KA TANGVAL PA'N NAUNGEK HON THAH PIH

~ Song Sing Son

Veng sung khat a omkhom leh khosa khawm a zing azan a ki mu gige chih mah tak chu. Ka hon ki mutam deuhdeuh ua kimuh na ding hun lemchang bang hong tam deuh deuh a ut in ut kei leng kimuh theih na didi in Pawl khat ah kasem khom kha zo mah uhi.Hun hong paitou zel in ka kipolh tam ziak uhia? Ka thei kei ka nih un kon ki ngaih et tuak kha uhi.

Hun hong pai zel in nikhat tuh lawmten hon khelh bawl uhia kou gel kia mun khat pha ding in hon sawl uhi. Kou gel sese ka nih un ka chi numnum tuak uhi. Ka va paina lam ua ka lawmpa'n hichiin hong chi hi"Kon muh mun ziak hia kon ngai mawk ka chi hong chi mawk hi" nang nong ngai hia? Hon chi mawk hi. Ken le ana ngai lo khin lam ka hih man in ka chi bang ki liing titit in hi ken le aguk a hon na ngai ka hi hilele a numei pen in hon pat tel ka ut kei a ahi. Tuni a pan nang a ding in ka hong kipia chin akhut a ka len phei hi.

Milak a akilang lua a ompah ding lah ka ut chiah kei a lah ka om a nuam mahmah a kipahna ngen in ka dim hi. Aman lah hon care mahmah a hon ngai lo mahmah in ka thei. Huai hun lai in bel "En lah kua mah englou Min lah ei hon eng lou" chih khong hon ngaihtuah sak hi kipak leh lungkim tak in ah Siingdang kua mah eng tuanlo in nihgel anbang itna simthu ka suutkhawm uhi. Nitak chiang in hong hoh zel a aki ngai tuung ka hih man un Nu-le-pa te theih ding bel ka ut lo lawmlawm kei uhi. Hun hong paitou zel a ahun hong sawt deuh lam in bel maingal tak leh aangtang tak in hong om theita hi. 

Ka kingaih uh kum khat bang hong ching ta a huai nitan inleng ka tung ah asiam mahmah a hon duat petmah hi. Ka kingaih ni uh(Hon propose ka dawn ni March 23.2012),ahi a 2013 a march 23 ni in Anniversary lopna din chi in Khi (Nacklace) love sign khat hon pia hi. Ka it mahmah a ka kem hoih pah hi. Kingai tuak ka hih man un kimuan moh ding lam thu himhim leh kikop di lam himhim ka ngaihtuah kha het kei uhi. Amah sun chiang in nasem in a kuan zel a sun khawl chiang in Text Message in ka ki ngaihdan uh laithon ka kikhak tuah zel uhi. Nitak chiah hong hoh zel a ka houlim zel uhi. Amah mi Uu pen ahi a lungsim a piching mahmah hi. Ahuai na tak hidin ka ngaihtuah hi ka ngaihna, keibel nautum ka hi a kingek sak theizel in ka om a Ka ngaihnou kiang a ka om chiang in ka ki ngek sak mahmah hi.

Hun hong pai tou zel a pichin lam ka hon manoh deuhdeuh ta ua kougel kia le zan sawt pipi bang le hon kitut phal ta hi. Nikhat chu ka Tangval pan nidang bang loutak in chikmah a ka hih ngei ule hilo koi a atheih adiam a dak 11 lak vel in kougel kia tu ka hih man un ka ngong ah hon kawi phei a ka muk ah hon tawp ek mawk hi. Zum lotel ka hih man in amel le ka en ngam kei a ka mit bang ka siing kha zozen hi.Anitak nawn in huai dan mah in hon hih zel a mak sa kawm in pau man lo in ka kidoh zel mai hi. Nitak pai dek in innkong ah bangthu thei kha e tulai ka chih leh hon ngai lotel ing a hon chi a anui hiuhiau sim hi. Nilaini nitak ahi a huai nitak in Sex(nupa dan a kipawl),ding in hon ngen ta mai a ka dawng didan ka thei kei a huchih sung in nidang a ahih te hon pan nawn a keile ka kidek zou tuan sam kei a huchin ka kipawl ta uhi. Ngailua ka hih man in hon khen khak ding ka lau ziak in ka phal ta mai hi. Ka sianthou na huai nitak in ka khah suah a poi kasa petmah. Huchi kawm kal ah amah mundang ah nasem a kuan dek ahih ziak in kikhelah chu ka hi di ua hih chu ka hi mai ta uh. Khual ava zinna lam a kipan hon phon zel a hon ngai ahih dan khong hong gen zel hi. Kenleng ngai ka hih dan leh phok khial ngeilo ka hih dan ka hilh zel hi. Kha khat bang zin khia hong tung kal ka ngak lah mahmah a, ka ngai ngoihngoih hi. July kha hin ka thei khualzin hong tun in hong phone a ka ki hou uh hi. Nitak chia hong hoh ding ka hi hong chi a kenle ngak lah tak in ka ngak ta hi. Dak 7 lak vel in hong hoh a ka nute ka pate toh ahou lim nilouh uhi. Ken ahihleh singpi ka lum a ka suah a,huai dawn khin ka houlim zek ua leh dak 9 bang hong ging tou man in ka inkuan te

