DAAN (Law)
By ~ Lalkhuptong Lalk
© Siamsinna leh Vakiangbu
Dak 2:30 di vel in Sanathoi chu Imphal airport a pan hong pawt khia
a, a dawn di a sangam te toh hong kituak pah uhi. Huchiin inlam hon zuan
ta ua inn ah om a naupa leh anun ngaklah tak mai a ana gal et gige ten,
a gal apan a muh un kipak petmah ua, anu kintak a tai lut in laithem
hon tawi in hon hal a huai hi meitei te dan a a kisuk siangthou na uh
ahi. Inn hon lut ua Sanathoi mel kipah mel in lang mahleh a lungsim
guktak in akipak lawmlwm kei hi. Ann hon ne ua, anu leh a upa kia'h
hichiin hon gen hi 'Kei zo Manipur ka ut kei ka paipah di ka sepna gelh
pen ka ching kei aleh foreign lam ah ka pai di, hon chi a, a sungten
bang na va hih din e achih ua leh, ka simna maban ka sunzom ut a, chiin
gen hi.
Hunte hon pai liam zel in, kha khat te bang sawt lou cik in hon bei
hi. A leh lam ah Sanathoi pa (sita) lawmpa'n Sanathoi hong kiklam a
theih in kipak mahmah a, atapa pa a din gen sak din va kuanpah tingteng
uhi. Sanathoi te inn hon tung tak un. A kipahna mittui leh dahna mittui
ten tuam in hon kihou lim ua, Sanathoi upa'n bel ana phal nai kei mahleh
apa damlai a a lawmpa toh ana kichiam na uh ahih chiangin tantun
saklouh utlou in a tawptawp in phal khongkhong a lungnuam tak in hon
kikhen khe thei ta uhi.
Sanathoi in tua thu azak tak in khase mahmah a, a room ah lut in kap
chih tak in va kap mai ta hi. Kiteng ut nailou ahih dan gen mah leh a
sungte kihou khin uh ahih man in bangmah hei lamdang theih om nawn lou
hi. Sananthoi adin zaw a lungzin huai khop mai maban hinkhua ding a
gelchiang in mangbat na tuipi in tum hi in aki thei hi. Suanlam kilawm
taktak zong mahleh a suanlam zong ten kipah na kongkhak zotpih tuan lou
hi. Huai kawm kalah apasal dite Chalamba in a theih in kipah di hia dah
di hia chih le theithei lou in a om dandan in om top maimah hi. Nikhat
ngei tuh Sanathoi in a lawmpa di kiangah thuchah sak a, a C/o nu vatai
vengveng in Chalamba kianga hincin va gen hi. U ei Sanathoi in khatvei
bek kimu ni restaurant ah coffee iva dawn dia kon gen ut poimawh lua
khat om ahi achih leh Chalamba inle huai te hun a kikhel ta pupa tawndan
a inn a kihel I hih man in huai va palsiat din akikhel ta nidang a na
thil hih khelh khak om tengteng kon ngaidam vek dia, maban hun ahle i
posuah kei di chiin sawlkik ta hi. Tua thute a zak chiang in Sanathoi
kipahmel sang in dahna mel in kibehlap a.. amah adin hunte hei kawi
theih hi nawn lou hi.
Hunte mualliam zel in kiteenna ni ding a hong hita, dahmelpu le zong
phatuam lou ahih man in, a mel theih ngeilouh a muh ngeilouh te inn sung
ah lut din hon kisa ta hi. Chalamba inkuan tenle mou thak di ana ngak
ua kipak in tumging chi tuamtuam toh jem in mou thak chu ana vai dawn ta
uhi. Sanathoi a mel ah kipahmel belh lele a lungsim kua man a thei pha
kei, Upate thuthu zui a hiai innsung a lut ahih man in amah adin zo
kinepna teng beituk in akingai, hun te sam kik thei hileh achi tuntun
hi. Zum leh zakta petmah in Chalamba room sung ah tu dendan maita hi.
Chalamba le hong lut in laizial tep dia akisak leh Sanathoi in 'huai te
hih lou thei a na om leh ka kipak di' chiin gen a. Chalamba inle a
laizial tep dek pen pai in Sanathoi omna lam hon zuan ta hi.
