THEISIAM IN LAN HON NGAIDAM VE MO

~ Th.SuanKham.

Hon suangtu ka Nu-leh-Pan Kum Sawmsagih valbang a hon dampihta uhi. Ahihhang in ka Pa ka inn sung ua a ki tawmlam khatvei leng kathei khanaikei hi. Tua kia hilou in ka Nu a vuaklam leng ka theikha himhim kei a Nupa kivua chih khong ka theihkhak chiang in lamdang bang kasa hial hi. Ka Nun ka Pa a zahtak mahmah mai a adeihlouh dan a om khakding lau in banghiam ahih ding peuhmah a dong pahpah a ka Pa deihlouh dan in a gamta mokmok kei hi. Ka Nu ziak a ka Pa a hehlam kathei vang mahmah hi tuabanah ka Pan leng ka Nu a zahtak mahmah mai a banghiam a awilouhdan a ka Nu a om khak chiang in leng kamdamtak in hoihlou a sakdan a genpih zel a ka Nunleng kisuanglah takmai in ngaihdam a ngen pahzel hi. Ka khotheih nung ka Nu-leh-Pa kina a akisel zawtzawt lam uh ka theikhakei chileng genkhial ding in ka ki gingta hetkei. Nupa ki it leh ki tuak mahmah ahi ua,kou a Taten leng a nih un zahtak mahmah hi in ka ki thei.

Ka Pa lamdang ka sakna mahmah hongen laileng a hon awi louh na banghiam a om chiang in hon vuakthawh lou in hoihtak in a hon thuhilh thoh ngatngat a ka hoihlouh nate uh gensang in banghiam ka hih hoihna uh leh ahon kipahpihna thute gen akilawp zaw gige a tha honpethei mahmah hi in kathei. Kinak kiselna himhim om lou a ka khosak lai un ka Nu-leh-Pan tumel muhdingkal ngaklah uh zaw a hi ngei ding a ka U kiang ah kawppih neih ding a gengenta mai uhi. Ka Un kawppih hon nei a chikmaha kou unau kawppih nei om ngeilou chih mahtak ki paklua chu kahi ngei ding ua a kiten nii zan ubang ka zanhak kha zawzen uhi. Hong zanhahpih kha ka U lawmte khat in (zing lamdak 2 lakvel hi in kathei) banghih a kizanhak aleh a honchi mok a kouleng khanglou ve tutantan a i zanhahna ziak uh mo natheih louh va dawn gu manget nahi di mo na ki dawn luplouh nak hamphat huai e mo chia ka nuih zaizai uh leh kataktak ei ngal a honchi lailai a nuikawma kihaisak leng a hunchiang om moulawm a zanhak ive uale a mangpau hidi eikha tui houh buak zek di uh ka chih sauhsauh uleh hehehe tu lailai a moulawm va chih kuaman tulai a mou a lawp nawnlouhpi min Bawm khong eive thupi taktaka ah lawp uh chin hong nui liahliah a agen theisiamlou/ man banlou chu kahi ding ua amah en in nuihin ka nuihsan maimah uhi. 

Hun leh kumte hong beizel ahihman in ka Nu-leh-Pan muhkal a ngak lah mahmah uh Tunu leh Tupate mel a hon muta ua dawna kep ut mahmah hi mahle uh tulaidan khangthakte dan tawh ki tuaklou mah ahi diam ah akhoih khak ding uh natanpha leng phal in hong omkei maimah hi. Tu khong neih a dawnkal ngaklah luazaw hiinga achi vengveng maimah uhi. Ka inn sung paidan uh chu kikhek vek chih theih a hong hita mai hi. Ka Upa ahih leh Govt. H/S Headmasterte laka ah diktat pawltak zaw ahi ngeidia asep khakna munmuna ahuntamzaw zang a akallak khonga inn a sawtlou khong om lel ahih man in kaki hou khak sunsun chiangun sum- leh-pai nazang heklua uh nuamtak a ka lawhkhiaksa sa uh mo sum muhna ding nouleng nana zawng ngal kei di ua nazawn peihkei uleh a zatleng a na zatpih nawndah mai un. Ka zii bang ana lawh uh e nou deih keile uchin leng ken deiha kaneih ahi nou a hilou a kei a ahi chih khong a tam mahmahta mai hi. Ka Nu-leh-Pa lah mitai a mi chizialzial a mitoh kina a kisel ekek dingdan hi mahmah lou kei lah ka ann neksung leh ka ihmut sung teng kia inn a om ka Nau lah mundang a School kai a om ahihman in lamdang ka sathei mahmah mai hi.

Nikhat ka Pan i maban ding uh zaw a lungkham huai telmai a hon chikhe mok a lamdang salua in Pa bang ziak in eita bangthu om a ka chih leh sum-leh-pai kakep tengteng a beita Ann tang selkhat selnih leina manding leng a om nawnkei a honchi a pa ka Un sum honkhak man nalou di khaleng thakta hiven. Ka chih leh Na U lawh khiaksa ka muhlouhna Kum Nih valta ahi a honchi a. Bangchi dan e ka Un a lawh hon pengei nawnlou mo chia aban ka gendek leh kin a kin in hon pautuh a, hi na Nanau School kaiman leh a tunga sending om tengteng sengvek a zi lehta khong neita hiven a hon piakding tawh kidaih sazou nawnlou hita mailou ding hia chi in lungkim chi loutak mai in a hon dinkhiaksan a ka Pa lung kimlouh mel muhzaw khovel a nuamlou kasak penpente laka khat ahihman in bang louteng ka ngaihtuah vungvungta mai hi. ka U tawh ka kihou chiang ua athil gente tawh ka Pa gente ki khai lo mahmah ahihman in hiai thu in ka lungsimteng a luah a, ann leng a limna omlou hi leh kilawm in kathei zouhial hi a ziak ahih leh ka Pa mi pautam hetlou a lungkim louhna hi in a lungkimna hita leh gen mokmok lou khat ahih man in a gen khiak hial chiang a chu pawna petmah a damsung mangngilh a lung kimthei lou dingkhop hita ahih man in ka U tawh ka Pa kalthu thei utna in ka buaipanta mai hi. Ka ngaih tuahtuah a Pan a Tate itna ziak a tha leh zung it lou a ahinna tanpha phal a atate a ding a hinkhua a zatlai a ataten a pa itna theisiamlou a bang ziak a lunggimsak ahi di ua aw? Sing gahleng a gahna a kipan i lawh khiak chiang a sawtlou nung a vuaipah a nektak nonlou pah a hihdan i theihsa hia huaite tungtawn bek a zillai i lak di zaw hia mo U "THEISIAM VE MO" i Pa mi a ding a bang mahlou hi leh leng ei a ding a i KUNGPI ei honsuangtu i leitung Pathian eive. Singkung bangchiteng in a gahhoih in thupi leh leng a suangtu a kungpi chidamlou ahih aleh a Gahphat semsem leh a pukna ding nai semsem ahi. Ka om mun ah ka chi numnum maimah hi aphat tuamna ding tuan omlou hi mah leh....

Hun leh kumte hong beizel in ka Un leng Inn in a pansan sem theita a ka kipak gusim mahmah hi, nitha zakhat lawh a innkuan piching khat ka vak pen a hondawn ding omta hi. Himahleh ka Un a semlou in chu nek leng a neknek louh ding ahi chih thupi in hon nei mawka a semzou nawnlou ka Nu-leh-Pa chu a thuak tu a hong hi pah zel mai uhi. Nitak khat ka Nu hitang lua ahihman in khuh chihtak in hong khuh mok a ka Pa tawh vawtsa lua houh ahih khak leh chi a buaia ka buaipih lai un Ka Unun na khuh uh leh leng na awl khuh deuh kei di ua midang sukbuai sese ding leng hi loupi min na damlouh lam atheih khaklouh ding laumah na bang sek ua na damlouh chiang un leng hon chi motmot mok a lamdang kasa lo petmah hi. Ken i Nu-leh-Pa a damlouh hun ua leng it tak a kemding konsak leh ka chih pat leh ka Pan a zaklouh ding un paupau ngailou ahi chin hon khou a ka daithak mai hi ka pan hon khoulou hi ngeingei leh ki nakpih zekdi ka chih hia... 

Ni bangzah hiam nung tanpha a leng ka Nu damthei tuanlou a hong om tak in ka U kiang a i Nu Doctor ensak le hilou mo ka chih leh sum neilou chihteng a hon dawng in a hon pawtsan a, i pian na Nu hilhial kep nang mo kha khat a Singnih val lawh in na neih louh? I Nu-leh-Pa'n zaw a neih sunsun ua ei hon na kem uh hia mo a neih louh hun ua leng i deih a i lung gulhte i neih theih na ding ahih nakleh chi a hon zonsak uh zaw hiven mo chiin ka Nu ki etsak na manding zong ding in ka pawtkhia hi. Sum muhna hoihtak ka Un a neih ziak mah leng chu ahi ngei dia mi tampiten sum batlak ding zawn mahmah haksa a chih lai un bangzah a na deih kei a hong la ou nou a ding na nana chu chih mi bang zah hiam a kipan ka zapah hi, a deihlou leh a poimoh lou hi kei mahleng ka la nuam kei hi a ziak ahih leh ka piakkik/ditkik hun chiang a ka lakzah sanga tamzaw pekik lou a ka lakzah mah pekik di dan a ka gen chiang a ah utlou ngen a hih ziak un. Khristian diktak BIBLE thuthei lel hi lou a Bible thuzuite ngal, a chipih leh sapih a unaute lak a sumpung hawm lou hong batlak sakthei ding ka zongzong mai hi a pung omlou a muzou mahmah lou di kahi dia aw Khristian gam khat hi ngal a chi in lung ketak mai in ka om hi. Tagah meithai leh beidongte'n sum leh pai a zon hun chiang ua kimu zou mahmah lou a mihin pih itna nei taktak leng i gama kua mah om nawn kei ana chihchih uh zaw dik mahmah eive a mah a ding a pun nang a om kei nak leh kua mah panpih ngamlou mahni a ding kia a hing tawh ki bang zaw kitam mahmah ahi chih ka mukhe thakthak hi. A pung om leh leng la thak maidi ka hi dia aw ka Nun hichia natna a thuakthuak sang in chi kawm a inn lam zuan a ka pailai in ka vengte uh nupi khat tawh ka tawnkha ua ka hohna khong uh ki kan tuah a bang tanhiam ka houlim nung un sum zong va chih zenzen bang hih sawm e mundang khong a zinsawm houh na hihia leh honchi a zinsawm zenzen lou e ka Nu damchiah lou inchin va etsak ka ut a hive aw ka chih leh na Un sum neilou a mo hon chi a ka neikei chi hive neilou hi mailou ding hia ka chih leh lamdang sak chitak in hon en tuantuan a na Un mo na Nu ki etsakna ding hilhial sum a neih louh Nu-leh-Pa itna zaw om nawnlou petmah eita ve mo.. Nu-leh-Pate khong in hon dampih lai khong a nawpdan leh a manphat dan maimai lou ahi Nu-leh-Pa ding sum leh pai a leitheih hi leh a nei nawnloute a lei nuamlou om ding in ka gingta kei a om nawnlouh nung chiang ua a manphat na uh kithei pan inchin kisik huai lo petmah ahi a chi vungvung hial hi. 

A inn gei uh ka tun tak un sum mu zoulou a kik na hih leh na inn uh tung lechin leng na Nu va ensak thei tuanlou di hi chin a kei ka taten hon khak uh Sangthum (3000) hiam neilai ka bang e. Avek in hon pe leng lah kei buai di ing a Sangnih (2000) houh hon khel maidi na diam mo mundang a lak nang thei tuanlou na hih leh chih tawh piak hon thuah a denchia hon pethei pah keileng nang na buai lo diam mo zontheih nana khong kon zong lai maidiam ka chih leh buai zenzen lou e Pathian in a hunhun a hon pe na ding ahi mundang khong ah la lechin a pung a na piak kik ngai di ka chi a leng hi deuh ve aw kisuan lah nang om lou ahi la inlan va zang aw pawilou lua ahi hon chi a ken leng ki pahhuai e a zong na ding dang leng thei nawnlou a inn a pai dia kisa mah ka hi ka chih leh kon gintak simhim ahi ei leng pasal tawh koplou ihi ziak mah leng a hidiam a hichi dan a na kituak munlo ta inchin min leng en haksa isak bang a sasam ding hi ua i chih chiang a i neih liai leh ki penuam pah ahi, inn lam a ten hon na ngak lah kha ding uh paitou inlan damna in hon nei un aw honchia, awle ka kipak lopet mah chiin inn lam ka delh pah a inn ka tun phet in ka Nu Doctor kiang ka naih pihpah vengveng hi. Tulai dan a Damlou a gimdeuhte leh a upa deuhte et masak chih om nailou ahihman in gimsim mah leh katung a ki ngaisak in ka ngak pih chenchen mai hi ngak khop lo mahmahta a paimai di ahi dia aw ka chih laitak in ka gei a ten Doctor pa hong paita singpi dawn a vapot hon chi ua mi a hoih etluat ziak a zekai kasak leh singpi ava dawn ziak a na hi mai mah. Doctorte leng Bank a nasemte mah a bangta ua min ngak netnawt a leng.... ka chi leh ka nun khemkhem hon chi a bangmah gen nawnlou in ka dai dide ta mai hi. Doctor in a hon et tak in na Nu a kosik sanglo mahmah bangtan hiam bek damdawi inn a na om uh ngai ding ahi chin ka om na d

Ka Nu tawh kei kia ki ensak a hoh ka hih man un ka buaisim mahmah mai hi. Ka U kiang ah phone tungtawn in inu kava etsak leh honna Admit mok ua ka vanding uh na hon pe zual mai diam a mah kia va nutsiat hial ding leng hilou deuh mah a bang a ka chih leh pe man lou di tua leng buai a buai kahi na ki saitheih dandan un ana kisai mai uau office ah ka om lai chiin a hon off khum hi. Ka heh luat ziak a sau ngaihtuah lua chu ka hi ngei dia ka mittui bang a hong pawtdek hial hi. Van bangmah keng lou ka hih man un ka Nun na U phone inlan ka puansilh ding bek a kin lam in hong peleh hoih di hi ve aw vot ka sasim hi, huai chiah bang mah silh neilou a va hichi lup mok nuam loulua ahi a hon chi zo mah hi. Kenle awle kon phone di aw Nu chin ka kileh heisan a ka lung sim in nangzo muang lua hichin a mo Nu na muan bang hi leh kei leng ka ut ngei na itna theisiam hen lan hon it thuk sam leh zaw mo ka chi vungvung mai hi. Bangteng hi leh ka Unu phon a Ka van ding uh a kin thei lam in hon pia in chih mai di hi chi a bang zah vei hiam ka call leh hon pickup sakkei zomah a ka Nu kiang a Nu ki houpih theilou uh bang i chih dia aw mo na damdawi ding lah den zek chiang a lei dia hon sawl ngeingei di ua nang tua votsa lua mo ka chih leh hi na nau bek om leh zaw..... a hon chi hithit a gending pen leng theilou in ka om hei huai mai hi. Hon panpih thei zual ding ka meltheih a om kha zenzen dia aw chin ka kim leh kiang a damlou veh a hongte leh a kemtute khong en in ka dakdak mai hi ahih hang in ka meltheih kua mah ka mu kei a bang chih di ahi mahmah dia aw chi a ka kun ngetngut laitak in Nursete hong pai ua hiai teng tua na valei ngai di honchi petmah ua ken leng awle chih toh kuan ngal ka sawm leh bangchi dan e nou singtang a hong kipan mo na Nun vawtsa gawp lou di tutantan puan na silhsak louh a chiteng vawtgop hita lou mo hon chi ua singtang a hong kipan zenzen lou e ki ensa ding a ka hong uh leh Doctor in hon Admit mok inchin van bang mah lah hon keng khalou ung a innlam a kipan lah honpe thei ding om lou inchin damdawi ka lei zawh chiang a ka Nu hichia taisan a kava lak mai ngai di ka chih leh aw va kin deuh awleh Na Nu puan in kituam lum pah leh a dan om di ahi hon chi ua ken leng awle Nu na damdawi ding kava leizual di aw chin kintak in ka pawt khiak san hi. Ka tun kik in Nungak khat in ka Nu Blanket silhsak in tuilum khong ana dawnsak mok a chik mah a ka theih ngei hilou a hihman in ka Room loupi ua lutkha houh ka hi hia leh chi a dak heihuai in ka mit khong bang ka nuai thakthak hial hi. 

Lamdang sakna leh kipahna a dim ka hih man in ka gen masak dingbang thei lou in Nu..ih...ih...ih... hong tungta keive bang ka chi kha mok hi. Bangtan hiam gending leng thei loua ka hih ding pen leng thei lou a ka dek khong khuat mulmul a ka nuih veivuai lai in U nang Nu mo hiai hon chi a hi ka Nu ahi ka chih leh votsa lua in chin ka puan uh kana silhsak mai ahi ka etet chiang a hehpih lua ing a honchi hi. Aw kipah huai lotel nang nonna itpih a ka kipak lo petmah chi a Chibai ding a ka khut khak phei kawm in nang kua om pih e koilak a na omna uh ka chih leh ka pa om pih hi veng aw hiai a kipat lupna isim phei leh a 4(li) na ahi kon na etet leh buai chi lua chin ua lah honthei ngeilou ka hih chia hong paiphei ngam pahlou ing a kong lam khong a va pawt khia ing a ka lut nawn tak a ka dakphei leh na Nu chauh bang mah silhlou a votsak chitak mai a analum inchin en zou nawnlou inga ka puan silh lai uh kana silhsak mai ahi hon chi a, ken leng inn lam a kipan van honpe ding om lou a buai tak a om mah ka hih dan khong uh gen in ka van ding uh ka va lak louh theihlouh di hia kisuang lah sim pipi a ka chih pat leh ken a na en kawp thei thou di kahi ann na nek kawm in va lave honchi a ki pak lua ka hih man in Nu i van ding ka va la zok di aw chin a hon dawnkik na leng za man nawn lou in ka tai khe pah vengveng mai hi. 

Lampi a ka pai lai in ka ngaih tuahna a gentheihna leh haksat na ana tuak khate mah in zaw mi gentheihna leh haksat nate theisiam a pan leng panpih thei mah uh ahihdan khong lut in hong lut mok a Pathian in genthei leh tasamte ka panpih theihna dia hiaite hon tuaksak ahi dia aw ka chi hial hi. sum ka zawn lai a Lakkhat Laknih ahih keileh singkhat singnih neiten a pungding ahih kei nakleh neilou ua Meithai kuaman bang mah a leng a simlou khat in Sangthum a neih na lak a Sangnih a pung leng om lou dia hon batlak sak chih khong ka ngaih tuah kik chiang in lamdang bang kasa petmah a Jesun mi hausa Pathian gam alut sang in Sangongsau phim bilvanga alut paisuak a baihlam zaw ana chih hiai khong ziak mah leng ahi dia aw chih bang ka ngaihtuah khe hial hi. Inn katun ding kuan in ka haina bang zah hiam ka phok khia a Doctor pa kiang a inn ah kava kisa ding ua kong lutthak mai ding uh chileng leng hithei kha ding hia huai chiah ka Nu hichia ka taihsan sang a ka inn geite uhiam ka lawmte hiam kiang a phone tungtawn a ka van ding uh hongpia mai un chi leng le zo kuaman hon nial hial lou di hia aw ka chi thak phing hi. Buailua a bangmah leng sautak ngaihtuah zoulou chu kahi peuhmah a ka theih khiak leh lah inn tung tawh ki bang ka nahi maimahta hi . Inn ka tun phet in ka van ding uh kintak in kasa pah vitvit a ka Pa kiang ah ka Ute koi a hoh uh a kachih leh hong tung phet a sungte innlam a ann ne di chi a kuan uh hi ve aw Gas lah tawhthei lou ing a ann leng ana huan theilou kahi hon chi a kei hichi tuk a buai ing a nang nek ding bek leng mo a hon huansak louh tel uh a mau a nek nak uleh lungkim ahi ding uh mo Doctor in hon Admit lam leng mo hon hilh louh uh? Hichitel ding in leng ka gingta kei ahun chiang a theikei lo mahmah uh kisa aw damdawi inn lam ah om vekni chin a van ding khong guang mengmeng in damdawi inn lam ka zawt pih hi.....

Kisa aw damdawi inn lam ah om vekni chin a van ding khong guang mengmeng in damdawi inn lam ka zawt pih hi.....

Heh lo mahmah ka hihman in ka khasiat tha lamlam bang hong suak hial a bangtan hiam ka pai nung natan pha un leng ka pauthei kei a pau sese lou in ka pai bilbil mai uh hi. Min a Nu-leh-Pa thulim lou taktak leng it tak a kem ua bang ziak a ka Uten it theilou ahi mahmah di ua aw a Tate uh a it bang ua ka Nu-leh-Pan leng a mau it sam ding zaw hi uh hia ka chih chiang in na kasa petmah hi. Ka Nu-leh-Pan Gas a ann a huan theih louh ziak ua bang zahvei hiam tak ann ngawl khata ahihman un tutung chu ki nak zak a pawi moh leh leng ki nakzak pih di chih ka ngaih dan ahita mai hi. Lungtang sa vitvit kom a pai ka hihman in ka Pa hat nawnlou ahih lam leng phok phalou in ka taisan kha dek nak a khat veivei bang ka nung a hon delh diaidiai kha man nak hi. Lam kim lakvel ding khong ka tun un Ka Pan ka gimlo mahmah ka pai zou nawn kei i khol zual mai diam hon chi a awle chi kawm a ka et leh kho-ul in a pum dim a a chiang khun leng lenkip zou nawnlou hi leh ki lawm in a khut khong a ling deldel mai mah hi.

