FACE BOOK
By ~ Lalkhuptong Lalk
Hong pai dile Khual, hiai hong endih, nak melhoih e, chi'n Siasiam in
hon sam a, keile kava pai leh facebook achih chih uh ana himaimah hi. Kenbel huai fb khawng thulim kasa mahmah kei, hun awl manpha thei tawp a
zat zawk di ahi ka chi tinten hi. Ka lawmpa ka mawhsa mahmah a, huai
hoih lele tangkhak tuan louh di khawng tua na neih ah lungkim zaw ou
kachih san daih hi, hoih ichih maimai eive nangle ngal zozen teh hoih
sak teng va try a va ngaih di chihna thu omlou pi hon chi daih a, oi
nangmah na dik zel lumta oh zingkal na thoh hak thetheih toh ka chih san
leh nang na om navele hon phawng di warden pa'n hon thei tuan mahmah
kenteh ei room tanle hong veh kual peih lou khawng hon chihsan a, kenle
ahi ahi, mangpha ou na facebook toh ka chihsan a ka zalna laikhuntung ah
sambang ka zal santa hi. Zingkhua hong vak in zing nisa suakte'n a
etlawm na hon pholh khia in ka window hon sal vak kiukiau hi. Tungleng
vasate'n le a siamtu pahtawi ahi duam ah, kisam khawm ahi duam ah ham
chelchul uhi. Ka phone hong ging zot in kei le ka phone lapah in ka
ngaihnou ana hi maimah a, nidang sangin hon call baih zo hi a ka theih
jiak in, bang ahia Ruat tuni na hon call baih zenzen ngei, ka chih leh,
Ruati inle Ukhual thoubaih zenzen inga hon miss baih lokha kahi di chi'n
nui a, kenle kehkuh teh, dak bangjah le ging ahia thoubaih na chimawk a kachih leh dak 6:45 gingta ei thouta oh ihmut haipa hon chi a
kenle itpen ten honsawl bang tuh thoh ahi ngal di chu, ka chi a, Ruat
kon ngai e ka chihleh Ruati inle Ukhual kenle ka hon ngailua, tusun kai
di maw, hon chi a, ka kai ngai hivo exam hun dekta a huai kha poimawh
aka, ka tawp chiah kon text di aw chi'n phone tuh hon koih ta uhi.
Khualpu le Siasiam phawng dia ava pai leh thou nailou di sa a akhe
ava kaih leh fb ana khoih man ana hitel. Khual inle kare maizen na zing
mit in a muhte le facebook hitel maw lawm pelpol thouta oh, tuni kuan
baihni lampi ah thil lei nuam nei kahi chi'n kihah din pawt khaik san a,
minute 1 le chinglo din Khualpu kin a kin in a room ah kikhoh lut in
"Siam warden pa ei room lam manoh a hon pai kin a kin in thou ou laisim
lem iki neihdi" achih leh sakhi in amailam ah lauhna mu mah bang in
kihawk zot leh table tutna toh a taw kimat tuah zot Khualpu'n amuhleh a
nuihza lua in gilvun kizial zen in nuihsan ek-ek a, gepgep mai ka khem
fuh thou e aw hahaha hong pai va kihah ni chi'n pawtsan hi. Khatpa le
luhlul chihmah tak huai chair tungah fb kakauh in theihlou kal a warden
pan surprise check ava bawl leh Siasiam table ah laisim dan a om pen va
guk et hiauhiau leh Siasiam inle guk theih sim aihchia kihei zot in bhou
achih leh tuplouh saikap chihmahtak a tuplouh pi in bilhek tuak geih a
Khualpu le va lut kha geih in Siam bangdia achih lut papat leh warden
pan Siasiam bil ana hek mu in bangdia chillai come and clean up chi;n
kisuanlah mel simpi in gen keuh a warden pan Siasiam bil khah in Khualpu
bil let sak in using ur local dialect hmmm chi'n nakpitak a heksak nung
in paisan hi, pau lou a guk et in a tum tak in anih tuak un nuih chih
tak in nui khe loloih phet uhi.
College leh hostel kikal gamla lou km 1 di vel ahihman in khe in pai
thoh ua, dawr ah Khualpu electronic pencil tang lei dia lut ualeh
Siasiam in eh, nang kon muh ngei na bange chi'n dawr ngak nungaknou
kiangah chi a nungak pen inle chimawk eive, chi'n Khualpu'n le pehpuh
teh numei a muh teng kianga lah kon muh ngei bang chih hideuh reng na
mit khei khe di kahi aw, na fb vettak le ka ning chin hon chih zauzua
leh nungak nou pen inle khemkehm gouh fb in bang susia lah hilou a, ei
sia leh pha theih na a kinga eivele chi in a thil lei pen uh pia in
Khualpu ten pawtsan uhi. A nitak a Siasiam le fb non getleh huai dawr ah
amuh nu pen kha zanlam a Khualpu alak nu ana hi maimah in kiguih zozen
in Khual zanhal a kon lak nu melhoih ka chihnu tuzing a dawr ngaknu
avele achih leh Khualpu'n hoho bla bla, na lehkha kisim leteh himai
chi'n fullstop geih hi. Khualpu le Ruati toh ki-text kawmkawm mahleh
Ruati in nidang sangin reply hak zo deuhdeuh a, Khualpu'n a dot chianga
lah a jiak bang gen ngel lou in topic dang khek pih zel hi.
Siasiam le online den ahi a friends suggestion te a etleh Ruati min
ana om mawk a lamdang sakna pi toh Khualpu a hilh di lah denchiah kina
kha le uh hilele im lengla a theihni om veve di chih ngaihtuah den a a
tawp in zaw Khualpu samphei a, Khualpu le ut lou pipi leh lin pipi in va
pai phei a, Siasiam in hiai ki-et dile kei non chichi na a, nang a nule
bang ahi tuan a, tuale online eive naki hou ut uhia chia a genleh
Khualpu'n le lamdang sa petmah in, het!!! zuau man ka it in huchibang
hih talou zen inteh kahase hih hilele kei hon hilh mahmah inteh zuau man
a chih leh Siasiam in profile khawng leh a pics khong a etsak in zaw,
kokhuk taw neilou ah kitawm lut a utzo mai hi, maizen henu!! hichi
teldin ka hon gingta kei, ka phone dia ka gen dia aw lah aheh khak ka
lau zel, ka ngai lua a hon khen khak bang ka lau lehlam jel, hon text
man ngeilou leh ka text teng a buai achih hiai fb jiak ana hi maimah dan
a theihsuah in zaw heh na leh thangpaih na ngen in dim a, Siasiam a
lawmpa bang hehsan top maimah zen houh hi.
Siam khoih non koh nang jiak a ka lungsim nuam lou ahi achih leh
Siasiam inle theisiam lotel ahihman in a log out pah a, Khualpu lam hon
naih in Khual ei bangmah thupi in la ken aw, tulai khangthak te account
neilou om nonlou ahi, a hoih chi zenzen khang himahleh i hun awl su
bingtu ahihman in iva khoih khanak khem a hiven maw, theisiam mai in a
gin om nak leh poilo lua ahi achihleh Khualpu'n gin om e, huai a khoih
ni apat ka man kei chih kammal toh kon ngailua chih kammal koi zang mun
din na gingta a, hun awl subingtu!!!??? hah!!, subing mah ei fb in ka
itna tuah mang dekdek ta hi ei Siam, tunle ka ki-text ua hon thuk dikal I
ngak sungin essay bang 3 tak kitheihloh veh, ut dandan in lem akila
dua, vengsung, inn kiim, inn kiang te muh dinle zumhuai, Ngaihdan hoihpi
khawng a gendi ua kipilsak huntawk kichi ten ana selkalh geih di ua,
thil lah thei petmah uh, a gendan bang siamta deiduai gouh uh, ahuchi
tata lah a zui peihlou tata ana hikhanglang, huaite zui in sem in sin
lezaw i gam tuh India gam changkang naten hon jem dia i gam ah i muh
ngeilouh leh mu ngei dia lamet hetlouh changkang na in hon bawm din ka
gingta, numeite lah lim kila le uh lah van ah kawlphe te lak mah bangin
adaak tou hekhok dua, huiha!!! fb aw nang na lian hi, khovel vai na hawm
mahmah ta e, a tawp chiah no.666 po khe tu inle hong pang khamawh
kenteh, achihleh Siasiam le Kare na essay byheart te hon gen houh sa
hang chin nui phuphulh kom in a lupna lam zuan phei a, Khualpu bel
lungnuam loutak in om maimah hi, Ruati phone di chia a dailed chiangin
nambat busy kichi den a, a tawp in dakkal 1 vel nung in phone khe thei
khongkhong hi.
Khualpu le room pua ah pot khia in Ruati nidang a houpih sek dan
in..... Nau bang hih e, na busy sawt ngei, kua toh kihou e achihleh,
Ruati inle kei maw bang hih lou, ka lawmte khat in hon call a huaijiak
hi Ukhual chia dawng in Khualpu'n le kidek zou tak in tulai non text
ngei non kei a, phawkphak inle ka om tawm ta e maw nau, ka hon
ngaihngaih toh na msg khat khong maimai ka muh chiang bang ale nak
lungkim lua hi inga, nanglah hon text som mahmah lou china bangchi na
diam ah, kei mo Ukhual man mahmah lou inga ka man sunsun ka chih hun
chiah lah hih di dang khat omjel incin hon theisiam mai in aw... Hi e
nau, kon theisiam lotel hilele huai na manlouh tungtang te jiak in hon
mangngilh ken aw nang tellou a hing di zo ka ngap mahmah kei, Nau nang
fb a chihchih uh hong maw, Ukhual kenle hon it a hon ngailua ka hi, fb
hong mah inge koi apat na theih a achi a, Khualpu'n le nau na omdan hon
tuam lota incin, hon ginglel inga huaijiak hi, kei sanga fb lunglut zota
neive maw a hon chih leh, Ukhual i hilou e, Muankim in khatvei hon
lakkha a, kenle a test na maimai dia ka hong hi, non phalkei luat leh ka
deactivate di aw achih leh, nau nang thuthu hi, huai na hong ni apat na
kikhek lua a kon chan khak ka lau lua ahi nau, eh! Ukhual nang kei hon
muanglou maw, kum 4 ching phialta a iki ngaih ken nanglo midang le ka en
theikei, bang chituk in siam in hau in khovel ah leng lele nang kia ahi
kon it a kon tel a kon ngaih, Ukhual hon zuau san hetlo di kahi hon
muang leteh Ukhual, exam zou a non paichiah airport ah kon dawn di aw
Ukhual, Nau ka kipak lua non su thathou sak lua kenle kon ngailua, awle
hon dawn in aw, nunu papa te a dam na uh maw nau ahihtheih liai leh fb
khoih tawpsan maive achihleh.....Ruati in Ukhual huai fb ka khoih ziak a
bangmah lungnop louh nadi omlo ahi, he dam mah uh ei, hong pai kin ou
kon ngai gop hehe, awle aw nau kenle kon ngailua, ihmut lim chiin phone
koih uhi.