Ka zi ittak Sanathoi aw, kou lampang ah fellouh na om te hon thei sak
inla lemna hon petu hon hi in aw, ka zi na hi a ka taksa kimkhat luah
tu le na hi, huai jiak in i hun paitasa a i thil hihkhelh om kha te
kingaidam tuah ni, pakthak bang in i hinkhua kisuthak ni hun lui a i hih
khelh te sut lou in i mailam hinkhua di gelni, kon it a kon ngai a,
nangle ka hon itna hon sang sak din kon ngen hi. Tulel inzo mikhual
bangmai dan in na kipom maithei himahleh kou inkuan in mikhual dan in
kon pom kei uh ka pan atanu dan in hon pom a ken kazi, ka dah ka
lungkham, ka kipah ni a hon thuakpihtu din kon pomta hi. Nang adia gin
om gige di kahi bang teng tuak zong le,... a hon chih tak in Sanathoi
sung apan mei-am ngeilou pen amah leh amah in hon kidevak ta a mel ah
kipahna mel adim ta, bangmah le gen man lou in Chalamba kawi phei pah
tonton hi. Huchih laitakin apa, naupa tapapa hon lut kha geih ua, tuak
fuh akisa sim mahmah a mi om mawh ahih man in amah leh amah self
intoduction hon kibawl pah hi. U ei kei min ahih leh Tomba ahi achih zoh
phet in Chalamba in sawl pawt pah hi. Tomba inle a u chalamba kiang ah a
lawm ten inn nuai lam ah sam ahih dan hilh in anih un hon kiton suk ua,
Sanathoi in a om louh kal un a kipah na te mittui in ana nulnul maita
hi.
Zing ninou te hon suak in Sanathoi a om a lem thei kei, sep di bawl
di zong in aki vial lehle maimah a, Chalamba le a guk in kipak gu mahmah
hi. Sanathoi fel dan te Chalamba pa'n a muh chiangin kipahpih mahmah a,
mi hong hoh teng lak ah bang a mounu fel dan kia kam suak in nei gige
hi. Mou mantam, suang mantam tuk in ana teh zel hi. Nikhat Sanathoi te
inn ah letter khat hon pai a anu'n a et leh Sanathoi in MPSC a ching na
letter ana himai mah a kipak petmah in a makpa te inn lam ah tai
vengveng in naksam dek phial in va gen hi. Huai thu te Chalamba pa in
hon zak tak in kipahna mittui nul seng louh in hon luang khe zungzung a
alawm pa bang a mitkha in hon lang dundun mai hi.
Huchiin innveng nai zualzual te samkhawm in ann kuang hon lui ua,
nuamtak leh taitak in nekhawm in hong kipawl uhi. Sanathoi le kipak
petmah in aleh lam ah Chalamba in azi room sunga sam lut in kawi pah
thut hi. Sanathoi in le kawi thuk sam in.. U ei kakipak lua nawn it a
nawn ngai a chiin kipah na mittui te hon takkhia in Chalamba inle tua
kipahna mittuite nul sak in Sanathoi nang adia khuambang kipden ding
kahi chi hi. Khovel ah amau nupa kan a ki-it kingai omlou di hial in
teh kak theih hi. Khovel ah a hinsung un nupa zahtak huai hong hi tuak
ta ua, apaina lam khempeuh uah mite kihouna leh mitsuan pen hon hita
uhi. Hun hon pai hat mahmah in Chalamba toh Sanathoi in gil a gah goutan
tapa hon neikhia uhi. Kipak petmah in Sanathoi bang tuak fuh kisa
deuhdeuh in akithei a kiteeng ma a a ut louh dan te bang akho nung in
hai kisa thak petmah mai a, hon kingaihtuah zom zel in lah maban ah amah
hinkhua di sah sa petmah hi. Office kai di toh inn nna sep di toh nau
don di toh hong thuah khawm di achih chiangin a lunggim petmah hi,
himahleh hiai thu bel Chalamba kiangah ah leh apa kianga a gen ut het
kei, kei hih di mah ahi, hiai dia pasal nei kahi chiin phunlou paulou in
innsung nna toh office nna hon kop ta hi. Huachia fel tak a ahong om
chiangin apa kipak petmah a a deihsakna tamsem in khang beh hi.
