KAM A DIKLOU KISANAPI LUNGSIM A POM THEILOU...
By - Paumuanlal Guite BaBs
Tulai khovel mite i etvel chiang in kua peuhmah diklou hih ding utlou, a diklou a ngoh ding ut i omkei uhi. A dik hih ut mahmah hinapi a dik hetlou a gamta, om himahleh mite’n diklou ahihdan a genpih chiang ua pang teitei, a dik hih sawm teitei ngen in i om uhi. I dikna pen mite’n hon muh a hon theih ding uh hizen napi in eite’n i kamhat in dik i kitansak sawmzel uhi.
Laa in “Banghang a i Toupa mel liahtu i hih lailai...” ana chih bangdeuh in Pathian mel liahtu i hih nilouh khak ding kiven huai mahmah hi. Thugen chiang hiam thum chiang hiam bang in a diklou pen dan in i gen in i thum ua, a hoih chi ni. Himahleh huai diklou ihihdan pen i lungsim taktak un i pom utkei zel uhi. Mipi mai a kiliahkhuhna ding maimai a diklou lem kineih, ahihhang a mite’n diklou in koih taktak leh a utloupen a pang zel dingte ihi uhi.
I mihinpih toh kinial khak ni bang, ahihkeileh banghiam theihkhelh khak ni bang a a tungnung ding kituhpian a adik zaw hih ding i kituh nilouh ziak in buaina, kilemlouhna leh kimuhdahna piangkhia zel hi. Kei a theikhial, kei a diklou hizaw veng aw maw chi’n diklou kipiakdan bang theileng huai in kituahna leh lemna hon tunzaw tham ding hi.
Khovel ah kuamah a dik bukim aom kei chih i theichiat in i genchiat uhi. Huai i theih a i gen bang in dik kimlou mah i hihdan i lungsim tak in pom theichiat hileng buaina ding bangmah omlou ding hi. Himahleh eite’n i lungsim tak in ei paidan, ei paipih pen kia adik dan a pom in midang hihsang a hoihzaw, dikzaw dan a i kikoih nak ziak ua hihkhial kihizaw ahi chih bang leng i theih din a hoih hi.
Huai ahihman in ei gingtute’n dik kimlou i hihdan kiphawk a, a diklou a i paikhak hun bangleng omzel ahihdan i pom a, a dikpen dan a hinkhua i zat tawpsan hunta ahi. I mihinpihte’n diklou hon sak ua hon banghiam hun chiang unleng dik kisa in pan teitei sawm kei ni. I lungtang a dik i kisakluatna pen leng paikhia in diklouh hun a lamdik zotdan kisinthak zaw chiat ni.
I laisiangthou hon sinsak bang in kiniamkhiat in a vualzou pen dan a om nilouh sawm nawnkei ni. Mikhial leh diklou i hihdan i kam kia a gengen mailou in i lungsim tak in pom in i Laisiangthou mah kibulphuhna leh kingakna taktak in zang leng i gingtu hinkhua zui dik hilel ding ihi. Kam hat a dik i tan hang in Pathian seh a dik i tan kei leh omzia omlou ahi. I khovel khosakna ah leng kam in vualzou mah lehang mite’n i nunglam apan hon nuihsan ding phet uh hikha thei kia hilou in Pathian adia kihhuai pi leng hikha thei ihi chih phawk gige ni.
I mihinpihte’n i omdan leh gamtat dan apan in i dikna muzaw uh henla, mite muantham hiding in kisathak zaw ni. Mite mai a athu a vualzou hihsang in i omdan leh hinkhua ziak a vualzou hizaw a, etton tak, belhtak hidi’n panla thak ni. Pathian a kinga in Ama deihdan lampi ka tawnna hiam, ka omdan Pathian adia pomtak ahina hiam chih kivelthak zaw ni. Diklouh hun inleng a dik hih teitei sawmlou in i lungsim, ngaihtuahna thuzoh ding in kisa ni. Beria khuate bang in a dik leh diklouh chetna ding in Bible en in huai a kinga peuhmah chiat leng i mimal, innkuan, saptuam, khotang bangpeuh hong dam ding hi. Khovel hoihlou hilou a amite hoihlou i hi chih theigige ni. Huaiziak in kam a vualzou hilou a lungsim a vualzou hizaw thei di’n eimah chiat kivelthak ni.
