KIKHOPNA AH SILH LEH TEEN
By Sangpu tangpua@za
Tangthu
ah,Papi khat Sungkuan tanau lainalawm leh gual neilou, lungkham tak in
om a,maban bing leh Lametna bang mah om non louphial khop a kingaihtuah
dedu a lampi ahongpai lai in,bang hiam thil lamdang khat mu hilehki lawm
tak in a mel ah kipahna mel honglangsot mai hi,Lampi gei a biakna
kikhopna ah,la kilawm takmai kisa a hon zaak chiang in a utna in hon kai
in, a lak uh va naih in va tel ta hi.A sung a honglut chiang in Numei
leh Pasalaneu alian mel kilawm tak leh van hoih pipisiang sit set, etmai
a akizepna uh manpha a hichih theihtheih hon mu a.Huchiin a lungsim
ahapuakgikteng bang hong zaang hiai hiai khop inthei a,a lasak te uh leh
thugente khawng nuamva sa in tuitak in va om hi.A Hong tawp chiang
un,mipi te hon ban et achibai kibuk leh a nawl a houlim tiptip bangahih
keh tut kawm a thu leh la kipaktak akikum khieukheu bang hon muh chiang
in thathohna pia in maban a vatel zel ut ahih danangaihtuah lai tak in
,Papi bang zah hiam in akiang va naih uh a ,Kua na hia ? chih kon
theikei uh. Hiai a biakna a nong kihel bel konkipahpih ua Himahleh na
puan silhte na hon kheklouh in zaw huchi in hongtel non dah
maiin;pathian biakna di’n hoihlou lua ahi, Enin ,nagei ate’n van
hoihpipi a ki zeem in gari hoihtaktak in a hong kuan uh a. Hiai In,
biakna danleh Lungsim navaak in a kilawm sak ahi ”va chiuh a.Amanle Ka
neih sunsun kon silh zaw hi abangteng hileh I Toupa Jesu Christ Kia
panpihna ngen in ka hong thuumdia, huchiin amahdeihdan leh lamhilh dan
in kalnawn in kong painon diing ana chi hi.Pathianni ahong tung non in a
silh ngei tengmah silh in va pai non hi. “Bang chi dan ahiahuchi mah in
nong pai non a?Huchi bang in konlutsak kei di uh chi’n papi a maituah
ngei tengmah in ana lam daal ua.
Aman le Pathiandeihdan
zong a ka thuum thuum lai in ‘I ToupaJesu khrist in hichiin a hon dawng
“Huai biakinna ken mun ka nei kei,Silh leh ten leh amau lehamau ki
pahtawi uh a,nuamsa tak a hun zangahi uh,chikmah in kava ki khawm ngei
kei”a honchi ana chi hi. Hiai tangthu tungtawn in tu huna I kristian
dinmun ki vel chian thak leng ka uthi.Puansilh,niik,silh leh teen
leitung a I hinsung aa poimoh penpen lak a khat hi a.Kichei dan lehkizep
dan in mihing etlawm sak leh pichingsuaksak a.Himahleh a kaan aval a
kicheina lehmi’n etlawm a sak di uh utluat na in mimal,sumlehpai leh
khosakna a dia noksak tu leh buainabehlap tu in pang thei hi. A biiktak
in tulaiSaptuam lak bang khotang ahih keh a koi koiah I dinmun uh leh I
issue uh hitaaang pia,khovel ki khek dan dungzui a changkan nakhat
hithou mahleh a uanglua leh a hong valluat chiang in buaihuaipi hongsuak
hi. “Tulaikikhop di le zumhuai leh zaktat huai ,mivan leheivan kikhai
lua,mi’n Puanak puansilh kalteng akhek zihzeh mai uh”.chih zaak mun hi
mahmahta a.A nei in anei lou hitaleh ki el I bat hun uhtam mahmah ta
hi.Khangkhat vel paita inkikhop tawp hun ah”Tuni thugen a nuam
lotel,kikhopna nuamlua maw”chih houlim na hia,Tuhun inbel “Hiai nu
Puanak naak nalh!naPuanten bang zah man a?chih khawng hi gigeta
hi.Tuailai bang ah leng lapawl ah form chikhat kia hilou in atuamtuam
bang, sum tampi piseeng zen in kilei oih oih a,Mimal a kilei hunbang a
hong om naak zawk mah chiang ininkuan khosakna ana haksa zaw deuh te
adi’naguuk a puakgiklua ana tun thei hi.Ahangbel leikei leeng pathian
thu oilouh na khop a ki koihphial ta mawk a hih chiang a! Ki chei di dan
IBible in “Na kilawmna uh pawlam kizepnasamphekte leh kham manpha
mahmah,leh,puanhoihte apan hi kei hen.
Pathian mitmuha
ahmanpha mahmah,na mihinna sunggil uhkilawmna tul theilou,lungnemna apan
kilawmnahi zaw hen”1peter 3:3,4 chi’n chiangtak in anagen a.I kikhawp
chiang in mite a di’n kikhopngam louh hial khop a ki chei hizaw lou in,
IKikhopna chia I lungtang leh Bible keng kawmin kikhawm leng pathian
deih dan zui leh kikhopna manpha pen hizaw diing hi.
©Siamsinna leh Vakiangbu
Comments
Post a Comment