Gimlo pet mah chu a hi ngei dia a om mun a kintak a tu zok in a hong nak hithit a katui puak lakhe zok in ka pia hi tamlou a dawn zoh in tuikhong dawndawn leng le lah ka dangtakna sukha mahmah lou hitel a mo hon chi khe hithit tamai chu ka dawn na ding ka theihlouh kia hilou in ka etna ding leng ka thei kei a ka ki leh heisan mai mah hi. Kapan kou zaw ka hon itna ziak ua ka duh pipi uh leng ne ngamlou a hon pe zel ung a ka utdan teng ua leng om theilou zaw hi ung a lam chu lamdang deuh mahmah nei ve ua Nu-leh-Pa na neih lai uh na hamphat lai uh ahih dan lah thei bandek mahmah lou chin ua ka om nawnlouh hun chiang ua na maban ding uh zaw lung kham huai sa lokhin kahi chin a hong dai vengveng a ka et leh amittui a na pak neunau a ka pa lungkhamna mittui ka khatvei muhna ahi man in haksa kasa pet mah hi. Damdawi in katun tak un ka Nu gei a pau selou in a vatu pah a ka Nu lu awl in a zutsak thiamthiam a ka Nu-leh-Pa ki itna bangbang miteng in itna nei hi leh ka chi hial hi. Ka ann nek ding khong uh leh bangbang hiam ka buaipih sung in nitak dak 7:00 pm lambang hon ging maimah hi. Ka Ute leng inn paita ahi ngei ding ua ka phone a hon gingging tamai a, ka kivel ka inn uh kalh a chabi pua kahi maimah hi. Ka Pa kiang a na lupnop hunhun in ka Nu kiang ah ana lum in aw chiin kong lam a om ding in ka pawtkhiak san hi sawtlou valandah a ka om nung in ka Pa leng a hong pawt a na Nu damlouh lam na Nau na hilhta hia hon chi a ana hilh kha nai hetlou hi veng aw zing khong in i hilh mai uh aw nitak in zaw i ngaih tuahna khong leng a hoih lou lam in a pai nuam a ka chih leh aw pawi lou na Ute leng inn hong theilou ua hong tung suk hi ve uh aw hon chi a, hongthei le uh hong kei unte chahbi leng pe dek kei ning a giah nang uh a theih kei uleh a sungte inn ah vagiak uh heh ka chih mawtmawt leh ka Pan iheh hun in heh le hang le i pausese kei leh awlawl a hong veng ahi huai chia Bang hiam haksatna hi in kipahna hita leh na tungtang thu gen ngai in om leh na U khel a midang in na tungtang thugen ngamlou di ahi, lungkim louhna tawp nei le chin leng na pau sese louh ding ahi. Mi dang tawh ki siat sang a unau kisiat pawi zaw thamtham ahi hon chi a ka ngaih dan hi kei mahleh ka Pa thugen selngam lou ka hih man in ki lung kimsak mai ka tum hi. Himahleh kasa leh ka guh bang zah hiam in a tuam khum ka lungtang lungkim thei mahmah lou a ahongsuak thouthou om hi.

 Meima khong leng a sung lam damloupi a apawdam chiang a lauhuai ahihdan bel ka haih kei hi. Inn sung a lutding a ka ki hei phei leh ka U hong pai geih a chahbi bang ding a nana puak uh eita hiai lam a azat nang om hia? Inn sung lutthei lou a hon koih chih himhim tuni tan a kasep suahsa ngen hi lou mo na nek uh? Bang mah genlou a ka daih dide leh hon nawp nehsim neive ua leh mo? khong hon chi mawtmawt a dawng ding a kaki sak leh ka Pan a muhlouh in hon phu geih a hon awilou eive chin dawng nuam a sa vitvit hi na zenpi ka tawpkik tamai chu haksa mahmah thou dan eive. Ka Pan hi chih lulu ding leng hi loupi i ki awi louh na khong a om leh leng kamdam a gen i sawm ding ahi chahbi zaw a ki buai vengvung tawh kinlua ung a ana pawkha mah ka hi uh na Nu a mahkia hiai lam a ki nusia a hih leh bang mah leng ki ngaihtuah kha thei nawnlou a kipum nohzak leng ka hi ua hive aw a chih leh leng lung kimthei tuan mahmah lou chu a hi ngei dia Na buai mah kei di ua utdandan a vai hom hi ve uchin sum leh pai cheng khat leng senglou himhim di ka hi. Sum a om hia i Nu etsak ngai hive aw kichih deidai khong ka zak thei lam hi deklou ahi Ki etsak a pawimoh uleh pawimoh louh uh kuamah hilh sese ngailou a theilua ka hi ki hi chi nauzo bawl a ki haibawl ding hi loupi, ka van ding uh honpia ou Damdawi in a ka om uh chi a ki phone chih khong man hileng leng hong pedia hong gingta himhim na hi ding uam a kei na suak uh ka hih louhpi U na hon chih ngal leh zahtak na neuchik bek nawn nei ngal kei dia tua dan a nawnbawl touh zel uleh utlou tantan tun baih lam mahmah inteh khong hon chi lailai a Na ngong(Bilngong) leh khophok lou batmai a haksa sim mahmah mai hi. Ka Pan awling pilhpilh leh lungkim louh chitak mai in Liana na hong pichin kal uh ka ngak lahlah maizen tawh mo na neulai hun khong mah uh a na ngaih huai zaw dan eive mo hon chi hithit mai a zalou a omthei hi mahmah leng ka chi vungvung hial hi.

 Ka lungtang lah mei a hal bang mai a sa vitvit a hihman in ka dawhzoh na teng beiding a hong bang a kintak in ka Nu kiang lam ka zotsan mai hi. Ka Unu leh inn lam ka phak kal tanpha a ka Nu itna tawh hon keppih tu Siami ka Nu gei ah anatu ua ka Unu'n koi a va hoh e? i U toh naki mu uh hia? Ann na nepah diam khing chu khing simta maithei honna chi pah a nemtak a dawngkik dia hoih hina zenpi Kong ah, Hi, Duhlou, chiteng in ka dawng tan gaga kha mok a ka Nun lamdang hon salua chu ahi ngei dia hehchi tuak na mahmah chia leh bang thu om a honna chipah a bang mahthu om kei. Ute kiang a om chi a ki ngeksak chih dan khong maimai ivoi Nu chi a nuih ka sawm leh ka nuithei kei sim mok a bang peuh a zaw ki limbawl ana haksa mahzaw eive chih ka phok khethak hial hi. Siami in kuapeuh zaw Ute kiang a i om chiang a ki ngeksak ki utnak hi mah ve aw kei bang le ka U ka muhnak leh ka aw akhauh loupi leng khauh sak chih dan khong kihi in mo chin hon na gen lempih thei mok a hiai mi Nu chu tulai mite lak a ding in..... ka chi hial hi.

Ka Unu'n den chia i Un kin leh buang a pai honsawm hehu zel di ahi ann ne zok ou hon chi a ann nekhin ka hih lam uh honthei le uh huai lam ah anala nave uh chih khong ni dang chiang a om ngeingei di ahi. Huaiziak in duhlou pipi a ka Nun a nek mah bang a ken leng ka maban ding uh khualna a ka nek ngai ding a bang maimah hi. Ka duhtha suak mahmah lou hive aw ka chih leh Siami in Damdawi inn i lutpatni khong a ki hichi mah ahi a gimnam tuamtuam bang tam inchin ken leng ne nailou kahi khatkia a nek chih leng a noplouh tawh kei a kon ladia inn kong lam a houh va nele ahi diam mo hon chi a ken leng pawilou eive vala ve leh vane ni ka chipah hi. Ka pawtdek un eh ka mangngilh kha dek chin ka chahbi kuah ka Unu pe geih in ka pawtsan hi. Siami in ka inn kuan sungthu uh bangtan hiam theihna nei hi ngeingei ding in ka gingta a ka Nun bangteng anagen ahi dia aw, ahih kei leh koi a atheih ahi dia aw ka chi hial hi ann ka nektak un Siam ka Nun tuni a bangthu khong hon genpih a ka chih mokleh bang mah genlou eive bang ziak in e chin lamdang sakchi takmai in hon en tuantuan a, bangziak chih leng hituan kei genpih khong hon neih khak leh ka chi man hi ka chi hi. Aman Inn kuan ki tuaklou i chih khong theihhak loupi mi lak a kituak bang leuh leng a om dan uleh a ki houdan khong ua leng theihtheih mai a ka chin a nui heuhau a lamdang sasim a ka om lai in ka chih maimai ahi na taksang kha de Naupang neuchik ka hih lai a ka Nun hon om louhsan in chin ka Pan a ki ngaih siat ziak a zu khong hon dawn zawkmah leh haksatna tampi a na tuak kha kahi, khat veivei bang ann nek ding leng neilou khong a ka om hun bang uh leng om inchin ka Pa lah a zukham siat chihtak a se zawmah a lungkim louh chiang a inn a leng giak theilou khong a hon koih hun bang om ahi. Huai hun chiang a kua mah hon hehpih a hon panpih tu ding leng neilou a tamvei tak ana om khata ing a huai ziak a mi om dan leh ki houdan khong a kipan a ahinkhua uh chih di hia a inn kuan uh om ding dan khong a tangpi ana theithei ka hi kua man bangmah hon hilh kei le uh leng ahonci hi.

Huai chia ka Pa thulimlou lo mahmah a hih chiang a kuamah ka tanau ding uh leng omlouh ban ah apianpihte na tanpha in leng itna mit a leng en zou nawnlou unchin mi itna himhim tang khalou tawh kibang a tu nitan hinkhua ana zang kha ka hi. Tua ziak a bang hiam haksatna a tuak kha khong ka muh chiang a panpihlou a om ding hi sathei mahmah lou ing a va buaipih pahpah kha nak ka hi kei bangbang a pan pihtu ding neilou a mi a om khak ding uh lau lua ka hi haksa lo mahmah in chin. Nu-leh-Pa thulim louhna a tate'n naktak a ki thuak inchin Tate thulim louhna leng Nu-leh-Pan naktak a thuak ding uh gingta ka hi, tuakia hilou a Tate lametna leh ki ngakna lianpen Nu-leh-Pa hi in chin huai mahbang a Nu-leh-Pa lametna leh ki ngakna lianpen leng a Tate uh kihi ding ahi hon chi a dik kasa mahmah hi. Haksatna leh gentheihna ana tuak khate mah in zaw mi haksatna te theisiam apan leng panpih thei nahi uh tuni bang leng nang om kei lechin tamveipi buaise gawp ding ka hi uh ka kipak lo petmah na hon panpihna thupi kasa ka chih leh kei a dia ki pahhuai zaw ei ngal mi panpih thei a ka om mi panpih a om sang a mipanpihtu hih telding hileh leng tel ut huai zaw ei ngal mipan pihtu a pan i chih khong manpha lua inchin i deihsak mahmah louh ngal kiang a a manphat na leng mok gen ngam huailou ahi chin ki pahmel takmai in a nui heuhau hi. Pau kawmkawm ka hihman un sawt ne lua chu ka hi ngei ding ua ka Un sawt nena mahmah uchia akuang teng le ne mo hon na chi man zel a. Nang an kuang ne ngei mo ka ut tantan uh ka ne kei di ua chih suk mai di adia aw ka chih leh ki awi lou deuh chu ka hi dia, ne hial lou e a kuang chu ne leng i nezou di hia sawtlo kha eimah ve chiteng in ka dawng thei zenzen vang lak hi. Ka kiang ua om Nupi khat in lamdang salua chu a hi ngei dia a mau zak mah in ka Pa kiang a hiaite na kuate uh e chin a dong hial hi. ka Pan leng ka Unu kok in hiai pen ka mou nu hia mo huai pen a pasal hon chi mok a lamdang bang kasa hial hi. Ka Unu hi in ka Upa hita leh mi kiang khonga agen chiang a amin ua leng gen ngamlou a ka TaNu ahih kei leh ka TaPa chi a chik mah a ka mounu uh chikha ngei nailou himhim ahi ziak in. 

Ka Ute painung sawlou in Siami kintak in hong paiphei a nak hekhek kom in U kaPa kaPa chin a ban leng gen zawmthei lou in hong om mok a bang chi a chi kom a kintak a ka delh phei leh Nursete khat bang ka phupuk kha dek zozen hi. Nurseten hutkhiat sawm in hun bangtan hiam pan laktheih dan chiteng a ahon lak nung un mihing hihtheihna in a zou nawnkei a Sou zaw neu chikchik a om lai a hon chi maimah uhi ahih ding dan dang om nawnlou ahih man in Siami in a Pa it taka a ngong a kawi in Pa ka manglam hi henlan khanglou maileng ka utngei Pa ei kon itlua nang leng khatvei bek kon itlua hon chi bek ve mo Pa..... hon paisan mahmah ken aw chiina hong kap keuhkeuh a ka pasalna suang sim mahleng ka lungtang tawng hon sukha a hihman in pasal zou louding ka bang maimah hi. Gending leh ka om dingdan leng theilou a ka om hei huai lai in U hon panpih ve ka Pa itlua kei ve pa ei na mit hak inlan na Tanu hong en ve na Tanu hon hehpih lou mo beidong lua keive Pa, Pa, Pa, Pa ei chi kom in a khut hon khak phei siamsiam a kintak a ka khut kana piak leh a Pa awm tung a neng belh in U ka Pa it lua kei ve Nu-leh-Pa neilou a kei om di mo?..... ka Pa damna ding in khatvei bek Pathian kiang ah hon ngetsak ve a hon chita mai hi lungtang natak leh tha zawi vungvung a om laitak a Pathian kiang a Thumna ka neih ngai ahihziak in haksa kasa petmah a Pau khe ding in ki sasa mah leng ka gol bing gawp ahihman in ka pau khezawk thei kei a a tawptawp in ka ki kouzak a Toupa bang kim na hihthei chih ka thei damloute kiang a damna pia in Misi te tanpha na kaithou thei chih kathei hehpih tak in nang leh nang hiai dam louhna tungtawn in hong ki pahtawi inlan damna hon pe kik mahmah in kumpi Hezekia damkum na behlap sak bang in ka pa dam kum hon behlap sak lai in Tangtawn a amanthat ding deihlou a si leh sa a naleisa ahi. A Hinna Kha Hotdam a om lou in zaw hon laksak mahmah ken chin a ban gen zawmthei nawnlou in dik in ka kidik huthut kha mai mah hi ka ngaih tuahna sau pailo mahmah ahih man in.

A Hinna Kha Hotdam a om lou in zaw hon laksak mahmah ken chin a ban gen zawmthei nawnlou in dik in ka kidik huthut kha mai mah hi ka ngaih tuahna sau pailo mahmah ahih man in.

Siami in awsuak lah pipi in Toupa hehpih tak in ka ngetna uh hon ngaih khiatsak lai inlan hon dawng lai in ka Pa tawh tangtawn a ka kikhen ding uh zaw ka ngaingam kei hehpih in aw Pa. A Tate Namin suang Na vualzawlna khatveibek a hon piak a na thupina leh na itna thu kam khat bek a puan zaktheih na ding in Hun kipah huai leh na Hotdamna ni hon musak lai in Tangtawn a mangthang mai ding a ka Pa hinna na laksak sang in Kei hinna la mai in na kiang a tamveipi ka hon ngetna hon dawng louding mo kum sawmli valbang hehpih na hun na piak ngaihsak lou in a utleh dah in hin khua a na zang mah leh..... Toupa na Hotdamna thupi tak mai musak mahmah in a hon chi keukeu a aPa thu limloutak leh a mah sugenthei tu hichi tuk a a it theih mok lamdang kasa petmah hi. Hihtheih dang bang mah neilou ka hihman un Pathian hihdamna ngak in gending leng theilou in ka tu kun ngetngut mai uhi huchih lai in mi khat in Doctor na theih ngei uh kua hiam a om leh sam mai ve ua honchi a Doctor en i sap ngai di mo ken lah Nurse ten leng theithou hi ua hong pai mailou di hia ka chih leh na sapkei uh leh koilak a hong pai mahmah lou ding uh ahi. 

Doctor Night Duty khat chu om maithei hi leh leng ihmuta din ka gingta Nurseten a va phong ngam di uam ah Phong ngam leuh leng a phong zoukhol di ua aw chih hi lai e a hon chi a aw tua dan hia ken a Duty uh hia hon delh pahding uh anasa keivoi a hichih mok in a mau muang a hiai a ki om hia ka chih leh Damdawi in a om kha ngei nailou himhim mo hon chi hi, ken hi tu ka om patna uh ahi kachih leh hichi bek hi di nei mah voi min nou nang hinna sang a sum it zaw a semlou a a muhtheihna ahih nak leh pawisak a neih nawnlohpi ahon chi hi. Huchi ahi leh chiin Doctor sap ding dan ngaihtuah in Nursete kiang a tua Doctor Duty lel kua a na hon sapsak thei ding uam ka chih leh Doctor pa ihmuta di eive bang chi e a hon na chi ua bang va chi ngaih kha ka diam a bang chi e va kichih himhim den zek mahmah a nawn et uh hi lou mo Doctor pa Room koi a phong ngamlou na hih uleh ken ka vaphong di ka chih leh hong ki entuah heuhou ua Khat in Doctor pa hiai a omlou a inn lam ua om eive den a leng huai Room a om Papi khat gim a gim in chin ka call uh leh a Phone Switchoff kichi eive a hon chi. A Room genpen kou omna Room ahihman in Siami Pa gen a hih dan kathei kha kei a bangmah hiloupi mi theih dia vaki gingta kha mok a va hi lala man chu ka hi peuhmah hi. Doctor lah saptheih ding himhim kuamah theih neilou ka hihman in awl in ka lutkik mai hi. Siami in bang chi a Doctor hong paithei ding hia hon na chipah a, a inn lam ua om in chin a Call chiang ua Call khe zoulou chi hive uh aw ka chih le pawikei chin hun bangtan hiam a hong nuaikun dide a chimoh kisa lua ahih dan bel etmai in leng haihvual ahi kei hi.

 A ngaihtuahna a natding dan khong ka ngaihtuah chiang in ka dipkom bang a vawt vengveng zou hial hi. Hehnep ka ut mahmah mai a himahleh a hehnep dingdan ka ngaihtuah tuah hang in kathei zou kei ka lungsim in Kei nang dinmun a om hi leng zaw hon hehnem thei di hichin a mo ka chi maimah hi. Hun bangtan hiam dai dide a ka om lai un Siami in Pathian loungal ei a dia i damnang om lou eive Pa bang kim a damna pethei omsun Amah kia ahi na LAL-leh-HONDAMPA ding in sangthei bek lechin zaw ka thuak nuam deuh ding hia mo Pa zan khong in HOTDAMNA LAMPI kon na hilh kha kei a eive mo pawi kasa lua Pa na Tanu kahai ngei mo hehpih tak in "THEISIAM IN LAN HON NGAIDAM VE MO" JESU i khelh man hon piaksak a PATHIAN in hon ngaidam nuam lua zaw hia mo... Hotdamna na santheih na ding a kana thum dante hon hilh kha bek leng zaw mo kapsim kawmkawm in a hon chi hi. Siam i thum nate Pathian in hon dawng dia i pa hondam ding ahi i Pathian ei hon panpih dia zekai louding ahi chiklai peuh a mangbangte panpih dia zekai ngeilou a hunlap gige ahi. Mihing hihtheih na leh lametna teng a bei nung a Lazar sisa kai thoupa i Pathian ahi chi a ka na khamuan lai in ka Pan na Nu bang chi a le hong en mah dih denlama vawt ka salua honchi a puan hoihtak a ka silhsak hia tua ka houpih chiang a leng houpih zoulou mok hi veng aw hong chi a, ka va et leh a khosik sanglua a khophok nawnlou a nahi maimah hi. Nursete kava hilh leh kintak in hon delhpah tettet ua mitampi ten Nursete saphak ahih kei leh kiphong zou mahmah lou ki liansak theilua uh a chihsek uh bang chidan ahi dia aw ka chi hial hi damdawi tuamtuam khong a kap in lum a saktheih na ding dandan a ka kep hang un khua honphok thei zok kei a zinglam dak 3(thum) lak vel in hong pau mualmual ta mai hi.

Zinglam dak 3(thum) lak vel in hong pau mualmual ta mai hi.

Nu bang chi e bang a na haksatna chiin ka dong zel a hi mahleh ka dotna himhim hon dawnglou in a utteng khong hon genkhum a ka kim leh kiang ate khong a thugen ziak a anuih zaizai hang un kei a ding in a lungkham huai deuhdeuh hi khophoklou pi a utteng mok gen ahih ziak in, ni dang khong a damlou khophok lou a paute khong kana nuihsan a athugente khong uh chiamnuih bawlna dan khong a kana zatkhak zelte a haihuai dan leh a sungkuante a dia huai hun laitak a amangbat huai dingdan ka phok khe dundun hial hi. Nursete kiang a hiai ahi chihchih mok a damdawi ding omlou hia ka chih leh Doctor in bang mah gelhlou hive aw zing dak 10:30am lak a hong en di hia huai hun nangak mai uh ngai di ahi tua leng a nathuak nawpna lel khong a hi a ki kapna Doctor in a etma chu damdawi dang kipe theilou di a khosik a sanglo man a ahi a hon chih san ua ut in utkei leng Dak 10:30am tan chu a louthei lou a ka Nu gimlo mahmah a ahaipau ka ngaih khiak mai ngaiding a bang maimah hi. Doctor pa zaw eimi hi kente mo ka chih leh bang ziak in mo honchi ua Eimi hi leh leng Khristian hi ding in ka gingta kei ka chih lai leh bangzah hiam in ka dotna om zia manpah a hi ngei ding ua daizot in a ki entuah luakluak maimah uhi. Himahleh khat in tutantan a eimi Khristian lou om lailai ding sa mo eimi ahi mahkei dia chiin a min bang hon gen zaw mah hi. 

Inn kong a ka pawtkhiak leh ka hehtha hongsuak lo guih ahihman in kuamah theihlouh in Damdawi in Valandah khuam ka khut in ka su-ek sam hi. Damdawi inn khat hi ngal a Doctor omlou i chihdek hial le lah om a om ahi chidek lelah Damloute a huntak a enkawltu ding omlou Government in Damloute a hunhun a enkawltu ding a kha lawh a piak hi loumo chin Damdawi inn a suksiat theihteng suksiat bang ka ut hial hi. Ka Nu a paupau na a muk khong hul gawp ahihman in tui in ka sukkawt sak zela a kallak in Nu na dang leng hul lota di eive mo denchia na hong gimlo kha dia hunsak inlan daiphot ve chiin tuilum tam loulou ka pe zel hi. A chang in nalum ning gawpta hia chiin naungek pawm bangmai in ka pawm a ka beidawt luat na lam in khat veivei bang ka omna mun natan pha leng theilou hi leng ki lawm in ka om dedu a khat veivei lah ka nuihtha lamlam bang a hong leh suah thepthup mokmok hi. Ka pamlam ka et phei chiang in Siami beidong tak leh lametna himhim nei nawnlou bang mai a a Pa khophok loupi ittak a apheitung a kingaisak a zut hianhian ka mu zel a atawptawp in ki dek zou nawnlou in inn konglam ah ka taipawt mai mah hi. Ka nun na naubek om leh zaw a chih khong ka lungsim a hong ki lang dundun tamai chu a haksat dan agen ding dan himhim om lou khop a haksa ahi. Ka Pa leng mangbang sim mahmah chu a hi ngei dia munkhat a leng tu maimai theilou in ka Nu lupna kimvel khong a pai tuahtuah in a vang kim in gimchi tak mai in Heiha khong hon chi khe huthut zel a Pa na gim leh hiai lak khong a na luptheih dandan in hong lum inlan tawmchik hi leh leng ihmu zek maive ka Nu zaw awl a hong hoih mai na ding ahi lung hi mawh kei le chin chiin lumding in sawl jel a ut kei hi. 

