NEK LOUH DING VONG GAH KEI KEN

~Byak Goston Gwite

July kha hong hi a,semester exam khin hotel a singpi dawn ding in exam hall kong apat kaki jui khe nai nai uhi.Hotel bel gamla lou ahi a minute 5 leng kipai lou in kitung pah hi,huai a puri kang numei nu kamuh khak hi melhoih tak ahi a,kho ul kai nieuniau kom in puri hon kang a amel ka et Chiang in hoih kasa mah mah mawk a huai apat kalai dip ahon vut pah in asak mel hoih tak chu kamit kha ah vaibang a tham den ta hi.Huai nung mukha nawn lou veng veng a ka omlai in nikhat kalawm pa kia vanlak ding kaneih man in kava pot khesuk ta hi.kalawm pa a inn uah ana omkei a ka phone leh hotel ah ka om hon chi a ken leng tua hotel kalawm pa om na cia ahon gen na mun kazuan ta hi.Saulou kapai nung in tua hotel katung ta hi kagintak hetlouh pi in exam kajoh ni ua ka hotel singpi dawn na mun uh ana hi a.Tua mun ah kou lawmta kihou lai un puri kang nu leng hon pau thuk in hon hou pih ta mai cu pasal chi lou di'n kajum mawk hi.Huai ni apat kimel theih tuah chu kahi peuh mah ta uhi.Hun leh ni,kha te hong liam in August kha bul hong hita a ka college kai na uah ncc kala a huai a U.O( under officer) rank kana hi sam hi.Ncc vai a thu nei mah mah khat kahi a 15 August Independent day a ding a kisak khol in cadets te toh zingkal leh nitak lam teng in marchpass parade practice in kahah pan mah mah mai uhi.Tua hun chiang in refreshment nitak lam teng in kanei ua,exam kajoh ni ua hotel te dor ah singpi leh sang ka la sek uhi.Huai apat in kimai ngal deuh deuh in ka kihou pan pan ta ua amin asap na di thei louh kahih man in kahon dong ta mai hi.@ Amah leng jum sim pi pi in hon dong a amin kim chi'n aw nem tak in hon hilh khe ta a kenleng kei min thang( name cnge) ka hilh a kaki muh khak chiang un kaki hou hou ta uhi.

 

Kineel mah mah ta kahih man un nidang sang in kimai ngal jotham ta in ka om ua kalawm pa kiang a contract no na nei leh ka deih chi'n ka guk nget a,kalawm pa'n neilou kon nget sak di hon ci a ken leng ka ngak lah mah2 mai hi.Hucia hun kahon zat joh nung un kalompa kiah avang kim in nala ta hia chi'n ka kan jel2 a,himah leh kalawm pan la man lou chi'n hong dawng kawm in lungkham Ken kon lak sak lo d hon ci a lungkim suk pah mai jel hi.Kha 3 lambang paita in kalawm pa kiah a om dan kakan a aman leng im het lou in atheih dan2 hon hilh jel hi.ka lawm pan hichin hon genta hi mipau tam leh hou pih nuam mah2 ahi dan khong hon gen a kenleng huai thu te kajak apat in kikim vei na khat kanei mah2 mai hi.A contact no. lah neilou a inn uh lah theilou kahih man in kikim cuh houpih ut in mu nuam leng thil hithei lou khat hon hita hi.Kenleng lungke het lou in hun kahon jang a,huchih lai in ken naupang tagah kepna( orphanage) home khat a kasem a huchi sung in kikim pen in leng India khopi te lak a khat Bengalore lam ana juan ta ahi chi kathei ta hi.Huai apat in jekai lua bang kisa sim in ngaih jawng nei ahi Ida aw chi in kalungsim mint kha khong in kasuang tuah2 mai hi.

