AW ANNABEL

By ~ Siam Quptonk Lil'wings

True story

Hih khial ki sa leh ki mohsakna a pumdim in kisiik in lei ka siik a,thangvan ka en a asang tel mai.tuibosa la kiluak kik thei lou ahih cia mo…

Awle,a khiaklah huai xmas leh kumthak nop tak jang jou in 2010 kumbul january dt.15 in kei(thangboi) leh ka lawmpa samuel toh maban ding khual na in state dang(Uttarakhan,mussoorie) juan in sep theih theih sem diing in pianna tunnu zogam nuam, iitle ngaih teng leh innlum nusia in jing lam dak 10 vel diing in liin kom pipi in lamka akipan ka hong ki soikhe ngoingoi tamai uhi.hun sot kuam tak ka tai nung un Khomuikuan in Nagaland ka hong lut suk khong khong ta uhi. Lung leng sim tuak jo kahi ngei di ua pau jo sam omlou in ka tut mun ua ka tu bebauh maimah uhi.pau lou a hun bantan hiam ka tut nung un ka lawmpa samuel in thakhat in ,thangboi, hon ci guih a, ka kiguih hial hi. Ken le bng ahia lawma ciin ka dawng kik pah hi.

Nung kik jual le theih siam na diin.samuel ahih le mipau tam lou le numei lam pang khong ngaih sak khol lou mi ahi. Amah phutphut a gamtang teloi ahi. Kei ka hih le mi pau nuam le numei lam nana cu yes sa hi den kahi thlats. Numei himhim pak a paktat thoh kahi mai hehehe... Ka lunglut na uh ki bang hetkei mahle ka kaki ngai mah mah uhi. Kho thei tung akipat ki lawmthuah khin ka hi jiak ule hiin ka ging ta.

Ken leng bang ahia lawma ciin ka dong kik pah hi.amah gen dia kilomlou khop le gen mok dia ka ging tak ngeilou hina pi ina, thangboi, lungleng theilou kakisak le lungleng pian sim mok veng aw. Bng ci kahia? Ka kha(spirit) khahsuah dek ka hi hia? hn ci khia dom mai hi. Ka jak khelh hia! ka ci hial a, bang e? Bang e? Ka ci tuantuan kha jojen hi.ka jak khel jo ana hi sam kei ve e. Ken leng a dongkik na di dan theijok lou hial in amah lam enn in ka tuikianuih phephulh maimah hi.huciin sotlou nung in ken leng lungleng dan bang non thei khiat hial le jo akhangtou lam nahi. Patauh nang omkei.aki pah huai lam ahi ka ci suk maimah hi.hun bangtan hiam kahi hou nung in jaan le sot ta ahih man in emu phot ni le maban le saupi om lai ahih man in tha khol jek ni ka ci ua huciin ka emu tuak ta uhi. Jiinglam dak 5 vel diing in ka bus tuangna uh baang hng ki beng puak dop dop a ka khanglou pah hi. Ka kiang ate khong ana diing sesouh mok ua avan khong uh ana lakhia sesouh uhi,ken le mak sa sim ka hih man in ka kiang a nupi khat ka dot le,nupi nun guwhati ki tung ta ahih dan hon hilh a ka halh jot hial hi. Ken leng ka lompa phong in vante khong lakhia in ka hong kumkhia ta uhi. Manipur pua kaan ngeilou leh pau le haam theilou cih mah tak cu, ahi di sa ahi mai. Buai na neuh neuh ka hon tuak tou pan pah uhi.

Bus parking akipat auto la in guwhati Railways station ka hong tung khongkhong ta uhi.ka train timing uh nitaklam dak 1pm pek ahi man in kinoh lou hial in ann khong ne in ka hong ki hahsiang ua,Huciin dak 1 ka hon ngak ringot mai ta uh. Dak12 lak in ka train di uh ka hon jong ule muh joh di vual ana hilou in hici tuk a mawl ka hi mo ka ki ci phiing hi. Khonung buai ci tak a buai in aloh di da thei tuan lou in ka diin khol mai mah uh. Sot lou nung in ka lawm pan kuli(train station a van po lut2 te) te kia pai le thei diing un ka gingta hon ci numnum a, kei le thu mu kisa in good idea bhai ci jen in ka liang bet thrauhthrauh hi.kuli te ka sam pah tingteng ua Rs.50 pia in ka tut na di mun tan uh hong kha pah hi.aki na vak kuau jejen aka heehee….