Nikhat anulam (Sanathoi nu) te inn lam ah letter hon pai nawn leuleu
hi. Kua hihiam chia Sanathoi nun a phelh pah hi. Sanathoi adi mah ana
hinawn a a om nalui Bangalore apan ana hi a, sim ngel lou in koih hoih
hi, nitam lou kihal zek di inn letter hon kipe nawn. Anih na letter a
hon hihtak in chu enlou di chilele theih ut na lungtang in hon zel suak
khinta hi. Huchiin in hon phelh ta hon sim panta hi. A gintak louh
lampang leh akinep louh lampang a lungsim a om hetlou chu hon sim kheta
maimah hi. Huai laipek laitui a kigelh chu huat in ho tamai hi, hon sim
suksuk in a lungsim ah bangmah le om nawn lou in bangmah le hih
peihtha suak lou hi.
Huai thute a kigelhte bohkek di achih ciah bot kek ngam ciah lou in
hon kem hoihta hi. Huai a thu kigelh ten Sanathoi nu lungtang tawng deng
kha a hihman in a om dan hon tuam a, a ngaihtuah na te ah apa kha bang a
mu a a Sanathoi a neulai a a kep dan khawng a hon ngaihtuah khia a,
gamdang a a koih khak bang kisik tuntun khop hial in hon ngaihtuah
ngutngut maita hi. Aleh lam ah Sanathoi te sungkuan bel nuam sa mahmah
ua, niang leh tai in a duhduh a deihdeih uh lei ua khovel tawp di ngak
lah hetlou in hon khosa uhi. Nikhat Sanathoi office ah anu va pai in
Sanathou va kimuh pih a thu om dan teng hichiin va ban gen hi. Ka tunu
dinle kon deihkei na kihhuai, ka mai a na ching zou nawn kei ava chi a
Sanathoi inbel bangthu gen a kineih e nu hon chi a, anu'n a dawng thuk
a, bang thu bang thu chihchih ngailo Bangalore a pasal khat in letter a
hon khak vele ana sim lou di nawn sak maw achih leh Sanathoi inle nu
bangjiak a mi letter ana hongsak a honna simsak na hiam achih leh anun
hiai mipa min a letter nihvei mawngmawng ka dong ta a, bang jiak a
hichitel a om na hiam zingchiang in na tapa toh Imphal hon tung dek achi
ve hon chi tuh Sanathoi in lamdang sa mahmah in lau le lau zozen lou in
gen di dang tuan theilou in nu hiai mun ka office ahi hun lem dangah
iki hou ding paita in chi in noh khia hi.
Anu bel Pautam lou in paita a Sanathoi bel om didan bangmah thei lou
in a keel luphum hon dawk panpan din kisa a buai petmah hi. Huchiin nna
bangmah le sem peih lou in inn lam hong kik ta a, banghiam tuak din chu
kiging khawl mahmah ahi chih theihtheih in om hi. Ani nawn hong hita a A
lawmpa Raj bel atapa toh Imphal hong lengtung ta in Airport ah a tapa
toh Sanathoi ngak nilouh ta hi.
Huchia dakkal lang di vel hon nga tak un tuh Raj le a hotel tung na
di lam manoh ziau ding in lungsim hon neita a, a kiang nai ah auto te la
in Imphal hotel ah hon kinga ta uhi. Phone ah Sanathoi te inn lam hon
phone chiang in lah phne no. dik lou peuh kichinak ahih man in, a
zingchiang in amahmah a it Sanathoi te inn lam hong pha ta hi. Inn ava
tun tak in Sanathoi nu'n nang kua na hia koi lam apan na hia achih leh
Raj inle ahih na teng hon kigen ta hi. A nu'n huai te azak khit phet in
heh lotel petmah in bang pen gen a bang pen gen louh di a chih le khual
lou in a lungsim a hong suak khemasa pen hon gen khe loih mai hi. Ka
Sanathoi uh asi khin ta a sihna a sawt tun nang le pai oh, hong hawh
nawn koh chi in hangkhum loiloi toh thuah hi. Huai thute azaktakin Raj
lungtang ah vaibang thaamden ta a, gintak louh di achih cian lah anu
mahmah in a gen ahih chiangin gintak haksa asa mahmah hi.
Lunglel tak leh kinepna teng bei in bazar sungah hong vak leh nidanga
a a lawmpa hon mu kha mawk a, alawmpa'n Raj bangjiak a nasam na tan
achih leh Sanathoi toh kakitaipih leh amah adia kipia inga ka nu ka pa
ten le hon awi kei mah uh hilele ken amah adia ka hih theih sun ahih
jiak in ka sam teng ka tan ahi, tunzo kei adin kinepna om nawn kei,
hinman om kasa nawn kei, amah leitung ah a it a ngaih hon taisan in pa
kiang hon zot santa achih patpat leh a alawmpan eh, Raj bangchi dan e
Sanathoi a si mahmah kei, a dam pasal aneita, ta le aneita uh aman a
exam penle through a MPSC ching eive achih leh Raj le maksa in kipak lah
kipak, lah pasal neikhin ahi achih pen in akipahna teng khup mang vek a
gingta thei lou in alawmpa kiah address dong in a giah na hotel lam hon
manoh ta hi.
