PA IITNA LIAN HI NA TEL EE . . .
By ~ Diamond Xang Guite
Khua khat ah Tangval khat Thangboi ki chi a om hi, amah bel mi
melhoih, duangching ahi. A hausa mahmah mai ua, hilele Thangboi in a
hauhsakna uh hon zangkhialkha in zu leh sa, khamtheih cihte in hong
kibual kha hi. Apa a lungkham mahmah mai a, Thangboi a thuhilh zel a,
himahleh a kikhel lua lam ana hi ta hi. Nikhat Thangboi le a pa sum hon
gu in khopi lam ah nawpsaknang jong in a inn ua pat hon taikhia hi. Apa
sum a gukte hon jang thang in, party khong hon nei in, zu bottle hom
khong in a rom sung hon thang pah hi. Hicia hon om toutou in, lawm bang
hon hau mahmah a, a lawmte toh mithat in, a sumte uh lak sak jel te ah
hong kipei ta uhi. Hucia hinkhua hon jat toutou uhleh nikhat mi poimoh
mahmah khat hon that kha uhi. Huai mi poimoh mahmah khat a that ni apat
police te'n Thangboite lawmta jong cihtak in hon jong ta uhi. Police
te'n kha khat vel nasatak ah Thangboite lawmta a zon nung un Thangboi
hon mankha uhi. Police station ah police te'n Thangboi tonpih in,
custody a tutsak a, a om lai in, Thangboi a di laithon a pa apat hon pai
in, hichi'n kigelh hi. . .
"Ka ta it,
Thangboi.
Na dam jel hya? Na va lohching hia, niteng in kongpua ah nang nawn
pai di ngak in ka om gige, himahleh na lim di le ka mu kei. Innkiang ah
hai kung a luai a kon sawn lai khong ka ngaihtuah cia'n khitui tampi a
luang jel. Tun zaw kei lei nuai ah ana om ta ning maw, ken kon it-tuk a
khovel ah hon it di omlou ahi, hon thumpih gige ka hi. Hiah laithon na
muh leh ka hantung bek a pak hon siat in aw. . Mangpha.!
Nang hon iit gige,
Na pa"
Hiah teng kigelh hi. Thangboi in laithon a sim tak in a kisik petmah
a, hihkhial ahih lam a hong kiphok hi. A kap ek-ek a, lei a tuan ek-ek
a, hilele a phatuam nawn kei hi, hicia khitui tampi toh zankhua hon jang
in, a jingkal in police station tuam a Thangboi transfer din' gari ah
hon pua uhi. Thangboite khua le ton kha uh ahihman in, Thangboite khua
lampi a siat mahmah ziak in a gari uh hon tuahsia in lam nawl a hong
tukkhe suk in, Thangboite hanmual ah a gari uh phelnih hong kisuah hi. A
sung a tuang teng thangboi cih louh a si vek uhi. Thangboi le a hahliam
mahmah mai a, sawt damlou d ahihlam a kitheih in, a pa haan jong in, a
muh in a tung a kap kom in dailing pak hon lou in, a pa haan ah hon
siat hi. " Pa hon ngaidam in, khatvei bek leitung hinkhua jang khom lai
thei le ka chi lua, kon paitouh cia i paina a kibat kei leh hon en suk
bek in aw. ." chi in Thangboi in a liamna thuakzou nawn lou in apa han
tung ah lungmuang tak in a si hi.
Unau te, i nu leh pa te jo hai in mawl tawk le uh le simmoh ah,
muhsit di hi thahah lou ahi aw, nu le pa te'n ei hon iit tuk a khovel a
hon iit di omlou ahi. . A thum teng ua le i min lou kha teitei uh ahi . .
Lungdam.
Lungdam.
© Siamsinna leh Vakinagbu
Comments
Post a Comment