Ka timing uh dak 1pm himahle 1:30pm phial in kong ki pan khe thei ham2 uhi. Tut na ale tukip man nailou hial in khutdoh(beggar)te hong pai pah tingteng ua sum hon ban nget pah uhi. Kou akoi mah a train tuang kha ngeilou tuangkhak pat na cih mah tak ahi di mah kasa ua kana ban piak pah mai uhi. Vokaden... Piak khit theih di dan ana hilou, khat khit khat a hng paipai mai uh. Dakkal 1 sung mai ale 30val bang hong pai tak ua cu... Ahi non mahmah kei ka kici tuah ua, emulem ka hong ki neih mai ua ahong pai ciang ua ajalou dan in ka om mai uhi. Akuhkal deuh ten bng hon soisoi mai uh, Emu lou phong a hak cih mah tak cu a hon phong jou tuan sam kei ve ua,asun ajan a ka hong tai nung un cu ka tup na mun uh ka hong tung khong khong ta uh bang cu atoldam huai tuan mahmah mai. Ka lawm pa uh khuakhul amah huai mun a ana omom sa ka sep nang ule amahmah in hon jong sak ahi a, amahamah in hon na dawn ahi. Ka sep nang uh hon na sai fel sak sa ahih man in huai ni mah in ka sep nang uh Accomodation tan hon va kha ngal a,kou leng heutute kava kimuh pih pah uhi. jinghal a kipan pa di ka hih dan uh hon na hilh uhi. Kou leng ok ci in room lam ka juan kik pah uhi. Ka lawmpa ahih le waiter in lut a, kei kahih le kitchen lam a ka lut hi. Mi gen kana jak hiauhiau dan in tulai numei ten chef te khong ngai sang uh ahi. Amau ann huan thei lou un cin cih kana jak khak jiak a huai lam a lut ka hi heehee..

Ka hon sem pan ta ua kei work profile ahih le bang dang hilou in niteng a abag bag a onion cut cih khong ahi mai atang pi in. Hu ciin sem toutou in ni le kha te hong bei jung jung in theih lou kal in kum khat phial bang ana pha man ta hi. November kha bul a ding lel lel ka hi ua, ni khat ka chef te khat uh sickleave la in amah tang a diin ka executive chef pan kei hon jang hi. Staff te Ann di huan din hon sol a ken le khat vei sunsun ci in staff te masala dia ajat jel te uh jang lou in customer te a dia ahoih mahmah akoih te jang in ka huan hi. Resturant ki khak ta a staff te ann hon ne pan ta uhi. Ni dang bang sa lou ujo ahi ngei diing a chef tuni ann alim lua nang ngen in na hun den di ahi hon ci pol toh huai nitak jet cu pahtak ka loh khom mai.

Hucin Kei le pai dia kaki sak lai tak in nungak nou a hoih dan a thu a gen joh vual lou,asut a sut joh vual lou di hile kilom khop hial mai khat ka kiang a hong pai a, amuk san dan la cu... Rose san dup keikaih bang ahi tuan a ci di hi mai,a ngou dan la vuuk bang mai ahi. amit hah nem ngeingai tee kelkel jojen in hon enn a, ken leng maimit suan khe jou lou khop di hial in kamka heuhou jen in kana en kha jojen hi.chef ann a om lai hia? hn ci a, Dong kik di mang hil kha jojen ka hi ngei diing a sot lou nung in,ha! ka ci thak hei hoi maimah hi.amah le ki suanglah mel pu tak in sorry lua tuni ka thihih alaklo lua a ahun a hong pai man lou kahi hon ci a ken leng poi lou lua ka ci thuah pah hi, tandoori counter la ki close ta a chicken curry toh rajma masala to white rice a om lai, huai teng na duh le na ne thei d ka cih le aman le poi lou lua huai teng ka ne di a ci pah vang lak hi. Kei le ki tha lop lua cu ka hi ngei ding a huai a table awng asiang pen a ana tu in lan ken na ann di kava la di ka ci a,atut le muman lou khop in a ann diing la in kitchen sung a kava nui lut suk pah veng veng mai hi. Ahih tak a jo staff te self service ahi a,ki thalop jiak ahi ngei diing a kuamah sol het lou in table serving bang kava bol kha jojen hi.a ann di teng table a ka koih joh tak in pai san mai ka som sim na a, ahithei vual ahi kei ka ci jel a ka lungsim bang ka ki sual tuah sak khop hial hi. 