Hotel hong tung in atapa pan, pa nunu bangcik ciah hon pai di a, ka
ngai lota nunu sam kin oh papa nunu ka ngai gop ana chih zawk mah leh
Raj in loh ngaihna theilou in atapa pom in kap khum maita a hehpih huai
petmah uhi. Kinemtak a a om na lui Manipur ah a it, a ngaih toh va kimu
di chia kipak tak a hon pai lai tuh akipahnate in sawt a daih kei
Manipur hong tung nung chuh mangbatna leh hehna leh khasiatna in a
lungtang teng a jem dim gai vekta. Atapa lah thudik a hilh ut kei a
khem lungdam zel hi.
Ani nawnte zing ninou hon suakte Raj adin kipah mel a belh kei,
nidang a zing ninou suakte toh akibang kei thawmhau na chikhat in bawm
den maimah a amah le hon pawt khia in zana a lawmpan a address piak pen
en kawm in ava hoh a inn thupi tak tuh hon muta hi. Hong lut pahta a,
Inn kongah pasal khat tu hon muta a, hiai kha Sanathoi te inn mah hia a
hon chihleh himah e chiin in pasal pan hon dawng a, hon tu ou chiin sam
pah a Raj le kisuanlah mel pi toh va tu a Pasal pen ahih leh Chalamba
ana hi hi. Chalamba inle sanathoi hon galsap ta a huchih lai in hon
kihou ta uhi.
Chamlamba in lawm nang kua na hia Sanathoi toh bang kizop na nei ua,
bang hih lel e, tua a hon chih tak in Raj inle kei Raj kahi Punjabi te
kahi, hilele Manipur ah khanglian kahi a, nou culture tengteng le ka
thei vek a tunzo England ah computer lam ah siamna ka neih jiak in huai
lam ah ka sem lel chia hon gen lailai in Sanathoi hon pawt geih a, Raj
le a thil gen khawl in pau lou in hong om a, Sanathoi in amuh phet
kiguih zozen a, kin leh buang in Hello Mr.Raj bang hih dia hon hawh e,
ken office nna inn ah sem lou kahi, office nna teng office lam ah hon
chi a, apasal Chalamba ahih lam a hilh in, Raj laidip tei a sut bangmai
in na sapetmah a, hichiin hon gen zom laidep hi, apasal pa kiah Mr.Raj
ahih leh England ah om ahi a, kou office adia computer lam ah salesman
ahi mi hoih mahmah ahi hon chi zom in, Chalamba inle aw eimah ve kou inn
ah office nna toh ka kop kei a hehpih tak in hon ngaidam in aw lawmpa
chihi, Sanathoi inle office ah hong pai teitei oh chi in lut san a, Raj
in gen nop tampi a neih te khatle pholh suah man lou hi. Huchiin Raj
le bei dong kisa petmah in hon kik maimah ta hi.
Hotel a tung teng inlah atapa'n ana kan vettak in huai mahmah inle a
zi ittak sanathoi a ngaihna su puang mahmah hi. Amah kia adi'n hilou in
atapa adi bangle haksa sa mahmah hi. Atapa a et chiah hehpih petmah in
a guk in a khitul nulnul mai hi. office hour hun in Raj leng Sanathoi
te office ah va hawh hi. Huchih laitak in Sanathoi nu le ana hoh bok hi.
Raj hon lut tak in Sanathoi nu toh hong kituak kha in a room sungah
hong lut tuak a, Sanathoi nu hang chih tak in hong hang petmah hi. Pasal
zumna theilou makpa dinle na chingkei, katanu in pasal neikhin chih
theilou maw, nam tuam gamtuam mi ka deih kei, hiai akipan pawt oh na mel
le ka mu peih kei chi khawng in hon hang zuazua a, Sanathoi inle nu
nang ana pawt khe phot oh ken ka sap ahi kaki hou ut uh, ana pawt khemai
in hehpihtakin chiin pawt ut lou pipi Sanathoi in ban kaih zozen hi.
