SILHPUAN DEIHTEL THEIH. HINKHUA TEL THEIHLOUH

Laigelhtu- BIAK NAULAK ZOMI

Amasa in hiaitan chin. atak athiltung. himahleh simtu te'n. itheihsiam zawk ding gel na in. kei mimal tuah bang in kongelh ahi chih itheih masak uh kon ngen hi. Hinkhua leh thukup hong kihelh ding ahi

Khawpi lian huntawk khat a khawsa kahih man un. Ajawng leh ahau kal akigam la mahmah mai hi. Kou inkuanle mijawng lua kahi kei uh chileng. Kagenkhelh luat kagingta kei. Aziak chuh khopi khong a puanbuuk kai a bazar nawlteng a khosa te kahihsam louh ziak ua ajawnglua kichinuamlou chuh kahipeuhmah ve.

Kei khotheihma lamthu katheisau kei a genle sawmlou kahi. Neihzawh leh neihzawhlouh chilou hial in private skul khat ah kanuleh pa ten honna kaisak sam uhi. Lehkha siamthei lua. Chi a mite gen phak hikei mahleng kei mahni khawm khawm in chuh. Kumteng in ka pawl kasuan tou thei zel sam hi. Kalai simna a poimohding laipuan gentaklouh. Lehkhamu nasan kaneih kim chiang in kumkim bang anapai man sek hi. Naupang mawl kahihman in avang kim in kanu leh pa lak ah kanakiphin khazel hi.

Kiphinsuk kiphin tou lengle. Vailak zunthak abang maimah hi. Aziakbel. Mi inluah a khawsa kahih. Ban uah. Kanuleh pa'n hondeihsak tawkleule kaneihsa un chinlou ahih ziak in. Kiphin in omzia bang mah aneikei hi... Adiktak azaw kanu leh pa ten hon itluatziak ua neilou sasa a skul honkaisak hamham uh kihi zomah. Exam nate bang ahle. Lohsam lenglah

Kanu kapa lung gim. Lohching leng lah hondeihsakna ziak ua lung gim zel uh. Kenbel huchibang a om uh ahihlam himhim kaphok kei a. Kaduh duh kadeih deih ka demand zawmah lai hi.

Skul a kalawmte lah mineizou ngen ahizaw mah ua. Aduh duh uh nezou in adeih deih uh anei zou zomah uhi. Kei dinmunleh haksat na himhim hontheihpih phakei ua. Huainak sang in kanu lehpa lung gim sinkhamna tuntu ahimai mah uhi. Achang in. Atui uh vatawipih sek in home work khong kava tei thei sek a kalung akim mahmah hi... Kanuleh pa te haksatna theihpih lua hikei mahleng keimah mimaltak in laisim janalung lut mahmah ziak in. Kanu keh pa ten hon chawmzou nonlou a hon tawpsak ding uh aguk tak in kalau thei mahmah mai hi.

Theihlouh kal in keileng pawl sawm simthei dinmun in kahong omta hi. I pawl atamdeuh deuhleh lai simding tamdeuh deuh. Kia hilou in kanulehpa lung gimna sang deuhdeuh ahimai mahhi. Lawmte nek bang nezoulou. Aneih bang uh neizoulou kahih man un. Kei mahmahleng kalung khamthei losek hi. Nungak nou bang hita kahih man in achang in kazum thei mahmah sekhi. Zum a phatuam ding dinmun a kiding lou ahih man in ngohding avang chihlouh gending kathei kei.

Manni kithah hialding lah kangam kei zel. Aziak ahih leh kanuleh kapa misuak leh sal bang khop a. Kei honkhual na ziak ua khosa uh chih katheih ziak in. Aduh thusam tan uh katunzoh louh tawp inleng kei lungtunna tan beek a nu lehpa kep ka ut ziak ahi hi...

Kagensa bang in. Lehkhabu tak ngialleng neizoulou a pawl 10 examding ding tuh zuau man abang hi. Nikhattuh kalawmte kiang ah note copy ding in kangen hi. Himahleh kalam et danlou tak in simmoh leh hou siat in ka om zawsawp hi. Kadah mahmah a kanguailoh hial hi. Himahleh kasungte hon theihdi bel kalau mahmah ziak in kaki lungkim sak hamham hi.

Nikhat tuh mi tution lak na khat ah kavapai a aguk in baang vang apat ka en gu a kenleng ka note book ah ka copy zel hi. Bang vang neuchik apat et guk thoh ahih ziak in ahaksa mahmah maihi. Haksa in bang hitawk lehleng kei ading a alampi dang omtuanlou ahih man in hontheih khakding uh lau kom pipi in kahuh kal mahmah chihlouh gendi omkei..

Achang in kahinkhua kakining ngoih ngoih hun atam mahmah. Kei kingaihsiat kia hilou in lomleh vualte apat simmoh kampau leh muhsit kaloh gige zawmah a hiaite ziak mahmah inle. Kaki ning thei diak khol hi.