Khat veivei na Nu a dangtak lota lou di hia a paupau na chiin khosik a hih lamlam leng phoklou in tuivawt peding khong peuh in hong kisa mokmok maimah hi. Mihingte i lungsim a buaitaktak leh zaw a hailou ki om khollou mahzaw eive ka chihial hi. Nawp ka sakna mun khong a minute khat sung lel khong bangmah hikei chisek mahleng hiai hunchet in zaw minute khat sung lel leng dakkal khat tawh kikim ahi dia aw chih ding mah a hong bang maimah hi. Zing khovak ding kuan in Siami kipah chitak mai in ka kiang uah hong phei a U ka Pa houpih theihta eive i thumnate Pathian in hon dawng lai hidi eive mo? Nu nang halh nailou mo bangchi e tutantan na hichih mok in.... ken hong halh pah ding konna sak hia chikom in a khut leh khete meksak in sawtlou a hong tu zual a ka ngaihtuah na ah ka Nau om hileh zaw hichia awl a mek dia ka Nun nuamsa tuam lo di hia ka chih chiang in ka Nau ka ngaih tha bang suak in hong suak maimah hi. Doctor in hong etding hun ngaklah tak mai a ka om laiun nii suak ki lawmtak mai in ka omna kim leh kiangte khong a hon salvak phihphiah hang in ka lungsim sung a mialna om a salvak thei tuan kei a pawi kasa petmah hi. Ka Nu lah pauzou nawnlou a daidide a omta mai ahihman in nii suak in kou ading in bang a honsuah pih mahmah dia aw ki pahna thak hi mahmah leh ka ut ngei ka chi vungvung hial hi. Zing ann nek hun ding kuan in ka Phone hong ging a ka etleh ka U a na hi zenzen a i Nu bang a chi a na ihmu theina uh mo hon chi ding a ki lamen takmai a ka Pickup lai in Ann hong pe manding kua mah ka om kei uh i Pa hiam nang hiam in na pawi moh uh leh hong kilak mai un aw, inn ngak om lou a inn khong i taih sansan chiang in van khong a mang nuam a guta a tamtak tawh a hon chi a awle ka pawi moh uh leh kong ki lak mai ding uh aw ken i Nu bang a chita na hoih tou zelna uh hia tuzan na ihmu thei na uh hia ann zaw lung himoh kei le uh chin a manman in honpe na ding ka hi uh hon chi ding kon sak hia, i Nu-leh-Pa ban ah na Pianpih sanggam sang a Neih-leh-Lam a man ding mo na it zawk chik mahchiang in ka mangngilh ngei kei di. Zan khovak a ka lunggim nateng le zaw deih khop lua hi ing a chiin a call ka off sak a sawm veival hon call kik mahleh ka laksak nuam nawn kei a, ngaih tuahna tampi tawh ka Nu gei ah ka tu kun ngetngut ta mai hi.

Ngaih tuahna tampi tawh ka Nu gei ah ka tu kun ngetngut ta mai hi.

Inn lam a ann vala lou in leithawh zel leng lah damdawi lei bang hong ngai lai kha leh hiai Sangkhat kia hia ka neih ka Pa ann ngolhpih mok leng lung gimtak a om ahih ban ah zanhak a hihtawh denchiang in hong bahse gawp kha leh chiin ka buai gusim mahmah mai hi huchi lai in ka Nau in hon Phone a khasiat chitak mai in U bang chi uh e? Nunu bang chi a? Bang ziak a Nunu damlouh lam hon hilh lou e? Nunu'n hon ngai lo ding eive mo......? Nunu ka ngailua chi in bang mah genthei nawnlou in mi sisa kah bang mai in hon kahkhum huthut a, a lohding dan tuan theilou a baanglamnga a akah ging ngai a ka om dedu lai in ka Pan Bawi bangthu a? Lah na mittui khong a pawt maimah a honchi a dawng leng kapkhe kha ding ka hihman in kalu peilah pipi in ka peikhum melmul mai hi. Kintak in ka Pan ka Phone hon laksuh zok a, Nanau kiang ah bang mah gen nawnken na lungkim louhna a om leh kei kiang kia ah gen in kachi hi lou mo? A chih mawtmawt mok leh ka Nau kahgin za guih chu a hi ngei dia, e Bawi nang mo na Upa ding konsa a ahi bang thu a bang haksatna nei e chin sawt simtak a hong kihou ua ka pan ka Nu damlouh lam ka hilh nai louhziak uh khong hoih tak a genpih in, lung hi moh ken aw hong hoih pah na ding ahi chi a khamuan in na U houpih nuam lai na hih leh ka pia awle chi in kei hon pekik a U inn lam kong paimai aw hon chi a bangziak in eita tu leh tu a hong pai na sawm mok i Nu damlou ziak in mo i Nu lung himoh huailou ahi.

 A pawi moh leh kon hilh pah na di aw, tua na zilpen hon zouphot inlan huai chiang in na utleh leng na hoh nawn kei na di aw, tu kum kia hita mah lou mo a om ka chih leh Hi i Un na Nu na it leh huai a bangmah hihlou a na omom sang in hong pai inlan hong en kawlve gamdang a mi neizoupi mahbang a nalh taktak khong a kichei a na vak zatzat sang in khong hon chi a chin khase takmai in hon gen hi. Kanau kiang ah i utoh ka ki suheh kha ua kei hon nawk ngamlou a nang hon nawk maimai hi thupi kei lua i Nu-leh-Pan bang mah a gen kei nakleh lung himoh nang bang mah omlou ahi. Sum-leh-pai hi in thil dang hita leh na taksap a na buaina a om leh kei kiang hiam i Pa kiang hiam ah ki suanglah het lou in gen zaw in aw ihun sak phot dia sunlam khong in kithu zak thak ni aw ka chih leh U Nunu a paupeih liai leh a aw ka za nuam e hon houpih sak zual lai mah honchi hi. Amah mo kho teng chi man in eh chin ka khol guih a bang chi e a hon chi a tuzan a khosik naklua a gimlua hidi ana ihmu a ka phong dah mai aw hong halh chiang in ken kon call dia huai chiang in kihou mai un aw ka chih leh awle U zuau zaw genthei mahmah lou neive mo zuau gen na siam keilua haksa na salua mo U na din mun a haksa lua mo na om ding dan khong ka mu a haksa ka salua hon panpih theibek leng zaw mo Nunu mo kho phoklou/ khotheilou a om mo....Ka...Hehpih....lua honchi a Bawi....Bawi... Lung hi moh ken aw hong halh pah na ding ahi. Nunu a ding in theih tawp suah in i omna tuak ah thumni aw chin Ka off khum tamai hi. Ka gei a ka Pa omom ka sak leh a na om nawn kei a koi a om ahi dia aw chi a kakim leh kiang khong ka dakdak lai in Siami in kong lam a pawt a hih dan a khut in hon na gal hilh a vawt sa a nii lum khong va awi zual dek hi di eive ka chithak hihimah leh dakkal khat a chitan pha a leng hong lutkik louh tak in ka lung himoh tha hong suak guih a kintak in kong a mi om khopna munteng ka et hang in a mel ding himhim mulou in inn sung ka lutkik tamai hi.

Siami in kong lam a pawt a hih dan a khut in hon na gal hilh a vawt sa a nii lum khong va awi zual dek hi di eive ka chithak hi himah leh dakkal khat a chitan pha a leng hong lutkik louh tak in ka lung himoh tha hong suak guih a kintak in kong a mi om khopna munteng ka et hang in a mel ding himhim mulou in inn sung ah ka lutkik ta mai hi.

Lung gim kisalua a lamet himhim nei nawnlou a taipawt a hi dia aw ahih kei leh hinman leng omsa nawnlou a om maimah ahita dia aw chin bang louteng ngaihtuahna in ka dim a Pa hon it lua ka hi lamet bei in zaw om mahmah ken ka kinepna nahi. Simlei tung ah ei hon panpihtu ding om kei leh leng i Pathian ei hon panpih dia mansa a om gige ahi. Beidong ken, na mansuahsa kipaka nuih na leh lungmuang tak a zan ihmut nate Tuni tan a na ma honpi pa i Pathian muang in bel le keitung tawn a hon pekik na ding ahi chiin ka Pa a din in ka Nu lupna gei a khuk din in Toupa kiang a kakap ta mai hi. Ka Nu-leh-Pan kipak leh lungnuam tak a hinkhua zang a mi theih bang thei a mitan ka phak theih na ding ua ahinna tanpha uh phal a gim leh tawl leng khok salou a ahin khua tamzaw phial uh kou a Tate a ding a azat lai ua bang ziak a ken kipak leh lung muang a om sak theilou ka hi mahmah dia aw chiin ki mawhsakna kia in ka dim a ka Nu-leh-Pan zaw a lung muanna uh leh a kipahna Ta uh hi ding a hon lamen lo ding zaw hi ua ka chih chiang in naa kasa petmah hi.

 Ka Nu lah khophok lou a pau lah pauzou nawnlou a a khut khong vanvan mai ahih ziak in ka Pa zong ding in ka taisan ngam kei zel a ka Nu en kawm in Nu tuni tan a na Tate'n tawldamtak leh lung muangtak a hon om sakthei lou hitel ung a mo....... na Tate nou a ding a misi bang mai mo ka hihtel uh ka U leh Naute'n hon it lou in hon kem nuam kei le uh leng ken hon it a hon kem nuam lua ka hi aw Nu, ka lungsim a ka chih lai in Doctor hong guih a ka sana ka et leh 11:30am a na ging naikei deuh a kei Sana hatlua houh a hi dia aw ahih kei leh Sana leng entheilou houh ka hi hia leh mi Dak 10:30am tawh kei a aki batlouh mok ka chi hial hi. Doctor in test ding tuamtuam leh Damdawi leiding hun khoptak a honpia ua a Damdawite akin ngen ahihman in ka Nu en vungvung kawm in a leiding in ka kuansa ta mai hi. Kemtu ding leh enkoltu ding neilou a ka Nu om ka chih chiang in ka lungtang puak kham ding hi leh ki lawm a sa huthut in tawmchik sung in a vot kik vungvung zel a mi Damdawi zuak mna kong leh lamgei khong a kana ding dedu khaman nak hi. Ka Pa muh ki nem takmai a mun tuamtuam khong en a ka dakdak hang in ka mu tuan kei a, bang ziak a ka Sanggamte tawh ka ki hou lai ua inn kong a pawt khe lou a ka Pa geia ana ki houpih ka hi mahmah dia aw chi a pawi salua in ka om mun ah mi lak leng chi zoulou in katu suk nawp maimah a kuaman ka puakgik hontheih pihlou uh a hihman in ka geikhong a hongpai ten kham chituak thou e Nawp sak chi thou e, a kick pai fuh chi thou, en vungvung kawm in hon chi maimah uhi. Kenlah ka lungsim in kham mahtham ing e luak khiak theih hi henlan lawkhe leng ka ut lotel ka chi vungvung maisam hi.

 Awl a Ding lah pipi a ding in ka Damdawi leiteng tawh ka Nu kiang lam awn diaidiai kawm in kon zuan a Damdawi inn sung a lut dia kisa ka ki nung hei leh Putek khat Sakhau(kawlzal) hoihlou simpi khat a bang hiam kuah a gim chitak mai a chiang khun khun a kho_ul kai niuniau a kei lam hon zuan ka mu a ka Pa tawh ki bang salua ka hih man in delh ding in ka kisa kha zawzen a ka Pa ana hi kei kha leh bang va gen ding ka hi dia aw chi kawm a ka mit khong nuai thak zen a ka et hoih leh ka Pa a na hi petmah a kipak lua in mittui kai zungzung kawm a delh in ka pumkawi mai hi. Ei mite'n Nu-leh-Pa khong it tak a mi lak khong a pawm chih khong ana ki ching kha ngeilou a hih na ziak mah leng chu a hi ngei dia min film nawp tak et bangmai in hon en seuhsauh ua Pa bang ziak a na hoh nang hon hilh lou e.....? Pa na gim mah di mo? Ana lung gim lo man ka hi hon zawngzawng ing a kon muh louhtak a dam a ki mu nawn ding a lametna himhim ana nei nawnlou man kahi chin a ban a len in ka Nu kiang lam ka zuan uhi. Ka Nun a puan silhteng a kiang(a nawl) ah ana khin khe khavek a ka Pan pau hetlou in mittui luang kom simpipi in a hon silhsak a, ana halh nailou tel mo ken halhta ding konsa a, na gilkial ding uh lauhna ziak a na nek ding uh ann va la teitei mai keive awl in a gei ah honchi hithit a ka Pa a lungkhamna ziak a amittui luan lam ka muh masakna pen leh ka Nu kiang a hiai bangthu a gen ka zak masakna pen ahih banah it tak a puan a silhsak lam ka theih masakna pen a hihman in haksa ka sapet mah a chik mah chiang in hiai bangbang mu in zakha nawn kei mahmah leng ka utpet mah hi.

Chik mah chiang in hiai bangbang mu in zakha nawn kei mahmah leng ka utpet mah hi.

Ka Pa bahlo mahmah chu a hi ngei dia ka Nu lukhung zula baang ngai a tu in gimchi takmai in a nak huthut a a et a nuam khin khol kei hi. Mi tampite'n thupi sa a i gen mangmoh uh TUNNU itna kichi thumal pen kei a ding in huai ni a kipan tomlo petmah ahihdan kathei khethak nawn a TUN-leh-ZUA ITNA chin ka behlap tamai hi. Tek leh vuai a aom nung tanpha a leng gilkial leh dangtak a ka om ding ngai ngamlou a it tak a hon khual zoulai Pa nei ka hih ziak in hampha ka hihdan kaphok thakthak hi. Nursete'n ka damdawi leite zang in ka Nu phong halh sawm in pan nasatak in hon la ua himahleh ka lungsim a nuamthei tuan mahmah kei hi. Ka sum neihsa teng lah beita, Doctor in Test ding a hon piakte tuni a na hih vek uh ngai di ahi hon chi zaw mah ua ka neih louh dan leh ka buaidan hontheihpih le uh zaw ka chi hial hi. Ka pan sum nei nawnlou a beidong tak a om ka hihdan a theih khak ding ka lauhna ziak in lungkham hetlou bang in om mah leng a guktak in ka buai mahmah mai hi.

Ka Upa kiang a sum ngen leng lah hon pelou peuh mah dia sum zong in vataikhe mok leng lah bang hiam hi zek leh ka Nu-leh-Pa na buai pah di hi zel ahih man un bang chihdi kahi mahmah dia aw chi in kong lam a hih ding pawimohtak nei hi leng ki lawm in ka pawt a mi om louhna deuh munkhat naih in thilbang kim a omlou om sakthei a a omsa leng la khethei Pathian kiang ah ka sumbawm hawmpi ka khut a tawi in Toupa bang mah neih himhim nei nawnlou ka hih dan na honthei, ka sumbawmte a hawmta nang ka Nu ka et kawl na ding pawi moh nasak leh na sudim thei chin nidang a thil ka piak khiak bang hilou in a sukdim kei leh leng ka lungkim ding in ka pekhia hi. Ka Nu damsak ding in naktak in ka thum a, thum zou inn sung a ka lutkik lai in ka ngaih tuahna a ka sumbawm a hawmlou hi leh keithu hi di hia tua a hawmtak a Pathian thuthu hi dia vape khe ngam pan hi ing a kua hiam khat in Pathian ka bawl bangbang in kei hon bawl leh bang ngaihdan ka neitel dia aw chih khong lut in hong lut mai mah hi. Nawpsakna leh lametna i neih hun in tulak teng zaw bang chi ka hi diam a Pathian lam a hat zoulou a bah hiveng aw ki chisek mah leh Beidong a i om taktak leh zaw ka hatzou kei ka bah leng chilou a Pathian lou ngal muan ding leh belh ding om mahmah lou ahi chi a ki bel top maisam ahihdan ka phawk khia hi. Toupa ka kipak haksatna tuakthei in na hon om sak a hiai haksatna ziak a nang ka hon naihtheih ziak in ka chi kha mok hi. Min honthei hi le uh hai honsa a tam mah di haksatna ka tuah ziak a Pathian kiang a kipahthu gen chih mok ka chih lai in Mipilte tel hilou a mihaite tel ahi mipilte a zahlak theihna ding ua chi khatvei ka Biak inn ua thugentu khat in Bible a hon sim ka phok khe guih hi.

Nurse-te lak a khat in ka kiang uah huai Test di ki chite va Test pah unlan na hong tung chiang un ka Room uah hongpe pah un aw hon chi a ka Nu khophok loupi pawkhia a va Test di ka hi ding uam? Ngak zek theihlouh di hia? Hiai mun khong a ahih theihdan om lou di ahi diam? Ka chih leh, Na puak khiak louh ua bang va chi Tast di pawkhe lou a na Test theih ua leh pawkhe kei le uh chin a pawi thahah di hia, hiai mun a hihtheih hi leh mundang a hong sawl loudi chu hi ung a mo, hon chi hi. Government Damdawi inn khat hi ngal a hiai neng khong a Test nang om lou tel mo? Milian milal leh anei zoute a ding chauh a hiai mun a om hia? Ka chih motmot leh bangchi honsa a hi diam a hon en tuantuan hi. Khawl a kisia a huaiziak hi, huai chia hiai a ki Testte Doctor pan deihlou ahi chin lamdang sak chisim tak in hon dawng a, Khawl ki sia e? Den mahmah a hiaite huai a sisan va Test hong pai ua tu leh tu kal a ki seman mo kin siat na e mo ka chi leh Doctor pa kihou pih le uchin, chin honpai khiak san hi. Hiai mun a hihtheih na zenpi leng paulam bangbang hiam siam a mundang a mi sawl zel dan eive ua chih ka theih beh a hoih kasa veve mimal khat a na chi ek kha hi mah leng. Nursete ki liansak chi a min a na gengen uh hiai dan khong a atheilou a simmawh deuhte uh a dawng gaihgaih a om khanak ua mikhat ki letsak ziaka a dangte'n leng min siat loh uh hi didan eive ka chi hial hi. Ka Pan mi leng zahtak deuh a mi chih dan leng selsel louh di ahi, ei khong bang hiam hi leh leng hon panpih ding kuamah om lou ahi, tulai mi kua mah ei bangbang a hai nawnlou uh ahi laisiam pipi ngen hi zaw mah un chin zah leng zahtak deuh di ahi hon chi hi. Mi hinpih na ngawn leng itna leh hehpih na neilou khong zahtak na ding theilou hi veng aw laibang chituk in siam le uh leng mipil ahi uh chithei ngei kei leng ki lawm chin ka dawng kha mok a ka ngaihtuah thak leh ka Pa hi ngal a diklou ka saktawp hi leh leng ka don sese louh a awl a diklou kasak dan ka genpih ding zaw hia chin ka daithak hi. Bangtan hiam a pau zaw ding sam omlou a ka daih dide lai un lamdangtak mai in ka Nun a khut hon khak siamsiam a bang a bang a Nu chia a khut ka let leh pau zoulou pipi in....Bawi....Bawi....tui....ka...duh......lua, awl in a honchi niatniat a kipah na mittui luang simkawm nepnup in Nu kon pe ding aw tomchik hon nangak in aw chi kawm a katui lumbawm uh ka hon leh a na bei siang keuhkeuh hi.

Ka dot vialvial leh ka Pan den a tui duhlua ing a ka na dawn gaihmai ahi hon chi nialnial a tu laidan tawh ki tuak a hiai khong a na dawn gaih chih mongmong ngaihtuahna leng neilou tel mo kheikhoi hai chu haideuh mahmah nei ve khong chi a hapsuk lulu dia hoih hi na zenpi ka Pa ahihna ziak in pawikei chin Siamite kiang lam a kintak a vala ding in ka kuan hi. Ki nawhlua kahi diam a hihkei leh ngaih tuahna mumal leng neilou kahi zaw diam ah tuilum nou a sung dan a ka ki neih lai in Siami in nuihin hon nuihsan a i buai chiang in leng i lungsim bek buai kei leh zaw mo chikom in a sin hong honsak a eh asin hongloupi a sung dan keive mo chi a ka sun leh Nervous simchu kahi peumah dia ka sung bua nungnung zaw mah hi. Siami in Pa kava hoh zual aw chin hon zuiphei a amuh louh kal in ka guk nuih vevu kha nak hi. Ka Nu'n chik chiang in a mit hon hak zou mahmah dia aw chia ngaklah tak mai in agei a dingsa in ka en en mai hi. Siami in puan kawt a ka Nu mai khong awl a hahsak kawm in...

Aw kei hon gum Toupa, aw hon nusia lou aw, simlei mialna nuai ah, tummang kha ning; aw na itna khut in, kei hon len gige'n lan, damsung buaina chiaugal hong kaipih in.

Na vak ah mialna om ngeilou, na siang ah muanna kim hi; nang ah muanna ngai in hon len gige'n.

Chih la honsa henhen a ni dang a kana zakzak sa himahleh a thu kei tawh kituak lo mahmah kahih banah ka lungsim hon khoih khalua ahihman in sa nawn kei mai leh hoih di hia ka chih lai in chang thum na honsa nawn a

Toup nanglou belh ding, ken simlei ah nei ke'ng, ka mit thuksem mudi'n hong vaksak in; aw na itna hoihna, hehpihna a thukdan, nang naihsem a mu din hong vaksak in.

A hon chi a a phuaktu in kei a ding a hon phuah sak ahi dia aw chi hial in Toupa ki pahna dan ka thei keitel mo ka belh ding Pa honbel hak hi natel ing e nawn itna leh heh pihna a thupi lua chin a guk in Pathian kiang ah kana thum hi. Bangtan hiam zawh in ka Nu'n a mit khong hon hak zou a pau peih naikei mah leh kipak lua in ka nuinui tamai hi. Siami in U kei om lailai in Nunu vante khek sak ni aw hon chi a ki zen sa lua in awle chi a avan khong kana khek sak lai tak un kum 3 val kana ki ngaihpih Muani hong chet a lamdang sak chitak mai in hon en tuantuan mai mah hi.

Siami in U kei om lailai in Nunu vante khek sakni aw hon chi a kizen sa lua in awle chi a avan khong kana khek sak lai tak un kum 3 val kana ki ngaihpih Muani hong chet a lamdang sak chitak mai in hon en tuantuan mai mah hi.