Sanathoi inle Raj na dam zel na maw achih pat leh Raj in Sanathoi
kei na salesman uh kahi kei chi in a genna nung thuap pah ngal a, bang
dinga hon hichi bawl na hiam, nang mah adia ka sahkhua, ka tawndan
taisan khop a hon it inga, nang mah adia Imphal a hong kik inga bang doh
ai hiam ka tan khak, bang simthu in hon buak ahia Sanathoi, England ah
ka pai dek lai in iki chiam nate na mangnglh baih ngei mai, nang adia
neng chik mahmah le poi phalou eivele maw Sanathoi, kon it kon ngai non
chih te zak a nop natel e, hilele adik ahih louh man in poi kasa lua.
Sanathoi bang dinga hon taisan na hiam, itapa toh kik khawm ding a hong
pai kahi ticket le kala zouta hon kikpih in aw Sanathoi, ka hon ngaidam
di, kei kia adi khual hileng na om dandan in kon om sak dia, himahleh
kei kia ka hihlouh jiak in nong kik angai di, itapa in hon kan2 a ka gen
dile ka thei zou nawn kei hehpih tak in hong kik in aw Sanathoi, ipa
ten hon phal lou pipi a nawn it jiak a kon kitaipih lai bang na phawk
zel thou hia achih leh Raj huai te gen nawn koh ka office ahi a mun lem
zo dang i zong di, achihleh Raj le hehsim in 'eileh bang dinga na office
ah nawn sap ahiam hon chih guih leh Sanathoi gen di bei hi. Huchih lai
in Tomba hong lut kha guih a amau le a thugen te uh tawp in huchiin hon
kikhen khe thei pan uhi.
Hun hong paizel in nikhat ngeituh Sanathoi in Raj toh ata uh muh tuh
hon lunggulh a hon ngen ta hi. Raj inle a ngetna bang in phalsak a,
hotel ah va lut in atapa pa tuh va mu in va kawi pah hi. Atapa pa'n le
nu nang koi ah om den e, papan lah hon paipah di ahi hon chichi alah,
hon pai ngeilou china, papan zuau gen gige, nu nang hon ngai nawn lou
maw, nu nanglou a hing zoulou di kahi, nu hon paisan nawn ken aw chiin
kap hihit kawm in hon gen a, anu'n le awle bawi kon paisan nawn kei di
aw, papa thuthu mang in aw bawi nunu'n le hon ngailua ahi aw bawi, chi
kawm in a khitui tak kekeuh mai hi, Tomba le hih di banghiam nei in
Imphal hotel hong tunga a upa zi gari amuh in lamdang sakna toh enkhe
din kuan a va mu tuanlou in, ahih di poimawh pen hih in paisan ta hi.
Hunte hong pai zel in Sanathoi le atapa pa muh ut na jiak in Imphal
hotel tung mun mahmah a, inn lam le ngaihsak manlou khop in hon omta hi.
Huchih lai in a nung suizui Tomba in thu mu kisa lo mahmah in khatvei
chu a u Chalamba office kai tawp inn ah lut va tuak kha in kikhek le
kikhek sak man lou in va genta hi, Sanathoi om dan teng ava gen chiangin
Chalamba in gingta mahmah lou in Tomba vuak chih tak in vua a, ka zi
it huchia om din ka ging ta kei, huai vaite toh khosa om khawm kei hial
unteh, bangdia nang thildik loupi ka tung ah hon gen ngam e, achih lala
leh Tomba le hehlua in na gintak keh amah hon pai chiang in dong oh,
ata le tua natapa a lian pen toh a kum a kikim phial du, kei moh nawn
tansak leh adik theikei d, U ei nang zo hon khem hial lou di kahi hon
chia a gal a om apan aki houna teng uh za ahih man in thangpai petmah a,
a mounu hon tung di ngak in ana om uhi.