(C) Siamsinna leh Vakiangbu
Tulai khovel mite i etvel chiang in kua peuhmah diklou hih ding utlou, a diklou a ngoh ding ut i omkei uhi. A dik hih ut mahmah hinapi a dik hetlou a gamta, om himahleh mite’n diklou ahihdan a genpih chiang ua pang teitei, a dik hih sawm teitei ngen in i om uhi. I dikna pen mite’n hon muh a hon theih ding uh hizen napi in eite’n i kamhat in dik i kitansak sawmzel uhi.
Laa in “Banghang a i Toupa mel liahtu i hih lailai...” ana chih bangdeuh in Pathian mel liahtu i hih nilouh khak ding kiven huai mahmah hi. Thugen chiang hiam thum chiang hiam bang in a diklou pen dan in i gen in i thum ua, a hoih chi ni. Himahleh huai diklou ihihdan pen i lungsim taktak un i pom utkei zel uhi. Mipi mai a kiliahkhuhna ding maimai a diklou lem kineih, ahihhang a mite’n diklou in koih taktak leh a utloupen a pang zel dingte ihi uhi.
I mihinpih toh kinial khak ni bang, ahihkeileh banghiam theihkhelh khak ni bang a a tungnung ding kituhpian a adik zaw hih ding i kituh nilouh ziak in buaina, kilemlouhna leh kimuhdahna piangkhia zel hi. Kei a theikhial, kei a diklou hizaw veng aw maw chi’n diklou kipiakdan bang theileng huai in kituahna leh lemna hon tunzaw tham ding hi.
Khovel ah kuamah a dik bukim aom kei chih i theichiat in i genchiat uhi. Huai i theih a i gen bang in dik kimlou mah i hihdan i lungsim tak in pom theichiat hileng buaina ding bangmah omlou ding hi. Himahleh eite’n i lungsim tak in ei paidan, ei paipih pen kia adik dan a pom in midang hihsang a hoihzaw, dikzaw dan a i kikoih nak ziak ua hihkhial kihizaw ahi chih bang leng i theih din a hoih hi.
Huai ahihman in ei gingtute’n dik kimlou i hihdan kiphawk a, a diklou a i paikhak hun bangleng omzel ahihdan i pom a, a dikpen dan a hinkhua i zat tawpsan hunta ahi. I mihinpihte’n diklou hon sak ua hon banghiam hun chiang unleng dik kisa in pan teitei sawm kei ni. I lungtang a dik i kisakluatna pen leng paikhia in diklouh hun a lamdik zotdan kisinthak zaw chiat ni.
I laisiangthou hon sinsak bang in kiniamkhiat in a vualzou pen dan a om nilouh sawm nawnkei ni. Mikhial leh diklou i hihdan i kam kia a gengen mailou in i lungsim tak in pom in i Laisiangthou mah kibulphuhna leh kingakna taktak in zang leng i gingtu hinkhua zui dik hilel ding ihi. Kam hat a dik i tan hang in Pathian seh a dik i tan kei leh omzia omlou ahi. I khovel khosakna ah leng kam in vualzou mah lehang mite’n i nunglam apan hon nuihsan ding phet uh hikha thei kia hilou in Pathian adia kihhuai pi leng hikha thei ihi chih phawk gige ni.
I mihinpihte’n i omdan leh gamtat dan apan in i dikna muzaw uh henla, mite muantham hiding in kisathak zaw ni. Mite mai a athu a vualzou hihsang in i omdan leh hinkhua ziak a vualzou hizaw a, etton tak, belhtak hidi’n panla thak ni. Pathian a kinga in Ama deihdan lampi ka tawnna hiam, ka omdan Pathian adia pomtak ahina hiam chih kivelthak zaw ni. Diklouh hun inleng a dik hih teitei sawmlou in i lungsim, ngaihtuahna thuzoh ding in kisa ni. Beria khuate bang in a dik leh diklouh chetna ding in Bible en in huai a kinga peuhmah chiat leng i mimal, innkuan, saptuam, khotang bangpeuh hong dam ding hi. Khovel hoihlou hilou a amite hoihlou i hi chih theigige ni. Huaiziak in kam a vualzou hilou a lungsim a vualzou hizaw thei di’n eimah chiat kivelthak ni.
(C) Siamsinna leh Vakiangbu
Comments
Post a Comment