Ka man phetphet in Muan na hong Fel ngei ann nek hunma bek nahon ompih di aw ka chih leh fel hi leng chu hong thei pah di hi ing a mo, mi leng na ki daih thou ve uai huai tantan om kei leng hon chi a, ki daihlou a buai a buai kei ngal uh Numei hon ompih den thei ding bang om leh chi kihi zaw mah e ka chih leh hichi thouta di neimah voi hon chi zel a hon dawn dan bang hiam lung kim louhna nei hi leh ki lawm ka sa mok hi. Ka Nun ka chi golhlua/nalua awlawl in hon meksak mai ve mo hon chi a awle kon meksak di aw Nu chin a ban lak khong ka meksak lai in Nursete khat in huai Test ding ki chite zouta uh mo hon chi a i zou nailou hi ve ung aw chiin ka Nu-leh-Pa zaklou ding in hiaite a louthei lou di ngen hia sum khat leng neilou ung a buai a buai kahi uh ahih theih liai leh a lou theilou a hih hial keh a mah leng hong halh thouta hia ka chih leh Doctorpa va ki muhpih himhim ve mo hon chi hi. Muan ana om in aw chin Doctorpa mu ding in a Room ka va zuan vengveng hi. Doctorpa'n bang a honna chi pah a, min a hauhsakna khong uh kuamah kiang a leng gen seselou a a sihpih zungzung lai ua ka zondan (ka neihlouh dan) gen ding kahih man in ka dawn dingdan ka buaisim pah mok a i mo ka Nun khua hon phawkta inchin huai Test ding na chihte sum khat leng nei nawnlou ung a Test louh a hithei diam? Test di ahih leh leng a thon a hiai mun mah khong a ahih theih dan omlou di a diam? ka chih leh Nui heuhau kawm in ei singtang mite hiai ahi haksa ka sak nak, Damdawi lei ding i piak chiang a leng a va lei chiang ua Vitamin bang a om khak leh leng a damdawi lah hilou a chi a lalou chihdan khong maimai kihi inchin Damlou bang leng Test ding i gen chiang a haksa kisa sim lai hive aw keitel a, hon saugen zekleng khen khat bang in Sum nei mahmah lou chi ngutngut uh mi i khosakna ki banglou inchin tuadan om thei mah ahi chi a amau deih na bang a ihihtheih dandan a ki kem bang mah Test lah omlou ahih chiang a a gendan uleh a mel puakdan khong uh en a damdawi piak maingai maimah ahi.

Huai chiang a Gilpina hizenpi Kalna damdawi peuh ana ki pekha a tawp chiang a Doctor dang va naih uh test tuamtuam khong hon neih chiang ua a natna diktak hon mankhia uh huai chiang a honthah sawm nahi chi a banglou teng hon gen khum uh, ei a ding a etnang leng om lou mi lak a leng ki hak ngam lou phialphial hi mai. Tua leng na Nu a khophok louh ziak a Test di chi hilou ing a bang ziak a khosik hon nei a bangna a chih ka theih nuam ziak hi zaw ahi.

A natna theilou pi a damdawi piak mok dan omlou di hia sum neilou nahih uh leh chu buai huai na e mo tuni mah khong in sum na muthei ding uam hiai Damdawi in a lah tua test di ka chihte a vek a ki hih theilou di hia hihtheih hita leh leng a result chianglou lua inchin sum hon zong unlan zing chiang a test teitei ding in hong kisa zaw mai un aw chiin hoih tak in hon na houlim pih a ka pai in ka Nu hong en zaw mah hi. Sumbang chi muhtheih di kahi mahmah dia aw chih ka ngaih tuahtuah ta mai hi. Siami in U inn lam va pha di chi ing a ka paiphei di aw kong kik hak kha dia hon chi a awle kipah huai mahmah e na Pa amah kia taisan di mo ka chih leh ka pute mounu in ana om pih zual di ahi Nunu puante kon sawp kawm di aw chin a tawi dek a Siam hi zenzen lou e ken leng sawp man di kahi chi a ka phal kei dek leh hiaite pasal sawp chi hilou ahi chin a phal het kei a ka tawisak tamai hi.

Ka Nun ka neulai a kih hetlou a ka zun leh ek khong hon sawpsak a ken a mah a sawplou a midang ka zi ahi kei leh ka nungak chih leng hi lou khat va sawpsak chih mok ka Nun bang a chi ngaih dia aw hon kem nuanlou houh hon chi maimah dia aw chih khong ka ngaihtuah khe guih a Muan hong di le Siami kiang a i va hoh zual chi a ka ki hei phei leh kei lam zuan a hong pai ka mu chet a eh a mah hong pai phei chin ka tu thak hi. Siami in U hong zual di le chin hon sam a, Mi dang kua mah zak louh in ka Pa mo tu a hun nanung hita inchin a houpih theih lailai a Jesu Khrist Hotdamna thu genpih poimohsa ing a na man zenzen leh ana genpih ve mo hon chi mok hi.

Siam ken kuamah hichi bangthute genpih kha nailou ing a genpih theilou di keive Bible zilna nei chih leng hilou inga Na Pastor pa uh hiam na saptuam upate uh khat hiam kiang ah gen zaw ve hih theilou di keive ka chih leh bangtan hiam hong nuaikun a U...... ka Pa....a Tuap leh a Sin teng......... segai hita eive...... Mi dang sam di hi leng a hong paina a aBahara ding sawmkhat/sawmnih bang kapiak ki lawm dia huai chiang a asingpi dawn nang leh mi hih dan a kipahman zakhat/zanih bek ka piaklouh theihlouh di hia a mau hon ngen keile uh leng ahon chi hi.

Ken sum ka neih louhpi awl in hon chi nimnim a Siam himah e mo Mi i sap ngal leh bang hiam thupi kei leh leng mi hihdan a i piak ki lawm mah e vape zou keile mi tawh ki bang lou kihi zel di ahih chiang a bangteng a mi tawh kibang a om i utpen mah uh hi zel ahih chiang a mo vape kei le leng khen khat bang a ngai siamlou khong om ta dia gingtak huai eita mahve kachi thak hi. Doctor i ki etsak chiang a leng ki etsak man i piak ngai ahih chiang a mo..... Hileh leng mo Siam kei ngaihdan a kipahman chi a sum i piak teitei te khong uh Pathian thu sum a lei ahih kei leh zuak houh ihi kha diam chih lau hi veng aw. Sum-leh-Pai i neihlouh ziak a Hotdamna thu i Pan theilou a mangthang di mo? Khristian gam a...? Hotdamna Sum-leh-Pai ziak a en leng sang lou di mo? Tangtawn hinna leitung thilte ziak a tandi mo.....? Sum-leh-Pai Deih ziak lel a Hotdamna thu gen a Pathian gam nna sem a om aleh a tung uh gik mahmah in teh. Ken ka pianthak sak ding leh Hotdamna kei piak theih kana sakha dek mok a ahi a thon a hehpihna ziak a ka neih ken bang ziak a pekhe theilou di, a nei ka hih ngal leh ka tun ngeilouh nagam a pi di hilou ing a katun khakna sa mun a mi pidi hi inga bang a ka pi theihlouh na ding amah a ut nak leh a man beia ka muh a mannei a mo ka piak khiak ding hi zenzen lou e chin Siam hou limpih kana sawm di aw lung himoh hetken thumna tawh pang le Papan Jesu khrist LAL-leh-HONDAMPA dia hon sang ngei ding ahi kachi hi. Siam Nunu puante zaw kei mahmah in ka sawp hoihsa kahi aman kei zun leh ek te kih hetlou a hon sawpsak a ken a maha sawp a ngaihtak a sawplou a midang pe di chih Nunu ngaih tuahna a om ding ka ngaih tuah chiang a ngaihtuah ngamlou a haksa sa kahi honpe kik mai in ka chih leh ken leng Nu hah a ngaih a leh leng ka hah ding nei leng zaw......... Pian na Nu hah ding ka neikei ka pianna Nu a ka hahtang in Nunu a kahah hon phalsak mai ve mo chin ka Nu kiang lam zuan in hon paisan a Nu na hampha lua Ta hichi tuk a hon it na neikha a ken leng Nu ka deih lua na puante ka Un ka sawp ding phallou a aman sawp teitei sawm eitel voi Nu. Hileh leng ken kon sawpsak di aw Nu chiin ka Nu namse thengthungpi a ngong a kawi tawntawn in hon tawp chenchen tamaichu mittui a pawtlou thei kei hi. Muani hoihtak a buaipih kha manlou ka hihman in kisuang lah pipi in Muan kana buai lokha ahi honthei siam in aw ka chih leh, hon dawng het kei mok a Muan bang chi e ka chih nawn leh bang chilou manta na hih leh kana pai di aw chih tawh din hon thuah in kong lam ah ka ki zuipawt nguknguk tamai uhi. Inn kong ka tun un Muan lungkim louhna nei mo ka chih leh bang lung kim luatnang a om dia awl mohtak a i hong leh ei sanga awlmoh zawk dang nei hive chin kei a kitasamlou na hih chiang a ka na pai mai di aw na om dan un kei om leng na lung a kim diam et hakthou eive Nau hoih tak panpih tuding fel tak na Nu-leh-Pa hon itpih tuding ana nei na hih lam tun ka thei khe pan hong lou himai leng hoih di hia chiin a om mun a tusuk in hong ki dik huthut mok a gen ding zawk theilou in ka dak heuhou maimah hi.

Nau hoihtak panpih tuding fel tak na Nu-leh-Pa hon itpih tuding ana nei na hih lam tun ka thei khepan hong lou himai leng hoih di hia chiin a om mun a tusuk in hong ki dik huthut mok a gen ding zawk theilou in ka dak heuhou maimah hi.

A liang tung a ka khut awl a kawihsuk in Muan Muan chi in sam zel mah leng dawn in ka om tuan kei a atawptawp in bang hiam na puaknat, na lung kimlouhna om ahih leh leng chiangtak in gen khia inlan i ki kum dia thil om dan khong i gen khom kei dia ka chih leh bangteng gen suk gentou leng leng a phattuam nang khat leng om nawn kei hong it a hon ngai taktak kon sak leh na taksap awnghu lel dan a na hi keive mo kon na muanmuan maizen tawh khong hon chi mok hi. Muan honthei siam lawding kon sak hia Siami tawh hon muang moh dan neivoi mo? A mah tawh damdawi inn ka lut ua kithei khapan ka hi uh ni khat khong pai chihtheih hi pan a ki ngai dia hon gingta mo ken ngaih ding et in leng ka en sam huai chia aman leng hon en ding in ka gingta kei ka kalthu uh bang mah om lou ahi lung hi moh het ken aw na gintak kei leh a mahtawh i thum(3) un hong pai chiang in kihou khomni ka chih leh ka khut a liangtung a ka kawih kintak a hon paihkhiak sak kawm in Na om danteng uh ka mit mahmah a mu ing a na ki hou danteng uh leng za ing a bang ki houhou nang a om dia hoih na sakdan a om hive chin a na ki houtou zel unlan na Nu a na kemkhom tou zel lai un aw,chiin inn lam hon zawtsan vengveng mai mah hi.

Kei a din Ash chi vungvung kawm a inn sung lut mailouh chu a didan tuan a om kei.. Ka nun honna enen chu ahi ngei dia Bawi bang chidan a leh na mai khong mual in a hong mual mok a bang hiam puakgik nei hi di hivete aw ka gei ah hongtu mah dih chin hon sam a bang mah puakgik neilou ka hi Nu lung hi moh het ken aw chi kawm a agei a ka tut leh kapheitung a akhut nga kawm in lung kham ken aw Pathian in kathum nate hon dong dia hong dam na ding ka hi achi hi. Tuisiang noukhat ka dawn maimai leng Pathian in ka damna ding a hon zatsak thei ahi aw Bawi, Doctor in Test ding a honpiakte a Test nang lung hi moh hetken aw Pathian in Pawimoh a sak leh hong om mai na ding ahi. Na hon itna thupi kasa lua,Ka Tate koia om gai ahita ding uam aw bang zahvei hiam chi manta hi ing a Ta khat leng nei nawnlou a ka Tate kou a ding a sigai ahita di ua aw ka chih lai in na hon it dan ka thei khia a Bawi Nang chauh nahi aw hiai leitung a ka ki ngakna uh leh ka lamet na uh om sun hon chi hi.

Nu nadam kik ding lametna himhim neilou bang mai in thu nawn gen mok a, Ittak leh homthawh tak a hon na kem a hiaitan a mi hon nasuahtu Ka Nu-leh-Pa hi chin ua ken bang ziak a hon itlou thei di keita kei hon itma na tawm a leng nou hon it nei ve uai. Nu na hon itna uh honthuk ding chi leng leng chik mah chiang a honthuk zoulou ding kahi aw. Ka Pa tawh a na om unlan inn kava pha zual di aw chi a sum zong ding a tai khiak ka sawm leh ka Pan ana khol mah chiin a sakhau sung a kipan puansia hoih khollou a kitun thinthen khat la khia in hon pia a bang ahi mahmah dia aw chi a ka phel leh cheng sawm note alom a khau a hoihtak a ki gak bang zah hiam leh cheng Nga sik bang zah hiam a na om hi. Pa hiai bang chi dan a koi a kua honpiak e ka chih leh hon dawng zawk thei kei a bang chi dan ahi dia aw chi a kamka heuhou zen a ka et lai in, Hiai in na lungkhamna leh na puak gik neu chikbek hon dawn zang theih khak leh chi a tu zing a ka kep tengteng kon lak ahi a dang bang mah ka nei nawnkei Bawi nang a ding mongmong a ka khol ahi honchi hi. Na Nu tung a zat na phal leh a pawi moh nana a i zang mai diam chi in hon ngen mok a lamdang sa kom takmai a ka kihei phei leh gennawp banghiam nei hi leh leng gentheilou a om ahih dan a mel etmai a leng haihvual ding ahih louh man in bang mah ka gen ngam kei hi. Huchih lai in ka Nu'n Bawi "THEISIAM IN LAN HON NGAIDAM VE MO" na Nu-leh-Pa'n na Zii ding hon leisak zou nawnlou ding ka hi uh hon leisak nuam lua zaw hi ung a...... zii na neih hunhun a na zii man ding a ka muh sunsun uh ka na khawlkhawm uh zaw hi ven mo ahon chi a hiai zah lawmlawm a ka Nu-leh-Pan a Ta uh hon khual ahih dan uh ka theih chiang in kipahna mittu leh a tung ua ka hihkhelh khakte ziak a ki sikna mittui a luang lou theikei hi. Bang mah leng genthei lou in ka om mun a mittui kai neunuau in ka om a ka Nu-leh-Pa'n a zat na ding bilvuhsa (omsa) a amuh sunsun a khol uh a tuplouh dan tak ua zat a om maiding ka chih chiang in ka lungtang a votdudu zou hial hi. Nu ki suanglah in pawisa het ken aw sum leh pai sang a na hinna pam maih zaw ahi, huaichia ka zii ding sang a pawi moh zaw chu nang na hi aw Nu sum leh pai i chih khong i dam leh hong om zel na ding ahi tu in neikei mahle i neih hun hong om sam ding ahi. Pa hiate nang a eivoi kei a hilou a zat na phal nak leh i zang mah kei dia chin Doctor Pa ki muhpih ding in a Room lam kava zuan a Test ding a chihte lak a pawimawh pen kan in Test dinga a gen na mun lam ka Nu ka zawtpih vengveng tamai hi. Naungek puak bang mai a ka Nu pua ka hih man in min hon en nuam kei uh chih nading himhim chu a omkei. Ka Nun a kal lak in ki suanlah chitak mai in ka giklua hia kon subuai lua mo khong hon chi zel a gik zenzen lou e bang ziak a kisuang lah e Nu ki suan lah ding hi leh kei a dia ki suanlah huai zawtham ahi Nang kum tampi hon na pua chin a ken khatvei honpaw kha pan kahi e ka Nau in hong houpih nuam ahi kihou un aw chin ka Nau tawh ka ki housak a hi mah leh mi lak ahih ziak a sau ki hou taktak theilou in a ki kah khum tuahtuah mai mah ua ka ki housak ma bang ka ngai kik hial hi. Sisan Test na mun ka tun zawh nung uh sawtlou in ki suanlah chitak in Bawi ka gilkial lua hon chi nimnim a ka mittui bang a hong pawt dek maimah hi. Nu ann nelou na hih lam kon phawk kha kei a ahi hon ngaidam in aw chin a nek ding bang hiam va laksak ding in ka taikhiak san hi. Bang ziak a hichi hai ka hitel dia aw chi in ki mawhsak na leh kisik na in ka pumdim a himahleh a phatuam tuan kei. A khosik in ka tunkik ma a pha ahih man in vawtsa in ana ling gawp a ka thil leite pe mah leng a ne peih nawn kei hi. Ka hih dingteng uh ka hih khit tak un a kinthei tawp in Damdawi inn lam ka zawt pihpah vengveng hi.

A khosik in ka tunkik ma ana pha ahihman in vawtsa in ana ling gawp a ka thil leite pe mah leng a ne peih nawn kei hi. Ka hih dingteng uh ka hih khit tak un a kinthei tawp in Damdawi inn lam ka zawt pihpah vengveng hi.

Bawi vawt kasa lua chin khat veivei a hong ling tungtung zela hat thei tawp a paipih ka kichih hang in kin tuanlou mah ka bang maimah uhi. Min Gari Khong a ahon makhelh zung chiang un ka hehtha lamlam bang hong suak thepthup mok hi. Kua hiam ka meltheih honpaw thei ding khong hong tai kha dia aw chin gari hongtai teng bang ka ban etet maimah hi, himahleh katheih ngei kua mah hong tai louh ban ah, kei hontheih ngei leng omlou chu ahi ngei dia lamdang sak chitak mai a en vungvung kawm in a hon tai kheng zel mai mah uhi. Damdawi in ka tunphetphet un kintak a lupna a sial zawk in puan khong ka silhsak a hi mahleh a hoih lamsang in a hoihlou lam manawh zaw ka hihdan uh bel haih vual ding ahi kei.

Nurse-ten a lawh ngaihna thei nawnlou chu ahi ngei ding ua buaitak a ka om lai un Doctorpa hong pai a damdawi a kin thei pen a lei ding hon gelh pah a ka sum neih in hondaih dia aw chi komkom in a lei ding in ka kuan pah a, anathuak nawpna lel a zaw damna taktak a om kei chih thei mah leng dakkal kim khat sung lel leng anatna ka Nu a ding a athuak nawpna ahih khak leh chiin ka neih sunnun in kalei tamai hi. Sawt lou nung in ka Nu houpih theih nawnlouh kia hilou in aleitung hinna beitawh ki bang in a kal lak a khat veivei khong nak lel in hong om a ngaihtuahna mu mal leng ka neithei nawn kei hi. Nii in ka Nu hinna tumpih ding ahi maimah dia aw Joshua hun lai bang in ni kham kholtheih hi leh aw ka chi vungvung hial hi ka sisan Test na Result uh laktheihta ahihdan phone tungtawn in hon hilh ua kintak a vala in Doctopa lak ngal di chia a Room a ka tailutpih ngal leh ana pai khin thamta ahih dan hon hilh ua a Inn ua va lak ding in a kinthei pen in ka delh tamai hi. Milak chih leng om sese lou in ki nawh zak gawp ka hihman in ka taithoh kha sim nak a mi et zui vungvung ka tan kia hilou in bang hiam guk nei a taipih honsa a hon na mantang pawl bang hong om tamai chu a nuam khin khol kei, ka mel a Khrist mel ki lang ahi chihna ding himhim om lou ahih banah i gamsung guktak na a pum dim ahih dan ki lang chiang kasa hi.

Doctor Pa inn ka tun in mitam simtak a kong ah ana tu neinai ua ki ensak ding ahihdan uh haih kei mah leng kinlua ka hihman in lutsuak ding in kava ki sa gelgawl kha mok a hiai lak damdawi in dan hilou ahi nang a na nungpen di hon chihsan maimah uhi. Diktatna ki chi a pawi mawh na mun a ki zangthei thou dan eive mo ka lungsim a chi kawm in a nanung pen ah ka hongtu bang zaw a nawp louh dan mai lou ahi. Nawh a ki nawh hina zenpi a ki nawh hetlou dan a tut leulau chih khong a nuam chih himhim om ding in ka gingta kei, bangtan hiam ka tut nung in ki suanlahna leh zahtakna himhim neilou bang in min sam nu kiang a thil om dan hoihtak a kava gen leh na gen hak lua a eive le chin hon lutsak pah vang lak a mitawh ki bang lou deuh nanana chu chethei kisa sim in ka nuipah velval hi.