Huchia ngaihtuah na tam tak ka sen nung in tulai aneu alian in ithan sak mah2 uh facebook ka hon hoih jen2 leh kikim min kahon mu khe kha zen2 hi,huai tak in ano deih a hun sot tak ka ngak tua ano hilou in amah toh kihou thei na di hun hong om in friend request ka khak leh hon accept pah a huai ni kan2 a kaki pah ni omlouh hilehkilawm khop in kipah na in kadim hi.Ahon accept joh in kenleng kipah thu gen in kahong kihou tou non pan ta uhi.Hucia kihou tou jel in ken le pasal kahih na suah khia in kikim kiang hoih kasak dan kahon gen kagen kheta mai chu lungsim ajang tuan mah2 chih d ahi mai,itt na thu houlung ka hon kumlai in aman leng kei kha tuma lam pek singpi order lai ua pat hon na deih dan hon gen ta hi.Ken leng tua kikim kampau te ka hon jak apat khah suah louh tei2 sawm in panmun kahon khoh ta hi.January kha ahon hi a facebook(fb) tung tawn apat kahon gen thak non leh kikim inleng hon na accept sak ta a.kakipah dan2 cu gen2 leng le kagen khin mok kei ding hi.kikim toh itt na khau gui kahon jop nung uh sot nailo in haksat na te khong uh kaki kum uhi.Ahun paisa te khong uh ka hon suut ua hucih lai in kagintak het louh thu kahon jata mok cu lamdang kasa mah2 mai,huai cu ka nungak nu kikim hi pasal neikha ngei kahi hon ci mok a non itt tak2 kei di leh jaw sau itun ma in kigen fel ni hon chi ta hi.Kei ngaihtuah na khat a cu mihing lampaam sik khial lou ki omlouh chia kinem kawm in itt na kahon piak sa huchi mai a kahon khah suah di ka ut kei chi'n ka dawng ta hi.Kakal ua itt nathu te houlung kum in kipak tak in hun kahon zang uhi.

Facebook kia a ki chat hithei lou ahih man in phone no.kipe tuah in sun leh zan in ka kihou hou ta ua achang ciang bang in duhthu sam in ka houlim tui thei mah2 mai uhi.kou gel kal a itt na khau gui kip hiai2 in hon om ta a,amah om na blore lam athu te leh asep nathu te uh bang houlim jel in hun ka hon jang tou ua,nuam kasa mah2 mai un kua mah dang eng di kanei kei uhi.kou gel in om na mun tuam mah leh kua mah kikhen lou a nihgel itt na paibang pomkip ding in kaki gen tuah un leh nihgel itt na sambang kikhen lou ding in ka kiciam tuah un kagen tampen uh leng ahi.KIkim in leng hon itt lua mah2 in ken leng ka itt petmah ta hi.Hun leh nite hong liam jel in kakingaih nung uh kha 4 lam bang hon pha ta in inn lam hon pai a mel kimutuah a hun zat khawm a ut dan te bang ahon gen jel a,ken leng amah ka ngai mah2 mai a ahon tun kal bang kangak lah thei mah2 mai hi.Inn hon pai di chiang a kidon tuah di dan bang kikum khawm in kipah nabukim kanei ua nuam kasa mah2 mai uhi.achang in fb khong a kihou jel in hun kahon jang ua.Haksa bang hiam thu kanei chiang un ki hilh tuah in huai hun chiang a om ding dan thu te bang kakikum khawm jel2 ua ka itt na uh hon suhat tu ahong hita hi.kou gel kal a melma hon suse ut atam mah2 chih leng kahaih kei hial a tua te katheih chiang bang in kathu hilh jel a aman leng hon mang in lungkham ken kua mah ikal ah hon lut jou lou ding uh ahi ahon cijel hi.

Hucia hun te zang tou2 kawm a ka omlai un fb jiak in kakal ua kisuk nuamlou thei na bang ahong om ta hi.ken bel kalhoih chiang in lawm leh vual te photo,status update te uh khong a like tu in kapang a achang on kava comments sam jel hi.Aman lengtua mah bang in hon hih thou a huai thu te in ki muang mawh het lou in kaki hilh tuah jel2 uhi.Itt na ahong thuk deuh2 chiang in ki muang moh na le alian mah2 chih ding in thil pai dan ahong tuam pan2 ta mai a poikasa thei mah2 mai hi.Huai hun chiang bang in kaki Thu hilh tua ua kua man itt natongchiam sate phel lou ding inka itt na uh ka sukip deuh2 ta ua kipak tak a om in kuamah eng di kanei Kei zou top uhi.Mihing hinkhua a kisuk hek khak ni te hong om thei ahih lam kahon thei chiang mah2 ta hi.Ni leh kha te'n hon ngak het lou in haksat na thu ten ahon tuam pan2 ta hi.