Khualpu lungsim bel a ngeingei a hi thou Ruati hehnep nate bangmah
ahi kei, ngai petmah ahih man in ngaihtuah louh ni a nei kei himhim, a
ngaihna puang petmah hi din a gintak huai a, nguai petmah hi, nidang a
message a khak chiah lah minute khat lel le kihallou in thuk kik mahleh
tun bel minute 5 tan inle dawnna mu ngei lou a khenchiah lah buai a
reply manlo ahih dan peuh gen khum jel in, hinchin hun leh nite zang
liam jeljel maimah phet hi, a phone chiah lah busy hi deuh reng ahih man
in Khualpu dah petmah mai hi, ani ni in Khualpu gawng hiaihiai in
kilang a, ann lah chihtak nelou bangmah lah hih peih lou, kikhin dimdem a
om Siasiam in amuh chian hehpih mahmah a, a lompa hehnem a tup chiangin
lah Khualpu in ana hawlkhe jel ahihman in va paingam lou in a om na mun
ah Khualpu en den a, Khual bangchi e tulai down na chia, bang nop louh
na nei e, kikhen uh maw, achihleh Siaisiam gingtak louhpi in... Kikhen
kahi uh hia, kingai kahi uhia chihle ka theizo non kei, a hon houpih
nuam non kei, fb kia buai pih ahita, kei sanga mi hoih zaw mu ahi ta di,
tuban zaw ka pilvang tadi, nungak ahih theih liai leh ka neihtum non
kei phot di, ka itna hon laksak tu facebook ahi a, facebook tung tawn
mah in itna dang neih ka tum di, Siam bang chi hih di a hon hilh in chia
a dotleh, Siasiam inle na khoih ka hon phalkei Khual fb addict theih
ahi a, va lut leteh potkhiak ahaksa lua Khual kon phal mahmah kei, ka
hon hilh kei di achihleh khualpu'n le.....Khoih utlou ahihman in kizuk
kik thak a, himahleh Ruati bawl dan te a ngaihtuah diksa thei mahmah lou
hi, Ruati inlah houpih ngeilou jingkar tenga phone gige hinapi fb a lut
nung zo jingkar chiah Khualpu phone a ging vang khop mai, liamsa hunlui
te lakkik theih hileh lakkik a ut petmah mai, nidanga Sauliim
restaurant ah tukhom a houlung kup lai nite a ngaipetmah a a mitkha ah a
mang moh hial hi, nitak chia'n lah khitui kai in puankom ah aki lukhuh
den a, a phone a en jel a lah bangmah et nop luat dile a om kei, Ruati
in nidang a msg a khak sek te a en alah lunglen na huihpi in a tuamkhum
maimah hi, Ruati lim te hon en jel a, khittui nulna di ngen ahi maimah
ta, atawp in zaw aki dek zou non kei a, nitak dak 11 di vel in ava pot
khia a balcony ah dingin Ruati ava phone leh number busy ana kichi a,
sot kuam tak a try zoh nung in phone khethei khongkhong hi.
Ruat lumta maw bang hih e, na damdam na uh maw, Ruat kon ngailua ka
omzou mahmah kei, na buai lele khatvei bek na Ukhual 'aw' ging ki
lawmlou takmai hon ngaihkhiak sak laive maw achih leh "Nang kua e" chiin
pasal aw in hon ki dawnga, 'Ruati hilou hia hiai' achihleh huai pasal
pen in Ruati ahi kei, a pasal ka hi, chiin koihsan maimah a, a nungak
nun a zuau san a theih takin bangdang le ngaihtuah theilou in a mit te
bang vai gai in anungak nun hichitel a abol pen thuak haksa in a balcony
ading napen ah tomkhe maimah hi. Siasiam in tua ging "dup" pen a zak in
maksa sim in balcony lam ava naih leh a lompa huai apan tomkhia ahi
chih hon theih in kin leh buang in kum suk vivit a, vangphat huai tak in
Khualpu ana si lou vanglak a himahleh khophok lou in lum dildel hi,
warden pa le kin tak in amun va naih a ambulance sam din chowkidar pa
sol hi. Siasiam a kiangah mittui pak khe ninelh kawm in tu bebauh a,
Khualpu mihaipa, mihai hai na mahmah chia chiin mittui kai khe nilnel in
Khualpu khut len in gen nipnip hi. siasiam in Khualpu phone a etsak leh
call log a Nanau chia ki save a latest call hon mu a, oho!!!! Aziak
nang gen louh in ka man na it na ngaih Ruati ang tangzo non lou na hi
maw maizen, itna gu hat hina tel e, Numei khat lel jiak a na hinna pe
ngam na hih leltak maw lawm ei, numei hichi zah lai ah, chiin akhut leh a
khe a tat khak na te si (blood) pot khete hum in kap khe ngoihngoih
maimah hi. Ambulance te hon tung in amau hih na di bangchiat pan mun la
in kin leh buang in casualty tut ua, doctor pa'n thil teng a etzoh in
warden pa leh Siasiam kiah lung himoh nadi khatle omlou ahihdan hilh hi.
Warden pan le Siasiam kiah kina uh maw bangthu ahia achihleh Siasiam in
zong kina ka hi kei uh, a it mahmah in paisan ahi din ka gingta a po
zoulou in ki suicide som ahi di chin hilh chian hi. Siasiam hong kingaih
tuahtuah a, innlam te hilh tuak khenkhat a nu leh pa te hilh hi, huchia
nitak te lungkham tak leh thazoi tak a zat khit nung un zing ninou te
hon suak khia in Khualpu zong khua hon phok in silou ahih lam kithei
khepan phet hi. A kiangah Siasiam leh a warden pa lusu ngaungau amuh in a
sih louh bang poisa petmah in a khitui te hon luangkhia in kidiik
hithit zozen a, warden pale hon halh kuau a Khualpu a etleh khophawk a
ana om ahih lam a theih in kipak petmah hi. A kiangah lusu a kieu a tat
phei in doctor te sam din sawl pah hi. Doctor ten hon en ua sisan tam
simpi tak a sen jiak a sisan piak ngai ahihdan gen in khatvei a kitat
khak na alu lak CT Scan lak ngai ahihdan le hilh beh lai hi. Khualpu
blood group a hon dot u leh Siasiam a toh ana kituah louh man in poisa
petmah mai a, warden pa a hon et non leuleu u leh ana kituak vanglak in
warden pa sisan khaihkhia in sisan pepah ngal uhi.
Huchia drip te akikhai zoh tak in khua bang hon mial simta ahih man
in warden pa zong hostel ah pai in naupang te khat en kai din sol a
huchi in zankhua te bang ihmut limtak in hon ihmu liingliiing uhi.
Zingkhua hong vak in Khualpu'n alu nasa mahmah mai a Siasiam a kiangah
ihmu litlit kisuanglah pi a sam in a lu nat lam ahilh leh Siaisiam le
ngam thoh toh thuah ahi ngei dia hon thou hai in, beembuum kuale ahi
mahmah dia aw chiin a lawmpa lu nasa gulpi ludin phial kiah chi a ihmu
suk non mawk hi. Khualpu'n le a phong non leh Siasiam le hong thou khia
a, eh lawm bangchi na lu na hia achihleh khatpa nasa lua ahih man in na
J***g hia pehpuh chin doctor te va sam kin in na lo mahmah achihleh
Siasiam inle khai zingkhang a J***g khong va chih pah in chiin nui
pipelh kawm in doctor te va sam a doctor tenle lamdang sakna kawmpi toh
vel chian ua damdawi khat kap in huchiin ana reh deuh in hon ihmu hithit
non ta hi.
A mang (dream) ah Ruati ana mu a Ruati in eh Ukhual nang hong tungta
maw, bangjiak a non hilh louh airport ah hon dawn di kichi a achihleh
Khualpu'n gari kham gige na hih jiak a na gim luat khak lau kahi huai
jiak a hon hilh lou kahi nau, achihleh Ruati inle pehpuh teh Ukhual nang
kha na min toh na kituak e maw mi Khual dan siamsi, melhoih si,
duangching si, mihoih zomah lai achih zauzau leh Khualpu'n het ka hih na
gengen koh chiin chiamnuih phei zaih a, Ruati inle ahizel mahve min
iphat chiah lah ut a ut thei, singpi kon khawm di aw Ukhual na duhdan te
chet in chiin singpi awm din kisa a chihleh theih ngeilouh papi mah
bangsim khat hon lut in Khualpu ana tu dildel melh phei gauh in Ruati om
nalam naihphei galgal hi. Huai mipan Ruati nung ah gem khiankhian in
ngamkhat in kawi phei zot a Ruati inle a Ukhual di sa in nui selsal kawm
in Ukhual hon khah ou ka awm zou dek achihleh a Ukhual common room ah
tu in za a va delhphei in kitchen ah om tegel va mu in bange nau
achihleh Ruati inle lamdang sa petmah in a kawi tu a etleh vengkhang a
pagong khat ana hi a kin a kin in kipek khia in zummoh bang honsa e,
chiin maibet toh thuah ngal hi, khatpa le hehlua in Ruati maibet thuk a
nang bang kisa tuan e achih leh khualpu le sahang mah bangin huai pagong
pa boh phei in a tha neih teng in kibuan ek-ek ua, Ruati le kap chihtak
in kap a ava phelh nalam ah ana su tou kha ahi ngei di ua op zot in
kilkhat kidenna hi, Khualpu le a tha chau dedeuh in a tawp in pangzou
non lou in huai pagong pan temta la in Khualpu gil dawt sak in taisan
vengveng a, Ruati hon halh khia in a Ukhual va naih phei in kikou a
Khualpu le ngap lou sasa in Ruati lam hon naihphei a kisuk khak dek
geigei un.... Siasiam in phong geih in Khual thou ou CT Scan ladi hon
chi uh ei achihleh nang kua e hon chimawk hi. Siasiam inle chiamnuih in
Napa kahi achih leh Khualpu'n le nui kawm in tangval lai na chia hon
chih behlap in CTt scan ladin kuanta uhi.