Doctor pan damdawi bang zah hiam hon gelhsak pah a na Nu lung gimtak a na kawih louh ding uh ahi, a kipah theihtheih nang zong unlan hiaite hih le awl a hong hoih mai ding in ka gingta. A BP(blood presure) leng hoih chiahlou ahi hon chi a Ka Nun zaw lung gimtak mai a ka om ding uh hon phal mahmah lou zaw hiven mo ka lungsim a chi vungvung kawm in bang louteng ngaihtuah in ka om dedu zou hial hi. Ka damdawi lei na ding sum khat leng nei nawnlou ka hih man in a batlaktheih nang ding zong in ka pumbuai tamai hi. Damdawi zuakte kuamah honthei kha omlou uh a hihman in abatding a hon pe ngam kuamah a om kei ua migentheite a din hiai leitung a lametna avang a chihchih uh hiai dan eive mo chi kawm in ka Nu kiang ka zuan tamai hi. Ka Pan nava la thei na mo a Damdawi dingte a ki muzou vek na mo hon na chi a, hi lathei mah ing e, hi leh leng a Damdawi ding khat leng ki lei zou nawnlou eivoi Pa chin ka om mun ah ka tusuk tawp mai hi. Mitampite'n a hauhsak na uh a sihpih zungzung lai ua, Nu en mo i neihlouh i sihpih mai ding... nang zaw natate a ding a na siamna leh na pilna ban a na hatna leh na hinna tanpha phal hi chin a mo.... Hichi lawmlawm tela gengthei ding a zaw ki gingta lou ding hi chin a mo Nu na Tate'n ka hon piaktheih uh om sun lung gimna leh gentheihna ahi tel mo ka lungsim a chi in ka kun dedu mai hi. Ka pan Bawi lung kham ken hiai khong i tuah ding Pathian in hon phal ahi hiai sang a haksa zaw leng tuak ding a i kiman ding ahi. Haksatna i ki zawh sak mok leh haksatna sala tang ding ihi a, huai ziak in Haksatna ki zousak lou a en i zawh ngeingei ding ahi chin ka liang awl in hon beng keuh keuh a kei nang hon lungmuan tuding zaw hi ing a nang kei na hon lungmuan mai mah a mo Pa ka chi numnum mai mah hi. Hun bangtan hiam gen dingpen leng theilou a ka om lai un Siami in haksatna i chih khong zaw i tuah lai a kithei siam lou mah ahi hileh leng i hoih zawk na ding lampi a Pathian in honpi ana hi nuam mahmah ahi. Haksatna tuak ngeiloute'n nawpsak na kichi a manphatna theilou a zang khial nak ahi uh. Haksatna ka tuahte theisiam lou a huntampi ana zang ing a tuni a ka ngaihtuah thakthak leh haksatna ka tuahte mi dangte a ding a vualzawlna ahihdan thei khethak ka hi. Den a Papa tawh na hong tun ma a i Nu a ding a thumna ana nei keive ua Pathian in hon dawng di inchin awl a hong halh ding ahi enve kapa leng i thumnate ziak a dam eivoi lung kelou in muang zoutak in Pathian thil hihtheihna ngak le A mah belmite Pathian in a thawn a koih ngeilou ahi chih nang a kipan a mukhia kahi hon chi hi. Ka lungkhamna ziak a Pathian ana gamlat lo man ka hihdan ka hon phawk khia thak a pawi ka sapet mah hi. Pathian a ki nga a amahbel taktak mite'n zaw haksatna leh gentheihna a tuah tam deuhdeuh ua leh Pathian bel nak deuhdeuh ua Pathian aw zak ding leh a hehpih na muh khiak ding hau deuhdeuh uh a hihdan ka phok khe guih hi. Ka Nun hoih lam sang in siatlam hon manawh zaw mok a buai in ka buai vengvung mai mah uhi. Khat veivei hon beisan ding hong bang ahihman in et leng en ngam nawnlou a ka tai khiak san hun bang a hong om tamai hi. Beidong lo mahmah ka hih man in Thumna bang ka nei mun zaw zen hi. I nawp sak hun in Pathian ki phok khol kei leh leng i hong beidot taktak leh zaw Pathian lou ngal belh ding leh muan ding dang ki neilou a ki bel top mai dan eive. Buai lua ka hihman un ann nek ding leng ka ngaihsak man kei a ka Ute'n lah hon puak lou ahih uh tawh zan dak 11 bang a hong gin leh ka sung lamte leng buai in hong buai mai mah ua a nuam chih na ding himhim chu a om kei hi. Ngaih tuahna mu mal leng neilou a ka om melmul lai in ka Nu lamdang tak in hong thum huthut a Nu.... Nu.... Nu.... bang ka va chikha pah pawppawp zawzen hi. Lamdangtak in zinglam Dak 2 lak vel a kipan in natna himhim neilou bang mai in hong om a Bawi na gimlota ding ka kiang a hong lum in chin a gei ah hon lum sak a akap sim kawmkawm in

Damlou natna genthei thuaksa te'n

Na kiang lam hon zuan ua,

Hinna leh damna na pia

Tangtawn hinna leh damna

Aw Jesu tuihing lui nahi

Kalvari a tuihing

Hiai tui hong zangkik nawn in

Natna veitu te tengteng damna

Tang a khovel ah na lenlai in

Na kianga apan damna

Mite'n ana sangzel ua

Tu in zong neih ka ut hi

Chih la awlawl in hon sa a Bawi ka damta zing chiang in inn a pai ding in ki ngen ni mo Pathian in hon damsakta ahi a kallak in hon chizel hi.

Chih la awlawl in hon sa a Bawi ka damta zing chiang in inn a pai ding in ki ngen ni mo Pathian in hon damsakta ahi a kallak in hon chizel hi.

Ngaihtuahna tamtak maitoh ka om lai in ka phone hong ging a tu leh tu a kua ahi mahmah dia aw chi a ka et leh ka Nau ana hi a bang thu a Bawi ihmu thei mahmah lou mo zingthoh lah hun nailou a tua na hon call mok ka chih leh ihmu thei thou mah ing e ka mang a kon muhdan a hoih kei lua a hon lung himoh lua ing a hon call mok kahi bang na chi ua Nunu gimlua hia? Na buai mah di mo. Nitak tung a sawm val vei hon call ing a khatvei leng na lak louhtaka Nunu buaisia hita ding a gingta ing a kapkap mai ka hi.

U ka lungkham luatding na lauh ziak a bang mah na hon imlouh di ahi aw. Nunu a dam zoulai diam? Dama kimu in awte ka kisang thei lai ding uam? Khong hon chi mok hi. Dawng zawk theilou in Ka om heihuai zozen a, Nunu mo, damzou zenzen e. Tua leng halh a halhta ahi. Zing chiang in inn a pai ding in ki ngen ni chichi hita ve aw. Na ngaituah nak lua a ahoih lou lam ngen kipia na hi, bang hiam chi a patauh huai hileh hong pai phot in hon chi ding ka hi. Tuni leng a khosik in khatvei chauh pha ahi a, nitak lam khomial ma deuh a honpha in chin buai a buai ung a huai laitak a hon call kha hi di nahi huai nung ka phone en kha nailou ing a huai ziak a hon call kik khalou hi zaw kahi.

Lung hi moh hetken aw, Nunu tawh ki hou ve ua leh mo chin ka Nu tawh ka kihou sak hi. A ki hou zawh ua ka phone ka et leh ka Nau chauh hilou in Muani in leng bang zahvei hiamtak hon na call a, tua leng honthei siamlou hia bang achi ngaihtuah mahmah dia aw, Bang chin ka genlem dia aw chin ka nak huaihuai maimah hi. Ni bangzah hiam ka Nu bang a chi dia aw a khosik in honpha dia aw chi a lauthong simtak mai a ka om lai un Doctor in pawt thei ding ka hih dan uh hon hilh a kipak lua in ka om ding dan bang kathei kei zozen hi.

Huchih lai in Siami Pan Bawi kei lah hiai a kipan dam a pawtkhe lou peuh mah di ing a na thum na in hon mangngilh ken la Na hun neih masak penpen in Pathian hon itna thu khatvei bek hon genpih lai in aw a honchi hi. Tangtawn a mangthang a ka tanding ka ngaihtuah chianga haksa salua kahi hon chi a ka lung hon khoih mahmah mai hi. Inn lam zuanding in ka hong kisa ua sum neilou a khe a kapai uh ngai ding ahih man in ka buai petmah hi ka vanteng uh nutsiat phot a ka Nu naupuak bang a puak thohmai ka sawm leh a ut dek kei a ka khut langkhat a len in a pai zoh dandan in awlawl in inn lam kon zuan uh hi.

Siami in Gate bul chiang hong kha a Kap kawmkawm a bangbang hiam gen in khiat lah chitak mai in hon en vungvung maimah a anuam hetkei hi. Bangtan hiam kapai nung un Ka Nun ka ngaihtuah khat kon gen aw chi in, Bawi a hunlou leng hi nawnlou chin a Kawppih na neih na Pa tawh hunsa lota ka hi uh. Kua hiam khat in omlouhna khat neile ung kou hong kipahpih tuka hong kipahpih ding kuamah omlou ding ahi hong kipahpih theiding a ka damlailai ua na neih ding ahi chiin a hongen hi. Ka Pan leng neih hoih a sakdan leh a ma damlai mah a inn tuama ka om khiak hoihsa ahih dan khong hon genpih a, bang chi ngaih khak ka hi diam zumlua in ka kho_ul bang pawt in hong pawt zung mok hi. Ka Nu maingal zaw deuh chu ka hi ngei dia Nu a hileh kua nei mokdi, kua hoih nasa ua eita?

Sum leng ki neilou a neitaktak ding hile Singkhat/Singnih bang a lou theilou a ngai di hia ka chi leh Hichia deih na hontel sak in chu Siami kan om ding in ka gingta kei, Muani zaw innsung Nuamtak a khosa ahi tawh bang hiam chizek sa hiveng aw hon chi mok a, hehehe chi a nui kawm in Nu Siami tawh Damdawi inn i lutni ua kithei pan keive ua Muani houh i va hel ding uh ahih kei ngal leh zing lamchia hoihtak in gen khom thak ni uh mo kholak a om ihih uh tawh ka chih leh ka Pan kholak zaw himah e hi leh leng inn sung a lah ngaihdan khong genkhom a kihou tautau thei leng hi nawnlou tel a mo, kou zaw ka sihbaih uhleh nuamsa baih ding lengzaw hive ung aw hon chi a ngaihtuahna tam honpe mahmah mai hi. Sotlou khong kapai zawh nung chiang un khol zel mahle ung ka Nu hong bahgawp a Na Ute kiang a gari in honpi mai un chi maive ka paipeih nawn mahmah kei a hon chi a ka lungsim in na lametna leh na kinepna bang bek le uh zaw mo nata masa ahih ziak a leng muanglua zaw hidi hi chin a mo ka chi vungvung mai hi. Ka Nu lungkim nading bek a call ding chi a kaki sak leh kapan Sam sese dah mai aw man ki chituan mahmah kei unteh nitum ma a inn i tun nak leh pawi kei, hiaibang haksatna a tuah ma uh theisiam kei unte honchi hi. Natna tuaklou in lah aom kei ding ua, hichi bang zaw i melmate na ngon in leng tuak kei leuh chih huai mahmah aka, thil a theihsiam chiang ua lah bangteng kikhel tadia mo honchi a etmai in leng a lungkim chih na ding himhim chu a omkei a pawi kasa petmah hi. 

Na Nu nang honpua inlan ken i vante uh konpaw di aw chi in, ahon pua a giksim ahih man in bangtan hiam ka pai nung un hiai dawr khong ah koih in den chiang in ken ka va lakik na di aw chi in kagei ua dawr khat ah ka va koih mai hi. Kal khat sungbang ann ginatak a nelou leh ihmu ginalou ka hihman un ka Pa a lung ngaihna tawh a tha chau gawp chu ahi ngeidia Inn katun ding kuan un hong bah gawp a ka khut langkhat a aban a len in ka nung a ka Nu pua in ka hong pai tamai uh chu ngaih tuahna tam khop honpia ahih man in mittui a dailou theikei hi. Inn tunding kal ngaklah takmai a om himah le ung inn katun tak un hong tungta uh mo chih natanpha leng ka tanlouh ban uah ngaihsak in leng ka omkei ua chik maha honthei ngeilou leh hon ngaina ngelloupi inn a zingtung ka hong bang maimah uhi. Ann nek a hong hun a ka Nun ann kuang lam a hon naih leh nou ann ding na huan nailouhpi uh thuk leng hon thuk keplou ka hi uh chi a ganhing bang mai a hol kik in hong om maimah a ki dek a hong haksa petmah tamai hi. Ka Uten ann a hon nek zawh un ka Pan Pathian kiang a kipah thu gen na hun saulou neile chi hi veng aw Damtak a inn chiang honpitung lai ahih man in kisuanlah chi kawmtak a ahon chih leh ka Un pawt nang ka nei uh huai khong neih khemkhem ngai kei. Pawi mawh na sak uhleh ana nei le uhchin, thuneih zaw ut mahmah lai neive ua mo khong a hon chi leh ka Pa dawhtheih na in daihzou nawnlou chu a hi ngei dia ahong hangjak a, Hiai chiang natun theihna kua ziak a? Thu neih ka ut leh ka inn sung eivoi kou ziak a hiaitan tung hilou na mo hichi bang a hon dawng ngei ding a zaw hon lamen lou lua zaw hi ing a na chu sadeuh mahmah kei ve chin a mittui bang a hong nul hial hi.

Ka Un a sem zou leng hi nawnlou chin ua na paupau na ding uh leng om nawnlou ahi nasep suahsa uh muhding himhim khat leng inn sung a om nawnkei ganhing bang mai a kon pumvak hita chin ua mun khat khong a dai dide a na tut uh hun hita lou mo Tu hun tawh Nou hun ki bang nawnlou ahi. Hichia hon muanglou a muan zawk dang nei na hih uh leh va bel ve ua. 

Ka sepsuahsa ahi na chihteng uh lakhia un lan khong chi mawtmawt kom in a Room lam uah hon lutsan a paulouh teitei sawm hi mah leng ki dek zou nawn mahmah lou in Hiai inn kua lamsa a? I Nu-leh-Pan hiai inn a pawt khiak san ngeingei leh nouleng om tuan kei ni uhte. Chiin bang louteng gen in ka hang zak tamai hi. Ka Nun khase takmai a ki dik huthut kawm in Inn....... kongtun kik kal......... ngak lah lua zaw hi ing a....... bang ziak a hiai bang khong za ding a dam a Inn hong tung kik ka hi mahmah dia aw mo....... na gil kial ding uh ka lauh ziak a ka duh laipipi leng nee ngamlou a hon pia ing a........ ann ka thuk chiang a leng........... atung gum na tawm leng na kuang ua thuk ngamlou a ka kuang leh na Pa kuang a thuk zel kei ve Bawi...... na gentheih ding uh kenzaw hon phal mahmah lou hi ing a maw. Na NU nang hon suangtu kei ve Bawi chin bangmah genzawm thei nawnlou in a hong kidik huthut mai hi. Ka Nu-leh-Pa lungtang a nat ding dan ka ngaihtuah chiang in thuak zou nawnlou in ka gei a tutna khat man zok in ka Tv uh a bang mah theiloupi ka deng phei ek mok hi. A hih hang in ka lungtang natna a pha tuankei a ki heh suah deuhdeuh in Unau ki nakna mai hilou in khut leh khe zang a ki beihna tan hong tung a inn kim inn kiangte tanpha delh in ka om maimah uhi.

Chik ma a ki na a kisel ngeilou ka hihman un mi houlimna ka hong hi ta mai uhi. Ka Inn vengte uh ngaih in, Ka Upa tung a khut kha, ka U zahtaklou, Inn sung a ki tawm, chi a etdan chituam a et in ka hong om a pawi kasa petmah hi. Bible in ka heh honphal a hileh leng ka khelh zaw hon phal lou hiven mo Khristian khat ka hih ngal leh bang ziak a ka Pathian thu kalh a ana ki dek zoulou ka hi mahmah dia aw chin ka kisik petmah a himah leh bangteng a ki khel khin maimah hi. Inn kuan khat hi ngal a Patian vualzawlna Ann kuang sawkkhom theilou lup hun kibang lou chih khong hithei kana saklouh himah leh Inn sung a om sanga kholak/kholai nuam sazawta ka hih man in Tu lai khangthakte Dan thak zui in zing ka ut tantan lum, ka ut hunhun a Ann nee nitak leng zan sawtnung (inn kuante ihmut nung) a kindeuh a pai in lumngal. Inn sung a pautheilou mahbang kholak a lah dawnseng hilou chihte ka hon ching panta hi. Ka inn kuan sung uh ki siatna in ka hinkhua a niam kiakna nakpi tak in hon tun a Biakna kikhop tanpha ka lunglut na beizou ding a hong bang maimah hi. Mi lak khong a ka om chiang in mi'n nuihtheih na ding thu a gen hun un a na nui zel mah leng ka lungsim ataktak in kipah na himhim ka nei thei kei hi. 

Damdawi inn a kipan ka pawt khiak nung uh kha khat bang val hial tamah leh Muani tawh ka kal thu uh vengthei nai tuanlou ahihman in ni khat ngaihdam nget a pawi moh leh leng ngaihdam va nget a ka kal ua ki lem louhna omte vasulem ding in ka va kuan hi. Hunbangtan hiam ka om nung natanpha in leng houpih in ka om kei a inn kong khong a pawtsan in Ka om maimah hi. A tawptawp in Nungak kiang a ngaihdam ka nget masak na penpen ding in Muan bang chi e houleng na hon houpih kei a ka hih khelh na lungkim louh na a ka om khak nate hon ngaidam ve mo ahi thei diam? Ka chi tawp tamai hi. A zalou bang mai a bangtan hiam a hong om nung in. A gending dan dang theilou ka hih man in Mo hon ngaidam theilou di mo? Ka chih leh, bang mah chilou nang leng na hon houpih tuansam Kei hel a hong na hih leh chu nang nawn houpih di ei zawvoi. Ngaihdam khong ki ngetnget ngai lou, huai zahvei kon Call nung a leng na hon Call kiklouh nang hi lechin na lung kim diam? Hon it taktak na hikei chih kathei chiang lota chiin mittui luang zungzung in a lupna pindan lam hon zawtsan maimah hi. Hong pawtkik nawnlou ding ahi dia aw chi a lung buaitak mai a abaang ua thil kitakte khong kana ban etet lai in Pasal khat bang hiam lauh nei hi leh kilawm awmtak in hong tailut a Muani, Muani, Muani lah nak huhu kawm in hong chi a Muani in kipah chitak leh zahtak chitak mai in hiai lam a kana om zual ahi kong pai chiin nui silsel kom a hong pawt in a gei ah hong tupah chat a lamdang salua in ka en tuantuan maimah hi. Sawtlou nung in Muani kiang a heh chisim tak mai in huai Pasal pan na Phone koi a koih e bang ziak a ka Call na lak louh a, Na bang uh hih a buai uh e? Kua a na houpih kua mah tawh Phone a na ki Contact nawnlouh ding uh ka chih mang ngilh man tel mo khong hon chi motmot mok a Muani in kisuan lah chitak mai a ngaihdam ngen kawm in Silent a koih kha a zalou ahih dan gen mah leh thei siam nuam lou in bangbang hiam gen kawm in kong lam a pawt khiak hon thuah a Muani in paidek mo tawm chik bek hehpihtak in hong tulai ou chi tawh inn kong lam ah zuihpawt hon thuah san maimah hi. Paisan mai ding ka ahi dia aw ka chih lai in...

Ka ngaihtuahna hong ki khek guih a kipasal saktak mai in hong lutkik ka ngak phenphan hi. Dakkal khat phial ka ngak nung in ngui tak leh dah melpu tak mai in hong lutkik a mu nuamlou pipi hi leh leng hon en kha teitei mah a hong bang a anuam khin khol kei hi. Muan bang chidan e na hong lungkim chi kei ve. Den a pa na kua, ka na chih leh bang lungkim luat nang a om mah dia. Hon muangmoh mantel mo kei nang dandan kahih louhpi ka lawmte maimai hi. Hiai neng khong a ki muanmoh chih himhim nawn deih nawn kei a midang deihzaw nahih leh chiangtak in gen lelve, ka ning. Dotna chau hi den dotna bawl ding mongmong a hong mo? Hon chi zawtzawt mok a ka hi heihuai zaw zen hi chik mah a hi chibang kampau zang ngei ding a gingta lou ka hih man in. Aw na lawmte maimai dan ana hi mo, Nupa hi le uh chin ki lawm khong in nong kichi gaga ua hon muangmoh man kei mah voi na cellphone natan pha tung a thu hong nei ban ahih chiang a mo..Ka nungaknu ka vahel leh a Pasal hong pawt ana chiman keivoi chi a nui nalhnalh kawm in nitak leng sawtta kana pai phot di aw chin ka ding hi. Ka nuih hang in sunglam a kipan a kipahna ziak a nuibel kahi dek kei hi. 

Nidang khonga a lungkim louhni pen a leng ka pai chiang a khiaklah chitak mai a aGate bulchiang khong ua mangpha hong khak zel hi napi Mangpha na tawm leng khak in ka om kei hi. Ngaihtuah na tampi tawh lupna ah kong lum tamai chu ihmut haksa sim mahmah thou dan eive. Nungak ngaih tuah na ziak a chikmah a ka ihmut theihlouh lam himhim thei nailou ka hihman in khovak tak in lamdang bang ka kisa hial hi. Ni leh hunte hong beizel a nikhat ka Pan Bawi sawtdam nawn ding in ka ki gingta kei huai ziak in ka damlai in koppih nei lechin chi kahi kou lah hichi mai hita ung a hon chi mok hi. Pa kawppih nei leng in katuan ngai dia nou genthei tak a hiai innsung a om di hi chin ua mo ngai ngamlou kahi chi in ka dawng hi. Aban kagen zomna ah, eimite paidan a Upen in Nu-leh-Pa a kep di chih hia mo ka chih leh huai zaw hi mah e, hileh leng bang chi hiam in kei om kei leng gouleh gam bang mah hiai in a kipan a na tankhak ding om lou a savuak a inn natuan ngaiding ahi. Ka gen theisiam inlan ka thu hon mang mai in a hunlou leng hi nawnlou nahi hon chia awle kon houpih dia a baihlam in sawm ni aw chiin ka dawng a kua houpih ding ka hi hiam chih bel kathei zou tuankei, Ka pan Bawi na omdan hon awilou hi veng aw tua na ki bawlpah kei leh hoihlou di ahi zongsat baihlam lua ahi. I heh lai in heh leng le lungkim pah i sawm ding ahi ei leh ei iki lung kimsak kei leh kua mah in lungkimna hon pethei lou ahi, Pathian vualzawlna i tan lim in limta kei leh i nek khop siausiau ding ahi. Innkuan khat hi ngal a nek leh dawn ki bang theilou khat in a duhduh a ut hunhun a ne a dawn i chih khong innkuan ki tuaklou tawp i chihte om dan ahi. Huai chia mahni ang sung ding chauh khual a midang kuamah khual lou a miteng si uh hen lan a mahkia hing leh leng pawisalou i chihte kipatna leng hiai khong ahi. A hon chi a pila thil theisiam thou ka kisak leh ka Pa theih na khup phaban zou dek lou ka hih lam ka phok khe guih hial hi.

Namdangte khong a Upat deuhdeuh uleh pil deuhdeuh au bang hiam haksatna a tuah hun ua leng thu leh la dot theih ua eimite khong i Upat deuhdeuh leh zattheih louh a ki hai deuhdeuh chia mi khong tawh kana gen khop zel uh dik khin veklou ahih dan ka hon phok khia hi. Nam dangten a Nu-leh-Pate uh a Upat deuhdeuh uleh zahtak deuhdeuh ua Thu leh la dong tam deuhdeuh ua, eimiten i Nu-leh-Pate a upat deuhdeuh uleh thu leh la dawttak leng salou a angaih dan uh a gending chiang ua leng nou hun tawh tulai hun kibang nawnlou ana dai maimai le uhchin himai ki chihsan maimah hi. 

