NU LEH PA THUMAN LOHCHINNA AHI

By ~ UMuan Ton's Dsp

Hiai sa ka neu zawk deuh lai in nu toh hiam pa toh hiam ka pawt khak chiang un mi gari khong a hon kitholh hethet te bang kana eng thei mah mah a, khen khat chiang bang in keile hausa hileng zaw aw ka chih hut a tam thei mah mah mai hi. Huchi a lung sim a hon om louh chiang bang in kenle gari nikhat chiah ka nei thou di chih khong a hih kei leh ken gari ka neih peuh peuh chia hiaite gari ana se ta di chih khong ka lungsim ah hon om kha nak hi. A huchih chiang bang in ka pate khong in lai na hon sim meng meng dia nangle na hon nei pah na di chi khong bang in hon hehnem thei zel uh hi. Lamka ah ka piang a himahleh Lamka khosung a tengle ka thei suak kei hi. Midan ah nei zou hikei mah leng, nu leh pa kal a om ka hih man in nuam kasa veve hi.

Tapa kei chauh hon neih uh ahih ziak in hon duat thei mah mah mai uhi. Kei leng nu leh pate a hithei tan in ka sulung kham nuam kei a amau chih chih uh ka mang a, adiak in ka pa in hon deih sak mah mah mai hi. Hichi in hinkhua kon zang tou zeel hi. Skul khong a hoih theih pen in hon kaisak tum in pan a la uh chih ka thei a himahleh a neih un chin lou a hih man in tum na pi in a hon kai sak zou kei uhi kei a hon kai sak na na uah lungke lou tak in ka hon kai hi. Laisim nuam mah mah ka hi a, skul ah leeng ka hih hoih thei mah mah mai hi, himah leh sports lam ah ka chau thei mah mah mai hi ka damtheih na in hon chin lou ahih man in. Kei leng tup guh khat nei in ka laisim ah ka concentrate diak hi. Pawl nga (5) ka phak in academic award khuk sak in ka om hi.

Hichi in hun leh nite hon pai tou zel a ka lai lam ah bang, saptuam lam ah bang hon hoih pai tou zel mah mah mai hi. Pathian venna toh ka dam le ka dam thei zaw hi nidang sang in leng. Huchi in  pawl 7 ka hon hita hi, nute bang in naupang a hon chih chih lai un ei bang in ngaih zawng bang ana ki guk neih ut sim ta hi. Himah leh ka lai lam ka ol mawh zel a nungak leng ka nei nuam chiah kei hi. Tup guuk khat ka nei hi huai chuh ka let chiang a IAS officer hih ding chih ahi mai hi huai ziak in ah ka lung tup ka tung na ding in ah ngaih zawng neih sang in ka lai lam ah hoih tak in ka pan ngai hi chih kathei hi. Himah leh ngaih zawng neilou in ah ka hon om zou ta kei hi. Ka class uah mary kichi khat hoih kasa mah mah hi. Huchi in ken leng ka try suk a aman leng hoih honna sa ahi chih katheih ziak in. Ka try leh a hon dawng pah hi huchi in ki ngai in ka hon omta uhi.

Aman leng hon na deih mah m,ah mai ahi chih a kho nung in ka thei khe thak thak mai hi. Aman leng hon it ken leng it kahi a ki ngai tak in ka om mai uhi. Hun lem chang in ka om khawm zel ua ka pawt khawm zel uhi. Himah leh kei minei zou lou pa kahi a amah i chih chiang in mi nei zou pi leh mi hausa pi khat ta ahi. Amah leng kei mah bang in a nute duat mah mah khat ahi hi. Huchi in ka hon ki ngai zom tou tou thei vang lak uhi, kei bel ka mi hin zia heh baih mah mah khat kahi a himah leh a hon thei saim mah mah mai a kaki na ngei se kei uhi. Amah a heh chiang in kei ka heh kei a, kei ka heh chiang in amah a heh het kei hi. Hichi in class 7 ka hon zou khe tuak uhi. Hiai ka hon zawh tak un ah pawl giat kon sun zom nawn uhi. Kumbul in ah ka nih bang un prize khong ka la tuak tuak uh a,kou tegel laisim lam in nak tak in ka kidem ni louh uhi. Kei bel ana mawl kha zek ka diam ah amah phak zohlouh hut a tam zaw zel hi. Half- Yearly bang in chuh ka pha thepthup zel hi. Test nate ah a tam zaw in ka pha kei himahleh term test in a hon delh pha ngei kei hi. Huchi in ah lai sim kei leng kaki siak mah mah a, amah ka leng naki siak ka leh hon delh pha nawn lou di na hi chi khong in ka hilh zel hi. Kum te hon pai zung in ka pawl uh bang ka hon zou tou tou thei vang lak uhi. Kingaih chih tak in kakingai uhi. Himah leh ka nih tuak in ka nu leh ka pate uh ka hilh ngam tuak kei sam uhi, ki ngaih det bel ka sawm uhi.