Alu CT scan va la in Siasiam kikhothang siampu sak chih mahtak tui
litre 2 vel va lei in Khualpu kiah piak chat toh thuah inn hiai na dawn
gaih teitei di ahi CT-scan lak chiah tui tampipi dawndi ahi achi ve ua
achihleh Khualpu'n nang gil na lu ah om hinteh maw chiin a tui piak
pekik a, Siasiam inle a hon theihthak leh hai kisa phiing in alu khuat
vivit phet h. CT scan lazou a room mah uh naih in hong kihou limlim ua,
Khualpu'n le Ruati in a boldan teng hilh vek a Siasiam le heh in
hehpetmah a, Khual lungkham koh numei atam lotel petmah Ruati bangbang a
nang hon it a hon deih le a tamlua achihleh, numei a tam mah ei Siam
himahleh i it theih om a banah itna ina piak sa ahihman in poi kasa
petmah, loh theih dang om tuanlou hi a ka theih ziak a balcony apan
tawmkhia kahi a ka tuah di ka ngaihtuah khawl kei himhim, si lengle
poisalou dikhop a ka lungtang ana tak ana hi a, a khonung gu zaw hat
kasa sihlouh poikasa mahmah ve Siam. Siam, lawm ginom na hih jiak in ka
kipak petmah a kei adia na thil hih zahzah pathian in aleh tampi in hon
vuazawl heh aw, kon damsiang chiah basket ball iva mawl non di aw, ka
utna a lian lotel petmah chiin Khualpu'n hon gen a Siasiam inle i hih
theihsun ahi, hiai sangin kipilzo leh zaw maw na tawmkhiak ma a honna
tang ding hinga aihkeh theikhol bang hileng na khe ah honna khih maimah
di hinga chiin nui kukulh uhi.Huchia hong kichiam nuihlai un warden pa
le hong lut a Khualpu tu tou amuh in kipak petmah a, a van lei apple,
ORS, nahtang leh thil chituamtuam te table ah ngakhia in Khualpu lam hon
zuan a, Khual tangval pil mahmah i honsak leh hai lopi khat nana hi lim
a poikasa ve.Huai numei khat ziak maimai a hinna kipiak som chu napa
kei lua ka hon chitop di, achihleh Khualpu le gen di theilou in nui
vervur a warden pan le na hong damsiang dia suti innlam ah na zang man
lai di chu, hon chi a, Khualpu'n le Sir ka hai luat man a nou honsuk
buailoh leh dip hon kosak ka hih man in hon ngaidam.....achihleh alu na
in hon pha non ahidia genzom theilou in alu nasa petmah in sim tinten
maimah hi. Warden panle a naupang ompih Siasiam lou pen doctor sam din
sawl a kin leh buang in va pai linglinga doctor tenle alu a nat gige
mawk pen lamdangsa in damdawi kap lut non get uhi. Huchia Khualpu le
awlawl in hong mitsi diaidiai a, warden panle Siam tunitak kei ka giak
dia, hostel ah incharge ana la inla naupang khel a omleh a min uh gelh
kha inla zingchiah honpia in achihleh Siasiam inle a lompa ompih utden
mahleh amah taksa a chauh khak lauhna toh leh a warden pa solna nial
utlou ahih man in huai naupang pa toh paisan uhi. Azingin warden pa le
result theinuam ahihman in doctor pa office ah va lut in va kan bol a,
Doc. inle a buai huai khop mai CT scan result alah bangmah muhsuah hilou
a himahleh alu na asak gige pen koule lamdang kasa ua mak le kasa uh,
huchia a sutzop touh zel leh zaw a lungsim put a ngeina pen aman suahna
chance a tam mahmah. Ka hihtheih tawp uh ka suah nungua le hichilai zo
na Pathian kianguah damna ngen zo mai un zingchiang in ka hon discharge
du, chiin doctor pan le a round din potsan maimah hi. Warden pa buai
chihtak in buai petmah cabin sung alut in Siasiam le ana om mana Khualpu
toh ana kichiamnuih amuh in etnuan asa petmah a, nui mahleh leh a
lungsim thuk tak bel Khualpu leh Siasiam in a theihpih kei, Khualpu
theih di lau ahihman in Warden pa'n le normal takin Khual zingciah
kipawt theita di ihi ua nuamtak leh lungsim thoveng takin na omdi aw
tuni, keile kana pai phot dia zingciah na pawt khiak ma un tunzoh ka hon
sawm teitei di chiin Sum 300 singpi man dileh a neuhneuh lei nadi nusia
in potsan ta hi.
Warden pa paizoh in khual le alu na hong kipan non leuleu a Siasiam
le patau in sister te sampah in damdawi kap ngal uhi. Siasiam inle maksa
in Sana-pi a etleh zana anat hun minute 15 geih in pel ahih man in
maksa deuhdeuh in Doctor pa kiah va kan dia a kuan leh doc pa ana om lou
geih ahihman in bei dong petmah in hon kik leh doctor pa a round paizou
toh hon kituak in Siasiam in delh pah titit hi. Room a tuntak un
Siasiam in Doc. ka lawmpa kha hichih hunlak vela alu nasa gige a lukhing
na hileh lah damdawi hattak le zat ngailo dia bangci dana? Acihleh Doc.
inle a damloupa hai thei din mun a om ahih dante hilh in mun thoveng
leh amah lungsim subuai thei thil himhim na muh leh na zaksak louh diuh
ahi, huai banah hichidan damlou te a vei a tawm mahmah lai ua, kou
hospital ah ka tuah patna uh ahi, huaijiakin nou akem tu dite pilvang
mahmah un hon chihtak inbel Siasiam lungsim ah bangmah om kei bangmah le
angaihtuah phakei Ruati a huatna pung semsem a tun muleh that di hial
khop in alungsim a kipei maimah hi. A ward ah lut non in lupna ah lum
dildel alawmpa Khualpu tuh a et le a en ngamkei khittui in apum dim
maimah hi. Nidanga Ruati try dia ava kuan a, a kichiamnuih dante a
kipolh dante khong amit kha a laang den maimah ta hi. Ka lom hoih neih
sunsun khovel ah facebook jiak a chan di zo phal huai hikei na e maw,
lai sim na lam ah lah a siam pen a min loh nahi gige a maw Khual, tualah
laisiam lou tele phazou non lou di hichina maw, chin hon kap khe
ngutngut a akiangah nurse omten bang a hehpih thei mahmah ua amau le
akhitui uh a kang moh hial hi. Huchih laitak in phone hong ginga warden
pa ana hi a, Siasiam in la in warden pa pausak man lou zen in Sir ka
lompa damdawi in kap lum maini a moh ken ka pona di, ka lawmpa hing
mahleh nidanga ka lawm hisek Khualpu chia a min ngei a ka sap' maban ah
amin nasan le thei non lou di ahih man in achihleh, Siam hiai jiak a hon
gen utlou ka hi a Doc. pa'n hon hilh ahidi maw' denin Khualpu sungte'n a
hon phone ua, Ruati le apasal toh kikhen ua, adang neithak nawn chih
khong hon hilh ua, huai banah ticket nou tegel adi ka cut khitsa ahi a
zingchiang mah in innlam pai phot leuchin ahoih di, naupang te khat ka
hon sol a hong tungchiah nang hong pai inla na van te uh hong guan leteh
ahoih di chiin phone koihsan hi.
Huchi'n naupang pale hong tungpah a Khualpu pen Khualpu mah ahih lai,
khelah mahmah bangin paikhe zok ngam lou in hostel lam zotsan a warden
pa toh houlim in warden pa'n le zui di ahihdan a genleh Siasiam le
lungmuang deuh hin kithei hi. Nitak hong hi in Siasiam kingaihtuah den
maimah hi. High skul akai lai ua Khualpu toh a kimuh masak ni pen ua
kisual dan khong leh numei angaih uh kibang a kingik tuah dan khong uh,
huchia lawmta kipol theipi khat hong suah dan khong uh ngaihtuah in ihmu
moh hial hi. Nikhat vasa/sava beng dia a kuan na uah Ruati tui-thei
tawi a hon pai suk salsal khualpu'n mu a alawmpa mit khupsak in, hiai
non tuh louh di kei adi ahi, kei non piak ma kon khah keidi achihleh
Siasiam inle hon tuh mahmah kei ning kon try sak lotel di achihleh
Khualpu'n khah a Siasiam inle amuh tak in wow hoihkei e maw!!! Achih leh
Khualpu heh lua in a gophel ah ngim a kaplem a kineih leh khah suah kha
in Ruati tuithei kap tam kha in, Khualpu le kisunglah lua ahihman in
kin a kin a taiphei in Ruati kiah adang kon bawlsak di aw, ngaihdam
achihleh, Ruati inle ngaituan kei di inn ah le zatlouh tampi omlai
achihleh Khualpu'n le na chih teitei lehlah hiai ka bulbul kap khiak na
malta meh du'n ana bawl ualeh chiin a bulbul kap khiak te lak ah nih pia
in paisan dia akisak leh.....Eh!!! Nang mithak maw koi ah teng uh e, na
min banga achih leh Ruati inle amin genin vengsung a hon pemthak
ahihlam le hilh in paisan hi. Thumu kisa Khualpu tuh vanlam daktou kawm
in a gophel liktou in hiai gophel chuh ka dau eive hiai jiak a Ruati
kithei pah chiin a lawmpa bang a selbol elh-alh hi. Siasiam inle engbol
in roti e kare bsf te ann maw na melhoihsak nu min achihleh Khualpu bang
heh lou thepthup in lawm pai maini tuni zaw tawmchik kiman lele khok
kasa kei, hinkhua adia ka koppih di kalbi (step) khat ka man tana
achihleh Siasiam le huai nang kipak leteh le ei kipak lah hituan lou
hanga ka top-up di va thun masa laini, tuzan Liani ka phone nadi
achihleh huai nou kingaisa neive uale phone ngaikei Roti eh Ruati teh va
hoh ni tuithei khat iva piak ngai ahi chiin hon kizui napnap uhi. Khua
hon mui in thete hon khuang chiaichiai a, feild ah kimawl naupang te anu
ten a ban sap ging khong kiza kuau kuau hinapi Khualpu bil zaw khak bit
mah bangin bangmah a lut zoukei. Tusun a Ruati aw nemtak mai a bil a
bat den ahi penmai, anu'n ann nedia a sapna te bang za hetlou in nungbet
leh khanglou chet thuah in nui cheichai komin banga Nu achihleh ann
nedia hon kisam a lah hon dawng ta mawngmawng lou, nahih chia hon
nungbet geih ivoi heh di khong konsak lelah nakipak ta mahmah a ann neni
hong pai in chi'n ann hon ne uhi.