A top in cu hou pih himhim ding in thu pukna ka la a,ken leng bang ci dan a le? nang la kon mu kha ngei het kei a,bang department a sem eh ci in ka dong suk guap mai hi. Ka ging tak sang in ana pau ut jo vang lak a ka dot na teng hon dong khit ban a tampi hn kup beh hi. Head office a sem ahih a tukal a hong join pan ahih dan le a cousin nu hiai company a HR len lel ahi banah aman a sap jiak a mumbai akipat hiai lam a hong leh pai ahih dan hon hilh hi.aki pah huai diak khat ahih le ei NE lam te hon ngaina ahih dan hon hilh beh lai hi. Kei le thumu kisa in tut toh thuah in amin ka dong a,aman hon dawng kik ma in kei lekei ka ki intro khin hi. Nui seisai kom in amin Annabel ahi dan hon hilh hi.kei min ahih le alou siam ciah kei a thangboi pen tangboi cin a hon sam hi.amah ahih le singtangmi hilou ahih man in,Kei le ka nui phephul mok hi.lungsim a hoih ele hiai chance khahsuah lou e ci in, Kei le kei vasa leng lai anntah in kaki jang suk pah mai hi. Mithak na hih toh na vak vel na a lawm na poi moh le kei man gige di kahi ci toh ka no. Piak ka thuah hi. Aman le a no. Hon pia a lom nei lou leh lom deih ahih dan hon hilh hi. Kei le lungsim a ki pahna a dim in ka nui phempham hi.tupan kakisak le ann hon kham man a bang mah gen tam non tuan lou in ka accomodation lam juan un ka pai uhi. 

Ka accomodation uh ahih le campus khat sung a om khom ahi a ki opposite ciah ahi. Hucin goodnite ci tuak in ka room lam tuak uh ka hon juan ta uhi.hah ngaih tuah sim ci ka hi ngei di emu thei jok lou in ka mitsiing ciang in amel bang hong ki lang dunduh hial hi.bangtan hiam nung in jo ka emu thei khongkhong hi.hun te hong mualliam jel in ka hong ki neel mahmah ta uhi. Nikhat ka top di kuan in ka phone hong ging kangkang a ka et le Annabel ana hi a kin deuh in kala ngal hi. Hello Annabel bang cisim e? Tu hun in non call jenjen a ka cih le, aman le Chef tunitak na man di le park a va hoh le ci sim kei ve hon ci a ken le man thei tham e kaci suk pah selsal hi. Ahoih ele dak 9pm. Lak in kon call ciang in gate pua a nana om di o, campus sung a kijuih pot staff ten hon muh di uh nop kasa kei a hon cia ken leng ole mansa in kana om di ci in ka phone ka koih hi. Kei le kin deuh in ka pai ngal a lamkal a wine shope a ka baang koi a oc quarter khat ka lasuk ngal hi.huai lai a ka laijial tep ahi le wills flake ki cite ahi a, huai nitak jet jo gold flake in ka kaisang top. Room tung in ki hah siang fit fit joh in ka OC puak ka don sasuk hehu a huciin analh thei top a ki chei in a hon call di ngak in limlang mai a ka ding den hi. Dak 9 pm hong ging ta nak bang hong ki noh hehu hial hi.hon phone di ngak in ka phone bang ka toi thoh den hial hi. Hon call ngei kei a 9:30 bang hong hi hial tak in cu ka lung a buai sim mahmah ta a ka heh tha bang a leh suak mai mah. ahon engbol na maimai khong ahi di ci in kei le heh lua kisa ka lai jial tampi a ka lei bang ka pai kha hial hi.hih theih dang la om tuan lou ahih ciah phun num num kom in ka lum a ka emu suk pah hi.

Ani non jing kal in kitchen a hong lut a ka gen nop om ahi hon ci a,kei le ki heh sak in a buai lem ka na ki neih hi.tun jo ka buai a hun dang a hong pai thak mai aw ci in ka pai khiak san hi. Anitak lam in hon call non a tunitak na man di le va pot ni aw janitak ka sep di atam luat jiak a hong pai man lou kahi. Tunitak jo ka man tak tak ta di hon ci hi.kei le ki pak gu sim cu ka hi na a ki heh sak tei tei in,hmmm.... Kaman le aw ciin ka dawng veuhvauh hi.pliz hong ki man sak tum tei tei in hon ci a ken le ok cih toh phone koih ka thuah hi.duty jou a ngeibok bang in Oc quarter ka la suk non a ka kihah siang joh in ka dawn suk hehu a, hisim philphel gum hun tok thou in a hon call di ngak in liimlang mai a ka ding den non hi.gingtak khel in hon call pah vanglak a gate pua a hon na ngak ahih dan hon hilh a kei le nui sesa kom in kin deuh in gate lam ka manoh hi.kho vot lai ahih man in puanza ana silh kheeu khau hi.nervous sim tuak cu ka hi ngei diing ua pau masa jo sam omlou in nui heuhau tuak ka hoh na di lam uh park juan in ka hong ki ton phei lat lat uhi. Park mun ah anol lam deuh akom sim khat a bench khat a ka tu ua bang bang hiam gen in ka houlim tuui mah mah uhi.sweater maimai silh kahih man in vot kasa sim sek sok hi.vot kasak thei ahi ngei diing a,puan silh in hon ci a apuanza hon kop a ken leng kawi toh thuah in puan ka silh khom tettat uhi. Kham sim philphel cih mah tak ka khut a aang bok nem kom a kon guang tum ta mok hi. 