Dak 6 di vel in hon tung a Sanathoi inchu a thuguk a sungten thei
nailou din gingta den a, ngeina bangin hon lut a, apa singpi awm sak
zok in apa ava piak leh apan nang singpi awmsa ka duh nawn kei ana chi
luau a, Sanathoi adin chu mak ahi mai, apasal a va piak nawn dek leuleu
leh apasal mah in khut sianglou a na awmsa ka duh kei, bang hih e tutan
tan nong pai hak chi gemgam a, Sanathoi inle bang thu om ahia nawn huat
bawl ngei uh bang hihkhelh nei ka hia a hon chi a, nang leh nang na
kitheih mai kei dia, na office uh Imphal hotel a omta hia, hon gen oh,
hon chihtak in Sanathoi in lamdang sakna kawmpi toh Chalamba kisuanlah
na mit in en a, Chalalmba in Sanathoi tu mahmah in hiai inn paisan oh
kon mu peih kei a hon chih tak in, Sanathoi khase petmah a, a hon pau
dek leh Chalamba in numei dukdak lou kampau kaza peih nawn kei hon chi
zom hi. Sanathoi le kisiamtan sawm le hilou in U ei kei hih khelh jiak
ahi kei, nou ngaihtuah khelh ahi, khatvei bek ka dikna hon gensak laive
maw chiin kapsa in hon genta hi. U ei Raj ahih leh nidang a Imphal ah
piang ahi a, vaite ki thah a hon thang lai in lauhna ziak in a kholam
uah a hong tai a Bangalore ah kaki mutuah uhi. Huchi a Bangalore meitei a
om te tam aki theih louh jiak in, amah toh kong ki pawl ua, nuam kasa
mahmah tuak uhi.
Raj nu leh pa ten hon ngaina vak kei, namdang ka hih ziak in, namdang
dia le amau melma ka hih jiak in, Raj nuten atapa Raj ana hah tai thei
mahmah uhi. Hilele Raj inbel apa te taina hon hilh ngeilou in thudang
dan khawng hon genpih in hon sut pih zel a, ka kikal uah itna a cihte uh
chu hon piang khongkhong ta hi. Anu leh paten adeih sak louh lam uh
theizenpi a hong kingai ahih man un, haksa a chih te uh bang chu nep
kasa mahmah ua haksa inle a genpha kei hial hi. Nikhat Raj paten Raj
kha amau mite mah toh kiteen sak tum in lem hon gel ua, Raj inle tua thu
a theih phet in ka kiangah kigu din hon zawn a, kenle it leh ngailua
kahih man in kana aw suk mai hi. Kong kigu ta ua kei a din a nop tuan
mahmah hin ka thei hi. Gil a gahgoutan Pathian in tapa melhoih tak hon
pia a ka kipak petmah uhi. Ka khosak na uh haksa sim mahmah lele ka nih
unleh ka tapa ngek lai toh nuam tak leh ki ittak in kong khosa uhi,
innlam ah ka nute le ka hilh sese kei, kum khat leh kumkim vel huchia
inn apat ka tai khiak nung un, Raj in kapa te vualzawl na ila dia
huchiin hinkhua thak ipan di hon chi a, awle U ei huchin ah hih ni azoh
hinkhua huai sang in anuam zo di hon ka chi a, innlam tuh ka hon zuan ta
uhi.
Inn ka tun un ka nervous sim a ka nu chouh ana om a, bangmah hon gen
tam kei napa ngak ua hon chi a, Raj pa ka ngak ua hon tun tak in maitai
mahmah in hong lut a Raj leh kei a hon muh leh a mel ah nuih mai a pawt
nawn kei hi. Bang hong hih na hi ua hon chi a, Raj in thilteng a gen
vek a, himahleh deih louh ta bang in hon nawl khin ta mai hi. Atapa tang
neih sun himahleh a itna teng bei vek in bang dang mah le genlou in na
ning chiang un pai un hon chih san hi. Koule khasia kisa in ka kidik ua
ka paimai ta uhi. Raj in sep na di a zong kawmkawm in kenle try
theihtheih kana try hi. Huchi'n Raj inle England ah computer lam ah
sepna hon muta a, nikhat hichin kon kihou uhi.