Ann nezou Siasiam le Liani toh hon kiton phei in faifuk in Khualpu
samin Khualpu le kin leh buangin taipawt pah fitfit ngal hi. Kintak in
Siasiam sik phei zauh in na bangdia Liani non tonpih la kelkul chin
achihleh na thu omhia ka ut leh Anu, apa, api,apu le kon tonpih ke
achihleh Khualpu'n gendi thei nonlou in hong pai namnam uhi. Ruati te
inn hong tuntak un chuh lamdang saknapi toh a thum un aki en heuhou ua
building thupitak kikhung ana himaimah, a kelkong na tawm uhle Khualpu
leh Siasiam te trinpi (syntex) gawmkhawm le uhle daihtuan lou di khopin
sah in thupi hi. A lut ngam om non talou in Liani, Khualpu'n a ngaihlou
pen bang hon be siam thepthup in inn sung chuh hong luttei ta uhi. Ruati
le TV en a ana kizan lihliah mupah ua Ruati le zum kisa in kin a kin a
thoutou pah in tutna awn hi. Ruati nu'n bawite bangchi sim uh e,
achihleh Khualpu'n bangchi lou hial nungak tuni hiai ka lawmpa toh
sava/vasa kap dia kisa lai ka kituh nalam ua na tanu tuithei kap kek kha
unga huai hongen dek kahi uh achihleh anu'n le aw nou gel neivele maw
Ruati inle hon genmah e, bangmah poikei huaizo zatlouh le tam lolai, a
himhim a nou kuate nau nahi uale achihle Siasiam in Pa kibang lou ngen
chiin aw ling daldal a agen leh Ruati nu'n le maksa sim hituak eileh nu
kibang vek maw chia a chiamnuih leh Siasiam inle theikhe thak in Pa leh
Nu kibang lou vek kahi uh chiin apa leh nu min chiat a gen ualeh
theihluat pi ngen neive uale chi'n Ruati nu'n gen belh a, ana kihoulim
ua amin Ruati ahi, lawm dilah nei mahmah lou a chim kisa a ka omna lui
uh bang ngai a luah kik dia hon ngenngen ahi chi'n din toh thuah ngal
hi. Khualpu le thumu kisa in achihleh nungak mangpha ou chih bang khak
thepthup kha in Ruati nule zaw nui nulhnulh kawmin step ah kalsan hi.
Khualpu'n Ruati en den a, Ruati zum kisa in anuai lam en den a Liani
inle Khualpu kia'h Etlup sawm na maw achihleh Siasiam in ka chi mah ve
numei mu lelah en muat dek hi awmtak in a en gige kei dia achih leh
khatpa utdek lou, nou gel hiai ah bang hih nahi duam ah mun dang va naih
ve ua hon chihleh Siasiam thumu kisa in paileh Liani pawtkhiak sanni
ikik lamchiah i tawn phei non di chi'n dinkhaik san uhi. Khualpu'n le
Ruat na phone nambat hon peva achihleh Ruati inle na bangdi e, ken phone
tawilou achihleh Khualpu'n na toimahvoi huah na khut ah na sim vele
achihleh Ruati in hiai maw chi in TV remote alak leh Khualpu'n le
nuikawm in ciamnuih ka siam maw chihsan geih hi. Hon kihou touhtouh
ualeh Ruati bangle ana pauthei pi khat ahihman in nuamsa tuak mahmah
uhi. A tawpin Khualpu'n phone nambat a nget non leh pekhong in kipak
mahmah kom in dinkhiak san hi. Kong ah Siasiam tetoh kituak chetin
Khualpu'n le na gim uh hatlua incin nong pailam bang uh honna kigal nap
ahi achihleh Liani inle nang houh nahi zodiam maw chi'n lampi ah kisel
tou nilouh uhi. Khualpu le inn a tuntak in kihah siangin innkuan
kikhopna a neihzoh un lupna kiden na pah mai a, a phone lakhe pah in
Ruati text pah chat hi. Ruati inle nang kua e achileh Khualpu'n na
Ukhual ka hi achihleh... Siasiam le khanglou zot in, sana a etleh dak 6
bang gingta ahih man in kin leh buangin hospital lam va naih pah in
Khualpu va phawng in paulou phun lou in kisa ou Khual innlam pai di
warden pa'n le inn tan hong kha dek ahi chiin hon gena Khualpu'n le Siam
jannitak ka mang se lua ka lungsim anuam keilua achih leh Siam inle
bang mangmat kha zenhouh na hia, mang khong mang maimai ahi thupi in
laken achihleh, Khualpu'n le atak mah bang ahi.
Siam ka mang a maw.... Singkung let a lian ana om incin keile huai
singkung ah kahtou inga ka nu leh pa'n hon kumsuk dia hon sam uncin
keile utlou inga kahtou jel a lek lah tungthei mahmah lou ka hi achih
leh Siasiam inle Khual huai bang na mang ahih jiak ahi. Na mang hikei
leh a lek tan na tung tham di chiin a omna room uapat a pawt ualeh nurse
leh Doc. ten mangpha khak din ana ding threpthrap ua a lak ua kua kua
te hiam in pak peuh aihkeh parcel a thil kituun khawng ana pia in hehpih
mahmah ua, Khualpu le kipak lose lua a khitui te pawt in aman le amah
entu a Doc. pen kawi tonton hial in mangpha khak nainai uhi. Warden
panle tuate agal ah amuh in hon nehnou a kap lou di chi himahleh ana kap
a huai sungah Doc. leh semtu tuamtuam a hehpih na mittui te akelou a om
kei hi
Huchiin maban hon suan zel ua airport hong tungun Siasiam mittui a
dai mahmah lai hi, a lungsim ah Khualpu kia om ahihman in warden pa'n a
hehpih petmah hi. Lenna sungah hon tut un Khualpu le alu na in honpha
non in air hostress ten medical emergency chia lenna bohkik sakdi achih
ualeh Siasiam in phallou a, a tuanpih te nurse zil ana om jiak in huai
minu'n bangchi chin vakan pah a Siasiam inle a lu nat hun in pha a hiah
damdawi kap di a om a huai akap theidi a om duam ah achihleh honla in
ken ka kap di chiin hon kap hi.
Huchi'n Khualpu le ihmu suk pah ngal hi. Siasiam inle tua minu eilam
mi bangsim chi'n a omna, min leh adangdang a dotleh eimi ana himai mah a
hong kihouhou in Siasiam in fb na khoih hia achihleh khatnu'n i
khoihlou kou ka hostel ua ka lawmten khoih sosouh na ua keizaw lunglut
inle ka neikei, bakah hoih di inle ka um kei chi'n a mit in Khual mit et
kakalh a in bangjiak a achileh Siasiam inle fb victim chih di lah
hilou lah pangkha a hichi aaa thusau lua innlam tungchiah khatvei ka hon
gendi chia Siasiam in a genle, Minu inle awle poilou chi'n a tutna lam
ah paiphei a Siasiam le kingaihtuah in...... Khualpu'n Siam i tun chiah
va potpah thethu diam achihleh Siasiam in na thu aka chiin dawmg lauh a,
Khualpu le kipak selua Ruati msg a Ruati inle guk ngaihsim ta ahihman
in nial hetlou in awle hong hoh uau singpi na duhdan te konna awm di
chia a genleh Khualpu kipahna sangsem in inn tungin a uniform te khek in
kisilpah thetthet a nitak hon tundi kal bang a ngaklah top maimah hi. A
nu kiah nu ka pa le honpai hakna e tuni ann nepah le hilou maw achihleh
anu'n khai nang huai nungak hel ut man a ann nek di kal peuh ngaklah
mawk, hongpai hak hikei na sana enve hon tunghun le ahi nai mahmah kei,
achihleh khai!!! Koilak ah nungak ahi vettak, nungak le neizou khang ei
nata papa un, hon zongsak uau chi'n a room ah nui lut hahauh phet hi.
Ann bang gilvah taka le ne manlou khop a phur Khualpu tuh hong
mansianga, kuan di akisak chiah alawmpa skul kai tawpa adawp lam hon
theithak in ngakbol.
A ngakngak nalam ah zekai gop in kuansan suk in Ruati te inn a lutleh
Siasiam le ana om mu a, kare hon kingak dena, hiah ana om daih pelpol
hon tuh zoudi kisa na maw achih leh, khatpan hiah kingak ni non chih
eivele kuaman hontuh mahmah kenteh hon engkhang achihleh, Ruati hong pot
geih toh kituak chetin, eh!! Chief guest pale hong tungta singpi awm
theihta eivele maw chiin chouka/inn neu/kitchen lam ah lut phei ngal hi.
Khualpu bang nui chemcham den a heh di vual ahi hetkei bangchi teng in
suk heh som lele suk heh but di ahikei chih a mit hah pan achiang huntok
hi. Zan hong sot dedeuh leh Khualpu bang hong tuitum deuhdeuh in Ruati
kianglam ah va tusuk maimah a, Khualpu'n a gen utpen gen di achih chiah
apat didan theizok lou in Siasiam melhphei kau in, Siam inle theisiam
pah ahihman in Ruati kianglam mah naih phei in Ruat kon gen utpen tak uh
nangle na thei khin tham maithei a, mawlchik a gendin ka lawmpa Khualpu
adia hong vak ka hi gige ua, bang ngaihdan nanei diam ah achihleh,
Ruati inle theisiam pah ahihman in thethu gouh ki-awl houni huailam
pangte ken nou lawm banga ka hon et ahi achihleh, Siasiam inle lawm ihi
ta ua, huai sanga lawm hoihzo leh siat ni phatni a na kiangah om gige di
lawm sanga tungnung zaw ka deihjiak ua hong hoh gige ka hi uh achih
leh, eileh chuh hon dawng nuam keileng hong hoh non lou di neive uale
maw achihleh, Khualpu'n i huchidan hilou e Ruat, hon itlua hon ngailua
ihih chia sam tak a hon genmai ka hi uh. Honghoh gige di ka hi uh dawnna
na hon piak ma achihleh Ruati anuih lah za lah aheh tha lah suak in pai
phot ua i kihouna bouruak teng ase gai achihleh khat tele thumang tak
in pai balbal uhi. Inn a tuntak in Khualpu bel nguai petmah a, Ruati in
hon ngailou houh ahi dia aw aihkeh azum ziak a bangmah hon kum nuam lou
adia aw, chi'n a phone lakhia in hon text a, Ruat tuni a ka thil gen uh
lem non sakpih louh ahihleh lah hon ngaidam in kenchu ka part ka zouta a
na thuthu a kinga ahi achihleh, Ruati inle a msg dikal bang ngaklah
adiam a huai thu kigelhte bang chiang diak hileh kilawm in thei a...
Ukhual ngaihdan pi lua le omkei a, ka hon huat man le ahikei hilele
lawmta bangin iki polzo kei dia..... Ruat lawm bangin le i kipawlthei
mah himahleh itna i chih chiangin a gin hong tuam i lungtang hon luh
ahihman in hon genmah kahi, na neih na lam ziak a hon it hilou ka hi, na
melhoih jiak leh na taksa etlah na jiak le hituan lou, ka hon muh tung
ka dip bang a kisai dokdok a, mak ka kisa numei najong ka muh in huchi a
hiteuh kei, itna in hon hip a, itna mah in na siang ah hon pilut a tua
itna pen mah ahi hon sansak in, ka hon chih, achihleh Ukhual kon kingaih
tuah di aw... Mangpha phot chiin a lum tuak uhi.