Aman le hon en in, bang hh tum e? Bang ngaih tuah e hon ci hi. Ken leng dong jok thei lou in tuike nuih phelhphulh in, bang hih diin non ging ta a eita ka ci suk mai hi.zu na dawn mo? Hon ci a ken le beer tam lou ka don ceuh a hi ka cih le aman leng ken le don ceuh2 kahi ni dang cia na don non di cia hon hilh in ken le tamlou ka don ut ceuh hon ci hi.awle,hitham e ka ci in ka dong thuk pah hi. Kei le ka thil hih som khol tuan lou in ah a aang bok nem kom a ka khut ka guang lut ponpon teitei hi. Aman le bang mah dang gen tuan lou in dai dide in tu mai mah hi. Ken leng a aang bok nem lum hithit kom deih tok in ka mai suk mai hi. Sisan hat mah2 jo ahi ngei diing a khuavot sa kakisak le ka khoul in hon pum buah hial hi.ka ngong ka hei phei a Amittang hah nem ngeingai ka et le aman hon enn ngam kei a amit a siing mai hi, ken leng kiss toh ka thuah suk pah mai a first kiss a cih ule bang ahi tuan a cih di khop in khuaiju bang mai in a khum suk jungjung hial hi.Nak lim hina mai jen eii...Amun in jil lou ahin man in huai ban kan maban ka suan thei non tuan kei hi. Ki dek jo ahak sa mah mah ve.ka khut la lak khiat tum non lou ka hih man in aman le awl cik in ka bilbuk a room e la mai diam hon ci a, ka mit hah bang a vak kuau jojen hial hi. 

Room lak na di la ka sum neih sa in daih lou ahih man in, ka wallet ka po kei a room lak nang ka sum ki daih lou hive o, a nen jo tam lou ka kuah na a ka ci mai mah hi. Aman le poi kei na neih kei le jan le a sot sim ta a pai lam vai sai mai ta nile hon ci a, ken le liin kom pipi leh aam tak in ka khut a aang nem lum hithit kom a kipan ka dok khe puatpuat a room lam juan in kon pai ua mangpha ki ci tuah in ki khelah tak in room lam tuak juan in ka ki khen ta uhi. A jing kal in ka ki mu non ua, janitak a ka thil hih thei ka hih man in jum toh ki suanglah thuah in et leng kana en ngam ciah kei hi. Aman le hon nuih san seisai a janitak kham sim nei ve mo hn ci a, gen di dang thei tuan lou in ka lu ka susuk ngau ngau hi.

December kha bul loh lak joh in a ken le inn lam te khak lou hial in off day ni in club a hoh din ka ton pih hi. Amun ka tung un ken le Annabel bang na don dia le ka cih le aman le Beer mai2 ka don di ci in ken le nang don don ka don di ci in beer ka don tuak uhi. Tam huntok dawn khin hisim philphel tuak ta ka hi ngei di ua va lam ni hon ci a, ken leng lam thei mah mah lou kahi nang hong lam in na laam ka mu ut ka cih le amah le lam diin hong kisa pah a hong laam pah hi.wow! A jei ngot mai, a kong khong hon soi ngeih ngeih bang jo a et anop himai. Kei le hong kai khe tei tei in kei le kava ki soi hum hum tei hi.huciin club a kipan pot khia in room ka jong ua jankhovak lupna khat a hun nuam ka jang khom uhi.sisan hat mahmah tuak ka hi man un minute bang jah hiam ka khol joh ciang un ka ki pan thak jel uhi. Jingkal dak 8am lak in ka thou ua duty lap din room lam ka hon juan in kong paike ta uhi. Accomodation ka tung tak un security pan le hon na muang moh sim a hi ngei diing a hon en koi vung vung hial hi. Ki hah siang joh in duty diin ka kuan tuak non uhi.

