ZODAWN PAN LAIKHAK

~Lun Khuptong

Siamsinna Leh Vakiangbu
Pu/Pi, Admin[s] SLV

Thulu: Zodawn a ka thuakna uh khenkhat hon theihpih sam dia ngetna.

A zattak huai SLV Admins leh indongtate amasapen in hiai laidal tungtawn in Zodawn apan in noute zatna chibai ka hon bawl hi.

Awle, gennop ka hauh mahmah hang in thilnih kia tuni'n ka hon kum nuam hi. Noute Delhi, Bangalore, Mumbai, leh mun dangdang apan in siamsinna inn hoih pipi ah siamna hon sin ua, na hon sin zoh chiang un. Khen khatte Manipur ah hong kik in Medical leh Teaching line a sem ding in exam na hong pia uhhi.
Na exam na uh nahong loh chiang ua. Kipah huai mahmah mai hi. Hiai lohchinnate hih kou Zodawn a omte ding in vualzawnna nak hon tun theih leh ka nuam mahmah mai uhhi. Himahleh, vualzawlna nak sang in kou dia sawlkal in hamphatna ahon guan laksaktute na hong hizomah sek uhhi.

A ziak bel tunung zek chiang a hong khangkhe ding Zodawn naupangte ka etchiang in a building ding vialvual a skulpu ding omlou a tam mahmah mai hi. Nuapangten laisin nuam napi in sinsaktu ding omlou hi. Amaute leng noute bang in state tuamtuam leh gamtuamte ah kai utsam uh hi himahleh neih-le-lam in chinlou ahih man in kuan zoulou uhhi. Hiaite tunung chiang a Zodawn a i mi i sate tuantual tak a tun theihtu ahi uh chih ka muh chiang in puaknatna in ka mit a khitui a kailou thei kei hi. Tua ziak mah a hiai lai hon gleh leng ka hi ahi. 

Tua bang deuh mah in a, sawlkalpan ah Zodawn ah leng medical center ding hon bawlsak in tua ah Componder leh center tuamtuam ading Community Nurses a koih uhhi. Himahleh, tuate muh ding om taget lou uhhi. Siangtangpa gam ava kuan a gul in ahon tu a. Tua a gu lakkhiak na ding muh nang baih liailou hi. Insung nupi'n ta ahon nei dek a. Tua naudawmtu ding muh zoh hilou sek in. Insungnup'n hamtak in thuak in neikhe sek hi. Tua kia thamlou in panpihna masa/Fist Aid omlou ziak in damlou tampi tak gimphut a aom khak chiang in Lamka leh asehvel a puaklouh theihlou hi himahleh a gamlat man in lamkal a hinna hon beisan tampi tak muh ding om hi.

Hiai a tung ategel thu hi thu poimoh mahmah leh ei-le-el kal a hinapi in.
Huchi bang ka dinmun uh ahi chih a thak thak in ka hon taklang hi ahi.

Lungdam 
Siangtangpa Laikung pan.

©Siamsinna leh Vakiangbu

Comments

Post a Comment

Popular posts from this blog

PATHAWI HIMAHLENG!!

~Kattie Mawite Ka ngaihnou ka ngaisang top. Ka dinmun uh kikheng hileh ama lungsim bang ka put zoh ka gingta kei. Iitna tak toh hon iit hi in kathei a, kenleng ka it petmah. Keilam apan ngiat a hon neikei a, apasal ka hihtheihna din CONDITION bangmah hon bawlsak kei. Tulai in hihna kibang(homosexual) kingai tampi om mahleh, kei ngaihnou bel NUMEI ahi. A hon itna thupi kasa. Ka phulouh iitna tang hi in ka kithei a, ka kipak petmah. Himahleh alangkhat ah ka kisuanglah zel. Ka kingaihsiat theihna di leh ka lungsim hon kam gegu di kampau chikmah in hon zatkhum ngeikei a, milak ah leng a hon zahpih kei. Kei ziaka nuam asaklouhni leng atam din ka gingta. Himahleh kei kianga a om chiangin maitai tak in hon houpih a, huai in a ngaihhuaina nakpi in a behlap hi. Ka ngaihnoute bel innkuan nuamsa ahi uh. Apa Evangelist teacher pension ahi a, a upa'n leng apa sulnung zui in Evangelist teacher mah a sem hi. Amah tuh college kailai ahi a, anau pasal nihte bel high school kailai ahi
Read more

PALLAI NITE

~Lian Khuptong Alamdang Pathian Itna' 'khovel nopsakna leh gentheihna tepanin Tuun sungkhatpan mimbang ka hong khangkhia hi. Deihthoh takmai leh iitakmai'n keple huihmut dingnah tomphallou in ka omhi. Kep leh etkolna nuaia kasenchiil panin kapiching dong in, duattak leh deihthoh takin kep kana hi. Sianhuaina toh hucihin ka hongkhang lianzela khovel tak palding in kongkisa ta hi. Mite kitaiteh nalak ah ka taisam hi. Hinkhua gintaksa anaa nuamchiam kei alai hawlpawl in lakloh takin ka omhi. Pallai amm'n nuamleen tuh ka hinkhua aka nopsak ahih hi. Maban etna'n kalsuan touzelin ahak-anuam phutkhak dandan in kahong phuh hi. Huaihang in hinkhua zatdan ka etchiang in lungkhamna leh mangbatna ten nisim'n hongtuam tawntung hi. Ahakdan pengen siamvual ahih keihial hi.  Huchitazong in taikhua tuh hongvak zelsam a lametna thak honguan zel hi. Naa khatpeuh zoh kuhkalna leh thuakhaatna lou toh pangtakpi mah ngai hi. Khovel zoh omvengvung kitaiteh nalah
Read more

NATNA LAUHUAI COVID APAN PIANTHAKNA

 By  ~ Paumuanlal Guite BaBs Chikmah a zak ngeilouh, lungsim tawng a leng gelphak ngeilouh COVID 19 in khovel pumpi hong sawiliing ta hi. It leh ngaihte toh tui leh nga bang bualkhawmna, a sakminthang Lamka khopi leng natna in hong hawi tuankei. Niteng in a vei a pung hulhul chih kuapeuh in thei, himahleh gamsung vaihawm solkalte’n hiai natna apan i suahtak theihna ding ua hon thupiak uh Policete mat utlouhna ziak lel in i zui hamham chiat uhi. Huai bangle Policete galmuh chiang khawng a zui hamhamte i hilai uhi. A tamzawte bang in a omna mun uh i pel chetchet zomah uh, lamka chihmah a ka tuamtuam tam i theitel ua. Siamsinna innte, nasepna buuk tuamtuamte kikhak zungzung a, i biakna munte tan leng kikhak hial in inn a kuapeuh kikhum chiat ding i chih lai un kholai a hih ding poimoh nei a pungdiak a bang maimah hi. I natna minthang ziak ua mual honna liamsan niteng in zak ahigige mai. It tak in a luangbul ah kap zoizoi ut mahlehang mangmat phak ahinawnkei, silhpuan piandang toh kithua
Read more