Pitek/Putek khong chia haibawl a hoih a sakdan uhleh a deihdan natanpha uh leng gensak theilou i hih ziak a mi bangzah hiamte a thiltheihna uh hoih mahmah, zattheih mahmah laiding hi na zenpi i hai bawl a i sim mohbawl ziak a amau leng mipha zou nawnlou, mihai bang a ki koih a inn sung natawm a leng angaihdan uh genkhe ngamlou a om maimah uh ahihdan ka hon theikhia hi. Thutuam khong gen khom a ka om lai un ka Pan zan nitak a na Ute ki houna ka zakdan in inn bawl sawm nawnta hi le uh ki lawm inn hi chi nemnom khong a tenten sang in ki zousiang vet henlan naute leng gamdang khong a om sang un vek in ki om khom leh chih bawl uh mahbang hiveh aw huai chiah na Nau in leng hong paisawm ahi hon chi a, bang ziak a ka Nau in tu leh tu a hongpai a sawm a athil zil a zawhnang kha Nga khong chauh hilou mo ka chih leh, Sum leh pai chengkhat leng hiai lam a kipan i khak ding omlou a hih chiang a muh na ding thei zou nawnlou a hongpai sawm mai hilou di hia a meh manding natawm leng omlou achih hun tamlota ahi. Na Upan sum khak zel ka sak leh tu kum khat vei mahmah leng khak lou a hihdan khong hon gen a School kaitawh ki lawhthuah a tunitan a na khosa hitel ve aw na Nau nu lungkim chi hetlou in honchi hi. 

A kuan khiak ding nitak a U kon ngaithei mah ding mo Nunu Papate ka ngailua i U kiang ah hon gen sak ve, hiai mun a ka om di. Nunu'n leng hon ngailua eive, chia ka kiang a akahlai khong ka mitkha ah hong ki lang a, bawi nang utna tel hetlou a i U na lauh na ziak a haksa sapipi a kuan khia zaw hi chin a mo natheih ngei kuamah omlouh na mun a.......... chin ka dek khuat kawm luailuai in ka lupna pindan sung lam ah ka lut hi. Bangtan hiam ka om nung in Numei khat in bang nana chi ua na hoih zelna uh mo, Nu nang damsiangta mo? Khong a chih kon za guih a ka Nau ding a gingta in ka hi leklawk zawzen hi. A kampau khong ka ngaih hoih thakthak leh ka nau ahih louhdan ka thei khia a a aw ka theih ngei bang na e kua a leh chi kawmkawm a ka Room a kipan kapawt khiak leh Siami a na hi a ka muh tak in ka awm sung a bang hiam ki saituan letlet hong om guih a aw chin ka awm ka zawt zaw zen hi. Damdawi inn a ka Nu gimlai a ka omdan khong uh gen in ka Nu-leh-Pa tawh bang tan hiam ka nuih khom zaizai lai un,ngut awh Siam na Pa bang a chi a hoih zel na mo Damdawi in na pawt nung uh hong pha kha nawn hetlou ing a ka chih leh a mel om dante ngam khat a ki lamdang in a hong nuaikun dedu a gending thei zawsam omlou in ka Nu-leh-Pa tawh a mah ka en heuhou maimah uhi. 

Huchih lai in khapet tenten kom in U Papa mo........ damsiangta eive......... hiai leitung a natna........ gentheihna leh khemnate thuak nawnlou ding a damsiangta ahi, chi a kidik hithit kawm in a sakhau sung a kipan puandum khat leh bang hiam hoihtak a kitun hon lakhia a mittui kai zungzung kawm in ka Pa mel na muh na ding un......... hiai hon na kepsak in aw Nu chi a ka Nu pia in a hong ki pawm chenchen ua ka mittui in hon tumlou thei kei hi. Mittui tawh kidim a ka om lai in. U Ka... Pan....... a... hon nutsiat ding kuan a mo....... salam a ka Tate vual himah leh........khalam a ka Pa...... it tak a ka tangtawn munding hon hilh a........... khovel a thuhoih penpen sum leh pai in leng a lei zawhlou thumanpha Tangtawn hinna thu hon hilhtu Khalam a ka Pa hiai kavan neih tengteng lak a hoih penpen........ ana pe teitei...... in... hon chi a...... hiai piading a hong kahi chin a honpia a etna ding natan pha theilou in ka om heihui a ka mang lam ding khong mah a bang hi. Huchih lai in ka Pan Siam na Pa mi hampha mahmah ahi lungkham het ken aw. A leitung hinna a utleh dah a azatzawh nung a ahinna a beiding kuan a Jesu khrist Lal leh Hondampa ding a sangthei ahih man in mitampite'n a hinna uh abei ding kuan in sang nuam in zongzong mah leh uh a natna ziak uh ahih kei leh a lungtang uh khauh gawptak ziak a sangnuam pipi a sang theilou mutheilou a om uh ahi. 

Mi hampha ahih kia hi lou in mi enghuai mahmah khat ahi chiin hon khamuan hi. Aban hon genzomna ah Kenleng ka tangtawn munding ka tun hun ding ngaklah lota kahi kou a ding in zaw damsawtna leng lungngaihna leh gentheina mai ahi,hon chi a ka Pan kou a Tate ziak a leitung a ahinman leng om sa nawnlou ahih leh ka Nun bang a ngaihtuahtel dia aw ka chih chiang in Na kasa petmah hi. Thutuamtuam khong gen a hun bangtan hiam ka om nung un Siami in paihon sawm a bangtan hiam ka va kha a,ka Nu-leh-Pan a mah a Ta ding ua deih mahmah ahih dan uh gen maiding ahi dia aw ka chih chiang in Muani tawh ka kal uh venglou ahih man in kisiam tan lou in ka tawpkik mai hi. Pawlam siangthouna sang a sunglam siangthouna pawimoh zaw hi a ka theih ziak in. Ka ngaih tuahtuah chiang in ka nau in a thil zil hichi mai a zoulou a atawpsan ding hithei sa mahmah lou ka hihman in ka Nu-leh-Pa kiang a bangteng hi leh sum ka zontheih dandan in ka zong dia ka nau ompih kawm in ki lawhtheih nana a vaki lawh maileng chi hi veng aw bang ngaihdan na nei uh ka chih leh tua na ngaihdan mah ahi kou leng ka na gengen uh chin ka zin na ding kintak in ka hon buaipih pah vitvit hi. Nitak khat muani kiang a hoh ding in ka hong pawtkhia a a inn lam uh zuan a ka pailai in zanlam a ka hoh nitak a hong hoh pa tawh gari neu a kipua in a hong pawt ua a nung a sing dang a thebawm bangmaia tuang ka hong muhta mai chu lamdang ka sa petmah hi.

Nitak khat muani kiang a hoh ding in ka hong pawtkhia a a inn lam uh zuan a ka pailai in zanlam a ka hoh nitak a hong hoh pa tawh gari neu a kipua in a hong pawt ua a nung a sing dang a thebawm bangmaia tuang ka hong muta mai chu lamdang ka sa petmah hi.

Tulai khang thakte gari neu a Nungak leh tangval i kipuak chiang ua a Numeipen a gari in pua hia ahih kei leh a tangvalpan pua chih leng i theih zawhlouh dek phialphial te dan a kipua bel ahi hial kei uh. A inn ua hoh dek ka hih lam hilh kawm a ahoh na ding uh kan a hongpai hak ding uh leh hoh louh mai di chi a call kawmkawm a ka pai leh la ngeilou ahih man in a inn uh ka tung man hi. A inn ua bangtan hiam ka om nung in hon call kik a koi a hoh e ka hong leh nana om kei a hong paihak di maw ka chi leh pasal khat in ka kal uh subuai ding in hong ki pansese dah aw den chiang in thuak lawh kha niteh chih in a phone hon koih khum hi. Heh simpi a bang zahvei hiam tak ka call leh a la kei ua hong pai uh ngak a ki maituah a ki houpih di chiin katu phenphan tamai hi. 

A Nu-leh-Pan lah ka houpih chiang a leng hon gina dawn khol lou ahihman un a nuam khin khol kei hi. Paulou a sawtsim tak ka om zawh nung in ki suanglah kawm pipi in a Nu kiang a Nubiak e Muani koi a hoh a hongpai hak dia aw ka chih leh den a houpih hilou na mo chiteng in hon dawng lel a aban hon genlai di sa a ka na ngak nalam in ka ki hou mong dekzel ua a khonung simpi in den a pen kenleng a mah ding ka sak leh pasal khat in hon dawng mok in chin bangbang hiam gen a hon koih khum hive aw ka chih leh a Pan a lawmte khat Damdawi inn a om giahpih ding a kuan hive aw a buailua ua houh ahi diam maw hon chi hi. Ki awilou simpi in, huai himai thei mo chiin hunlem hichi bang kan om dia gingta lou ka hihman in Muani tawh ki ngai ka hihdan uh leh Khristian inn kuan ka suanpih ding a deih ka hih dan gen in ka ngen hi. 

A Nun hon dawng pah a Muani mi damtheilou tak leh Nasep, kampau leng ki zenlou (fellou) ahihdan nak tak a gen kom in Nou innsung khong a khosa theiding dan hilou ahi a mah zaw bangkim a enkol a a kemzou mahmah ding mi a neihkei leh buaihuai ding ahi theisiam mai in aw hon chi a hon deihsak ahi chih nase omlou a hih man in bang mah gen nawnlou in inn lam ka zuan mai hi. Bang ziak a ka itna a na pe kha ka hi mahmah dia aw? Ana pelou hi maileng hoih di hia a tung a zaw hon deih sak thou uh hia a Nu-leh-Pan leng tua bang ziaktak a hon deihlou uh ahi dia aw chih khong ngaihtuah a lupna tung a ka lup lai in ka Phone hong ging a a No. theingeilou ka hih man in ka la nuampah kei hi huchih lai in hon call thak zel a bang hiam thu poimoh ahih khak leh chi a ka lak leh Tuaban Muani ana thuzak nawn ken aw? Kei a hita ahi ka Nungak maimai hi lou a ka zii bangtuk hita ahi, ka inn uah a hong om naikei chih manthu lel ahi, den chia kibeih hong ngai di ahi aw na honzawp touh zelleh Pilna leh siamna hi in sum leh pai hi leh leng hon laudek lou ka hi aw khong hon chi mok hi. 

Bang chi ngaih khak ka hidiam a ka kho_ul khong in buak in hon buak a, Aw tuadan ana hi mo ken lawmta dan hon na hisak keivoi, huai chia ken Muani Nungak lai ana sa ing a kana thuzak zel mah ahi. Ka thuzak ding leh ka thuzak louh ding tantan zaw keithu himai heh aw nang keitung a thu na hon neih pawimoh salou hi veng aw. Muani tawh kum bang zah hiam paisa a kipan ana ki ngai ung a tunitan a ki khen nathu himhim gen nailou a om ka hi uh. Mipil vangtak leh mi thuzawh theitak ban a sum leh pai hautak nahih chiang in a, Muani zaw genthei tak in hon koih ken aw, chiin a utteng genleh leng za nawnlou ding in ka Phone off lou in ka gei ah ka koih khe mai hi. A genteng zaza leng kampau hoihlou taktak khong zang kha ding ing a saupi tunkhak lohthei ka hih man un ka daihsan hi.

Ka ngaihtuah na hongsang mahmah mai a ka lungtang Bangziak a???? Chih na ngen in hong dim maimah hi. Aziak ahih leh Muani in hichi bang a hon omsan hial ding in ka gingta thei mahmah kei hi. Neih-leh-Lam pilna-leh-Siamna bana Inn kuan khosakna tanpha a leng sit-huai hetlou mi bang zah hiam in deihmahmah a itna thu a genhun ua leng kei hon itna ziak a ana nawlkhin ahih dan chiang tak a theikha ka hih man in gintak haksa kasa sim mok hi. Kong khat a lah ka inn sung buaina uh ziak a lungkia gawp a houh hi chia hon omsan maimah ahi dia aw chin buai in ka buai vengvung mai hi. 

Muani tanchin hoihtak a athei pending a ka gintak a lawm nu ka Call khamok hi alaklouh tak a Sana ka etleh zinglam dak 1:30am bang a na ging maimah a Nungak ngaihtuah na ziak a ka sawthah nipen hi ding in ka gingta.. Hun leh nite beizel ahih man in ka Naukiang lam zuan a ka zin ni ding hongtung petmah ding ahihtak ziak in ka Nu-leh-Pa kiang ah na zanpuante uh ka zinma in sawpni aw chi a azanpuan te uh la khia a ka kun lai in. Ka Unu inn phiat in bang hiam gen kawm a amunphiah a ka Nu khe a zep ka hon mu a ka hehtha hong suak petmah a ngaihtuahna tampi honpia hial hi, pau zenzen leng lah ka omlouh/kazin nung chiang a ka Nu-leh-Pa thuak ding thupi lo ding ahihziak in ka paungam kei hi. Bang mahtheilou bang mai a ka om lai in Ka Unun Inn hon zut a ka Pa bang hiam hihding nei a hong din khiak leh inn i zut tata chiang in leng ki veinuam diak mah na bang ua munkhat khong a nana tu maimai deuh kei di ua a hon chi leh ka Upan mihai bangmai a mi nasepna khong a kivei dawldawl chih khong lawm leng a ki lawm sam a inn a ki zutchiang in innkong a na om pahpah ding uh kachih hilou mo hilhtheih mahmah louhzaw nei ve ua mo tunleng inn kong khong ah pawt ve ua inn sung a bang hih leng hilou khong hon chi hi. 

Kaheh hongsuak guih a, U i Nu-leh-Pa'n i neulai ua inn khong i suk nit chiang ua leng bangmah gen seselou a hah zel uh eive, lian deuhdeuh a i pil deuhdeuh leh i Nu-leh-Pa dong deuhdeuh hong bang mok a ka chih leh Nang thuhilh teutau pawimoh keng. Ka theihna kimkhat leng pha deklou di na hi, hon hai bawl loken aw, chiin banglou teng hon genkhum maimah hi. Ka puan sawp na mun ah bangbang hiam kon ngaihtuah a Moulawm a ka zan hah nitak ua ka U lawmte khat in Moulawm hilou a Bawm (Bomb) lawm ihi uh Tu lailai a Kua man Moulom nawnlou a Bawm ngen ahi i lawp uh a chih om dan kon theisiam panpan hi. Zukham hai chi a bang mahlou a ka ngaihpa keisang a pil zaw ahihdan kon phok khia a kua mah kei sim moh ding zaw omlou eive mo ka chi hial hi. Ka zin ni ding hong tung petmah a ka Pan ka lutung a khut nga in hon thumsak a Ngaihtuahna tampi tawh ka hong kipan kheta hi.

Ka zin ni ding hong tung petmah a ka Pa'n ka lutung a khut nga in hon thumsak a Ngaihtuahna tampi tawh ka hong kipan kheta hi.

Ka Nun ka Gate Bulchiang uh hong kha a a itna awnem tak mai suah khia in, Bawi damtak in vapai inla'n damtak in na Nau tawh hongtung kik un aw. Pathian deihlouh dan thilte ah hong kibual kenla'n miten na kampau leh na omdan a kipan Pathian a muhtheihna ding un na hong om di aw Pathian i tung ua hoihlua ahi bangkim ah na ma honpi hen aw. Chiin mittui luang zungzun kawm in ka paitum matan hon en vungvung a ka tumding kuan in khol a ki nunghei in Nu mangpha aw ka zak khop a chi nilnil kom in ka khut liklah pipi a tunglam a liktou in ka pei leplep a ka nu'n ka Gate khuam uh len kawm in alu honsuk khum ngaungau a kintak a ki hei a paitum zawk in kamit leh biang a khitui omte nul in lamgei a bangtan hiam kading dedu mai hi. 

Mun tuamtuam khong a ka Nu-leh-Pa inn a na nusia in zinsan zel mah leng hi chi lawmlawm a ka Nu'n hon khiaklah lam himhim ka thei naikei banah ka zinkhiak ding hichitel a haksa ka saklam leng ka thei kei hi. Chik mah chiang a hiai leitung a ki mu nawnlou ding hi le ung ki lawm bang ka kisa hial hi. Ka gari tuanna ding a ki ngakna mun ka tunma in bang zah veihiam ka paina ding mutheilou in ka khol kha hi khomial ziak zaw ahi kei, pasal khat hi kei ngeingei leng zinkhe zoulou a innlam a ka kik baih lam mahmah hi in kathei. Ni bangzah hiam Gari leh train a ka taizawh nung un buaina bang mah omlou in ka Nau om na mun ka hong tung a ka nau in honpi ding ngak in mun khat ah kana om hi. 

Bangtan hiam ka om nung in Taxi khat in a hongtai ua ka geitak a khol in kintak in a hong kum khia a kipak takmai a ka na nuih heuhau leh aman leng hon nuihsan cheuh in a hong ki leh heisan a mi kuahiam zon nei hileh ki lawm in a kim leh kiang khong, bang tanhiam hong dak kualvutvut a Nau chiin ana samzel mah leng hon ngaihsak het kei a bang chidan ahi mahmah dia aw ka nau hileh lah hon haih hial loudia ka theih khelh houh hia leh chiin ka leh buai hial hi. Va naih mok ding lah a mah ana hikei leh zum huai lodi hia chin ka naih ngam kei hi. Bangtan hiam a dakdak nung in beidot chi kawmtak mai in a Phone hon lakhia a call a hon bawl leh ka khut a ka tawi ka Phone hong ging ditdit hi. A man lah kei hon ngaihsak mahmah lou ahihman in a min a sam in hiai a om keive. Ka chih leh kintak a in hong ki hei a lamdang sakchi takmai in hong om heihuai zozen a U nang mo bang chitel e....... hon ngaidam in aw kon haihtel a mo chi a hon pumkawi in hon kahkhum ekek a Bawi dam a i kimuh theih kipah huailua ahi chiin a inn luahna lam ka hon zuanta uhi. 

Gari sung a Ka tung a kingai kom in U nang ihmu ngeilou mo? Ann leng na gilvah a ne ngamlou/nee zou mahmah lou hidi neive mo Mihing a piang sapsap ding in na genthei tel mo U khong hon chi a Bawi genthei zenzen lou e tua dante khong na ngaihtuahtuah louhding ahi chi a ka hehnep theih dandan in ka hehnem tamai hi. Inn ka tun phetphet un ka Nute ka tunlam ka hilhpah ua ka Nun bawi na zin ni a kipan nang a ding a ka thum uh khol nailou kahi uh aw, ka Tapa neihsun ka lametna tengteng uh ka ki ngakna uh nahi khong hon chi a NU ka U leng a damlai voi mihai bang mai in na hong pau a ka chih leh kou a ding in a sikhinta, a zii leh atate a ding leh midang a ding in zaw hing lai mah e. Hiai leitung a om nawnlou hi le uh leng tua ka mittui luang leh ka lungkham nazah a luang kham ding in ka gingta kei. A mautung a ka mittui luang ding teng a kangta aluang ding leng a omzou nawnkei khong a hon chi a ka lungtang hon khoih khalua ahihman in gending theilou in ka om heihuai maimah hi. Ka nau tawh ann khong ka nek khit un ka lumpah ua lawmta ki ngaitak zankhat khong giak khom ding bang mai in bang louteng gen a kaki houhou uh leh ka zan hak kha hial uhi. Ni bangzah hiam sung sep nading himhim mulou a lamet na beiphial a ka om lai in ka Nau in U lungkham hetken aw Singpisan leh sang kia ne a leng a kha a sim ana dam kahi i Pathian in hun a sak chiang a honpe na ding ahi khong hon chi a, ka khalam hinkhua bahgawp a ka ginna neulua ahih lam ka hon phok khia hi. 

Ni bangzah hiam zing leh nitak a ann ding a singpi leh sang ka zatlai un ka inn kiang Pa un ki lohna ding na muh nai keileh khat hon gensak leng hithei ding ahi hon zui in honchi a kipak lua ka hihman in bangzah lohdi bangnna semdi chih natawm leng kan seselou in ka zuipah hi. Bangtan hiam kapai nung un inn thupi tak leh hoihtak mai chikmah a kamang lam a leng ka muhngeilouh khat ah hon lutpih a mihai bang mai in ka dakdak mai mah hi. A sung a nasemte a Smart thei mahmah mai ua Nuih melputak leh zahtak takmai in ka paina lamlam a Sir, sir hon na chi ua chik mah a hichi bang a zahtakna tangkha ngeilou ka hihman in khovel a mithupi penpen leng hichi kan in kuaman zahtak kei unteh kachi hial hi. A lianpen pa kiang ka tun un hon na kipahpih mahmah mai a ka lawh ding zah leh ka nasep ding khong hoihtak in hon genpih pah a milian leh mi thupi zahtak huai taktak hiai mun a hong paizel uh ahi man in Trianing bangtan hiam na lak masak ngai di ahi zing chiang in hong kuan pah in aw chi in ka form ding hon pe zat a himahleh kala nuamkei hi. 

Na lawhding tawm salua mo chi in behlap sak ding in hon gen a himahleh ki houthak lai ni aw chin ka pai khiak san hi. Hon tawnpih pan hichi kan a sepna hoih leh lawh hoih koimah a mulou ding nahi bangtan hiam sem zek lechin na (Side income) maimai a leng khosa zou ding nahi chin a hoih dan naktak in hon genpih a, zing leh nitak a singpi nihvei khong ka dawnman ding lel uh nei himah le ung hiai na ka seplouh ziak a ka ngolh uh leh leng ngol zom mai di chin, hontawnpih Pa kiang ah Honthei siam mai in aw a tung in ka Nasep ding kon kanchian kha kei ahi, ka lawhding tawmsa ka hi kei, kha khat in, a Sing a sim hon pe ding hi le uh leng Khristian ka hihman in Hiai (Bar) a zuu hawmna Nna semtheilou ding kahi Ka Pathian thu tawh ki kalh (ki tuaklou) ahi ka chih leh Simmoh chitak a nuihsan kawm in Huai a semte a tamzaw phial Khristian eive a mausemthei ua nangbang ziak a semtheilou tuam di e? Na Pathian uh kibang hilou mo? Na Pathian un mimuh a zudawn chauh hilou mo honphal louh a hawmding (mi kiang apiak ding) honphal hilou mo? Na utkei leh ka utkei chi vetve pawilou pi zuau gensese a ngai sam Khristian nahih leh. Sepna ding muzou mahmah lou na hih leh chi a na sepnang hoihtak hon kokmuh (hon muhsak) hi ing a, deih leng deihsak theihkei teh chin hon hehsan sim mahmah mai a anuam khin khol kei hi. Khristian teng leng kibang kimlou a taktak leh a taktaklou a Khristian dan a kibawltawm tampi om ahihlam thei banlou ahihlam ka theikhia a pawi kasa petmah hi. 