Naungek ka thah ni anitak in ka mang ah naungek khat ka mu mawk hi. Pasal ahi a nunu hon chichi mawk hi. Bawi hong pai in chia kasap chiang in hong naih phei a lah hong zuan sau ngam kei hi. Ka pi dek chiang in akap a nunu chizel ka mang ah ka mu hi. Huchin ka khanglou ta a ka thilhih uh ahoihlouh dan ka thei a ka kisik mahmah lah leitual kasik kha a bangmah a phatuam kei. Damsung a mangngilh liuh ding thilkhat kisem kha ahih man in ka kingai sia a mahni kithah ut na lungtang bang ka nei zel hi. Hun hong paitou zel a ka iit pen chia ka Virginity kana piak leh kei a ka chih zozen ka tangval pan lah hon ngaihsak khol kei a kei athuak nu chu ka hi peuh mah ta. Ka ngaih ziak leh hon khen khak di kalau ziak a ka na kipolh pih khak sese bang ka ki mohsa a himahleh a phatuam a omnawn ta kei hi. Thukhat ah bel ka kipolh lai un aman le hon ngai thou hi a ka theih ziak in sadan ah bel nuam chih ding ahi mai hi. Himahleh ka gintak louh dan tak in thil hong pai a ka po na lua a aguk in khaujen( khauhual) ka zong ni atam mahmah hi. Tui a tuah lup bang ka sawm zel a, himahleh ka ki awi kei a ka tawp kik zel hi.

Hun te hong paizel in puaksiam a kilungkim sak ding ka chih chiang in le ka kisiamtan thei tuan kei hi. Lunggim imutheilo kakah kah na in ka gawng gawp hi. Ka nu'n nikhat hichin hon dong hi. Bawi bang a na lung kham na hon gen in bangmah kon loh kei ding na haksat na gen in hong chi a kei lah ka zum toh kisuanlah toh ka thuah a ka mai bang san pempom hial le ka dang bang awk hial in pau le ka pau zok thei kei hi. Ka mit a mittui tak khe keuh2 in ka nu kiang ah na tanu ana khial ta ka hi. Na hon lohloh uh hon loh un ka Tangval pa toh ka kigai kha ua naungek Tuisik a om lai ka that uh. Chiin ka nu kia ka gen hi. Ka pau zom lai a nong lohloh uh ka pom siam mai ding Inn apan pot in nong chih ulele ka pawt mai di na hehpih na uh leh na ngaihdam na uh ka tang zoh kei aleh ka chih tak in Ka nu mit apan mittui hong pot a 'bawi' si in mang leteh le kata na hih na abei kei ding Noh le kon noh khe sam kei ding chikmah in nang nohkhia ding in leh nang lang pang in ka pau kei hial ding nang kata nu neihsun ka kinepna uh leh ka suan pen uh nang na hi bawi chiin hon ngawng kawi a ka nih uh ka kikah siak uhi. Huchih laitak in Mehzuak nupi khat hong pai a kong hong kiu den a kou le dawng lou in ka om ua ka kikoi uh kikhah in ka Nun ka la dah phot ding uh mehding kahau lai uh chiin ava kha khia hi. Ka nu hon itna leh hon deihsak na huai ni in ka thei khe pan hi.

Naungek ka thah ni anitak in ka mang ah naungek khat ka mu mawk hi. Pasal ahi a nunu hon chichi mawk hi. Bawi hong pai in chia kasap chiang in hong naih phei a lah hong zuan sau ngam kei hi. Ka pi dek chiang in akap a nunu chizel ka mang ah ka mu hi. Huchin ka khanglou ta a ka thilhih uh ahoihlouh dan ka thei a ka kisik mahmah lah leitual kasik kha a bangmah a phatuam kei. Damsung a mangngilh liuh ding thilkhat kisem kha ahih man in ka kingai sia a mahni kithah ut na lungtang bang ka nei zel hi. Hun hong paitou zel a ka iit pen chia ka Virginity kana piak leh kei a ka chih zozen ka tangval pan lah hon ngaihsak khol kei a kei athuak nu chu ka hi peuh mah ta. Ka ngaih ziak leh hon khen khak di kalau ziak a ka na kipolh pih khak sese bang ka ki mohsa a himahleh a phatuam a omnawn ta kei hi. Thukhat ah bel ka kipolh lai un aman le hon ngai thou hi a ka theih ziak in sadan ah bel nuam chih ding ahi mai hi. Himahleh ka gintak louh dan tak in thil hong pai a ka po na lua a aguk in khaujen( khauhual) ka zong ni atam mahmah hi. Tui a tuah lup bang ka sawm zel a, himahleh ka ki awi kei a ka tawp kik zel hi.