U ei kei inlam ah kana pai phot dia nang itapa pa toh England ah nava
pai dia, interview nava hih dia, na zoh phet ciah Manipur ah hong pai
in aw kachi a, amanle lemsa in huchia hon kikhen kha kahi uh, hon chi
a, Chalamba inle hiai daan a kiteng man a om kei ka muh louh na gam ah
pai oh, kon mudah hon chi a Sanathoi inle, U ei, ikiteen ma inle huai
thu kon gen ut a kon sam a, himahleh, nang a ngai nawn kei akikhel ta
nawn chi a, i hinkhua zatsa te sutkik lou a hon ngaidam khin vek nawn
chi a, kenle huaijiak mah a hon it kahi, kei siamlouh na khatle om kei
hon chi in apa hon lut a, Sanathoi kin a kin in hiai apan pawtkhia in
numei dukdak lou, kizuak nu, chiin kou ek-ek maita hi. Nidang a hong
lut tung toh zo kikhe petmah a, Sanathoi le a loh ngaihna theilou in
hiai inn khelah in, it in ngai mahleh amah adia mun awng nawn lou
ahihman in apai mai ngaita, ata te pi sawm mahleh apasal pan phal lou
hi. Daan dungzui na thei hia chiin eng chih lai dep hi. Huchia inn hon
nusia a zotna di gam a theih louh lai in Raj lawmpa'n hon mukha in inn
ah tonpih hi. Thu leh laa teng a gen zoh in Raj lawmpan hichiin hon gen
hi. Sanathoi a hon it mahmah ua apata un nang hon ngakngak hi. Himahleh
nang sulkik heilou a na om jiak leh na zuau san jiak in Raj in a ann lak
uah poison hel in atapa ittak toh sihna ana telzaw ta uhi hon chih in
Sanathoi kiphawng guih in azak dik mah hia chia akan leh dikmah ahih dan
Raj lawmpa'n hilh a, beidong leh belhding neilou Sanathoi tuh hong kap
in hon kap khe zozoih a, a khem chiang inle khem zou lou in, hihkhial
kisa lua in hong kapkap mai hi. Raj lawmpan le a loh ngaihna theilou in,
na kah zoh chiangin hiai laithon Raj in hon piak ana sim in aw chi in
room dang ah lut san a, Sanathoi inle hong pah in hon sim hi.
Itluat,
Sanathoi
Nunnuam sawlbang na heina ah, kei leh katapa hon ngilh kei in aw, ka
zaalna tung uah na mittuite tak sak ken aw, ittu ding neilou a ka om lai
in itna nawn piaksate ka lakik ut a himahleh lakkhiak vuallouh in sihna
in hon tuam zota hi, kei leh katapa vuak in zo bangmah tan ka tung kei
du, pa leh nu itna ka taan a, na itna deldep tak kana bel kha a poikasa
hi. Hiai letter na sim chiang in khittui nul ken aw ngaih, non
chiambang in na heina gam ah tuang ka hon tung ua, nidang a ka Sanathoi
ana sikhin ahihlam ka theikei lungsim ah le geel inle ka nei kei,
vuallel di mai a hon pai ka hih lam himhim ka thei kha kei, Sanathoi kon
ngai lua, ka lailung ah na thaam den. Sanathoi daan neilou a i kiteena
te jiak a hiai bang tung ahi hia zo ka thei kei, himahleh daan leh dan
lou in kei itna in thu a pokei, kei leh katapa in ka hih theih om sun uh
nang nong pai di ngak ahi mai, Sanathoi koute hon mangngilh inla, na it
Chalamba toh kipaktak in hong om un chih ka thumna uh ahi. Kei leh
katapa liangvai lua kisa in, gu kana dawn ua hih hoih kakisa hetkei
himahleh ka hih theihdang uh omlou ahih man in poiksa kei hi.
Good bye forever.
Na deih louh leh na pampaih,
Mr. Raj leh atapa
Chih hon simkhia chu mittui in buak nawn leuleu a, Raj na theikhial
lua, Raj hon ngaidam in kon itlouh jiak ahi kei chiin hong kap khe
ngutngut mai hi. A tawp in amah le hon kingaihtuah tuah in, hong
kingaise gop in, awklup hon tum ta a, khau hualte hon la in ki-awk lup a
sawm leh Raj lawmpa'n huai di a guk a chang ahih man in ana hun khia a,
kap nawn ken Sanathoi hichibang a na om di Raj in hon phal lou ahi hon
chi a, Sanathoi inle amau kiah ka pai ut hon khah in hon chih leh huai
ah awk lum leteh amau kiah na tung ngeikei di hon chi a, Sanathoi inle a
room kong a Raj leh atapa kap kawm a ding hon muh in kipak lotel va
delh phei a Raj hon ngaidam in hehpihtak in hon ngaidam in aw kon
ittlouh man ahi kei Raj hon chi a Raj inle Sanathoi kisa inla England i
manoh di ticket ka cut khin ta uh hon chih leh kipak lua in hon ki tawp
tonton maimah uhi.
~ Beita ~
© Siamsinna leh Vakiangbu
Comments
Post a Comment