Ka ki juih jel uh staff dang ten le hon thei vek sim ta ahih ngei ding ua, nikhat ka executive chef pan thangboi,Annabel to ki ngai mo hon ci guih a,ken leng ki ngai jenjen lou ki lom pol mai mai ka hi uh ka ci suk pah hi. Aman le pot khop na ut le kei to ka car in e pot khom kei di ua khat vei khong hon ci a ken le ole, hun lem a pot khom tham e na ut nak le ka ci thuk hi.hun lem muh hun hun a pot khom di in thupuk na kala ta uhi. Kei toh Annabel bel asun ajan cih om se lou in angei na bang in hun awl nei teng in ka ki hou den mai ta uhi.hun lem ka muh ciang un hotel ka book jel ua hucin hun nuam ka jang khom gige ta mai uhi. Ka sex life uh jo anuam mah mah mai. Nupa bang mai kahi uh. Ni khat lum dia ka kisak lai tak in hon call a ka gen ut khat om ahi, hong pai in field kiang a bench a kon na ngak hon ci mok a ken le mak sa sim ka hih man in kava pai suk pah hi. Annabel bang ci sim nahia? Gen nop nei bang msg kho le gen mai theih hilou amo ka cih le, huci mai a gen thei te ahi kei a ahi hon ci gaih hi. 

Bang ahia le hon gen vele ka ci thuk non hi. Aman le liin sim kom pi pi leh ki suang lah mel tak hile ki lom in,hon ngaih lua ahih dan hon genguih mok hi. kon muh tung a kipat hon ngai lokhin ka hih man in ka taksa pum le nang a di ahih nak nak le ci a iit nei het lou a phal tak a kon piak ahi hon cih beh lai hi. ka hamhaih hial hi. Ken jo ki ngai pi di dan a ana en kha ngei lou leh taksa ut jiak lieuliau maimai a en ka hih man ahi.amel a gen in jo ei singtangmi melhoi ei cih te khong toh teh thei vual ahi kei. Ahoih dan a tuam bik hi.huai jiak mah tak in le ka staff dang te hon haja le hun khop om hiin ka thei. E ci mok leng lah hon heh san mok hen la ki thuah non kei mok le ung sex lah nei khom thei non lou di cih ka ngaih tuah cia hi ka sa thei kei a,ken le hon ngailua ka hi,gendi ka som som laitak in nang non gen man a ahi ka cih leh ki pak lua jo ahi ngei diing a nui seisai kom in hon kiss hial hi. Lungsim kil khat ajo ka ki siam tan tuan kei. Hilele huai hun tak a gen di dang thei tuan lou ka hih man leh amah toh ka kikal uh ki siat ut lou ka hi man ahi.Huciin ki ngai dan in ka om pih mai ta hi. Huai ni akipan ni dang sang in sex bang ka hah bol tuan mah2 uhi. A chang in ka room sung natom a sex ka nei jel uhi.aman bel hon ngai taktak a ki teng di natom ale man sa ahih dan hon hilh jel hi. Amah ahih le non-christian ahi a,non ki tengpih le christian a lut di sa kahi ci tan pha in hon gen hi. Ka lungsim in ka lu pei mah leng atak in bang mah ka gen ngam tuan kei a ole kiteng pih tham e na ut nak le cih khong mai in ka khem jel hi. Ka thil gen te hon gingta le hon muang mah mah jo ahi ngei diing a, a Bank account natom le kei kep diing in hon pia a, huai jo ka kep sak hial kei.

Ni khat ka exechef pa toh off nei khom ka hih man un pot khom di in nitak kho mui kuan in ka hong ki sa ta uhi.wine shop a bang malam in bottol nih la in kei to Annabel a nung a tuang in city polam juan in ka hong tai pat ule lam kal a ka chef Te mah uh khat in hon na kham mok a, ken le mak sa sim in, chef koi lam pha dek e ka cih le nou kon jui di ka cim lua a ci a, kou le poi lou ci in gari sung a ka zu puak uh don kom in ka hoh na di lam juan un ka tai veng veng ta uhi.city polam ka hong tung ta ua Sing kung bang atam mah mah a dai leng a dai tuan mah mah in thomhau huai abang hial hi. Annabel in a jun suak ahih dan hon hilh hi,kou le lam nol a khol in jun tha diin Annabel ava pot hi. Ka chef pan le kei ale suak a kava tha di ci in amah le pot toh thuah ngal hi. Kei toh ka executive chef pa pot ke lou in gari sung a kana don uhi. Minute bang jah joh hiam in Annabel patauh aw tak in hong ki kou a, kou le mak sa sim in gul(snake)khong om ahi ci in kin deuh in ka kum khia ua chiang mai khak khak la jok in Annabel om na lam juan in ka delh phei pah uhi.amuh ka tung tak un ging tak ana bang mah mah lou. Lamdang bang ka sa hial hi. Ka chef pan ana sual tum in a khekol ana kai genggong mai mah hi.kei le heh lua kisa in deih thei in suk in kava su suk muat muat mai hi. 