Hunte hon pai zel in pawl 10 bang 1st in ka hon zou thei uhi. Pawl sawm ka hon zoh tak un aman a nute kiang a ka kingaih lam uh a hilh a himah leh ken bel ka gen tuan kei hi a ziak bel ka nute lau ka hih man in, himah leh hilh lou in ka hon om thei kei a ka hilh leh bang mah hon gen kei ua kei kaki leh suan lah daih hi. Huchi in kei bel ka nu leh pa ten Lamka a sunzom ding in hon sawl ua himah leh mary a nu ten mun dang a sun zom ding in a sawl uhi. A nu in ka ki ngaih ding uh ahon phal het kei hi, aziak bel aman kei nei zou lou lua ka hih chiang in. Huchi in mary in akai na ding shillong chih ahon hilh tak in kenleng ka nute kiang ah thil om dan ka hilh vek a kei leng shillong a hon kai sak ding in ka ngen hi. Ka nuten leng nei lah sasa in a hon kai sak ua ka kha siat ding a hon phal louh ziak in. Hichi in ka hon kai khaawm nawn thou thou uhi. Mary in ah a nuten a pocket maoney dia a piak te bang uh ana khol in ka skul fee di bang hon piak sak zel hi. Huchi in ka hon kai zou ham ham hi mary panpih na leh ka nute pan pih na in. Hichi’n ka hon kai touh khawm uh a nu in theih a hih man in ka nute kiah mary toh a kingaih lai lai ua leh hoih lou ding ahi chi tan pha in ana vau hi. Mary in a theih phet in kei kiang ah ngaih dam a hion ngen a kenleng hih theih dang nei lou ka hih man in ka ngai dam suk hi. Ka nute in hon fone chiang in mary khen ding khong in hon sawl zeel ua himah leh ki khen thei vual ka hi nawn ta kei uhi ka chih san zeel hi. Kaki ngai thou thou uhi. Mary leng a nu in a fone khak chiang in kei toh kakikhen ding ahi chiin ana thu hilh zeel a mary in leng ka dawn dan mah in a nu ana dawng zeel hi.

Hichi in pawl 12 ka hon pass ta ua in lam Lamka ah ka hon kik nawn ta uhi. Huai ka hon kik uh suan lam in Mary toh ka hon ton khawm uhi. Anu in ah ka kingaih lai uh chih theih a hih man in honna welcome hetkei hi. Chih leh nikhat anu in hon sam hi, kenleng lau kawm sasa in kava hoh leh mary ana om kei a anu in honna hangsan hi. Nang mi dukdak lou pa, na zawn na ngau thei lou a bang dia mi hausa tanu khong na mit suan ahi a khong honna chih san hi. Ken leng nu kei na hon chih bang het lou kahi mary ka it ka ngai tak tak ahi, na neih leh lam ziak ua ngai ka hi het kei ka chi hi. Anu in leng mary toh naki ngaih nawn hetlouh di uh a hon chi a, na ki ngaih nawn kei ua leh na deih zah zah sum ahih kei leh sepna ka hon pe di ahon chi a, ken leng sum deih ziak a kingai kahi kei uh chi kawm in ka pai khiat san hi. In ka tun in ka khase mah mah mai hi aziak bel a nu hon chih na te ka ngaih tuah thak chiang in ka poisiam thei het kei hi. Himah leh ka lung ke tuan lou in ka kingaih pih thou thou hi. Ka pate’n leng ka kiit lam uh ahon thei siam mah mah uhi. Hilele Mary nute apan thu a hah ngah luat ziak in ki khen mai ding in a hon sawl gige uhi. Kenleng ka puak gik chiang in Mary ka hilh zel hi. Aman leng kikhen mah mah kei ni aw a hon chi zel a ka lung liap na a hon hih halh zel hi. Himahleh kakingaih tuah chiang in ka nu leh pa te lah nei zoulou sasa a honna chawm uh hi a ken lah hih theih neilou ing a a thu uh le mang lou zaw mah leng kanute a lung sim bang chi tuk in kasu gim dia chih khong ka ngaih tuah na ah hong piang zel hi.

A bang bang hi leh 12 zouta ka hih chiah sepna ka hon try him him di ka chi a sepna awng ka try chiang in ka mu thei mah mah kei hi. Written a ka ching chiang in interview ah ka ching  kei zel hi. Lung liap lou tak in ah ka try zom tou zel a himahleh ka lohsam gige gi. Mary nu apan vau na ka ngah mun mah mah zel hi. Hichi in ah kaki ngaih tuah tuah a, Mary in lah hon ngai kenle ngai kahih chiang in kaki khen thei kei uhi. Hilele ka ngaih tuah zel a kingai ta le ung leng nu leh pa deih sak louh zaw loh ching lou di kahi uh chih ka thei zel hi. Ken leng a tawp tawp in mary kiang ah Mary na nu apan vauna ka ngah mun ziak leng ahi kei a i ki khen mai diam ka chih leh kikhen lou ding hon chi a kei leng nopsa nawn lou in kon ngai nawn kei ka chi a, a ziak bel ka sungte ka khual mah mah ziak in ka chi hi. Kei leng a khen nuam pum lum leng kahi kei a ka nu leh pa te thu hilh te thei kawm a ka chih ahih ziak in ka kimuang mah mah hi. Hichi in kum 7 veng veng kaki ngaih nung un ka hon kikhen ua nu leh pa thu man ziak in. Ka hon ki khen ua leh sepna bang ka hon mu pah a, ka ngaih tuah thak thak chiang in NU LEH PA THUMANG LOHCHINNA AHI chih a hon thei sak thak thak hi.

© Siamsinna leh Vakiangbu