EI A HI LOU A HONG KEP SAK LEL AHI

By ~ S. Kham Thawmte

Hiai thulu ka hong zatna ziak ahihleh Mihing ten Kumpi Thupi takmai Gou ina kep a om a, hiai gou i kep pen manpha lua ahihman in a kum a simbang i kep chiang in mi tampi ten ei a kisa in kei a ahi ka ut bangbang in ka zang ding kei neihsa tung a kuamah thu neih nang om kei ki chi ta mok ahihman in Ei a loupi Ei a i sak khak nak uh om a hihman in atheisate a dinga theihthakna hi ding leh a thei nailou te a dia theihna hi ding in hiai thulu kikum khom le chi a hong zang kahi chih ka hong taklang masa hi.

Hiai leitung a piang hinna neita phot a si theilou omlou chu a hi ngei dia laa gelhtu khat in lei thil tangtawn daih omlou ana chi hial hi. Tua mah bang in ei mihing te taksa pen lei a siam ahihman in tangtawn daihlou in lei a kik ding ahi chih i theih ngei ka lam en. Himahleh hiai i theih nung na ngon a leng i theih siamtheih hetlouh leh lamdang i sak mahmah uh ahi. Kou inn kuan in zo sihna ka tuak tamlo ta ua ka theisiamta uh lamdang leng ka sa non kei uh ka ki ngeina sehta uh ki chi theilou in lamdang sakna in idim mok uh hi. Tua taksa sihna lamdang sa a i puaknat mahmah lai in huai sang a puaknat huai zo leh pawi zo khat om ahi chih phok thak ni. Tua taksa sihna chiang a sihna tengteng beimai hileh a ut huai ngei mo tua taksa sihna sang a mulkim huai zo leh thupi zo ban a lamdang zo leh pawi zo puaknat huai zo ahih hang a bangmah a i ngaihlouh uh chu khalam sihna ahi. Hiai khalam sihna pen tangtawn sihna, Sih nihna leng a ki chi hi.

I Thupi ah lut ta ni awle Ei a hilou a hong kepsak lel ahi chihmok bang ei ta? Na chi maithei chihtuak takleng hi in ka thei. Mi tampi ten ka hinna keithu ahi nang hong buaipih/thuhilh nang omkei ken ka ut bangbang in ka zang di Kuamah thuhilh/buaipih ka ngaikei keithu ahi i chi nak uh hi. Himahleh a taktak a zo i Pathian in a hong kepsak lel a na hi zo ve aw mo. En a kum a sim i na kep khak man a ei a sakha i hi zo diam ngaihtuah thak le ut huai ka sa hi. I hinna pen ei a ahi kei i chih na pen tak ahihleh i Pathian kumpite kumpi thil bangkim tung a thu nei tun Hinna khem peuh kei a ahi ana chi khinta ahi chih phok thak ni mo.

En thu neihna nei kisa in i hinna i ut bangbang a i zat hang in natna in a sukkhak louh ding in leng i veng thei kei a natna i neih chiang in leng huai natna lak a ki pan i hunkhe zou kei hi. Ei a hi lou ahihman in ei a hi leh i ut bangbang a koih in i veng bit zou ding tua kia hi lou in I Laisiangthou in mihing te hinna tung a thukhen na om ding a hih dan a na gen hi tua i hinna tung a thukhen ding Pathian mah ahi chih i theihsa ahi ahihleh ihin na ei a ahi i chih ngal leh ei leh ei i hinna tung a thu ki khentan thei leh ki lawm mo ei neihsa tung a mi dang in thu hon khen sak poimoh lou hi lou mo. Ei a ahi louhziak a i hinna tung a thukhen tat theih na ki nei lou ahi chih phok thak ni aw.

Unau tu nii ngaihtuah thak ni i hinna ei a ahi kei i Pathian in EI A HI LOU A HONG KEP SAK LEL AHI. Ka hin na tung a ka ut bangbang ka hih theih ka hinna kei thu ahi chi in ki that chimah le chin leng na hinna nakha zo a hong pe pa kiang a pai ding a hi nang a ahihlouh man in na that thei tuan kei ding tua ahih man in i Pathian in gou manpha nang a hong kepsak bang na loh sak a genthei tak leh bawtloh takmai in na koih hia ahih kei leh ki ning teltak a om a lamet na neilou a lung ngai vungvung a ki suksiat mai ut a koih na hihleh unau natung a gik hi nang a a hihlouh man in. Na gou kep pen ni khat ni chiang in a nei pan a hong la ding tua ni chiang in a hoihtak leh siangthou tak a om in a mu na diam setak leh nintak a om in setak leh nin takmaia amuh in tuh tangtawn meimit theilou mulkimhuai takmai gawtmun napel kei hial ding nang a hi lou hehpihna ziak a a hong kepsak ahi. Amah deih bang a zang lou a nang deih bang a nazat ziak in.

I Laisiangthou a bullam i et leh i Pathian in mi hingte kiang a "Hong pung semsem un lan leitung hongluah dim un" a chih imuh hi. Pung a leitung luahdim dinga hin na a hong piak lai in en bang ding in ihin na i zang a? Zu-leh-sa khamtheih chi tuamtuam ban a ut leh dah a gamtat na ding khong a zang houh i hi kha hia? Ahih kei leh mi hin na nuamlou sakding leh sum-leh-pai deih a hauhsak ut na ziak a guktak na chi tuamtuam leh nekguk na chi tuamtuam a dinga zang i hi kha zo hia? gelchian thak ni aw i tawp na dingtan pha.

Mel leh puam a lah khanvual phalah hi lou. Piandan a la bukim louhna nei hisamlou chin a. Lawm-leh-Vual. U-leh-Nau. Nu-leh-Pa ban a Zi-leh-Ta te a dinga lamet na himhim om lou a lungkham a mittui luan na leh hinkhua ki ningtel saktu na hih mai hong ngaihtuah thak in lan mi te a ding a lam et na hi ding in sulkik hong leel ve mo. Pathian in chitampi suang a pung a lei tung luahdim ding a hin na nang a hongpiak hi a mi a dinga et lah huai leng hi non lou it tak leng hi non lou chisuan pih ding a leng tak nonlou a na om mai pawi lo deuh lou hia? Nang thulim louh ziaka khang tampi mangthang ban ahi. Nahin na hong kemsak tu deihdan in hong zang ta ve mo.

Ka ki pak.

© Siamsinna leh Vakiangbu