Khualpu bel ihmu theilou in thal lup khuplup, pheilup siklup a ban
aban in kheng kual a, a ngaihtuahna ah ruati chouh om ahih man in ihmu
moh hial hi. Aak masa hong khuang in tuh hong mitsi khongkhong a
himahleh sotpi ihmu theituan lou in a nu'n a phawng pah hi. College bang
kai lin mahmah hinapi in peihlou sasa in Siasiam toh a kingakkhom na
sek na uah hong paitouh leh Ruati le thil lei dia pawt khia toh hong
kituak kha ua, Khualpu le zumlo petmah ahih aman in mulou lem kineih a,
Ruati le va paiphei in, "Ukhual tunitak hong hoh teitei in aw" kon gen
nop om ahi chi'n dawr ah lutsan hi. Anitak a, ava hoh uhleh Ruati chauh
ana om a, phaze sa mahmah uhi. Sotlou a tut nung un Ruati inle Ukhual
bangchi e, na pau ut kei ngei, na meh uh lim lou lua hya? hong pau ve na
paukeh na kam uih gai nave, chia a chiamnuih leh Khualpu'n le "nou tuni
mehnal meh na hi ngeingei di" na pau utdan, kon dotna pen thupha in
thusia hilele a dawnna hon hilh tave achihleh Ruati inle kingaihtuah
zek in hmmmmm!!!!! Ukhual chi'n a bilbuk ah "kenle kon ngailua"
achihleh Khualpu chu baloon ngamkhat a hu khah mah bang in kitawmtou zot
a, Siasiam bang phuguih hial zozen hi.
Siasiam inle abang ahia na huchi hawk mawk! Itna thuza pante zaw
angaihna na omkei uh aka, a lopna din singpi hon liau vele Ruat achihleh
ka Ukhual duhdan te in aw chi'n nui selsal kawm in chouka lam ah lutsan
a, huchia a tut lai un apot khete le hong kik ta ua anu mi houpih
taima ahihman in... Khualpu leh Siasiam le fel na uh chia le... Ruati
na hong pawl zel ua kipah huailua. A himhim a nou pawl bangjah tan sim
uh e, achihleh Khualpu'n BA 2nd year ka zil lel uh chi'n dawnga, Nuching
(ruati nu) inle aw na sang ve uh kenlah pawl 11 khong simpan di kong in
kon um a, ana kipol un aw ka thil hih di om, achihleh Siasiam inle awle
aw nungak mangpha chih khak kha veu hi. Ruati nu'n le awle noule
mangpha chihkhak in kal touhsan hi. Lawmta tegel lak ah khatpen chu
nuamsa ahitamai Ruati le a singpi awm hon tawi in Khualpu kiang ah tu
chat a, Siasiam inle ka duhkei na e, na Ukhual duhdante toh kei kituak
lou keive, achihleh poilo pi Usiam, Ukhual in a dawn gaivek nakei dia,
achihleh, Siasiam inle genma ngaih huai zelna e le, chiin dawn pah a, a
dawnzoh takin, huah dukan ah kuva kava leizual di achihleh hon puak ou,
chi'n Ruati in thukhak hi.
Siasiam inle zenzen na Ukhaul in hon vo nave amah na enton kei dia
chi'n potsan a, Khualpu'n le ka ngaklah mahmah khat tangtung zel,
achihleh Ruati in bang eita UU? Khualpu'n Siasiam pot kal hahaha chi'n
nuihsan a Ruati inle kenle chi'n nuikhawm ka kauh uhi. Khualpu'n Ruat
non dawnna ka zak phet a ka kipah dan suang manpha mantam muh sang inle
ka kipak zaw , Ukhual kenle maw non try a, ana kipak gulua keive, hilele
atak in ka kipahna ka langsak utkei a, kenle honna ngailua ka hi.... Aw
huchidan ana hidaih maw kipah huai diakna e. Nau chi'n kon sam di aw,
achihleh Ruati inle hi e, hon duat in aw chi'n nuikhe cheuh a, kenle
Ukhual aihkeh Uu chi'n konsam tei di achi hi. Khualpu'n le Ruat kon
ngailua tua chu kingai ihi ta a, ka lung anuam deuhta... Zan le sawtsim
ahihtak toh Siasiam le tangkhat kisa lodi ahihchiah kana paiphot maidi
aw chi'n dingkhia a, om den in hon chilelah hithei lou ahihman in awle
Ukhual mangha hoihtak aw na tungchiah hon text in aw chi'n mangpha
kikhak tuah in Khualpu le pawtkhia a, Siasiam inn kongah om faifuk phei
in lampi ah hon kizui lalat uhi. Siasiam inle kiss lou maw achihleh
Khualpu'n le maksa sim in chimawk eive bangjiak inla achih heuhau leh
Siasiam in genzom non lou in bangmah jiak chi'n pai vavauh hi. Amau inn
chiat hong tuntak un Khualpu'n le Ruati ihmut makal text cheuh in ihmu
hithit tahi.
Hun hon paizel in Ruati toh a ki-itna uh hon khang semsem in, kikhen
zoulou dikhop leh kikhen thei nonlou di khop in a ki-itna uh tuh kip in
muan huai petmah hi. Nikhat Liani le Khualpu teh va hoh in, Ukhual
Siasiam tulai bangchi ale mile text ngeilou ngaihdang nei hia achihleh
Khualpu'n le... Thei hetlou kahi Liani ngaihdang zo nei hial kenteh
tuzan potkhom ni uh aw huah Mangsum teh achihleh Liani inle awle Usiam
ana zawn teitei in aw chi'n paisan hi. A nitak in a 4 un Mangsum teh va
hoh ua, (Mangsum a lawmte gamdang a om) Siasiam in a phone mek den a, a
kihouna uahle tel manlo hial hi. Liani inle Khualpu sikphei zauh in
Siasiam lam en in chidan in a ngong hei chauh hi. Khualpu'n le Siasiam
phone a etsak leh phone pangai a omte hilou internet thil hih theihna
tungtawn a thil ettheih ana khoih ahihman in Khualpu'n le a mik a mak le
theilou ahihman in, Siam lakloh lua hia koih khe photve achihleh
Siasiam inle khemkhem bangmah poi mahmah kei, facebook ahi ka khoih hi.
Khualpu'n bang eita fb video sexy te maw achihleh, mokmok social
net-working hiveh lawm thak ka hauh tak dan nang adile i hong diam kon
honsak keidia, achihleh Mangsum in nuam vanglak ahi fb iva lut tung inzo
anuam keina a i khoih mun leh nuam dedeuh lawm bang ka hau ei, numei
bangle tam a tam achi hi. Ruati in bangdi eiat huai facebook banga a
phattuamna, achihleh Siasiam in phattuam na maw Ruat thil kithei baih
huai banah i thiltheih louh te post khia hanga ngaihdan kithei kikheng
tuah hanga thil tampi kitheih beh huai banah thu leeng lah kin, social
thil, politics, education leh adg. adg kipun beh mahmah ahi achihleh
Liani in non leh zat kha dia midang non neihsan khak ka lau zodaih ve..
Mangsum inle huchih theihluat ahi kenle ka theih khenkhat om huai banah a
leengkul te adia phatuam se chi'n nuipuak zaizai uhi. Sawtlou a
kihoulim zoh un mangpha kikhak in lampi pai komkom un Khualpu'n Ruat
enzo huaite poimoh khang maw, huai sangin zo nang toh ki-text ka ut zo
Ukhual hon chih behlap a, kon ngailua Ukhual midang adin kon koih thei
himhim kei, kikhen ngei kei nio Uu achihleh Nau kikhen cih bangtuh nak
utlouh lua kenle kon ngailua i nih a omkhop dikal ngaklah huai maw chi'n
a khut lenphei a, anung ua pai Siasiam te'n thoh ua, lenngam maw, tom
na lenkha mah di maw achih toh kiton in Ruati te in hong tung ua,
mangpha hoihtak kikhak in hong pai non leuleu uhi.
Khualpu'n le Siam thouta ou ngaih leenna vangkhua tungta hang ei
chi'n airport apan warden pa leh nurse zilnu telin hon potkhia ua, a
dawn dite aman louh jiak un Khuapute'n van hire in Lamka vangkhua lam
hon nawt ua, Siasiam bel a mel toh a lungtang a kigam la khopmai, a mel
kipak mahle a lungtang bel ana mahmah mai hi. Lamka hong tungta ua,
amau veng bul ah anu teleh Siamboi nute ana om ua, Siamboi in a phone
lai a kuamah patauh louh di nidang a houpih dan sek a houpih di achihman
kuamah le kap lou in kipak takin ana dawn uhi. A vek un Khualpute inn
lam hon naih tou ua, warden pa le anu te toh pau kitheih tuah louh man
un kihou theilou suak hilhel ua himahleh kipahthu a genkhum nate warden
pan ana theisiam thou veve hi. Wardenpa'n le kei zingchiang a pai non di
ka hihman in chi'n Siasiam sam a thil poimoh teng leh Khualpu hun luite
a sut pihlouh di chi'n hilh tuntun hi. Siasiam inle a damdawi leisa te
khakhat vel daih di pen a genleh warden pan lung himoh ngailou hiai lam
ah kimu kei lele hon khak lo mahmah di kahi. Chi'n wardenpa hotel ah
giak didan a pai dia akisak leh Khualpu nute'n phal lou ua amau kiangmah
ah om sak teitei uhi.
Siasiam le inn lam pai phot in khol tawldam phot hi. Siasiam te
kongkhak hon kikiuh in Liani ana himai mah a, Usaim dam in nong tungna
maw, kon miss theihdan, Usiam nang tello a hinkhua ka zatzo nopna himhim
omkei achihpeh Liani kenle ka hon ngailua, kei adia na kip a, na
muanhuai jiak in ka kipak lua, ka itna tampi in aki behlap mahmah mai
hi. Liani ei itna zo zuau tellou ahihman in ka kipak lotel. Ken maw
facebook le khoih ngam non lou ka hi, achihleh Liani inle Usiam na utleh
khoihve poilou pi nang bang na hamphat pih lovoi inn lam thu lah kei
theih ma a nang hon hilh pah china sepna lam ah apply di tuamtuam omle
lah huai fb tungton ah theipah china kenzo kon khamkei fb jiak in mi a
se mahmah kei, i zatdan uh akibat louh jiak ahi pen di, a zangsiam lou
te adin manna leh sihna hial tuntu bangle hithei, kisual kilai tuah na
dia le galvan chi khat himahleh a zangsiam te adin bel punna leh thil
theih behna ahi pen mai, achihleh Siasiam inle Liani nang mahmah na
piljel i kingaihna kumkhua sotta a kenzo midang mu lengle itna mit a en
theilou ka hi. Nang kia ka lungsim ah om nahi, fb ka khoih lai in hon
phawk kei lengle kon itna kiam tuanlou ahi aw, huai banah nangle ginom
tak leh lungke lou a na om jiak in ka kipak mahmah ahi. Liani singpi va
awm dihve inu meh lei a kuan hiveh aw chi'n Siasiam le kisil khe din
bathroom lam naih hi. Liani le singpi awm zou a Usiam kiah pai di
ahihdan leh inn ngak omlou ahihdan hilh in paisan hi.
