himai ahihna ah laibu lei khawng chilbawl hetkei ni, mi a khelh chih khong chiin tuak hi hetlou hi.
Huaiziak in kuapeuh in thuhoih peuhmah simtam ding in kisathak ni. Thilhoih deihte’n i phone tungtawn khong a thusia i simtam zawk nak ziak ua buaina ding tam hilel ahi a, thilhoih i deihna zahzah in thu hoih simtam leng huai in hon suakta sak zaw ding ahi. A hoih i deih leh a hoih mah ah i lungsim lut tamsak zaw leng a hoih ding hi. I phone khong i etmun bangbang in i laisiangthou leh thu hoihte en a simtam hidi’n panla thak chiat ni. Lai simtam in i hinkhua nakpitak a hon hei thei ahi chih leng phawk gige ni. Laibu ka simtam lua a ka kisik chi mihing om nai samlou hiven maw. Panthak la chiat ni.
(C) Siamsinna leh Vakiangbu
Comments
Post a Comment