 

Hun in mual hon liam san jung2 ta a ka kal uh hon suse thei ding melma ahong tam hiai2 ta a kikim in fb khong a hon dur mah2 in photo upload chiang bang in pasal ngen hon tag a huai te mah toh hon ki comment jiah2 ua ken ka comment chiang bang in hon dawng nuam non lou in ahong omta mai a nuam hetlou kasak ni ahong tam mah2 ta mai hi.Ken leng thil om dan te kakan jel a ginna tak in hon dawng kei a,kha. tamtak paisa a leh iki ngaih tung a nathu chiam te hon manghilh mah2 ken aw chih khong in ka txt jel hi.Mun tuam a om akihih man in kikop khah ding lau in alawm te kiang bang ah kakan jel2 hi.Hucia lungsim nuam het lou a ka om lai in pasal khat in kikim married a hun tom chik ahon koih ka mu kha jual a ahon lakhe pah ta hi.Ken leng kikim phone jel msg khak jel huai te lah hon dong ngeilo phone lah pickup nuam lou leh massage hon reply nuam kei a kal khat bang ka et khiak nung in kaki dek zou non takei a tua pasal pa kahon kan ta chu kaki ngai uh chin ahon gen nitak cu kapaw siam thei mah2 kei a ngaihtuah na in saupi a ban ta mah2 hi,bang jiak ahon huchih a hi dia aw chin ka ngaih tuah2 mai a imut theih louh loh in ka om a,kikim in ahinkhua ahon gen apat kahehpih luat jaik a itt na kapiak huci mai a abei di ngai ngamlou kahih man in amah kikim kahon kan chian a thil om dan teng leh huai pasal pa hon gen teng ka ban gen suk mot2 ta mai a,kikim inleng kakan tung in hon im sawm mah leh hon im thei ta kei a ka hih khial hon ngaidam in chi ngaihdam hon ngen a keichih mah tak hehpih na hau kahih dia Ka ngaidam a nidang bang in hon itt hon ngai Tak2 na hih leh om ni kikop te hon ching het ken ka chi khum a huai nung chu ahon mai vil mah2 in hon om ta hi.Kenbel hon kop bang hi thei hia chin ka lauthong gige ta mai hi.

 

Itt na in jo lungsim seh thum suah seh nih tan la tei2 ahi upa ten chia ana gen uh dik kasa mah2 mai hi.Kei a ding in kikim tuk a ka itt leh ka ngaih ding omlou ahih man in ka laidip ahon suna mah2 mai hi.ka kal uh hoih lam nawt non pan2 kachih lai in kikim om dan ahong tuam mah2 get non ta a ken leng katheih na2 a kan in hun kajang ta hi.Ajiak chu kikim pen hinkhua bolhoih ka ud luat jiak leh numei omkho lou te bang a lungsim aneih di kalauh luat man ahi a thuhilh naleng tam khop kagen in kahilh jel hi.Tulai numei te hih iva ngaih luat a pi bawl luat leh hon thusim lou,hon ning uh chia agen uh tung kahi ta ding un ka upmoh pah hi.Kakal uh meima om ahong suak ta a nikhat kakisel pih a nang kia adia pang kahi hon flart khum ken la hoih tak2 in hon houpih in chin kagen jel2 ta a,kikim in bel hon ning ahih lam kahaih het kei a hon dawng dan apat in kangaihtuah khe pah mai hi.Huci pi2 in hun kajat kawm2 lai un kalawm numei te khat apan in fb a numei group te khong a dur thei lua uh.hoih tak in houpih inla huci dan hih nawn lou ding in gen din hon sawl ta a kenleng kangaih dan hilou ahih man in kagen pah a ahon hehsan mah2 mai hi.Huci pi2 in hon ngailua ken lah taisan ud lou in gim om tak in ka ngak kinken a nidang a kakipah lai uh hun te ka ngaihtuah kik sek a khasiat lam2 bang ahong suak thei dek mawk hi.Kikim tuk a kavei khak ding numei dang tuak kha lou kahih man in achang chiang in vatah kisak hun bang atam mah2 mai hi.Khovel anuam kia a hithei lou ahih man in kaki nem thei jel hi.A chang chiang bang in kon itt ngaihluat man a thil kon gen ahi hon ngaidah ken aw kachi jel hi.lawm te khen khat ngial in houh numei atam voi amah kia om lah hilou a koih khia inla adang jong jaw ve chi'n hon nak gen thei mah2 sek uhi.Ken bel mi kangaih sa huci mai a ka itt na beisak Theilou kahi chin ka dong thuk jel hi.Kei kan kan a itt tu ding muh non louh di jaw eimah ve hon chih san jel uhi.

