ZOGAM THAK, ZOLEI THAK
By ~ Vz Vualnam
Noumau' angma chiat khual a,
Heutu khat-le-khat kihaza a,
Khotaang' muh a na kilaai lai ua,
Tuailaite'n koilam en ding ka hi ua?
Heutu khat-le-khat kihaza a,
Khotaang' muh a na kilaai lai ua,
Tuailaite'n koilam en ding ka hi ua?
A kituak hiaizah lai a,
A kituak lou noute' ziak a,
Nam kituak lou kisuakta a,
Khangnoute'n kua enton ding ka hi ua?
A kituak lou noute' ziak a,
Nam kituak lou kisuakta a,
Khangnoute'n kua enton ding ka hi ua?
Zogam thak, Zolei thak,
Hazatna tuilian in a tup phak louh,
Angmasialna meikai in a khuh phak louh,
Thuneihna sang a khanna a letzawkna,
Sum-le-pai sang a itna a thupitzawkna,
Huai gamnuam a khanglou ding in,
Makai kituak loute' nung zui lou in,
Khangnoute aw hanchiam ni!
Hazatna tuilian in a tup phak louh,
Angmasialna meikai in a khuh phak louh,
Thuneihna sang a khanna a letzawkna,
Sum-le-pai sang a itna a thupitzawkna,
Huai gamnuam a khanglou ding in,
Makai kituak loute' nung zui lou in,
Khangnoute aw hanchiam ni!
© Siamsinna leh Vakiangbu
Comments
Post a Comment