Ka executive chef pan hong phel a hilele ka chef pa a khol tum tuan kei a hang loi loi kom in Annabel toh sex nei khom ut ahih dan hn gen muat muat maimah hi.Annabel le ki diik hithit kom in,Kei toh sex nei khom ut na hih le ci in apuanak ang phel din hong kisa hi.ka phel suak ma in ka cousin nu (kou company a HR)kon call phot dia huai joh ciah na ut ut non loh di acih le ka chef pan le lauh na ciang nei ahi ngei diing a hong khol thei vang lak hi.huciin ka hoh na di lam juan in pau jo sam omlou in ka tut mun ciat ua ka tu mai uhi.lung sim nop lou le lung buai ngen ka hih man un amun a hun sot jang lou in ka hong kik pah uhi. Dak 12 lak ahi tak man in ka chef pa uh kha in kou la accomodation a lut thei non lou d ka hih man un ka executive pa inn lam juan in ka pai ua a car a kei toh Annabel ka giak ua, amah ahih le a inn ua giak hi. A car ka khuk sak a window glass neucik ka hong ua angeibok bang in Annabel to car sung a kaki pol non uhi. Jingkal executive chef pa thoh ma in kou room lam a ka pai ua kihah siang joh in duty din ka kuan ke non uhi.sotlou nung in ka chef pa le nuamsalou ahi ngei ding asep na akipan kitop pah hi.

Hucia hun nuam kei toh Annabel in kon jat tou tou uh thei lou kal in kha 7 bang ana pha man ta hi. Ni dang bang a inn lam le sum khak jou non lou kahi man in innlam te a buai pha mah mah ta uhi. Ken le hi non mah mah kei ci in,ka thil hih top san mai ka lung gulh ta hi. Top san di lah Annabel khiak lah huai lua jel ahih man in lungbuai tak in hun bang tan hiam ka jan hi. A top in jo sih le sih dam le dam ci hial in ka sepna akipan ki resign ka hon som ta hi. 

Thu om dan teng ka lawmpa samuel hilh in a ni non in resign letter Annabel thei lou in kava pia hi. Ken le clearance hon piak ma uh sem tou lai in,nikhat duty top in Annabel in hon call a gen ut poi moh nei ahih dan le campus sung a bench a hon na ngak ahih dan hon hil khit in ken le Annabel om na lam ka juan pah hi. Ka lin gu sim mah mah ajiak ahih le amah theilou a ki resign som ka hih man in. Ka thil som hn thei khia a hi di o ci in lung buai tak le lauh na a pum dim kom in Annabel, bang thu ahia ciin ka dong hi. Gingtak lou lam daih a gai hi dia a ki muang moh dan hon hilh hi.huiha! maijen, ka lungtang tei a dot hong bang hial hi.jak ut louh lam pang ahih man leh lung buai nang hong ki beh lap ahih man in ka heh lo kha dek jojen hial hi.cimok, bang cidan e? Kon dam doi piak te ne lou na mo ka ci thuk hi. Sex ka neih khom tung ua kipat a ki veng nang a damdoi ka lei sak gige ahih man in.

Aman le, kon ki tengpi di na cih ni akipan a ne khol non lou ka hi hon cih beh lai bang cu a puak jak lou phet kahi mai.hilele amai a heh dan a om ngam lou leh hon muang non lou d ut lou ka hih man in ken le poi lou a hih hial tak lele kiteng di thou e hi na vele ci in ka khem hi. Lung sim a cu ni 2 ni 3 joh cia hon ki pai san di hi na ven poi kei ka cih bol hi.

Ka thil gen te gingta lai ahih man in aki pak mah mah a hon koi belh thinthen hial hi.hoih deuh a ka khamuan joh in good nite ci in room lam tuak juan in ka ki khen ta uhi.