Ka sum neihteng uh hongbei a bang chi di ahi mahmah dia aw chi a ka lung buai mahmah lai in ki lawhna ding khat kon mu zenzen a Pathian a ngak zoute tung a zekailou ahihdan kontheih khiak beh a ka neihlouh na Pen Pathian thupi na ka muhna hong suak maimah hi. Ka zin khiak nung Kha nih bang hita mahleh ka Nu-leh-Pa houpih nuam in a kal lak in call zel mah leng kou inn a omlou ahih kei leh a koi a hoh dek uh ahi diam, anupa un ki kaipawt tattat ve uh Mi gensiat chihlouh ngal hihding theikei uh chih khong a dawn in kong om maimah a thumvei hiam kihou kha hamham ka hihman un ka lung a nuamthei taktak kei a ka lawmte khat kiang a hon panpih mai inla'n ka Nu-leh-Pa na Phone honva piaksak maive ka chitawp tamai hi. Vangphat huaitak in ka Ute a na om kei ua ka Nu-leh-Pa tawh ka ki houthei pah vang lak uhi ka Pan Bawi na hoih zel na uh mo? Akal lak bek a hon houpih zeldi konsak hia khasiat chitak mai in hon chi a Damzel mah unge Pa lung himoh huai hetlou ka hi uh Nou lah bang nachi ua nadam zel na uh mo ka chih leh Pathian zal in zaw ka taksa uh zaw dam mah e hileh leng ka lungsim uh a damthei mahmah kei a chin a hon dawng a ka dipkom bang hiam hon dawt om hileh kilawm in ka gol bang a hongbing guih a, Bang ziak in e Pa bang haksatna nei e lamdang satak mai a ka chih leh Hong it khat leng om kei uhteh........ chin bang louteng hon genkhum a na salo mahmah ka hih man in bang mah genthei lou in Naupang bang mai in kakap kheta mai hi. 

Pa..... hon it...... lua keive...... ka hon houpih kha theikei a, ni khat..... hal bek a hon call...... zel kei ve Pa kap kawmkawm a ka chih leh na Nu kapia na houpi nuam leh chiin ka Nu honpiak san a, Nu ka chih leh chik mah a Phone a kihou ngeilou hi le ung ki lawm bang mai in. Awi Bawi Na aw lah kaza a nang lah ka hon mukei a... Bawi hong pai maive annkhing nek ninglota keive, Bawi Ann leh Tui leng kane zou nawn mahmah kei... a limna himhim a om nawnkei, gawt mun a pan honpi khe tave mo Bawi khong chi in misi kah bang mai in honkah khum a ka hinman leng a phat tuamna om nawnlou ahi dia aw ka chi hial hi.

Bawi Ann leh Tui leng kane zou nawn mahmah kei... a limna himhim a om nawnkei, gawt mun apan honpi kheta ve mo Bawi khong chi in misi kah bang mai in honkah khum a ka hinman leng a phattuamna om nawnlou ahi dia aw ka chi hial hi.

Sawtsim tak mai ka Nu tawh ka kihou nung un hichi kon ngaihtuah hi. A Kinthei pen a innlam pai a ka Nu-leh-Pa tawh innluah hileh leng inntuam a khosak mai hoihsa in ka paina ding a pawimoh tuamtuamte kava ngaihtuah pah hi. Ka Naukiang a thil omdan leh ka tup leh ngimte hoihtak in ka hilh a, Bawi na hong pai hun chiang in i Nu-leh-Pa tawh inn tuam ah ana om le ung leng i Ute kiang a na kingak masak teitei ding ahi aw na maban ding na khualna ziak bek a bang chituk in i Ute hai le uh leng i U ahihna beituanlou ahi. I thumnate Pathian in nikhat ni chiang a hon dawng dia innkuan kituak leh innkuan nuamsa kihi ding ahi. Hiai leitung a i damsung haksatnate khong tuak ding mah ihi, hileh leng haksatna i tuahte khong ki zousak a lungkhamtak leh lametna himhim neilou khong a i om hetlouh ding ahi. Haksatna in hon zawh leh haksatna sala tang ding ihi saltang mi nuamsa kuamah omlou ahi. Haksatna i tuahte Pathian gamlatna a i zat hetlouh a Pathian in hiai tungtawn a ka kiang a hon lah nawp bang hiam chi a Amah i naih semsem ding ahi. Chin ka gen a niteng a thumna hun ka zatzel uh tawh kibang lou deuh in a tuam liauliau in ka Nu-leh-Pa a ding leh ka Ute nupa a ding in nitak an nelou in thumna hun ka zang uhi. 

Dam a Pathian in lem honsakpih leh inn lam ka tun chiang a abaih thei lam a zii neih ngal sawm hi mah leng ka buai gusim mahmah hi. Ka zin nung hoihtak a Muani tawh lah ki houthei ngeilou kahih ban ua a tanchin a lawmte leh mi tuamtuam a pan ka zak dan a Tangvalpan hon gendan tawh kibang sim ngen ahi chih ka chian semsem hi. Ka Nu-leh-Pa'n leng Siami deihthou hive un Phone tungtawn a houh itna thu gensuk mai a ahitheih leh kiten ding vai genpih ngal maidi houh ahi dia aw khong ka chih lai in Siami in Phone natawm neilou ahih lam ka hon phok khia hi. Ka Nu-leh-Pa kiang a hoh ding a ka sawl banah ka lawmpa a inn uh hilh in hon gensak ding in ka sawl zel mai hi. Ka lawmpa'n huai Nu-leh-Pa leng neilou a utleh dah a om khong mo na deih den chiang a kisik di nahi bang hiam hun a leng na sawktheih ding mi zong zaw ve hon chi hi. 

Muani tawh ki khensiang nailou na hih thouthou uleh Vasa lenglai kuamah a hi loupi a kap siamsiam tang eive le hong pai inla'n gu ngal le hi mailou mo. Huai chia hon gen mokmok leng na ngaihdan ahi diam ah zii ding hial zaw siam na leh pilna bangtan hiam aneih uh pawimoh ahi. Nang a ding bang chu mipil deuh ngai sa deuh hi veng aw, Nu-leh-Pa it tak a hon keppih theiding, pawimoh lua nahi Upen hiloupi Upen dinmun a nadin ngai di ahih chiang a mo... Na inn ua kava hohni a na Pan Well a tui khaikhe lahpipi a khai khia a apuante khong uh ana sawptel inchin zii na neih zok chu pawi moh mahmah eive honsawl mai di hia ka chihchih lai in na hon gen kha chet a huai chia kava hoh a na Nu-leh-Pa na inn ua om hina zenpi a na inn uh Chahbi a hoih tak a kikalh in chin na Nu kiang a bangziak a na inn uh ki kalh a ka chih leh na Nun kou hon muanglou ua hichi gige mah hi ung van a manding khong lau ua Tate muan leng kitang zou nawn kei veh aw bang chitel leng ka hi ding uam ah.. khong honchi in chin Na Ute hongpai ua lah na Gate uh na Pan va honsak pah khalou a na Upan bang chitel e Gari Horn ka mek leng zaloutel mo na bil uh leng Siktul am a i vuhvang khong uh leng ngai taktak leh ki lawm khong hon chi motmot in chin na Nu-leh-Pa chu genthei samahmah ka hi. Huaiziak a mi hoih deuh na neih hon deihsak ka hi, ahih ziak a hiai nei in mihoih ahi konchih ding chuh theituanlou ka hi. Siami kana gen himhim di awleh hon chi a awle ana gen himhim leteh ahithei hiam ka chi veve hi. 

Ka lawmpa thilgen a kipan ngaihtuahna tampi ka hon nei a Tagah gentheite kuaman bang mahding kichilou a Zii-leh-Pasal ding iki etna a leng pilna leh siamna ban a innkuan khosakna sum leh pai khong a ki en hang a apawi mohpen bangkim neitu Pathian neihna a iki et khak louh ziak a inn kuan kisia Nupa kal kisia i chih khong kitam eive chih ka hon thei khia hi. Ka Pa kum Sawmgiat(80) mi in Well thuktak a kipan tui khaikhia a avan khong uh kisawp a, Asisan a piang a it mahmah a Ta ngoingoi in kulh kongkhak ngaktu(Gate ) a zang a suak bangmai a bawl ka chih chiang in na kasa petmah a mihing ngaihtuahna nei khat thilhih ding in ngap huai kasa thei mahmah kei hi. Pa na lametna leh na muanna na kingakna naTa upa pen in hichia hon bawltel ding a zaw gingta lou di hichin a mo, Kuaman leng hon it kei uteh na chih omdan ka theisiampan Pa ka hailua mo koimah a kon zinsan louh ding zaw hia mo...... Pa kou na Tate a ding a gentheihna leh haksatna thuak a na Siamna leh Pilna, na hatna tengteng nang zaw zang hi chin a mo.. Pa.... na Taten nou a ding a gentheihna leh haksatna mo ka thuak ngamlouh uh.....? Na itna uh leh deihsakna uh ziak a pilna leh siamna ka neihte uh mo nou a ding a lung khamna leh khitui luanna, hin man leng om sak nawnlouhna a hon tutlel........ Na itna uh ka hon thuk kikna uh ana lua mo Pa..... Nu na Tate mo sisun bangmai a na hon suntel........ kei zaw damlai kahi aw Nu..... Mi theihbang thei a Mi pil banga kapil theih ua Mi ka phak theih na ding ua na lungkham na uh leng hun lo mahmah zaw hia mo. NU.... kakipahna ding zong a ka mai a na nuih bimbem lai hunte ka ngai lua...... nangleng na ngai mah ding mo Nu.... nouzaw ka Pa tawh Lungkham takmai a ka om ding uh hon phal hetlou di hi chin ua mo? Na nuih mai uh ka mu ut lota, Nu itna tawh nahon na et kolna Mit hah ki lawmtak mai mo... lungkhamna mittuite'n a hih mial takmai..... Na sisan a Piang na TA ka hih ziak bek un hehpih tak in........ 

"THEISIAM UNLA'N HON NGAIDAM VE UA MO" 

chiin Numei sia bang mai in ka om mun ah kakap khe keuhkeuh mai hi. A gentheih ding dan khong uh ka ngaihtuah chiang in Ka Nun gawtmun a kipan lakhe ding a hon sapna aw ging a hongthak zel a bangteng thuak ahi mahmah ding ua aw chin ka ki dik khaman nak hi. Ki pahna himhim neilou a ka om lai in ka lawmpan Siami in Pasal neikhin ahihdan leh Muani a Nu-leh-Pa'n inn kuan kituak lou lakpi a alutding phallou a, nantheih tan a nang uh ahihdan a gen khong uh hon hilh a bang teng gen ka chih leng theilou in pau mualmual kawm in ka phone ka koih khum kha maimah hi. Muani ka houpih theih sunsun chiang a khat veivei it a hon ngai taktak hi leh kilawm, khat veivei lah honngai hetlou bang ahih hang a ki khen nading thu himhim lah gen nuamlou ki hehsak sima ki khenna ding thu i gen bawl sim chiang a lah ut hetlou a aom na ziak a Nu-leh-pa'n hon deihsak louhziak uh hi din ka gingta hi. Inn lam kapai ni ding hongtung khongkhong a ka Nautawh khut ki len a dakkal bang zahhiam thumna hun ka zatzawh nung un (Airport) lam ka hon zuan uh hi.

Inn lam kapai ni ding hongtung khongkhong a ka Nautawh khut ki len a dakkal bang zahhiam thumna hun ka zatzawh nung un (Airport) lam ka hon zuan uh hi.

Chikmah a lenna a tuang ngeilou lenna sung a ka hong lut bang zaw ka manglam mah a bang heihuai maimah hi. Leng khe ding a ahong kangtouh in laulua chu kahi ngei dia nakngam lou zen in kana pang tentawn a ka kho-ul in hon pumtuam ahihman in ka gei a ten hon nuihsan hial uhi. Duh-am na gam a khanglian chih mahtak lenna sung a nektheih ahon hawm un limchi salua houh kahi diam a mi'n bang chilak uh a chih leng en masa sese lou in bangzah hiam kipil sakdeuh takmai in kana la pah pawppawp kha mok a mi lakdan kon et thak leh mihai kipil sak a phattuam louh dan ka honthei khia a ka om muna tum mangtheih hileh kuamah muh louh ding a tummang vengveng ka ut hial hi. Lenna a kipan kagil masuan in keichauh mi kahi chi hileng kilawm in nui heuhau in ka hong kivei pawt ial ial a Bus hoih khol lou khat a tuang in innlam ka hon zuan tamai chu a chin chi kei khop mai ama a katuan na tawh ki khai lua ahih man in. Kaguh katang, ka sungteng na hon singse gai mahmah ding hon dawm deuh ve chih simsim in a om mai mah hi, ka gei a tute kiang a i lampite khong uh leng a siatdan ki Rual deuh leh zaw a dan om deuh di hia mo chiin mi gensiat ka honpan tamai uh chu ka thupi thou uh e... I lampite khong uh leng mi gensiat natham ching zet a sia chu ana hidan eive. Ka gari tuanna uh a siat ziak in khovak lai a inntung ding hina zenpi dak 7 vel in ka veng sung uh ka lutpan hi ka kulh kongkhak uh leh ka dai uh a na ki lamdang mahmah mai a bang chidan a leh thei khial a mi inn a lut khadek houh ka hi hia chiin ka mitbang ka nuai thakthak hial hi. 

Nidang a ka kulh kongkhak uh maupum thumhiam ka tholthoh sek uh tua Sikpek lianpi mihing tha a leng honzawh louh ding hi leh ki lawm in ana kikhekta a (Gate) ana kichita hi. Gate in a lamsau hiding a ka gingtak (Gentheihna leh Ang masialna tawh, Tenna mun) chih ahi. Ka Gate uh sawn hong in ka hong lut a iki humbitna ding ua i bawlte khong uh zaw a thupi theitel mo hileh leng hon humbit zou tuanlou in a sung atengte ibit tuankei ua hive aw.. Hiai Fencing thupi leh hoih taktakte sang a zaw Lungtang a Fencing neih pawimoh zaw hia chi kawm a inn sung a lutding a kaki sak leh ana ki kalh a lumkhin man hidi eive ua chi a kongkhak suging kawm a Nu chi a ka sapsap hang in kuaman hon dawng kei hi.

Kuamah omlou houh ahi di ua aw chi a ka geia Bench a bangtan hiam ka tut lai in ka Nu-leh-Pa kihou ging ka hon za a ngaihdeuh a Pa ka chih leh bang hiam lauh nei hileh ki lawm awmtak in aw kongpai kongpai hon chi tawttawt a, kong hon hawnding ngak a kong bul a ka din leh inn hawn na ding (Chahbi) tawi in, ki nawhchi tak mai in ka inn kilkhat ua kipan hongpawt duaiduai hi. Kisuanlah chitak mai in a Chahbi tawi hon pepah tawttawt a, Pa kei keive ka chih leh hong nak huai zawzen a, eh! nang mo na hongtun ding lam bang mah nawn hilh kei a chiin hon chibai hi. Bang nana chi uh na nahoih na uh mo ka Nu lah ka chih leh pauhet lou a ki nunghei in ka inn sak nulla dung uh zui in honpai san a, ken leng awl in a nung ah ka zuiphei hi. Van koihna bukding a Aidak buk a ki bawl khat sung a hon lutpih a Hon ittu ka Nu lupna hoihlou takmai tung a puan hoih lousimtak mai bangzah hiam silh a lum ka hon muta mai chu itna mitui a luang lou theikei hi. Van deih nawnlouh bang mai a vankawih khopna buksung a ka Nu-leh-Pa kawih a om ka chih chiang in na kasa petmah a, kasa vutvut zou hial hi. 

Ka gending natawm leng theilou a munkhat ka din dedu lai in ka Nu'n bang chisim e na hong zenzen a hiai khong a hong tuzek lechin hong paidek ta unte a nangak zek lechin kougel chauh ka om ualeh chimlua ung a kana lumpah ua ahi. Hon chi a Nu kua hon sa oi kei keive ka chih leh awi Bawi lah konna haihtel a mo nang dia hon gingta mahmah lou ka hi ka honna ngaihtuah tuah lai in na hong tung zenzen a chin a khut hon khak siamsiam a kipak lua chu ahi ngei dia a mittui bang a pawt hial hi. Ittu ding leh kemtuding neilou bang mai a ka Nu-leh-Pa hiai mun a hichia om uh hia chih khong ka ngaihtuah chiang in kidekzou nawnlou a angong au kawi in, Pa hehpih....... tak in...... na hon ngaidam thei laidiam?...... Mo Pa? Hon ngaidam thei nawnlou di mo? Honngai dam laive mo Pa kana hai sawtlua a hi...... Nu hon ngaidam...... ve ua mo... Aw..... Nu... Aw Chiin ka ki dik huthut tamai hi. Ka Nu-leh-Pa a kipan a Ngaihdamna aw uh za zoklou kahih man in ka Lungbuai sim man mahmah mai a huchih lai in ka Nu'n Bawi.... Ta nei nawnlou a Inn lum natawm leng tangzou nawnlou ka kisak leh Nang ka hon neikha lai uh mo........ tunzaw bang hiam ziak in omlouhna tuak le ung leng hon ittu Tapa khat hon nei kahi ua ka lung kim deuhta ding uh. Bawi ngaihdam nahon ngetma natawm a leng hon ngaidam ding a ki mansa kahi uh, honchi hi. Himahleh ka Pa kamkhat leng pau nailou ahihman in lamdang kasa petmah hi. 

Ngaihtuahna tampi tawh gending theilou a bangtan hiam ka om heihuai lai in ka Pa'n Baltin khat in tui a hon suak khia a Pa bang hih dek e ka chih leh na kisil nang bawl dek ahon chi hi. Pa nang hon bawlsak pawimoh nawnlou kahi, bawl di ahihleh leng ken nang a ding ka hon bawlsak di hizaw lou mo bangziak a ka kisil nading bawl dia na hong kisak himhim a chi mawtmawt kawm in mun khat a tu maimai ding in ka sawl hi. Kintak a kisil ding a kisa zok in baltin a tui ka khai pawt leh ka Pan hon delh pawt in Sahbawn omlou inn kalh khum uh ahi hi hiai chin bang hiam bukneu khat honpia a ka etleh Dittol chih ana ki gelh a awle pawikei hiai a om nak leh chiin kala zat hi. Ka kinuh tak in Tangal ana hi maimah a ka Nu-leh-Pa'n Sahbon natanpha leng tangzou nawnlou a Tangal ana zang maimah uh hi di hia ka chih chiang in ka hatang bang a thak tettet zou hial hi. 

Kisil zou innsung a kalut leh ka Pa'n ann na kham zou diam ah tamlou khah a om a, nameh ding huah thuksa in ka koih ann zaw a bel in luhthoh mai in aw honna chipah a ka hi heihuai hial hi. Chikmah a ka Pa'n ka ann nek ding khong honthuk saklam thei khalou kahih man in Ann ne ding a annbel ka hawn leh tamlou chik petmah ana om ngut hi. Ka tunding lam kuamah hilhlou ka hihman in ka ngaisiam thou hi, himahleh ka an nekdek gum chihtak a gum ahih kia hilou in annkhing ana hi maimah hi. Kameh uh mehkan a tui neilou ahihzawk mah ziak in ka Nu-leh-Pa Habei pin hiai bangchi nek ahi mahmah di ua aw chin ka ki ngaihtuah vungvung hial hi. Ka ann bel uh leh ka mehbel uh khut a leng khoih lou a khe a inn kong a pek a pek pawt thoh di'n hoih kasa hial hi. Ka Nu-leh-Pa a chik a chik a anntui duh mi (ngaina mi) ahihman un, ann nelou in innkong lam ah kintak in ka pawt a Nu nang zaw ann nathuk chiang a leng a tung gum leh a kang natan pha ka kuang ua thuk ngamlou a, alai gil a nemna munmun honthuk a, ka meh duhlouh uh leh ka nektheih louh uh na duh mahmah leng kou ziak a........ huan ngamlou (ne ngamlou) hi chin a mo...........? Kon genthei saktel uh....... mo? Na tante'n gentheihna chauh hi mo… ka hon piaktheih uh. Gawtmun a kipan... hon.... hunkhe ding a...... nawn sapna aw..... tun ka thei siampan........... Pa ann khing natawm ka nek ding uh phallou a....... ka kuang ua a om khak chiang a leng....... na Nu tawh kou ka ne nading uh chi a....... nang zaw.......... hon laksak zel hi chin a mo? Chin ka inn lim uah ding in kuamah theihpih louh in...... kaki nulnul maimah hi. 

Ka lut kik in ka Nun bang chi e ann lah na nekei a hon chi a ka duhtha suaklou hive aw ka nekdek leh ka luak khong hong suak mok a ka gari tuanna khamsim lai ka hi di, ka chih leh den chiah nagil a kial lo diam mo neuchik bek ne lechin zaw chi kawm in ka Pa kiang ah Huai ann kuang khat ah koih khia inla'n abel hongtun ma un silsiang sa in koih nawn pah aw na mangngilh kha de hong tung le uh ala ding khong a hong kisa ding un chin ki sil nai kei leh bang louteng a chih zialzial leh kou zialzial thuak zel di nahi hon chi hi. Lamdang sak chitak mai a ka Pa ka et leh ann belsil ding in hong kisa a, kintak a dingkhe zok in Pa hiai nangsil ngailou sil a pawimoh leh a silding a kilawm zaw om ahi chiin ka buhbel uleh ka mehbel uh manzok in konglam ka denna bang zaw agin a ngaihthou ka chi... Huai hun laitak in mihai kahih lam ka kithei kei, heh luatna leh lung khamna in mi haisak nak mah ahihdan ka hon theikhia hi. Ka Ute a hongpai un ka Gate bul uah Gari Horron hon mek ging chen chen ua ka Pan kintak a delh ding in a hong kisa zel a, ahong luttheih kei ualeh hong lutdah uh heh.. Mi nih eive ua le nang a hatloupi hiai khomial nuai a vatai duaiduai ngailou, Nang kholak pawt a gate hawnsak ngai hi lechin kou kon hawnsak ding uh hi zaw ahi nang ka Pa uh nei voi. Pa na sisan a piang na Tate maipha zonna leh a sikha (a suak) bangmai ua na damsung hun zangbei teldi mo? Kou na Tate'n na maipha leh na kipah nang zong a, na thuthu a ka om ding uh hizaw lou hia? Nang ka leitung pathian uh nahi chin gari horron gingging mah leh a hawn ding awilou in ka khou hi.