Ka lawm hoih mahmah leh hondeihsak lua khat om ahih man in. Khatvei tuh a in ua homework copy sing in kakuan hi. Ka lawmnu kia ngen khin kahihman in kimaingal sak deuhmai in a inkong khak tung ua dollbell kamek pahhi. Sawtlou nung in. Anun kong khak hong. hong hi. Kenleng nuih mai deuh in. Nuneu hehpih in kong lut theidiam skul a home wrk te copy ut kanei a. Nuihmaikom in kachi hi. Himahleh kalutding lemsalou ahihdan hon gen ban ah kadin munleh kakhawsak na uh ama honhilh leng ngailou a. Katheihsa himah leh hon gen khum zuau zuau tamai hi. Kenleng gendi tuan thei kei mahleng hehpihtak a atukvelh (window) uapat a gal et a hon copy sak hamham ding in. kathum hi.. ka hah nget luat ziak in minute 5 hun honpia hi... Ahih hang in ka copy khiat dingte avek a gelh kimsipsip ding hileng 30minute atawm pen a hunlading ahi hi.

In polam apat tukvelh a gal etdi tan honphal sak ziak in kakipahna leh ka khasiat na akikim a. Gelhmasak dingleh nanung dingleng kathei kei zozen hi.. abang bang hilehleng kei kingaihsiatnading leng. Hun. Mulou kahih man in. Muhmasak sak kaban gelh suk mai hi. Aziak ahihleh ken lehkhabu leng neizoulou kahih man in apoimoh biik chi a kakhen ding a omkei. Kei ading in chuh apoimohvek hi. Huntomlua ahih man in kintak in ka gelh somsom hi.

Theihlouh kal a hondakchiam gingman ahi ngeidia. Pautam hetlou in apalda honzak khum hi. Lahloh mahmah na pi in. Kapai mai tuh kei ading a tawldam huaipen ahong suak mai mah hi. Aziak bel. Kazaksa kachimtakluat kahinkhua teng hon zasak non di ahih man in daidide a kapai khiat pen kei ading a lungtang dam dawi hoihpen himai mah eih chiang a..

Gentheihna ichih izol thoh hihetlou ahi. Chih zaw kei hinkhua ah achiang khop mai. Kachimtaklua a. Ka ut nonkei katawptadi chihtheih chi lah hilou ahih chia. Deih kei tawklengle. Gentheihna toh kakilem chuh kamihpuak asuak maimah hi.

Ka lawmten gentheihna aphok phaklouh bang ua phok phaklouh chuh ka utpen ah. Himahleh ka utlouhpen in kei hon ten chilh ziak in... Kei ading in thilsia ahikei. Chi a kapom mai louh tuh keilam pang ah hihtheih omlou ahih man in. Hi chi'n keileh kei kakilem ta hi. Lohsap lauhlouh ding. Himahleh lohchin na kei ading a leng kong kihong ahi. Huaiziak in nguileh bah a hinkhua zat sang in lungkim kipaktak a hunzat katel zawta hi. Gentheihna in ka kipahna honlak suh zou nonkei a. Haksatna in kanuihmel aliah zou tuankei. Hiaikan a hinkhua nuamzaw kalung gulh zoukei a. Lohchinna laklak ah leng tua kalohchin na ka'n a kipahna lianzaw kaneinon kei hialding.

Kanu leh pa haksa thuaknate hunlomahmah ta zaw hiven kei puakgik guan kahih behlaiding utlou kahih man in...lam kiang streetlight vaknamunte naih in kaneihsunsun ka subject te kasimsim mai hi.... Akhenchiang in mi varanda light vak in asalhphak nachiang khong ah kasim zel... Zansawt chiang bang in kholakpot tangvalten honchiamnuih un numeithulimlou beven.. chih kaloh hun atam mahmah hi. Huai honchite leng kamohsakei. Athu gente uh zakdah le kasawmkei bok. Genleng le atheisiam kei d ua. Honnuihsan maimahding uh ahih ziak un.. kentuh agen peuh uh kipahna in kala mai hi.

Katan chin kimtak a genkhit zoh ding ahih louh ziak in. Genkhit kasawm kei a. Katuah sa hinkhua sut kik sawm leng kahi kei. Kei kan a haksa thuak siamsinte lak ah omken teh chinuam kahikei a. Lohchin na ichih pass leh pass louh a kinga ahikei chih hontaklang nuam kahi zaw hi....

Natu lel khosakna. Nahinkhuatoh kilem sawm inla. Natan ah lungkim in Gentheihna haksatna ei deihtel theih ahi kei a himah leh hiaite tung a vualzoh na ut leh nangleh nang nakipiak theih. Nahin khua ah kipahsawm inla kipahna a vualzawh tel in.

Kakak 162020

(C) Siamsinna leh Vakiangbu