Siasiam le kisil zou singpi dawnkom in hong kingaihtuah non a,
Christmas a hunzat khawmdan leh Siasiam in Liani buaipih man lou a fb a
buaipih dan khawng kisik tuntun a lah lakik theilou ahihman in poi asa
petmah hi. Himahleh Liani ginom nate amuh chiangin thupi sapetmah a
kipezou in thuak hatsa in kisik tuntun sek hi. Christmas a Ruatite inn
ah sangkang dak 2 tan phial om hile uhle Liani ngaihsak lou a fb a
khoihdan lambang hon phok khia in leh battery a beitak a Liani kianglam
va pi bawlpan ahihdan khong phawkkhia in kisik leh zum toh thuah den
hi... Ahi a Ruati inle Siasiam kiah fb khoih didan khong a guk a ana
dot zel himahleh Siasiam in ana hilh ut kei chitchiat a, huai in Ruati
in thangpai sak leh hehsak mahmah jel hi. Khualpu in tua thute theilou
ahihman leh Siasiam inle genlou mah ana hidan hi.
Kum te hon thak in hunte pai hat mahmah hi. Siasiam le itna khaugui
kizan pen tatsak som in panla a himahleh Liani in itlua leh ngailua
ahihman in leh Khualpu kiang a ana hilhman ahihman in bangmah loh
theilou a, akhen chiang bangin Khualpu toh peuh dem in nei nak khem hi.
Tua thute Ruati in a honzak chiangin heh kisa in a Ukhual kiah Uu nang
na lompa ngaihzawngnu chih bolsim nahi hia, thuleng zak di hong tung
vettak a, achihleh Khualpu'n maksa in leh gendi pen theizok lou in, Nau
bangthu ahia na zakkhak get Liani maw nagen, Liani ahihleh Siasiam toh
aki-itna tui luanglai pen kang dek ahihman in keile va kidaih in kava
gensak jel a huai banah a ki-itna dua panla pipen ka himan in palai a va
pangjel mah ka hi, himahleh huchidan lampang ah zaw midang neidi vual
kahi kei, deih chibang ka teltuam ka sinlai lianu ka hon neita bangdang
teng in hon buak zong leh nang adia kip leh muan huai di ka hi achi a,
Ruati inle oi kipah huailua Ukhual kenle kon it in kon ngailua, hon khen
ngeiken aw, non khen ngeingei leh omzou lou di ka hi, non khen nini non
muh tawpni ahi di chih behlap lai hi.
Hun hon paizel in A siamsinna kuang ua pan result suak ahihman in
Siasiam leh Khualpu kithalawp takin intenet apan a et ualeh Khualpu pen
1st class a pass in Siasiam pen 2nd class ana hihi. Siasiam in chu
theisiam pah in alawmpa laisiam theitak ahihman in poisa vetlou hi.
Huchia maban te sunzom ut uh ahihman un college kaina peuh ah kai khawm
gige dia a kichiam uh ahihman in anihtuak un a it leh ngaihte nusia in
vaigampur maban siamsinna zomtou din hon kuan kheta uhi.. College bang
nuamsa mahmah ua hostel amuh takun bel free lo non lou uhi. Ruati toh
niteng ah itna simthu lel gige ahihman un Khualpu bel lungleng lolou hi,
Siasiam ahihleh fb kia buaipih den in Liani in a text chiang chouh in
text zel maimah hi. Siamboi thouta ou ann nek hun hon kichi a Siasiam le
a tutna tung ah lum zenzan lai ana ihmu kha ahihman in thou guih in ann
nedin hon kisa uhi. Ann kuangah apan boi doctor ten bang achi uale
achihleh Siasiam inle a luna penzo adamsiang kei nilouh leh a hoihlou
tungthei di chi ua, amah lungsim subuai thei di himhim genlouh di ahi
achi ua, azoh thuzak nop huai bel ngaihdang itna dang a piak theihlai
leh hoih lam nawtzo di ahi chi'n doctor pan hon hilh a himahleh risky
lua ahihman in doctor pan kei kiang chouh a hon guk hilh ahi achi hi.
Eh! huchi ahihleh nang mah in pan nalak ngailou di maw, a lawm
hoihpen na hihchia chi'n ka pa'n hon gena kenle himah e pa ka mohpuakna
ahi mai. Ka chih kheleuh in ka khamsan a mak hon sasim uhi. Nitak in
Khualpute ka potma in kikhopna ka nei masa ua ka nu'n le Pathian kia'h
Khualpu adin a ngetsak a kenle kana Amen lotel hi. Kikhopna neizou dek
geigei chih di in ka phone hon ging langlang a ka pa'n le a poimoh luat
leh dawng maive hon chi a, kenle ka dawng a Khualpu alu nasa ahihdan hon
gen ualeh mak ka sasim a nidang a aphak dan ngeina hilou ahihjiak in
kikhopna le nei khin manlou in ka taipot zok a, Liani le hilh tou in
Khualpute gate ah ka kisutuah uhi. Khualpute inn ka tuntak un adamdawi
kap di mi omlou ahihjiak in sottak ana thuak man a keile ahi mahmah kei
chi'n kap dia ka kisak leh ka khutte hon ling loplop a Liani inle ken
kon kap di kasiam zodi chi'n hon laksuh a kap thei vanglak a himahleh
Khualpu'n nasa deuh adiam ah men pheiphuai hi. Warden pan le nuam sathou
mahleh pau kithei tuah omlou ahihman un nopsak di bangtak in nuam kei
hon chi numnum a kenle nui sim heuhau komin nang nou pau in na pau dia
Khualpu nutele amau pau in hong pau zel dua himai eivoi ka chihsan hi.
Wardenpa le nui khe saih in Liani mitsit phei zauhzauh kawmin nanga hia
chi hi awmtak in hon en phei a kenle ka lu kasu ngau hi. Khualpu lah
houpih theih non louh a hon ihmut san ahihman in a sungkuante uh toh
kihoulim zaizai in chiamnuih peuh kabawl lai un kapa tele hong tungsuk
ua koule Liani toh tu khom chetchat ka hihman un a zum huai sim hi.
Zan hon sotsim ahihman in Liani le denchiah a sungte patauh khak ka
lauh man kava kha a, keibel Khualpu kiangah a hon khanloh di ngak hi
awmtak in kava tu ngeknguk hi. Warden pale chim kisa sim adiam ah ka
kianglam hon naih phei a kenle tutna awn in hon tutei tahi. Warden pan
nou loi pi kou toh na kibat na chiang om hiveh aw maw, suicide chih
khong ngim a ngim mawk, suicide ziak a thu teng veng vek di adiam ah hon
chihleh kenle gendi theilou in kalu ka sungau hi, warden pan Facebook
ichih kha a hunphet theihdi tulai tuailai te diak bangin om awl hun in
hun keileh khoih ua, laisim nalam mahmah ale bah petmah ua amau leh
amau hon kithazoh zou kei sek ua, thil himhim kha hoih leh hoihlou om
ahi, ahoih a om hoihlou omdi sa ahi a, buh bangle buh lem leh buh tak a
pou khom helhel ua, hih keb iva chihna hilou in i hih lele a hun theih
di, a hoih lam lak a hoihlou paihkhiak di, piching mahni sia leh pha
thei chiat ihi ua huaijiak a nou mah conscience na zuih du ahi, himahleh
a hoihlo lamchu kipisak hetlouh di ahi, chia hon gen in kilak khiak
bang a ut huai maimah huai hon chihzoh in kapan warden pa sam in
kihoulim uhi. Kapa'n sum tamlou Khualpute toh akithoh khawm uh pedia
akisak leh warden pan la ut mawngmawng lou hi.
Warden pale zingchiah paidi, ahihman in ka nu leh Khualpu nun nekdi
tamlou leh meh huailam ah kimu ngeilou te pack sak in buai in buai
vengvung uhi. Dak 11 bang hon ging hialta a Khualpu lah halh khelou
ahihman in Khualpu pa'n paisan din hon sawl nilouh a, koule kisam khawm
in ka paisan maimah uhi. Inn ka tun un keile lum dia ka kisak leh ka
phone ah nambat theihlouh khatin hon call a kenle kua amahmah dia aw tu
zan nungnung a chia Hallo chi'n phone a pau pen in dam maw siam kon
subuai lua hia hon chi a kenle I subuai lou hial nang kua e ka chih
leh..... Eh! Hon kigenkhalou khelou kei mahve maw hon chi a nui kehkuh a
kei maw Kim ka hi, hon chihleh kenle aw kon theita ka nambat koi ah
nalak a, ka chihbeh non leh aman le lawmte khat fb khoih om a kenle na
min zongsak inga huai apan ka lak ahi, na damlou bang achita a, thu lah
non zasak hekkei a ka no. nei penpen hon chi hi. Keile nui kom in
tungpan ihih chia nangle buai didan a hon koih inga huai banah dena alu
na saget a va diangtou buai lotel mit kelele tawmmanlou dikhop ka hi,
ka chihleh Kikim le anuihza lua in nui zawkzawk hi, a inn uh hon hilh ve
kon panpih theihna di a om khakleh a chi a, Siasiam inle phaze sa tuh
ahingei dia huai banah ami zongzong mah kitah lut dan in thei a, kipak
petmah a Khualpu te addres pia in leh syringe na neih lai leh hon tawi
ou chih behlap hi. Kikim inle hi zenzen e airport ah zo buai kei uteh
maw kou a awng lai leh zaw hon tuangsak hoih lotel di hia achihleh
Siasiam le mi houpih lai isak leh ana ihmu daih a Kikim inle theihsiamna
thukpi taktoh koihsan hi. Zing ninou hon suak eng singseng te zung in
Khualpu lupna kapvak singseng a Khualpu le a lupna tung apan thou khezok
in phone hon pai di ngak hi awmtak in tu dedu den a, anu le phawng dia
va pai in Khual thou.... chikawm a room alutleh Khualpu thoukhin hon mu
a, eh ka tapapa fel na e chi'n a kiang lam hon naih phei hi.
