AHOIH HI

By ~ Lam Joy Lian Mangte

Tangthu khat kamangngilh theihheitlouh ahi.

Africa gam ah, kumpi khat in thilbang teng tung mahleh 'AHOIH HI' chithei lawm khat nei hi.

Nikhat gamsa beng di'n kuan ua, munkhat ah khawl in leh kumpipa'n ameithal(gun) hahsiang nalam ah, a khutpi kaptan kha hi, huaitak in alawmpa'n "AHOIH HI" chi a coment apiak leh kumpipa ngaihdan hilou in, inn atungkik phet un suangkulh ah khum ngal hi.

Kum nih(2) nung in, kumpipa gamsa beng di'n kuan in leh vangtahhuai takin misanete'n ana man ua, huaitak in meikuang ah Pathian kiang ah thillat di'n haldia akisak laitak un, alak ua khat in khutpi omlou ahi chih athei a, a Pathian kiang uah latdia bukimlou chi in akhahkhia uhi.

Kumpipa le kingaihtuah in alawmpa tung ah thiltung kisiamtanlou a ngaihdam ava ngetleh, alawmpa'n "AHOIH HI" ana chi nawn hi. Kumpipa le lamdang satakin bngzk a huai na chih hihiam cia adot leh alawmpa'n le hichia dawng hi "kumpipa aw suangkulh ah hon khum kei lecin, nang tawh gamvak khawm di kihi hia, tua na thiltuahna apat kei suaktalou a sidi keivoi, kei bukim ka hihziak in" achi hi.

Hiai tangthu in khovel a haksatna, lungngaihna, dahna, muhsitna, lungngaihna leh leitung a hamsiatna tungtawn a mihingte tuahdia omte ituah hun a Pathian in 'AHOIH HI' chi dia hon lamen chih kamuhdan ahi.

Thilhoih leh thilsia ituahte apat ei ah banglam ah Pathian in sinlai hon sinsak sawm bang hihiam chih theihsiam in hinkhua zangtheile MIHAMPHA kisuak ding hi.

©Siamsinna leh Vakiangbu

Comments

Post a Comment

Popular posts from this blog

PATHAWI HIMAHLENG!!

~Kattie Mawite Ka ngaihnou ka ngaisang top. Ka dinmun uh kikheng hileh ama lungsim bang ka put zoh ka gingta kei. Iitna tak toh hon iit hi in kathei a, kenleng ka it petmah. Keilam apan ngiat a hon neikei a, apasal ka hihtheihna din CONDITION bangmah hon bawlsak kei. Tulai in hihna kibang(homosexual) kingai tampi om mahleh, kei ngaihnou bel NUMEI ahi. A hon itna thupi kasa. Ka phulouh iitna tang hi in ka kithei a, ka kipak petmah. Himahleh alangkhat ah ka kisuanglah zel. Ka kingaihsiat theihna di leh ka lungsim hon kam gegu di kampau chikmah in hon zatkhum ngeikei a, milak ah leng a hon zahpih kei. Kei ziaka nuam asaklouhni leng atam din ka gingta. Himahleh kei kianga a om chiangin maitai tak in hon houpih a, huai in a ngaihhuaina nakpi in a behlap hi. Ka ngaihnoute bel innkuan nuamsa ahi uh. Apa Evangelist teacher pension ahi a, a upa'n leng apa sulnung zui in Evangelist teacher mah a sem hi. Amah tuh college kailai ahi a, anau pasal nihte bel high school kailai ahi
Read more

PALLAI NITE

~Lian Khuptong Alamdang Pathian Itna' 'khovel nopsakna leh gentheihna tepanin Tuun sungkhatpan mimbang ka hong khangkhia hi. Deihthoh takmai leh iitakmai'n keple huihmut dingnah tomphallou in ka omhi. Kep leh etkolna nuaia kasenchiil panin kapiching dong in, duattak leh deihthoh takin kep kana hi. Sianhuaina toh hucihin ka hongkhang lianzela khovel tak palding in kongkisa ta hi. Mite kitaiteh nalak ah ka taisam hi. Hinkhua gintaksa anaa nuamchiam kei alai hawlpawl in lakloh takin ka omhi. Pallai amm'n nuamleen tuh ka hinkhua aka nopsak ahih hi. Maban etna'n kalsuan touzelin ahak-anuam phutkhak dandan in kahong phuh hi. Huaihang in hinkhua zatdan ka etchiang in lungkhamna leh mangbatna ten nisim'n hongtuam tawntung hi. Ahakdan pengen siamvual ahih keihial hi.  Huchitazong in taikhua tuh hongvak zelsam a lametna thak honguan zel hi. Naa khatpeuh zoh kuhkalna leh thuakhaatna lou toh pangtakpi mah ngai hi. Khovel zoh omvengvung kitaiteh nalah
Read more

NATNA LAUHUAI COVID APAN PIANTHAKNA

 By  ~ Paumuanlal Guite BaBs Chikmah a zak ngeilouh, lungsim tawng a leng gelphak ngeilouh COVID 19 in khovel pumpi hong sawiliing ta hi. It leh ngaihte toh tui leh nga bang bualkhawmna, a sakminthang Lamka khopi leng natna in hong hawi tuankei. Niteng in a vei a pung hulhul chih kuapeuh in thei, himahleh gamsung vaihawm solkalte’n hiai natna apan i suahtak theihna ding ua hon thupiak uh Policete mat utlouhna ziak lel in i zui hamham chiat uhi. Huai bangle Policete galmuh chiang khawng a zui hamhamte i hilai uhi. A tamzawte bang in a omna mun uh i pel chetchet zomah uh, lamka chihmah a ka tuamtuam tam i theitel ua. Siamsinna innte, nasepna buuk tuamtuamte kikhak zungzung a, i biakna munte tan leng kikhak hial in inn a kuapeuh kikhum chiat ding i chih lai un kholai a hih ding poimoh nei a pungdiak a bang maimah hi. I natna minthang ziak ua mual honna liamsan niteng in zak ahigige mai. It tak in a luangbul ah kap zoizoi ut mahlehang mangmat phak ahinawnkei, silhpuan piandang toh kithua
Read more