GENERAL TUNKHOPUM BAITE TUNG AH: KAHTAM
~Vz Vualnam
Gamlei leh laizom zata haam bang huai
Ngalliam na khan mawng bang a pha ding sa’ng
Lung na tup tang bang pha khuamual suah in
Kumsawt a vaang ning bang na zou ding sa’ng
Zenzen aw e nuaizin lungmawl aw e
Mawng bang phat ma’n vual in sing bang heuh e
Haamlou bang a huai laizom lungmawlte’n
A khan sing bang khaam e gohtam simna’n nei
Nang lah laizom chi’n sutpi bang muang chia
Laizom in lah dougal chi’n heem in bia
Tongtak tongkhem chiau a damtui bang luang
Zua aw gi bang na khenkhial ei mah e
Zua ngalliam gawl bang puuk kha na pham ni’n
Tung sunni zong a phamta ding sa’ng e
Phamta ding sa’ng tuu bang a meeng hiam aw
Zingchi’n lenkawl ah a suaklai hi e
Zaang i sunni zong huantuu bang meeng a
Nichi’n lenkawl sial bang a suah buang leh
Phamsa ngalliam tuu bang hong meeng inla
Zata’ nunnopna di’n hong thou ve aw
Sakduang kha kia in siatlei suakthei a
Pham nua’n sakmin al bang mang thei e
Ngalliam nang kha kia siatlei na suak zong
Na sakmin gua bang hing den ding hi e
Ngalliam zua luun khang gawl bang a puukna
Laizom hembiak tongdam leh namtem luun
Ka sinlai ling bang dou e ngilh la’ng e
Ngilh la’ng e batphu zonna’n lawm sa’ng e
Batphu zong ding khangsawn hong thou ve aw
Zua luun phamna doh in tamsak ni e
Namtem zuun in batphu zongkei ni e
Zangva bang pil le’ng batphu hizou e
Hem a hon bia laizom segul dungsuun
Siamsil suut in ni bang el ni e
Ni bang el vualtung va bang i tuan leh
Lawm aw zua luun batphu i zonna hi
Laizom heembiak a simlei tuangnung siah
Na nua chiang zata ham bang vai ung e
Haam bang huai ding bei simthu khau bang nok
Al bang manlam manoh diaidiai ung e
Zua luun nang gil buh-al bang na manna
Paam a va bang paute’ doh-ai hi e
Tu a zomi zata doh-ai a khim
Zolei angkawi a sesum ngaite hi
Ei leh ei doh-ai in kikhim ta le’ng
Kuata chiim bang i chiim ding hiam aw chi’ng e
Ei leh ei sungneek in kinei ta le’ng
Chik chia’n sil bang i paal ding hiam aw chi’ng
Na gial bang gial, na chiim bang chiim
Ngalliam sial bang suah ding dondon ung e
Sunchin-zanchin khua mual dondon zong
Sial bang suaklou e mim bang pianglou
Sial bang a suahmoh leh zua luun aw
Lengvan sianmang sum bang hon bia’n la
Nang mah simlei ah hong tualkum ve aw
Kumsawt vaitham lungtup mualsuah ni e
Lengvan sianmang khang sum bang biakmoh a
Nuai simlei a n’ong tualkum moh ding leh
Von teng tuanglam tang lam bang lak ding in
Thangvan ah si-al in hong taang ve aw
©Siamsinna leh Vakiangbu
Gamlei leh laizom zata haam bang huai
Ngalliam na khan mawng bang a pha ding sa’ng
Lung na tup tang bang pha khuamual suah in
Kumsawt a vaang ning bang na zou ding sa’ng
Zenzen aw e nuaizin lungmawl aw e
Mawng bang phat ma’n vual in sing bang heuh e
Haamlou bang a huai laizom lungmawlte’n
A khan sing bang khaam e gohtam simna’n nei
Nang lah laizom chi’n sutpi bang muang chia
Laizom in lah dougal chi’n heem in bia
Tongtak tongkhem chiau a damtui bang luang
Zua aw gi bang na khenkhial ei mah e
Zua ngalliam gawl bang puuk kha na pham ni’n
Tung sunni zong a phamta ding sa’ng e
Phamta ding sa’ng tuu bang a meeng hiam aw
Zingchi’n lenkawl ah a suaklai hi e
Zaang i sunni zong huantuu bang meeng a
Nichi’n lenkawl sial bang a suah buang leh
Phamsa ngalliam tuu bang hong meeng inla
Zata’ nunnopna di’n hong thou ve aw
Sakduang kha kia in siatlei suakthei a
Pham nua’n sakmin al bang mang thei e
Ngalliam nang kha kia siatlei na suak zong
Na sakmin gua bang hing den ding hi e
Ngalliam zua luun khang gawl bang a puukna
Laizom hembiak tongdam leh namtem luun
Ka sinlai ling bang dou e ngilh la’ng e
Ngilh la’ng e batphu zonna’n lawm sa’ng e
Batphu zong ding khangsawn hong thou ve aw
Zua luun phamna doh in tamsak ni e
Namtem zuun in batphu zongkei ni e
Zangva bang pil le’ng batphu hizou e
Hem a hon bia laizom segul dungsuun
Siamsil suut in ni bang el ni e
Ni bang el vualtung va bang i tuan leh
Lawm aw zua luun batphu i zonna hi
Laizom heembiak a simlei tuangnung siah
Na nua chiang zata ham bang vai ung e
Haam bang huai ding bei simthu khau bang nok
Al bang manlam manoh diaidiai ung e
Zua luun nang gil buh-al bang na manna
Paam a va bang paute’ doh-ai hi e
Tu a zomi zata doh-ai a khim
Zolei angkawi a sesum ngaite hi
Ei leh ei doh-ai in kikhim ta le’ng
Kuata chiim bang i chiim ding hiam aw chi’ng e
Ei leh ei sungneek in kinei ta le’ng
Chik chia’n sil bang i paal ding hiam aw chi’ng
Na gial bang gial, na chiim bang chiim
Ngalliam sial bang suah ding dondon ung e
Sunchin-zanchin khua mual dondon zong
Sial bang suaklou e mim bang pianglou
Sial bang a suahmoh leh zua luun aw
Lengvan sianmang sum bang hon bia’n la
Nang mah simlei ah hong tualkum ve aw
Kumsawt vaitham lungtup mualsuah ni e
Lengvan sianmang khang sum bang biakmoh a
Nuai simlei a n’ong tualkum moh ding leh
Von teng tuanglam tang lam bang lak ding in
Thangvan ah si-al in hong taang ve aw
©Siamsinna leh Vakiangbu
Comments
Post a Comment