Khualpu'n le nu ka phone koh om a, ka muzou mahmah kei a, aihkaleh
Siasiam in fb khoih na dia hon zat sak amaw, anu'n le hilou e bawi,
napa'n huah almirah sungah ana koih kha ahi kon ladi aw, ana kihah
siangin aw chi'n phone ladin room dangah a lutsan hi. Anu'n le Khualpu
phone lakhia Khualpu pechat a, Khualpu'n le switch on in Siasiam nambat
dial pah tetet in himahleh a sim roamming a, apai jiak leh balance a
neihlouh jiak in call theilo maimah hi. Amah leh hehlua in a phone
leilak ah paih mawk hi. Tua ging a zak phet in anu'n delh pah ngal in
bawi bangchi na hia? Bangjiak a na phone na paih mawk e bawi chi'n
kamdam a agen leh, Eh! Nu ngaihdam aw Siasiam ka phone dek leh paitheilo
a heh kisa in ka paih mawk kha a ka hailua, eh bawi huchilou e hiai
phone maw chi'n la in a nun le leilak ah dengsak non hi. Khualpu in anu
om dan a muh leh a nuihza lua in a nuih ekek leh anun tua atapapa nui
amuh in kipak petmah in nui lalat tuak uhi.
Zing ann nezou Siasiam le Khualpu teh hoh dia kisa inleh warden pa
bahara di anute piak tawi in a khadi kom toh a gari in hon taitou hi.
Khaulpu te inn hong tuntak in amansa diam in ana om ua Siasiam chouh
ngak ana himaimah uhi. Khualpu leh Siasiam in warden pa van puak diteng
guangin stastion lam hon naihpih ua, Siasiam inle Sir airport tan hon
khak ut lole ungle inn lam poimoh na.... chia agen lel laitak in warden
pa'n pautuh in Siam na kipiak zohna uh thupi kasa agam mah le nuam kasa
nou hostel ah na omlai ua na hon gendan un (nam kal buaina tam, kithah
kisuamna tam) lauh huaipi himahleh amun a iva omleh zaw huchituan lou
eivele maw kei ana lau gusim mawk ka hi, hilele amun itun nunga ami leh
kho omdan himhim anuam petmah suti kinei henla ka sungkuan un hong zat
ka utlua uh, achi a, Khualpu'n le Sir kipah huai lotel petmah na hoihna,
chitna te hon din sengzoulou ka hihman un poikasa. Siasiam inle, sir
hiai, chi'n a warden sakhau ah koihsak cheuh in warden pan le kinleh
buanga en in piak kik asawm leh Siasiam utnon bilbel lou in, warden pale
lohsam hithet hi. Bus paidi ahihtak man in Siasiam leh Khualpu'n
warden pa mangpha khak in paisan uhi.
Siasiam inle aphone dot khezat in Phone ah hon pau in koilak e na inn
uh. Kong pi dek ua gate ah ana om ou. Phone ah paupen inle Mualveng koi
na bul ah konna ngak di chi'n phone koihsan hi. Khualpu'n le kua ahi
zazat a, Siasiam in huai i pai ni a hon buaipih khat hi, amah jiak a
tawldam tak a inn tungthei na hi, amin Kimboi ahi chi'n Mualveng
koilutna bul ah ana om petmah in Khualpu'n amuh phetin lamdang saknapi
kom toh en kelkul a, kare Siam hoih na mahmah e, amah maw Kimboi, hon
buaipih pen achih toh kiton in amun tungphei in Kimboi le gari ah luttou
ngal hi. Siasiam tua dotna pen dawng manlou ahihman in poisa sim a, a
lawmpa lungnuam loupi a koih khak di kia lau maimah hi. Kimboi le Ukhual
dammo, non thei hia? Khualpu'n kon thei milmial khol non kei ka chi,
Kimboi inle aw poikei phamoh kei chi'n inn hon tung uhi. Khualpu nu le
inn kong ah hon pot khia a, Kimboi amuh leh hoihsa lo mahmah ahihman in
enen mai hi. Khualpu'n le nu chi'n sikgu a mi zumthei di eive chi'n guk
tai kauh a, anu'n le nui selsal kom in bawi nang kua na hia, napa kua,
na veng uh koilak ah chi'n tutna pepah hi. Kimboi inle agen zoh vek in
Khualpu toh leenna sungah buaisia a ana panpih kha ahihdan khong agen
leh anu kipak petmah hi.
Lawm dile ka neikei a ka lawm tenlah pasal hon neihsan vek ua, chim
kisa selua in hong hoh mawk ka hi. Khualpu nun le na hih hoihlua hon
hoh jeljel in aw bawi, honpi dile poisa lou ka hi uh chi'n kamsiam tak
in gen a, singpi awm din lutsan hi. Siasiam inle Khual tuni bangchi na
luna in hon veh kei na e maw, Khualpu'n le eh! Hon genkei leteh le phawk
loudi ka hi, ana lemdan in ka om maidiam mak nasak chimel lua a, khovel
bukim sazou lou na hihleh chi'n a thum un nui lailai uhi. Kimboi inle
Ukhual hiah na damdawi di nang adia poimoh di hon toi ka hi chia apiak
phei leh Khualpu kipak lotel ahihchia chibai bang kibuk thakthak zozen
uhi. Singpi dawnzou in a vengsung uh musuak nailo ahihman un athum un
hon potkhia ua, Siasiam inle Liani teh va hoh ni huaizoh amah toh i li
un pot khom ni uh chi'n Lianite innlam hong zuan ua, Liani le puanphou a
inn kong ah ana om a Usiam te amuh in ana nui selsal a, Kimboi amuh leh
hoihsa lotel zaw ahi ngei dia kam kazen in en den maimah hi. Siasiam
inle pot dia azot leh awle chiguih mawk in a Usiam kiah bang adot pen
aleh dot thak maimah leh Siasiam bang ana heh gusim mahmah hi. Liani le
puanphou zou in hon potkhia ua, kithei ngeilou Liani leh Kimboi bel
numei cihmahtak hou in hong kihou thei lehlam uhi.
Liani inle lawm na nak hoih e, nou bangchi dana kithei kha uh e chih
khong kan in, facebook ahi get di maw achihleh Siasiam in pautuh a, Nau
i lawm nu uh nang toh kibang nahi facebook khoih hetlou, leh khoih le
khoih utlou kou leenna sunga hong kithei kahi uh ei... Amah om kei leh
na Ukhual damdawi kap di omlou di ahi... Aaaa nang nurse maw maizen
zahtak huaipi neivele maw, tua chu UYhual kap di omta di eivele maw,
khut ling pepelh a zanlam a kap huaile na sapetmah zomah chi'n hon nui
tuktuk ua, Siasiam inle chiamnuih thutak in "chikei ve nau tuni bang
alu nat lam le phok non lou a kap tudi jiak hia aihka'leh damsiang mawk
hia kua hiam khat a om leh' hon chihleh Khualpu zum kisa in amai khong
hon san puappuap maimah hi. Kimboi inle nurse hinailou deuh ka hi ei
hehe chin biakinn kong hong tung ualeh Khualpu'n le, eh! A thak bang a
kilam mawk aleh, bangci dan ahia? Nalh bang analh leh lam ka chi, makna e
changkang huai na e maw..chi'n Siasiam in biakinn kilam lel pen en
vengvang hi.
Kimboi inle chimawk le asai tute'n bangjah a lep dua aw maw achih leh
Liani inle building fund bang thohthoh hanga lah kalkhat sunga kikhek
lamdan na om mahmah lou, biakinn kikhop chiah tutna tuam deuh, sehsa
tutna a tuten a nalhsak dandan ua hon pat uh ahi, sum lah kidaih lou
chih hideuh gige a thohten lah kithoh den thou, theizou ta khang beram
(sheep) vun silh i tam ua maw. Biakinn sunga bang uital apu in alu a
zutsak a kual ngeungau bang dua, inn kong ui chetdan mah in a che kei
dua.. Khualpu'n le khemkhem geuh huai mi omdan teng va bangen a bang
piang dile hilou khong achihleh hizel mah e maw Ukhual aaa hiai kua te
inn a thupi na e.. Siasiam le kin a kin in Kimboi melh phei a, amit ah
dongken chi hi awmtak in sign pia Kimboi le kisuanglah sim in hausak ci
uh e maw chi'n dai vengveng a, Khualpu'n hiai maw zawllui chihdi adiam
ah khaugui tanloupi a fb jiak a, achih patpat leh Ruati nu hon pot khe
geih in Khualpu te lawmta amuh leh heh kisa in lut non vengveng hi.
Lawmta teng inle maksa na kompi toh en den ua paisan vengveng uhi.
Inn hong tung non ua Kimboi le pai utsim ahihtak man in suanlam bol
in Siam toh Liani in vakha din kuan uhi. Lampi kal ah Siam in Khualpu a
hinkhua leh tua a dinmunte hoihtak a gen leh Kimboi lungsim khoih petmah
zaw ahi ngeidia, Kimboi mit apan mittui te hon luangkhia hi, mittui nul
lou a omkei ua, Siasiam bang aleh hehnep daih uhi. Kimboi te inn hon
tung ua Kimboi le mit bok thriuthriau kom in paisan hi. Khua hong mui
in mualdon a nisa in tha neilou a vak mah bang kiukiau in Khualpu'n huai
mualdon en in lungleen chitak in tu ngeungau hi. Hong kingaihtuah a,
Ruati in a bawldante hon ngaihtuah in alu na hon kipan non get hi. Nu!!!
Nu!!! Cia akikou chiah anun za mahmah lou ahihman in a tutna apan
puksuk in a innkhang te naupang pan mu in kin theitawp in Khualpu te inn
taitou in Khualpu nu sam a, Khualpu nu'n le akikap na toi kawm in iam
leh siamlouh thule hi nonlou ahihman in kap suk met mai hi.
Khualpu le awl a mitsi suk in.... A nu kia in dom zoulou ahihman in
Siasiam sam in Siasiam inle alawmpa lei ah lum amuh in hehpih mahmah a,
khitui nul komkom in Khualpu nu toh alupna lam ah domphei in sial uhi.
Siasiam leh Khualpu nu kidek zoulou in a khittui uh anul den ua, kikhouh
tuahtuah hinapi un anih tuak un akikhou zou kei uhi. Khua hong mialsim
phiphelh takin Khaulpu pale hon tunga Siasiam leh Khaulpu nu khitui hul
nailou amuh in lamdang sakna pitoh bangchi uh e, bangthu om a chi'n
patauh chimel takin dong a, Siasiam inle bangchi kei chi'n athu leh laa
teng agen leh, ahoihve neuchik hileh i chan khak mel le theihlouh ahi,
na nehnou na mel uh i hon muh leh i chi bang hon liing pepelh a, anuam
kei a hong hi phuphu kha ka hi ngaihdam un aw, bangmah chilou di ahi
honh hoihpah inteh chi'n room ah lutsan in Siasaim inle sotlou nungin
paisan pah hi.