Room ka tung in lupna kaki den napah a lung a buai luat jiak in ka emu thei mah2 kei hi. Annabel in hon thil gen pen ka lung sim a hong om den a, gai bang hi le bang cih d ahi de o ci in ka buai gusim hi. Bang bang hile jing kal ci ngai tuah d ci in atop top in ka emu thei khong hi. Jing kal duty ka kuan kom in pharmacy a ka bang koi a pragnency test na te khat kava lei hi. Amun ka tung tak in Annabel in coffee a don ka gal muh a, akiang a pai in ka thil lei a guk in ka pia a test din ka sol hi. Hu ciin nitak lam ka top di kuan in HR in hon call a clearance la din hon sam hi. Ka top in kei le clearance la diin office a kava pai le gingtak lou pi in annabel le ana om a, ka kiguih hial hi. HR nun clearance paper hn piak tak in Annabel in lamdang sak mel tak in hon en heuhou jejen a bang mah cu a gen sam kei. HR nun ni 2 sung hun nei ka hih dan hon hilh joh in ken le bang mah gen tam lou in ka pot keh pah hi. Min5 le pai nai lou in Annabel a kipat call ka muh pah hi. Alit huai tel mai, A hon gen khum di teng lah ka lungsim a hong ki lang dun dun hial hi. Atop in pick up in helo ka cih patpat le,tunitak dak 10 in e pot khom maksak na mun park a hong pai o ci toh phone koih athuah hi.kei le huci thou thou ahih le thutop gen di kahi mai ci in gum deuh nang in quarter ka la suk non a ka ki hah siang joh in ka valh sa suk vut2 joh in park lam juan in ka pai pah hi. 

Amun ka tung in agal a numei puanaktual a ngou silh khat ka gal mu a, annabel di salou in ka tut khom na lam uh juan in ka pai phei suak hi. Amun ka tung in ka mu kei a ka vial jong le huai puanaktual ngou silh pen ana hi mai mah hi. Akhut a paak ana toi kom hi. Ken le lamdang sa sim ka hih man in ah, Annbel bang hih tum la cia ka dot le aman le kap kom hithit in tunitak a non kiteng pih di ahi,hon ci khia bang cu mang lam a bang hial hi, jal mang hi hen lan khangthei bang ki lou leh cih a ut huai mah mah hi,Annabel mel ka en a, amit a kipan khitui luang khe jung jung kom in amel a kipah na mel himhim om lou le lungkham mangbang mel tak a om ka muh ciang in,kei le ka lungtang in pojou sam lou in ka hehpih tha hong suak thak in thutop gen dia kisa himah leng ka lungsim khek thak in khem lungdam tum in hehnep ka hon som thak hi. Akhut a ka len a ka kiang ua bench awng khat a ka tut pih hi. Abul pat di dan bang thei jok lou hial in lungbuai tak in amah ka en den hi.aman lah hon en le hon en lou un kun kom in a kap hithit mai hi.ken leng atop in,Annabel bang ci dan e tunitak a kiteng di non som phu mok ka cih leh, aman leng,bang jiak a hici tel lomlom hon khem tel na hia? Kon iit kon ngai ci hilou na hiam? Kon ki teng pih di na ci hi lou mo? Na thugen te thu juau ngen ahi mo?non ki molpih mai mai ka hi mo?

Nang kei hon deih lou le hon ngailou a aguk a hon tai mang san tum na hih cia ka thei khiat a kipan ka lungtang ki tamkham in ka pojou mahmah kei hi.ken nang lou ngal kuamah dang toh ka hin khua ka jang khom ut kei . Hehpih tak in na paina lamlam a hon ton pih in anop in ahaksa hi ta leh nang kiang a ka damsung teng ka om ut.ka tai se kei di. Cih tanpha kap kom a hon gen suk ngoihngoi bang jo keile ka kisiamtan non tuan kei hial hi. Hilele khem lungdam teitei tum kahi man in, hilou ahi annabel.hon taisan tum ka hi jenjen kei a nang toh tai khiat tum a vai sai kahi jo hi. Huai jiak in ka thu gen te hon gingtak pih inla jing cia nang toh kou in lam a pai di ehi ka cih hi.kiteng di na cih teitei lele kon nial kei hilele tu lolo jo ahun in le a jil kei a jing ciang jingkal dak 8:00 in ka kikhop na sek a eva kiteng di ka ci hi.hon muang mahmah jo ahi ngei ding a,ka thil gen te gingta lailai ahih man in sot lou nung in kap ahong top a awle jing ciang in eva kiteng dia huai joh cia pai di na cih na lamlam a ka hon jui di hon ci nepnap hi.Ken leng huai teng mai a hun salou in kiteng joh cia ta nei di jah le maban khosak di dan natan pha in ka khem toutou lai hi.sot kuamtak ka khem nung in ka hon khem lungdam thei khongkhong hi. Hon koi belh tinten kom in awl cik in a jan a non thil piak ka test a, result kon hilh diam ci in hon en kom in a nui heuhau hi. Lungsim kimkhat in la thei ut mahmah, leh lam a lah gai khong ahih khak di lau jel, theih ut lou toh thuah jel.lauh na in hon jou jo ahi ngei ding a,ken leng jing ciang in ekiteng joh ciang in non hilh di. Na gai tak hial lela poi lou ahi bang bang in ka lung kim di ka ci ek mok hi.hun sot kuam tak kaki khem nung un pai d vai ka hon som thei khong khong uhi. 