Hun te hong paizel in puaksiam a kilungkim sak ding ka chih chiang in le ka kisiamtan thei tuan kei hi. Lunggim imutheilo kakah kah na in ka gawng gawp hi. Ka nu'n nikhat hichin hon dong hi. Bawi bang a na lung kham na hon gen in bangmah kon loh kei ding na haksat na gen in hong chi a kei lah ka zum toh kisuanlah toh ka thuah a ka mai bang san pempom hial le ka dang bang awk hial in pau le ka pau zok thei kei hi. Ka mit a mittui tak khe keuh2 in ka nu kiang ah na tanu ana khial ta ka hi. Na hon lohloh uh hon loh un ka Tangval pa toh ka kigai kha ua naungek Tuisik a om lai ka that uh. Chiin ka nu kia ka gen hi. Ka pau zom lai a nong lohloh uh ka pom siam mai ding Inn apan pot in nong chih ulele ka pawt mai di na hehpih na uh leh na ngaihdam na uh ka tang zoh kei aleh ka chih tak in Ka nu mit apan mittui hong pot a 'bawi' si in mang leteh le kata na hih na abei kei ding Noh le kon noh khe sam kei ding chikmah in nang nohkhia ding in leh nang lang pang in ka pau kei hial ding nang kata nu neihsun ka kinepna uh leh ka suan pen uh nang na hi bawi chiin hon ngawng kawi a ka nih uh ka kikah siak uhi. Huchih laitak in Mehzuak nupi khat hong pai a kong hong kiu den a kou le dawng lou in ka om ua ka kikoi uh kikhah in ka Nun ka la dah phot ding uh mehding kahau lai uh chiin ava kha khia hi. Ka nu hon itna leh hon deihsak na huai ni in ka thei khe pan hi.

Naungek ka thah nung uh khat 2 vel pai ding in ka Tangval pan Nungak dang hon sai san ahi chih kaza a ka heh mahmah a ka hih theih lah omtuan kei hi. Ngai lo mahmah kahih man in mi kua hiam adin bek ka koih kei himhim hi. Hun hong paitou zel in nungak sai ahih lam hong kilang deuhdeuh a mit a muh theih ding khop in hong kilang ta hi. Nikhat chu a nungak nu toh hong kiton uh ki ging khol lou pi in ka tuak kha mawk hi. Gen di avaang khop mai amah le hithou azum man in Dam maw hon chi ve. Ka laidip ngek hon vut a ka mai bang asan pual2 hial hi. Hon houpih ka dawng kei a kintak in ka paipel hi. Hun hong pai zel a nitak khat chu amah le hong khel pan a kigu ding chiin hong Phone a huai laitak ka sianthou louh laitak ahih man in huaiban ah heutu hih na zahtaklou hon kichih d ka lau ziak in ka ut kei a ka nial ta hi. Aman huai hunlem chang a la in anungak nutoh kholak ah ava pawt khia uhi. Kei pen ahaksa thuak di maimai a nong ki ngaihpih maw chiin ka kap ek a lah phatuam lou. A huchih kawm2 a anungak thak nun hon gaal bawl zomah tangval kituh a kinak hial di lah hilo aguk in ka ki lungsim dou uhi. Anungak nun hon ho petmah a kenle ka ho lou tuankei hi.

Huchia bawng khau(khauhual) ka suut khit in ka pa'n hichi in hong chi Bawi Kua mah khatvei lampam sikkhial lou omlou ahi chiin hong ang pom a hon gen ta chu.. Ka ki ip zou kei a ka kap khe zoih2 ta hi. Tanu neihsun ka hih ziak in hon duat mahmah ua , hon duat khial uh chih ding khop in ka ki ngek sak hi. Himahleh hichituk a Pathian leh mihing inle zozen achih hial ding thil kih huai leh tualthah na tan hih himah leng ka Pa'n hon gen leh hong hilh ka koilak lak hiam hon sukha a ka damsung inleng ka mangngilh non kei ding hi. Hichi tuk a khial leh moh himah leng ittak leh duat tak a hon pom in saupi hon musak a, huai ban ah ka pa'n bang chituk in khial leng le kisik a amah i belh leh hon ngaidam ding a mansa amah ahi. Chi'n hin gen in ka lungtang hong khek hithet a kapa kiang ah kipahthu kagen hi.

Nidang in Biakna leh kipolh khawm na te khong a tel le nuam sa lou in ka om a aziak chu mu kua hiam te a pan demna leh gensiat na khong ka zak ziak in ka zum a milak le ka ut lawm2 kei hi. Himah leh ka pa hon thugen in ka lungsim hon zou mahmah a kei bang tuk a mikhial te le ngaidam zou om ahih leh amah ka bel ding chiin Date 4.Sept. In Pathian kiang ah kipiak khiatna leh Jesu kris Hondampa in kasang ta hi.

Tunin hiai Tangthu tungtawn in kua hiam huchi bang haksatna ana tuak kha leh hiai thang a awk a haksa thuak i om khak leh chik mah a hon taisan lou hon nuse lou leh amah i taihsat hun aleng hon len gige Hondampa Jesu Khrist in hon ngaidam ding leh hon panpih ding a mansa gige ahi chih kon tak lang nuam hi. Simtute tengteng Pathian in hon vual zawl hen. 

Beita#####

©Siamsinna leh Vakiangbu