Pa na sisan a piang na Tate maipha zonna leh a sikha (a suak) bangmai ua na damsung hun zangbei teldi mo? Kou na Tate'n na maipha leh na kipah nang zong a, na thuthu a ka om ding uh hizaw lou hia? Nang ka leitung pathian uh nahi chin gari horn gingging mah leh a hawn ding awilou in ka khou hi. Ka Pa'n na maipha uh zongin na suak bang mai un om kei leng that leng hon that talou ding na hi umo? Ka hon itna ziak a na maipha uh zong a om hi ing a haksa salou ka hi. Himahleh nou na Tate uh maipha na itna ziak ua leng na hon zon zawhlouh ua gen theitak a hinkhua na hon zatkhak ding uh lau mahmah keive, Laisiangthou in lah Na tuh bangbang na aat ding chi zaw mah in chin... Na mit ua nahon muh gegu uh na leitung Pathian uh, na Nu-leh-Pa uh bawn hon itlou na hih chiang ua, Na muh ngeilouh uh Pathian zaw na itding uh chih na ding himhim ka thei kei hon chi a bang mah genlou himai leng ka chithak sim hial hi. Ka Upa heh chitak mai in Chahbi la ding in hong pai phei a Gari horn zaloutel uh mo, na bang uh hih a buai uh e? Ihmut leh ann nek chauh mo na hihtheih tel uh chiin hang in hong hang phei a, kong a ahong dak leh hon muguih chu a hi dia a khol guih zawzen hi. 

Bangmah gen nawnlou in Chabi la in a kikpah vengveng maimah hi. Hong paulai leh hoih di ka chihsim leh hong pau nawn kei a pawi kasa petmah hi,a ziak chuh kikamsa sim a om ka hihman in. Sawtlou nung in ka Unu hong paiphei a maitai tak in na hongtung dinglam lah nawn hilh het kei a, na ann ding kon huan ahi aw. Na ki hah nang leng ka bawl zouta hong ki hahsiang le chin, na ki hah sung in na ann ding minman inteh. Koi e na vante kana tawiphei di, ka hong paihak nitak tak un na hong tung kha a chin nuikom in hon chibai hi. Nui kom a chibai thuk samdia hoih hina zenpi enleng en sese lou in ka ki chibai pih hamham hi. Ka Nu-leh-Pa'n paiphei ding in hon sawl mah le uh ka utdek kei hi. Ka Nu-leh-Pa tatzawh nawnlouhna Inn sung a kei leng sawt tazou ding a ki gingta lou kahih banah Ka Nu-leh-Pa inn hoihlou chik sung a om a kei Building in sung a bang mahtheilou bangmai a om ding chih ka ngaihtuah chiang in ka mi hinna in a ngamthei mahmah kei hi. 

Ka Nu-leh-Pa Building inn sung a om a kei tua ka om na mun ua om ding hi leng leng hai guih a ka Nu-leh-Pa tawh ki khen pawi salou kahih kei ngal leh ut tuan ding in ka ki gingta kei lai hi. Bangtan hiam nung in ka U hongpai phei a den pek a na un honsam hilou mo bang hih lailai e? Na ann ding leng minta paiphei inla'n va ne pah awh lup hun hita ahi. Honchi a, ann duhlou hi veng aw gari kham sim ing a ka chih leh a duhlou in den pek a genpah ding ei vele, a thon a kimu sa mo? Zansawt nungpi a buaitak a mi huansak louh vetdi eivoi, ann khing nek chih khong......... chin bang louteng hon gen khum suk zialzial a, kam neilou lah hilou ing a chin. Ann khing khong hichi thupi ngaih a ngai sam a na nek nawp kei ua leh annkhing ne a na zat uh i Nu-leh-Pa tawh ken nee mahmah na ve ung ka chih suk mok leh chikha fuh lua chu ka hi ngei dia a maibang hong san tultul hial zawzen a, Pau leng pauzok theilou in bangtanhiam hong om a, na U kei ngalvoi, hon simmawh deuh na mahmah chia mo? I Nu-leh-Pa itna neilou ding khop a mihai honsa mo? Hi chia ka kepdan lung kimlou a Nu-leh-Pa it kichi na hihleh mundang a zinsan lou a nang kep di eivoi. Na kampau pilvang in aw ka damsung mangngilh lou di kei khah hon chi hi. Ka Pa'n a guk in hon khouh bawlbawl mah leh Hiai kan a hunlem om ding a gingta lou ka hih man in ka kidek zoukei hi. 

A diktak in genleng I Nu-leh-Pa na kepdan uh lung kim kei mah ing, Tua na bawldan un na Tate'n nou hon kem le uh na lung uh a kim na diam? It a kem kahi na chih ngal ua leh a Nik a Puan uh leng na sawpsak bek keidi ua. Ka zin ma a azanpuan uh ka sawpsak chihlouh tunitan a khatvei leng sawpsaklouh khek leng kheksak tuan samlouh chih lawmlawm tel ganhing kep a Nu-leh-Pa kem neitel ve uai, i Ui ann piak na kuang utawh i Nu-leh-Pa na ann kuang zatsak uh kibang....... Ei hon suangtu i Nu-leh-Pa ei ngal voi ganhing a hih louhpi uh. Na zi'n itkei leh leng ken nangbek in it di konsak hia...... kem di honchi na hih leh hoih e ken kem mahmah ning phal in phal kei le uchin Inn tuam a ompih dia hongpai mah kahi ka chi metmet mai hi. Ka Pa'n nou unau kan a hai leng kuamah thei keng. Mibang a Unau tam leng hilou, honchi khong a hon pawt san a ka dai zawt zawzen uhi. Ka ki selging uh ngaihlua chu ahi ngeidia ka innkiang pa uh hong tailut a bang chidan a leh tu nitak konna ngaihngaih leh a kina mah na hong bang mok ua chiin Nu-leh-Pa ziak khong a ki nak hetlouh ding ahihdan leh hon dampih lai khong uh manpha lua (nuamlua) ahihdan khong awl in hon genpih a ki suanlah huai kasa petmah hi. Himahleh ka Upa'n a thil hihdan kisiamtan kawm tak in ka inn kiangpa uh kiang ah kana ki siamtan maimah hi. 

Ka Nu-leh-Pa a kum khong uh hongtam a hong Upat sim uh leh hah lah ki hahsiang zoulou deuhdeuh uh a tuahna munmun khong ua chil bang hon se mokmok un chin nuam hetlou mi a bang in hoih zou khol kei leh leng innbang teng bang long(Color) mantampipi ki nuh inchin Tulai guta a tamtawh Window teng lah bar bulhlouh ki deih lou, inn tuang teng lah Tile kiphah nuam ahih chiang a thahat nawnlou ahih uh tawh den chia kipuk in hong ki suliam kha bang in om le uh chih bang ki lau inchin huai chia Building inn votpi sung a om le uh awmna nei ahih uh tawh kepkep leh khoikhoi bang hong ngai di unchin meilum mahmah leng lah a ngaihnat uh tawh hiai mun a om le uh a ut hunhun ua mei awithei di chi ung a aNawpsak zok na ding uh khualna a hiai mun a ka om sak phot uh leh ka naupa a lungkim kei a Naupang hai leh asang a neuzaw bawl a hon bawl in hon hih lala a hi ve aw.. Huai chia khanvual pawl mi ki hi inchin Milian zahtak huai pipi khong a hong chiang ua nou huailam ah vatu khe di uh chi a va sawlsawl bang leng thil nuamlua hi khin khollou in chin mo khong hon chi a, ka innkiang pa uh zahtak sim mah leng ka dawh zawhna in hon daih zounawn mahmah lou ahimai hi. 

I Nu-leh-Pa kep a khoi a ngaih ua, a zun a ek tanpha uh hahsiang a ngaih leh leng i mohpuakna hilou mo? I Nu-leh-Pa sang a midang mo na zahtak zawk? I Pan well a tui khai lah pipi a khaikhia a i Nu sil a apuante khong uh sawp chih lawmlawm tel bang chu hi sadeuh ngal lou keive... Iki hahtheih ma a hon hah a kep a khoi i ngaih hun a leng hon kemtu hi ngal ua, na sisan unleng ngam sa mahmah dan keive Nu-leh-Pa inn tuam a kawih a lungmuang leh kipaktak a hinkhua na zattheih uh... I Inn uh a hoihlouh sung teng i Pa inn hi a Building inn a hihtak a inn kongtung a nang min mo natak i Pa adamlai ngoingoi a a gouleh gamteng suh a Temlou a Ngongtan hi tel neivoi Damlai gouluah a nuam taktak na hiam en ni aw chiin bang mah dang genthei nawnlou in ka nuai kun dedu maimah hi. Inn a omom leng dengchianga ka khut tanpha kuan kha ding a bat ziak in hoh na ding thei loupi in ka pawt khia a alup ma uh lampi dung ah hat taktak in kaki veivei mai hi. A lupzoh nung un ka Nu-leh-Pa kiang kon zuan kik a Zii neih a inn tuam a amau tawh akinthei bang pen a om mai hoihsa ka hihdan ka gen tamai hi.

A lupzoh nung un ka Nu-leh-Pa kiang kon zuan kik a Zii neih a inn tuam a amau tawh akinthei bang pen a om mai hoihsa ka hihdan ka gen tamai hi.

Ka Nun hi chi pi in leng kua i inn sung ah honglut ngam tel diam mo hong lutngam om leh leng Thupinate, Lalnate, Thuneihnate leh Vaihawmnate khongmah Mou vanken in hon nei zeldia ithuak lah ding khong mah hong hi zel diam mo... Tulai mite zaw a kua akua hile uchin leng na pawtham hoih ua mi hoih mahmah dia ina gintakte leng i theih chet chiang a pawisak himhim neilou khong na hitel ua mo hon chi a ka Pa'n innkuan bang kituak deuh khong a neithei hi lechin zaw a chih huaitel aka a bang chitel leng i hi ding uam mo........ Hi leh kua bang na chihsim a e chiin hon om heihiau a... Aban hongen zom in, amah tawh nou kihou lem khinta mo hon chi hi. I kuamah tawh ki hou nailou kahi uh kachih banah hiai hi heh chih ding leng neituan lou hi veng aw, nou hiai hi leh nachih deuh khong uh a om hia leh ka chih leh Ka Nu'n bangbang hiam gen kawm in, ka na ngaihtuah dan leh hoih kasak dan in chu Siami loungal tu laimite lak ah deih huai kasak ding kamu nai kei genthei tak a khang lian ahitawh hon chi hi. 

Ke'n Nu Siami in pasal nei khin ta eive ka chih leh a mel bang ki lamdang hial hileh hong ki lawm maimah hi. Ka Pa'n na deihlouh pipi utawh lah hon gawm sawm keng nou a neiding tu'n na deih ua na kepzawh di nak uleh mihing in i mel leh puam i bawlthei kei a hi ven i lungtang khong chu Pathian thu a leng ki khekthei hiven khat peuhpeuh hi leh leng hon chi a thu mu kisa sim kawm tak in a lemthei leh Muani zing nitak khong in hon Tawnpih maileng chi keivoi ka chih leh lamdang sak chitak mai in hon en tuantuan a, bangchi sa e Pa ka chih leh bangchi sa chih leng om kei, ki it ki ngai a nou a ki neidingte na ki deituah nak uh leh... Hileh leng Inn kuan khat bawl ding a kisa in guktak a panpah tel di mo? Mihing deih leh hoihsak dan innkuan mo tuhkhiak na sawm, hiai a zaw ka Nung hon zuidah maive haksa lua ahi Bawi chiin in, bangtan hiam paulou in hon om a.. Khristian khat i hih ngal leh Khristian innkuan huaichu Pathian lupen a nei innkuan ahi na suankhiak ding. Bible in kiten dingdan a gelhkei kiguk thoh in kipi thoh hile leng iki khen kei nakleh himai lou mo, a Numei leng ut a kigu hi ung a bang a ka khelhna uh mi tampi ten hangsan tak a a om mun ua chisek na unchin Nu-leh-Pa'n ittak a ana kep piching sa uh amauphalna khat leng omlou a valak (vaguk) i chih khelhna nak hihlua ahi. Khristian Piangthak khat hi a JESU LAL leh HONDAMPA dinga sang kichi i hih ngal leh Pathian theilou (Khristian loute chi zawni) tawh iki bat lailai tel ding hilou ahi amau tawh i kibat lailai leh piangthak nailou hi zawding i hi. Jesu Khrist LAL leh HONDAMPA ding a sang i hih ngal leh Bangkim a i LAL, itung a thunei pen leh Haksatna tawpkhok ituah hun a leng i HONDAMPA ahih ding ahi honchi hi. 

Tuaziak a inn kuan khat Bawlkhe ding (Tungdiing ding) na hih leh Pathian deihdan innkuan Pathian omna innkuan huai chu Pathian pahtak innkuan ahih ding ahi. A bul patdik a kimkhat zawhsa nachih sek mahbang ua Pathian minlou a kitenna Huai chu Pathian LALPEN a neihna a na Pat masak ngeingei ding ahi. Buai leh mangbang a lametna himhim i neih nawnlouh hun chiang leh chau kisak chiang a Pathian va naih zaw anathuak nawpna lel a zang ki bang in chin chin chilou lua ahi. Bawi, Pathian in bang hon sepsak thei dia aw nachih louh a ka Pathian a ding Amin thupina ding in bang ka semthei dia aw na chih zawk ding ahi. Inn hoih lou hoih sang in Inn sung nuam Pathian lalpen ahihna insung deih huai zaw tham ahi Bawi.... hon chi hi. 

Ka Nu'n Dansiangthou a Koppih nei ding kahi nachih bangziak a hong tawp kik e Bawi chi'n bangbang hiam hon genpih a ka paupau lai un Ak hong khuang a sana ka et leh zingkhua ana vakdek maimah hi. Na gimlo ding uh tawmchik bek i ihmut man khak uleh ihmu phot ni aw chiin ka Pa gei a ki nehsim mah leh ka lumta mai hi. Nute lal lai a mou ana hi a Moute lal hun a Nu ana hi leh Pate vaihawm hun a Ta ana hi a Tate vaihawm hun a Pa ana hi ka Nu-leh-Pa dinmun a haksat ding dan leh thil tuamtuam khong ngaihtuah a aguk a ka ki nulnul nalam in ihmu man lou in ka khovak maimah hi.Muani ki tenpih thei nawnlou a ka khen ngaiding ahihtak man in ka ngaih tuahtuah chiang in pammaih kasa petmah a kithei khalou a ka itna ana pekhalou himai leng zaw ka chi hial hi. Pam maih kasak na ziak ahihleh tua a Tangvalpa voktawh ann kikopte ( vok in a ha nee a aman atui dawn) ahih banah utleh dah a khosa a, lampi gei khong a ak gawhkhelh mah bang khong a omthei zelte ahih banah Numei vuak khong leng pawi salou, pasalna leh ki thupi sakna dan a ngai mi ahih man in, keitawh ki khen in amah tawh hong kiteng le uh Zuthol leh damdawi bawm tawh a damsung hun hon zangkha thei hia kachih chiang in ka khen ding haksa kasa petmah a ka itna leh ka hehpihna bang a lian deuhdeuh mok hi. 

Himahleh anu leh pa'n lah hon deihsak nawn mahmah lou ahihban uah a tangvalpa'n ka nungak phet hilou a ka zii bang mai hita ahi ka inn uah a hong om naikei chih manthu hon chihpen a lawmnu'n a tak mah ahihdan hon hilh khinta ahihziak in Dansiang thou a huaitan a ki bualkhinsa ka kitenpih ding hitheilou ahihman in ka khen louh theihlouh ding ahita mai hi. PATHIAN pahtak innkuan leh Khristian innkuan tunding sawm a Siangthou kitenna a bulpat sawmta ka hih man in thil sianglou ahi theitan a ka nolkhin angai maimah hi. Ni bangzah hiam a painung tanpha in leng Ka it nawnlouh ziak leh ka ngaih nawnlouh ziak a khen ding hi leng zaw bangmah a haksat na'ng khat leng om lou ding hia ka chi lailai a, khenna thu vagen mok di'n haksa kasa lailai hi. Nidang pek a kipan kana tel gige mah bang in a khentu hih sang in khen in omthei zaw leng ka ut petmah hi, aziak ahihleh ka it taktak louh kiang a itna thu mok gen mokmok lou kahih banah kon it kon ngaih chi ngal a akhentu a va pang chih nuam sak louhna lianpi ka neih ziak in. Himahleh a tawptawp in Nungak khat leng khen khalou a mikhen a va om dettel chi a ki hangsan sak in kei mahmah in a kiang ngeingei a ithuai ka sakdan thu leh khen nathu hoihtak a ka kam mahmah a gen ding in thupukna ka bawlta hi. Linsim kawm pipi a ka ki houpih theihna hun ding hun lem ka zonzon kal in zing kalkhat ka lawmpa hong pawt a, guk i sawmsawm leh na zekai lua a tuzan in midang in a guta ve hongchi a bang hiam vangik takpua nga khia hi leng ki lawm in ka zang tuan huai zozen hi. 

Ka lawmpa'n ka innkuan sungthu uh leh ka Nu-leh-Pa inn tuanpih sawm a inn luah ding zong a mu nailou ka hihdan tanpha uh thei ahihman in ka lunggim luat khak ding lau in bangbang hiam hon genpih a atawptawp in ka lawmpa kiang a Nungak khat in Pasal hon neihsan ziak khong leh innkuan sung buainate ziak khong a ki ngaisia a Tomchik sung khong lung nawpna hon piaktheih khakleh chi a Pathian theiloute bang a zu leh sa khong bel maimai ding ka hih louhdan leh Neih-leh-lam, sum-leh-pai, Pilna siamna banah Mel leh puan hoihlou sakziak natan pha a leng Nungak khen leh Pasalnei sa a ana om kha ka hihdan ka genpih tamai hi. Ka lawmpa'n lamdang honsa khonung sim a Denchiah lung gimlua khong in na hong ki ngaise kha maimah dia aw hon chi ana lau lua keivoi na dinmun khong kana ngaihtuah tuah chiang a hon chi hi. Hehehe, chi a nuikawm in Ngaih zawngte pasal/zii neih san ziak leh khen ziak khong a ki ngaisia i chihte khong a tamzaw Nupa ana hi khinta ahih hanga inn khat a ana om khawm nailou Nu leh Pa banah, mitheih a Nungak/Tangval ana hi lai chihte khong ahi uh. 

Mi dang kuamah munding leng theilou kuamah gingta nonlou banah kuama'n it theidia leng ki gingta lou i chihte khong ahi ding mah ahi uh a ziak chu a muanpen un zuausan a a itpen uh mihing ahih banah siangthou kisa nawnlou ahih chiang ua mo ki ngaihsiat louh ngal a lampi dang omlou eivoi ka hamphatna mahmahte lah a bangzah hiam hon genleng Ngaihzawngte khen ziak a lungkham ann duhlou ahih kei leh ihmu theilou banah khitui khat veileng nul kha nailou kahi a ziak chu kuama'n hondeih lou in hon it kei le uh leng kei hon it gige Jesu Khrist om ahih banah ka itna a lianpen Amah (Jesu)ka piak banah ka First love Amah ahihziak ahi ka chi hi. Hunte hongpai zel in i Pupate a kipan i paidan leh thil ki lawm hikei mah leh zii neilou in ka Nu-leh-Pa inn ka tuanpih a mite houlimna leh chiam nuihna ka hong suak ua himah leh pawi kasa kei ka Nu-leh-Pa'n aman suahsa uh zaan ihmut limna leh kipaka nuihna neikik thei nawn ahihman un. Nikhat ka Nu-leh-Pa kiang ah khitui luang kuehkeuh kawm in ka Utte innkuan a ding in ngaihdam ka ngetsak a hehpih tak a Pathian in ei mikhialte hon ngaihdam bangbang a ka Ute inn kuan ngaidam ding in ka Nu-leh-Pa kun mah leng ka lawhching thei taktak kei hi, aziak ahih leh Ka Uten ngaihdam khat veileng ka Nu-leh-Pa kiang a ngenlou ahihziak un ngaidam nuam himah le uh leng a ngaidam thei kei ua "THEISIAM IN LAN NGAIDAM VE MO" Chichi a Toupa siamthak na ngai mahmah a

Hon siamthak nawn in Toupa,

Ka nun hi lungngai in a mau zel;

Mihing lui nusia'n, Hin thak kaneih theih na'n,

Toupa hon siamthak nawn in aw.

Sinai taang dan bang in Mang na ka sem zel a,

Khongaihna dan ah zaw a ching zou lou,

Sa dan a hin in zaw khalam a douzel a,

Siamthak nawnna Toupa ko'n ngen hi. 

Chih laa khong sa a ka damsung hun uh zang bei ding ka bang maimah uhi.

Simtute kua peuhmah in hiai tanchin in a Tup leh ngimte bangzah hiambek na muh ngei uh ka lamen a ka kipak, paihkhiak tuak omte paikhia a. Laktuak omte la a ahoih lama phattuam pihthei ding leh Nu-leh- Pate Leitung Pathian ahihna uh thei a zahtak leh Ittak a enkol thei ding leh Pathian pahtak innkuan a khosa hithei di'n TOUPA'N hon vualjawl chiat hen.

Ka kipak

THUKUP

Hiai tangthu atak in na ut leh nala thei a na ut leh phuahtawm nachithei nang ngaihdan dan ahi mai. Mit a i muh ahi kei leh Bil a i zakte tungtawn a thu leh laa hong piang khe zel mah ahihdan bel natheih sa ahi. Hiai tanchin a hoihloute, leitung a gelha aom nawnlouh na ding in hiai tanchin bang tanchin nei kua mah om nawn kei hen la'n hiai a tawpna hi mahmah leh ka ut hi. Huaiziak in simtu mimal chih in Tuni a kipan pan lathak in beisak mahmah ni. A beina ding a makaitu nang nahi hi. Midangte na Nungzui hi uh hen. Na hoih semtute makai ding nang nahi na kizekai sak leh mi dang in a sem dia nang a nungzui lel na hi kha ding. I Bible a Nu-le-Pa thumang loute suang a denlup ding ahihdan tanpha ana gen a bangziak a denlup ding chi hiam i chih leh Thilsianglou (thilhoihlou) ahih ziak ahi (Dan. 21:18-21) sim in. Tapa hai aPa a ding in ............. ana chi hi. (Kolosate.3 ) na nasim leh Khristiante om ding dan leh Khristian innkuan paiding dan hoihtak in na mu ding a himahleh a chang tawpna ah Thil Diklou hihmi peuhmah in a thil diklou hihman uh mu nawn ding ana chi hi. Ituh bangbang mah aat ding ihihman in Vaihawm hun in ilungkim zou na ding uam Sanggam? Nu-leh-Pa thuman thildik ahihdan leh Nu-leh-Pa zahtak thupiak chiamnei masapen ahihban ah ei a dia hoih dia lei a leng damsawt ding i hihdan i muthei lai hi (Ephesa-te. 6:1-3) na en in. Hiai tanchin abul a kipan a zawhna tanpha hon gelhsak a hun leh Damna honpia ka Pathian in Thupina leh min hoihna tanding a om leh tang tawntung hen.

BEITA

©Siamsinna leh Vakiangbu