NI KHAT SUNNI HONG SUAK HEN
By ~ Vz Vualnam
Zanchiang laikhun a sam bang zaal,
Sial louh ding teng ka sialsial kaal in
Gilkhang buh-al hong khuang ngelngel e.
Taikhovaal ding zingdam solnou taang,
Buh-al aw khuangkhuang lou dih ve aw,
Tangliang sam bang zaal ding sam lai e.
Sial louh ding teng ka sialsial kaal in
Gilkhang buh-al hong khuang ngelngel e.
Taikhovaal ding zingdam solnou taang,
Buh-al aw khuangkhuang lou dih ve aw,
Tangliang sam bang zaal ding sam lai e.
Simlei lungngaih tomkaal ngilhna di'n
Zanchiang sam bang zaal maimit siin zong
Tang lelliang in ka phu lou hiam aw!
Sunchin-zanchin ngaihtamsial toh hei
Ka sinlai in dawl lou ding bang e,
Ka sakduang in dawl lou ding bang e.
Zanchiang sam bang zaal maimit siin zong
Tang lelliang in ka phu lou hiam aw!
Sunchin-zanchin ngaihtamsial toh hei
Ka sinlai in dawl lou ding bang e,
Ka sakduang in dawl lou ding bang e.
Maimit sing lou hal zuangthoh khiapmoh,
Pelhmoh mazap zuanzel ve ni e.
Sunchin mazap a ngaihtamsial di'n
Khohban ah mazam tapeuh ni e.
Zaitha tawl e sinlai khamkha'n zeel,
Khokhaal tung thelnah bang kiak law'ng e.
Pelhmoh mazap zuanzel ve ni e.
Sunchin mazap a ngaihtamsial di'n
Khohban ah mazam tapeuh ni e.
Zaitha tawl e sinlai khamkha'n zeel,
Khokhaal tung thelnah bang kiak law'ng e.
Sunni kidang, solkha kidang e,
Ka zuan zingdai bang a theu ding sa'ng.
Theu lou lai e sum bang ziing sawn e,
A kumchin in ziing semsem hi e,
Tangliang kei ka kungtung diingdiang ah
Nunnop sunni hong suak lou ding hiam!
Ka zuan zingdai bang a theu ding sa'ng.
Theu lou lai e sum bang ziing sawn e,
A kumchin in ziing semsem hi e,
Tangliang kei ka kungtung diingdiang ah
Nunnop sunni hong suak lou ding hiam!
Ngaihtamsial luankhi ka nuul kaal in
Simlei gua bang hin ding ngilh law'ng e.
Nunnop sunni sakmel mu lou in
Kulsin mial ah ka zaal ding hiam aw!
Ni khat kei a'n sunnni suak hen aw,
Lungchim in nau bang nui nuam ing e!
Simlei gua bang hin ding ngilh law'ng e.
Nunnop sunni sakmel mu lou in
Kulsin mial ah ka zaal ding hiam aw!
Ni khat kei a'n sunnni suak hen aw,
Lungchim in nau bang nui nuam ing e!
© Siamsinna leh Vakiangbu
Comments
Post a Comment