Ann nezou siasiam in Kimboi houpih a, thu omdan teng hilh in, Kimboi a
omsung a nalou a apai khitphet a ana hong kipan chih khong hilh in
Kimboi inle maksakna kompi toh a inn uah honpi mai didan a, agen leh
Siasiam in hidah heh damdawi kikap khinta a, zingciah na man dileh i
kithuah non du, chi'n phone koihsan hi. Zankhua hong bei in a zingciang
hon hita a, Kimboi le pi ngailou in Khualpute inn va hoh pah hi. Huai
in Khualpu kipaksak tuan mahmah a, Siasiam phone in hong phei dia asap
leh Siasiam inle a ngaihtuahna ah amau gel kia om zole uh chih deihzo
ahihman in hoh man lou chi in khem a, Khualpu'n le poisa sim mahmah
hinapi in Kimboi om hinaven nuam veve chi'n koih san hi. Kimboi toh thu
vantang hon kihou limlim uhleh facebook thu hon genkha ua, Kimboi eh!!!
Achihleh Khualpu'n poilou genni nang mi ensiam na om navele bangmah ka
chi kei di, ka lungmuang a, bangmah ka ngaihtuah kei nak leh ka buaise
kei di chi'n ahoulim napen uh hon sunzom tou uhi. Kimboi inle Khualpu
tanchin zavek khin ahihman in amanle amah a hon genta hi.
Ukhual keile ka lawmpa toh kum 1 lambang kingai ta himahle ung hon
khen mawk a lamdang salua kahi, athu ka hon theihkhiak aleh bangdang
hilou in fb jiak ana himawk a kenle huai apan fb ka theih pat ahihna leh
a khuat ahih na ahi, numei khat toh kichiamnuih den leh a no. khong uh
ana kipetuah ua, keilah huai hunlai a nurse zil a gamdang ah om hizomah
kahi a athuzo ka theipah kei, lawmte hon hilh apan ka zak ahi a, aman
lah kikhen di kia hon som den hoihtak a gen chihlah omlou, hon hehsak
som teitei lah kiheh thei mawngmawng lou, a tawp azo kenle itlua ka hih
chia ka khah suk mai ahi. Huai minu ka muh leh zo ase kei, ngou in ngou
mam henhuan a kei sang inle ahoihzo, hilele ka engtuan kei, damdawi
tang jiak khong a ngoute zo sotle daih tuanlou ahih chia maw, huai mipa
tua maw rehab ah om incin ka hehpih dan, Khualpu'n le bangjiak eita aman
nidang ale khamtheih ana hih maw... I hih lou ka kingaihlai ua mihoih
petmah muamtheih, teptheih leh dawn theih bangmah hihlou ahi, huai minun
kop incin huai ban ah akham theih hihlam atheih khiat taka khen incin
hah kou lua adiam ah amah tungtu a, tua addict achih te uh amah tung tu
eivoi achihleh Khualpu'n le aaaaaa kalu nalua.....
Achih zot leh Kimboi le eh!!! Ukhual bangchi e, koi damdawi chia
ding khe dia akisak leh Khualpu le hong nui khe kakauh a, Kimboi le heh
kisa in tup phei ek toh thuah in patau loman kahi hon huchih non koh,
singpi kon bolsak di aw chi'n diangkhe vat hi. Khualpu'n le Kimboi a et
chiah kizen salua ahihman in kipak mahmah hi. Singpi awmzou hong pai in
pe gaih a, Khualpu'n na fel e, na teng den maidiam numei le a omlouh toh
achih thahah leh Kimboi zum lotel petmah in a etna di bang theilou in
dak gapgap maimah hi. Khualpu'n le zannitak lam maw Kim kingaihtuah nak
lua ka diam ah ka lung hon sa vitvit incin nat a na petmah ka beidot dan
sidia kikhoih ta ka innkhang a naupang pan hon mukeh chu zan nitak bang
na jan hah ngai maimah du hia maw, Ash! Ukhual huaite gen non koh nuam
lou eive, chi'n anu le pot hong tung in Kimboi amuh leh kipak lua in a
gimna teng bei mah bang hial in va houpih somsom pah hi. Ann huan hun
ahihtak toh Kimboi le pai utta ahihman in paisan phot a, Kimboi in
apaisan zoh phet in Siasiam le hon lut chet in Khualpu kiah vatu toupah
in bang nachi uale, bangtan na tung man ualeh achihleh Khualpun eh!!!
Nang mipa man pipi a hong hohlou neidan vele maw, Siasiam le nui
chemcham in kon dotna hon dawng phot ve bhai achihleh khualpu'n houpih
nop lotel kichim man honsa maw, fel lah fel mi bang U chi tiautiau incin
ngaih a ngaih nop huai petmah, Siam nitak chiah phone in ana gensak ve
maw achihleh Siasiam in a mission zou hi awmtak in kipak petmah a, hi
zenzen e nang adi khong mah aka ihih gige Khual ei, keile kana pai non
phot di Liani teh va hoh hon baang suk zual kahi chi'n paitoh thuah ngal
hi. Anitak in Khualpute'n lengla nei ahihman in chimman lou hial hi.
Aleh lam ah Siasiam le Kimboi bei in hahpan petmah a, Kimboi bel huchia
zoh pah theih dite ahi kei, a dawnna in Khualpu ngai ahi chih agen kha
himhim kei, Usiam na hehlouh din leh Ukhual heh lou din, kei nou hon
panpih le hikawm huai banah assignment nei unga, huaijiak a hon maivil
a, ka assignment suk buching nadia hong pai kahi zo ngaih et in zo
kuamah ka en thei non kei, ka itna kua hiam in atuah mang a, lakkik louh
in a om den a, itna mitin kuamah ka enthei non kei. Kuamah ka muang
non kei, itna mitdel kei adin zo bangmah in a (pangkai) zattheih
tuankei, ka assignment fulfill nadi liauliau a honh hoh lel kahi achih
in Siasiam lungsim a hawm mai, bangmah le ngaihtuah theilou in alawmpa
akah khum maimah hi.
Siasiam inle hichin thukna hon bolta hi... Kim ei na zakdah di genkha
kahih leh hon ngaidam inla, himahleh ka lawmpa hoihna di nang tungchouh
a kinga ahihman in hehpihtak in na itna nutsiatsa ka lawmpa lungtang ah
chibang hon tuhsak maive maw, itna neilou mihing a piang kuamah
ki-omlou ahihman in hehpihtakin nang apan itna suak pen ka kinem gige
uh. Ka lawmpa ka it gige hangin bangmah hihtheih dang neituan lou kahi
a, achi pumpi a kimlouh na nei hileh bel itna ziak in ka mit langkhat le
ka hawm ngap a, tua kisam pen ahihleh kop khat suahna itna leh ngaihna
kia hilou in amah hinkhua a, hinkho thak hon kipatna di ahihman in
hehpihtakin hon ngaihtuah in aw, vangsiatna na tuah ni a mihing panpih
theihna tan ah kei na ma ua hon pang di ka hi, Kim hoihtak in hong
kingaihtuah inla nang jiak a mibang lou a om dilai mi bangsak thei nang
nahi chi'n mangpha khak in, message khak hi.
Zingkhua hong vakin Khualpu'n le dawnna thei nuam tettet ahihman in
ann nekzoh in vadiang suk a, Siasiam inle Khual ei zannitak in ka gen a
maw aman le zo hon ngaithou hidi kon kingaihtuah di hon chi a, achihleh
Khualpu kipak lua in kitawm touzet zozen hi. Kikou khezot ahihman in
Siasiam nu supatau kha in Siasiam nu bang common room ah hong tailut pah
gaih in thu atheih tak in kik non bambam hi. Siam tuni hong hoh hak e
ka msg hia achihleh Siasiam buaisim ahihman in hong hoh khin a nou inn
ah hon ngak den adiam maw, Khualpu'n kong hoh deka nou inn ah omdi
kahih dan kagen ahi achihleh Siasiam in aman kei a adiam maw nurse tezo
hichi pah sek uncin inn lumle luah man hetlou uh ahi achihleh Khualpu'n
le eimahve maw hong hoh manlou hilele poikei maw Siam chi'n paisan pah
hi. Nitak hong hi non in Kimboi inle Siasiam kiangah Usiam zannitak kei
ana ihmu khin inga tusun kon hoh dek leh phai lam a mi hong hoh mawk ua,
singpi hon khai ua pot thei lou bilbel kahi poikasa achihleh siasiam
in........
Aw poikei Kim huchithei mah hi. Singpi hong khai uh aloh ching uhia
Khualpu'n hon text a lah reply lou china lung buai mahmah denchiah hon
buai non khak lau inga inn ah le tukip theilou kahi chi'n khak a, Kimboi
inle.. Ka hehpih e Ukhual kha hmmm singpi khaipen chu kei tungah kinga
miamah hi, mihausa mahmah hinchin zahtak huai petmah uh, hilele maw
Usiam, Ukhual ka hehpih lua a ken ana nial mai chih akhak in Siasiam
kipak mahmah in Kim ka kipaklua ka kipak lotel Pathian in na hoihnate
hon vualzawl lou kei hiam ana en oh chia akhak leh Kimboi inle hehe chih
chouh khak lelauh in Siasiam le azanzan chilou in Khualpute inn ah
taitou pah in gen bang genthei zoklou in Khual hong paidih chi'n
Khualpun nui seisai kawmin kong bul ah va pai in tua thu kipah huaitak
azak phet in kipak lotel lam in lam maimah hi. Siasiam in amuh in
denchiah hon haikhak bang lau thepthup in lut in tutpih pah hi. Anu ten
le theihna riau khat nei ahihman un ana kipak tei sam uhi. Zansot simta
ahihman in Siasiam le paidia akisak leh Khualpu.......
Nunsiam hiah giak maive maw zan asot taktoh khat vei sunsun bang
chi'n pai phallo ahihman in Siasiam le giak maimah hi. Lawmta tegel in
nuamsa mahmah in, Khualpu'n lawm fb khoih non lou maw chia adot leh
Siasiam inle hi khoih nonlou phattuam na khenkhat tezo chihtak ahikei
asiatna tam kasa sim a huaibanah hun awl a fb di hinapi en huai hun awl
kia a zanglou hanga i hih diteng bang kikhel sak thepthup ihih chia mang
lua i voi huaijiak a deactivate geih leh zang huai zozen Liani toh le
ka ki-itna uh hong pung beh in ka theituam abang. Facebook zaw khoih lou
thei a i omleh mah hoihpen ahi. Hilele i va khoih a, akhoihdan i siam
leh ei kihampha daih zel chin Khualpu'n light off in a zaalna laikhun
tungah sambang hon zaal ta uhi.
--------------------------BEITA---------------------
Hiai story midang hinkhua a mek belh leh tup nei a gelh ahi kei a,
sim a mangnglh pah di maimai a kigelh ahi, min leh khua omte bel atak
ahi himahleh min kibangte hinkhua leh hunzat dan toh bel mektuah or
Gawmkhop ahi kei. Phuahtawm pumlum petmah ahi
©Siamsinna leh Vakiangbu
Comments
Post a Comment