Huai nitak ka roommate teng night shift ngen ahih man in ka room a ka ton suak pih hi.room tung phet ka hih ngeina bang un sex ka nei khom non pah tingteng uhi. Huai nitak jet jo lungsim a nitak top nang ahih toh ci in aam deuh le khelah tak in akhup le thal in sex ka neih khop masak ni mah uh bang jen in ka pang tuan thi the mai uhi. Atop in jo deihkhop mahmah tuak le gim mah2 tuak kahi ngei ding ua ka top thei khong khong uhi.huciin ka emu suk pah uhi. Jingkal dak 5:00 ka khang lou a, ka room mate te dak6:00 a hng pai d ahih man in Annabel ka phong a,a room a pai din ka sol a dak 8:00 a ki tengdi mansa a om din ka sol hi. Amah le pai pah in kei le apai joh phet in ka van teng guang mengmeng in mansa diam in ka om ta hi. Huciin dak 7:30 in hon call non a kenle ka man nai kei deuh a kaman cia kon hilh thak di cih toh phone koih ka thuah hi. Huai joh phet in kei le ka vanteng pokhia in taxi a ka guang a, pai dia ka kisak laitak in hon call non ken le man kahita min.5 hon na ngak lai o ci in koih toh ka thuh a, ka koih joh phet in ka phone ka phel a sim ka lakhia a ka pai hi. Huai ahi mai ka ki hou top na uh. Kei le taxi a tuang in ka lompa khukhual om na lam juan in ka pai vengveng hi. 

Ka lopa inn a ni khat ka nituang a tatkal in train ticket ka la a,ani non in inn lam juan in ka hong pai khe ta hi. Lungsim nop deuh di ka sak le nop deuh tuan lou in ka khongai tha hong khonung suak deidoi mai mahi hi. Huciin innlum tung in jo anop tuam deuh hi. Sot a nop tuan kei hial, lungsim a kap kom hit hit a ka kiang a thu hon gen te khong bilkha a hong ki lang thak dun2 hi.kangai tha bang hong khonung suah maimah hi.Jan le emu thei ngel non lou in kal 2 hiam inn lam a hun ka jat nung in lungtang in pojou non lou in,khovel a sual top khok khelna hikha bang tuk a ki ngai in ka ki siamtan thei non mahmah kei hi.ka lompa samuel ka call a ,thu om dan kakan le theikha lou ahih dan hon gen a, ken le ka executive chef pa ka call le nang pai nung kalkhal khong sem a amah le pai khepah ahi dan hon hilh hi.hih khial kisa le kimohsakna a pum dim in, lungtang tei a dot bang hial in ana hi. Bang ci mihing ka hi a? 

Hici tuk a hon iit hon ngai ka muh lai abang dia ken hemlam tongdam le taksa ut jiak maimai a hici tuak a ana kimol pih ka hi hiam? Ci in kei le kei dotna tampi pet mah ka nei hi.ka kisiik a lei ka siik a, van ka en a asang mahmah. Hun paisa ahih man in bol dik ut lengleng boldik thei non vuallou ka hih man in ka kisiik a thumna ka neih teng in amah a din ngaihdam ka ngen gige. Aman hon ngaidam le ngaihdam lou jo amah kiang cauh a ki nga ahi ta. Hon ngaidam jou diin le ka ki gingta kei.huai jiak in maban a ka tuahtuah mansa a tuak ding in ka ki pum puak mai ta hi. Tuni tan in, dam lai hia?koi gam a om ahia?a gai le gai lou le thei bun lou in a suulnung ka jui mang hithet hi.

THE END 

Ngetna. Hiai tangthu jiak a khat le nih bek in ki bol na a ajat thei khak le cih lamen na jiak a kon gelh ahi a,min aki jang teng aki khek lamdang vek ahi. Zi dia deih lou pi numei siangthou tak va suk botloh sese ngai lou ahi ka ci nop na ahi banah mi maban di nang jiak maimai a va sukbing sak lou tum tei kon nget nop pen ahi.

Non sim suak sak jiak in ka kipak. Na ngaihdan uh comment box a gen theih ahi.

Kakipak

©Siamsinna leh Vakiangbu