Itt tak leh hawm thoh tak kawm leh duat tak a Ka et lai a kaki lamet phak lou lam tak a thil hong pai chu apuak agik mah2 mai hi.khen mawk leng lah ahoih lou lam a om khak ding Ka deih sak kei a amah lungsim joh sawm tei2 in pan kalak hang in aman Ka thuhilh na hon ngaikhe nuam lou in gen khat dot khat nei leng nawn muang mawh mah ve peuh hon chih khum in hon hou pih ut kei bilbel a hucia hun bang tan hiam ka om nung un hon text Jen2 a nawn muang mawh2 di leh ka utlouh teng hon gen sak ding nahi khong hon chih khum ta hi.Hucih chiang in nawn ngaihtuak kei tel ken nang ngaihtuah na a hunzang bei jel kei ve chi'n ka houpih jel hi.Aman lah mithu gen a ta ding hilou in amah2 dik kisa vek aiman in Ken leng achang chiang in ahi hi himai heh peuh kalungsim bang in kachi sek jel hi.Himah leh amah ka itt luat man a ken ka pi bawl joh luat jiak a hiai tan tung kahi diam peuh ka chi suk kha sek hi.Kaki ngaih tung lai khong ua kua mah ngailou a nun nuam kasak lai nite uh bang ka ngaih tuah sek a lungsim a kangaih tuah na ahon sukha mah2 mai hi.Nikhat lam et lou pi in massage hon lut a ka et leh kei hon khak louh di pen hon khak kha ahi dia.kalungsim hon su na mah2 mai hi.Ken leng kikim ka dong pah a aman kakilam et phak ngeilouh lam tak in hon dawng ta mai chu khovel bei himai leh kei a din nuam jo di hia maw kachi thei lel a gen ding ahon vang mah2 mai hi.

Hucia kingaih tuah dedu a ka omlai in massage hon lut non a kon engbawl na ahi peuh hon cih khum mai2 hi.kenbel kiengbol ding dan jaw ahun phet om hia maw kachih thoh lel hi.kikim in leng care jou hon sa mah2 chu hi peuh mah hidi hi ven,hon nuak san2 hang in ka itt na gui uh atan mawk ding ngai ngam sam lou in ngaihdam hon ngen hi.Ngaihdam hon nget hang in alungsim khat om ve ve aiman in kituak tak a om haaksa ve2 h.Om na tuam tuak ban ah mi dang kingai te kabang non kei ua kimuang mawh di dan2 a kibol ek jel in aman jaw avei lua tel kei na a ken bel vei lua pet mah kai man in,atan chin kan theih na na a kan jel in hun ka hon jang a atop tawp in kikim in ki dek jou nawn lou in kei hon itt na ahon bei sak ta mai cu kapaw na mah2 mai a lah hih thei ka nei nawn ta kei hi.ken bel itt luay t ngaihluat man a hon kop ding kalauh luat. jiak mah a ka kan leh katung a hiai teng a hon tungta mai hi.Tua hun in zanchiang in sungkuan te nak ging dip2 mah le uh kei a ding in luankhi kanul na hi maita hi.lungsim atham den vang ngaih lia nu ahong hita mai hi.

 

***Awle tua tangthu kon gelh pen mi sukjah lak tupna hilou in ka ngaihluat jiak leh itt luat jiak a kon gelh ahi jaw hi.Tu hun a gf/bf neikha te'n leng lession lak theih ding om di'n um inga tua ahih man in na itt na a kuitung joh kei vet ding leh milungsim su natu hilou ding in kisin thei leng a ud huai mah2 mai hi. atitle in agen pen leng huai mah ahih man in kuapeuh pilvang chiat din kon hasuan hi.

©Siamsinna leh Vakiangbu